影片
招牌菜
今日朝早放假，同朋友两个人去咗置乐𠮶间天悦度饮茶吹下水，朋友话佢既食物都唔错，就咁就去试下佢啦！先讲食物方面，最惊喜嘅系朋友介绍试吓食嘅燕麦粗粮糕，呢款糕都几特别，唔系度度有得食佢系甜点黎既，口感都几特别，咬落咽咽韧韧咁，都几值得一试。我地另外叫既都系D大路嘢，就系叉烧包、腐乳通菜、牛肉球同滑鸡饭，腐乳通菜够晒多腐乳，叉烧包质素都唔错够松软馅料又多。我哋总共叫咗五样食物，埋单价钱系$136.5，价钱都算正常。需要另外一提嘅，就系通道方面嘅问题，由于我哋坐近门口，察觉到通往酒楼门口既路就需要经过三级楼梯，对于行动唔方便嘅人来讲都几麻烦，例如坐轮椅嘅人士、老人家同埋推住BB车既人黎讲都几唔方便，希望酒楼可以想办法去改善一下。
继续阅读
酒楼好旧，环境一般，但供应的食品颇好，不会太油，招呼也不错，最可适内里没有洗手间，要到外间公厕，我最接受不了。不过，这里的晚市很旺，主要来吃火锅，因为是任食的，价钱已反应这里环境及食物质素。
继续阅读
今日长老未到我放工已经问我想食咩，又忙又唔想谂既情况下，就食任食边边啦！星期一至五 成人全包$118 任食长者卡$108 ，红日加$10位，小朋友就$68旧时屯门唔系咁多任食打边炉 ，天悦系长龙店 ，等好耐都冇位 ，但现在屯门区实在太多选择 ，佢系可以唔订位直入。对上一次几个月前既经验，系八点左右就咩都冇 虾 蚝 甚至菜都可以话冇晒 ，但今次ok 基本免费唔使加钱既都仲有得叫。鸡片 可能佢日间时段系茶楼 佢既鲜鸡片同平日点心棉花鸡的鸡片系差唔多的。金钱肚都好食。佢既肥牛就可以唔叫。滚几秒都可以系全全全熟。次次黎依间 一定食系云吞。都算大粒弹牙。另外一定叫系响玲 同长老至爱虾其他可以叫都系菜。鱼、蚝、田鸡、丸类真系睇你好唔好彩。但价钱就真系平，所以都系值得再黎的。
继续阅读
火锅料极唔新鲜，菜又霉又烂，见到都唔开胃。第一次肚饿住去一间食店但系可以唔想食嘢因为太难食！然后服务态度奇差！我哋成大班人去固然兴高采烈但个阿姐极差态度咁叫我哋收声话嘈住佢同佢部长讲野！请问你系喺图书馆工作？钟意食这间野的人睇怕来自第三世界！
继续阅读
家人生日，放工攰个个都唔愿行，最好选择系天悦。被乳鸽呃了，一咬肉质便知龙与凤，雪鸽两只～差了点。刚好跟孖宝餐的炸鸡比下去，慢慢食到最后一件皮还脆，鸡肉滑嫩，孖住芋香蒸鳝，抵食，鳝跟芋头比例差远，豉汁蒸好惹味，鳝算鲜，芋头有点大旧，致内里比较实，如够粉、淋同入味就更好了。蜜味柚子骨份量十足，骨泡过油后再用柚子酱兜兜，入味又多酱汁，好好配饭。椒丝腐乳通菜同金银蛋苋菜，前者惹味又香、后者有汤湿湿地适合炎夏，任君选择。尾声还有桂花糕赠送，内有杞子同雪耳，凉透心又唔会好甜兼有口感，送的一点也不马虎
继续阅读