天悅海鮮酒家 (已結業)

任飲任食打邊爐(啤酒另計)星期一至五 5:30pm-8:30pm 全包價每位$88 8:30pm-1:00am 全包價每位$78 星期六,日及假期5:30pm-8:30pm 全包價每位$96 8:30pm-1:00am 全包價每位$81 8pm去到, 等到9:45pm至入得去好在食物好快到花雕藥材湯窩好夠味, 材料足, 唔知係咪太補, 我食食下二塊臉都紅晒 生料都好多選擇 : 生串蝦, 肥牛, 滑牛, 爆醬三寶, 手打三寶, 芥蘭, 山根, 窩荀, 栗子, 粟米, 香茅雞中亦, 金菇, 清湯牛腩, 金錢肚, 大雞腳, 白鱔片材料都好新鮮, 好好味~ 仲有牛骨髓, 墨魚滑, 秀珍菇, 魚腐, 芝士腸, 花枝片...... 好多都想食, 不過已經好飽, 都要放棄唔叫 失望之最 最想食的食物冇晒, 冇本地生蠔, 冇健康菜肉餃, 冇鮮蝦雲吞汽水係罐裝可口可樂, 百事, 七喜, 仲有菊花蜜及凍檸檳結賬前同小二叫左件椰汁糕, 好香椰汁味, 又滑又好味!

星期五 .六. 日 .假期 .任飲任食 .全包價每位$ 81 .(啤酒另計)事實上去了無數次 , 現在一口氣補回食評吧 ! 最愛就是這裡的{鮮蝦菜肉餃}自家製的 !蝦好彈牙 ,肉也很新鮮 , 有爽口的菜粒 ! 正 ! 比較突出的食物 :竹笙 , 竹籤海生蝦 , 肥牛 , 菜肉餃 , 雲吞 , 生蠓 飲品方面 .任飲的 : 汽水 ,利賓立 ,菊花密 ~不得不提 , 梛汁糕也是任食的 !!很香梛汁味但十分滑 . 可以一口啜下去 !

星期6晚一行8人7:00己到門口, 諗住咁早冇乜人等, 點知都係要等左差唔多半個鐘先有得入, 入到去叫左個蕃茄豬骨湯, 都黎得好快, 但個湯冇乜特別, 野食都可以, 最好係有得叫生蝦, 雖然係任食, 但d蝦都死唔曬, 有d仲會彈下, 另外佢有得叫沙律, 但唔係罐頭沙律, 而係一d什果沙律, 算唔錯, 同埋佢d蔥,辣椒果d都唔會加錢, 唔錯, 飲品除左汽水任飲外, 利賓納都有得任飲, 沖得arm arm 好, 唔會太甜 . 叫左6枝藍妹, 都係每人90蚊到, 抵. 多人去食會平D, 因為佢人頭費6送1.

今日跟女友第一次去食, 唔...個人覺得佢好食過好多外面既任叫任食火鍋要來得貨真價實! 食品算是有一定既質素, 而且也算上菜上得快, 果d任飲既飲品, 都係合格既, 以每人不用一百元來說, 算係好合理!! 服務也算得上不錯... 會再去幫襯既. 不過如果係晏佐去既話, 睇怕就一定要等位喇!!

早兩日去試過任食邊爐，有以下評語。事緣我地2個人，又見呢間的評價都幾好，咪打個電話去問啦，咁我明明見到佢leaflet寫住歡迎預訂，點知打去，reception話「無得book位喎老友，黎到要等囉」。咁我問清楚個地址，佢話最近都要落左輕鐵行20分鐘…咁其實佢都係照直講，但d態度俾人感覺好似有d恐嚇，好似唔想你去咁。之後去到附近，問左幾個惠康職員、報販，都無人知置樂商場響邊，咁我又再打去問，呀reception姐姐淨係話「唔係呀嘛？咪係置樂囉」我夠知啦，我咪響置樂囉。再問佢有無街名之類，佢又再重覆佢果句「唔係呀嘛？點會唔知呀」哎，唔通我特登打去同佢傾計咩？之後佢先話響街巿對面，咁一早講咪好囉。去到剛剛8:30，已經要等成20張枱，反正都去到，咪等下囉。但發現入面的枱全部set死晒圓枱，即係唔似其他茶樓用方枱，可以因應人數而變大變細。同埋似乎無論幾多人都係用一個爐，好似唔夠變通咁。終於等左個幾鐘，入到去，就明白點解咁好生意。首先選擇真係好多，湯底都有6、7款揀，野飲就有汽水、利賓納同菊花蜜，幾特別囉，我地叫左利賓納，淡淡地，唔會太甜。不過叫完一jar，第二jar佢話製作中，要等…但都唔駛好

屯門打邊爐, 一定係天悅價錢平, 假日都係$8x, 咩都包晒, 任飲任食, 唔好以為價錢平D野食就行貨, 佢D野食唔可以講話上等貨, 不過都絕對見得人, 連蝦都任食, 仲有要推介佢既鮮蝦雲吞, 好新鮮, 一流, 次次都食幾碟, 仲有平時係出面打邊爐要另外俾$$既野全部都包埋, e.g. 辣椒, 蒜蓉, 蛋之類, 汽水有百事有可口可樂, 真係食過一定會覺得抵食~!大大話話都幫襯左幾年, 咁內都好似加左一次價, 仲係加幾蚊only, 咁抵食, 俾多幾蚊都抵啦~!

在我吃過的任飲任食的hot pot店中,這兒是最抵,最好味,最童叟無欺的.食物質素不算是很高很高,但只小用料尚算新鮮,有什麼蔥花,炸蒜蓉等任點不用付加費,沙律,椰汁糕任點,罐裝汽水和菊花蜜等飲料任點,也不會收什麼醬油費等屈機的費用.現在因為通賬了,雖然加了價,但還是我們的first choice!最貴的時段是98元最便宜的時段是78元不過要記得早點去等位!!

打邊lo 黎講野食都算唔錯了. 再者這酒樓的大枝藍妹賣得好平, 不過$13枝, 唔記得正確價錢, 真係百佳, 惠康特價都冇佢咁平啊, 對我同班朋友黎講, 去天悅食飯 or 打邊lo 最吸引的賣點都係平價大枝藍妹. yeah . 通常打邊lo 叫埋啤酒都係90蚊到, 好抵食,

我同D firends 打邊爐, 去過好多間任食既,都係覺得呢間係目前最正既,首選係番茄豬骨湯底,係超正...!飲品方面首選bottle 裝coke or cream!d服務都GOOD,食飽會有糖水送!! 另外會再送水果拼tim

好鐘意同屋企人o黎呢度打邊爐，因為呢度長者半價咋，一家六口但就收五位價錢，埋單都係$480；如果六個(大人價錢)仲可以送一位，即係七個人比六個人錢。任飲任食o黎講呢間野算多款式，而且任食二個半鐘有足夠時間，最好係椒絲、生及炸蒜都係免費嘛，出面好多都要比錢架。墨魚滑好好味；肥牛就真係肥到入唔到口啦；生蝦都幾好味，D肉唔會霉。整體上咁o既價錢o黎講算係唔錯唔講食囉。

好過附迎一間叫群星打邊爐, 講真價錢差唔多, 天悅態度好好多, 起碼叫野飲果陣唔會叫你自己去拎=.= 同埋天悅有蟹柳雞旦群星要3蚊定5蚊一隻旦, 雖然天悅肥牛真係幾肥下比較上黎不論服務質素同態度都真係唔錯,如大家有邊間打邊爐好提議, 希望大家交流一下:letsgo8899@yahoo.com.hk

琴晚即興咁想去屯門打邊爐!睇左大家既comments之後,,決定黎呢1間啦!我地7點左右去到,,冇哂2人台,,要等1陣!入到去坐低,,揀左蕃茄薯仔豬骨湯底汽水同菊花蜜任飲,,生蒜,炸蒜,蔥,雞蛋呢d都係免費供應!不過d生蒜可能雪得太耐,,冇乜蒜味!野食方面都幾多野揀..肥牛真係好肥! 豬頸肉就好好味!芝心丸就1般,好似食pizzahut既芝心批咁!其他野食就係1般大家諗到既野..食物同酒樓入面都幾衛生!每人$75咋!! 呢個價錢真係幾抵食!! =]P.S. 廁所真係幾污漕>_<

今日（１３／４）我同班friend o係屯門打完golf因為之前睇到呢度食評讚好,特登轉兩次車去天悅食我地係九龍人,唔識路,搵左好耐先去到本身好有期望...最後搞到一肚氣平就平,但只包鼓油,其他醬要加$...咁都算la~但之後叫汽水,其中一罐我飲左幾啖發現d味好怪一睇...原來係>>>2005年12月4日<<<到期~!!!!即係過左期超過~四個月~!!!!!同個侍應講,佢淨係問我要唔要另一罐....sorry都無句~即刻拎走罐野,驚死我地有罪證告佢之後有另一個走黎問我地:"汽水有過期咩?"我地話:"到期日係2005年12月wor"條友居然問:"2005年過左期咩?"大佬~!06都過左4個月la~~~有無搞錯~!?!?我地係學生,無當面鬧佢地.但唔代表佢地可以道歉都無句!最尾可能佢feel到我地好唔据,死死氣好細聲講左聲唔好意思但一．ｄ．誠．意都無本身佢地ｄ服務都算ｏｋ，但做錯野之後ｇｅ態度就好有問題埋單都無任何計平仲有～佢地ｄ丸（ｅｓｐ墨魚丸）係變壞左ｇａ～又酸又”粟”．．．食左一啖即吐咁都夠膽俾客食ｇｅ！？事後，我地５個入面有４個都肚痛

雖然天氣回暖，夜晚都有廿五，六度，但這裏的火鍋真的平宜，所以熱都要食呀！每位四十八元加十蚊茶介，除了生蠔和三文魚等要另計外，其他的火鍋料都是任叫任食，而且用料新鮮，連糖水都有四款揀呀，不過要快手，因為供應有限嘛！下次入屯門都要再食呀！

今次係第二次去打邊爐，推介個蕃茄豬骨湯底，好食又足料，火煱配料都算新鮮，連海蝦都可以任食，生蠔雖然要另叫，但係就非常大隻同新鮮，四隻都係２８蚊，勁抵，好過去啲有生蠔任食既，都唔新鮮又細隻，百事可樂又任飲，必定會再去。