天幕 (已結業)

約了齋妹在沙田圖書館集合, 同以往一樣, 我先吃個飯, 她搞完佢既事才來會合我. 反正去到圖書館, 記得這大會堂天台有間幾特別下既西餐廳. 是A天有少少下雨, 而且這裡是serve half buffet的, 幸好價錢不是太貴, 就決定來這裡享受一下吧....沙田市中心, 這裡是難得的悠閒好去處.行上天台, 下著雨, 而且外面又正在佈置, 準備晚上的婚宴酒會. 半自助餐就在室內進行. 而我先點下主菜, 紅酒燴牛尾. 再去沙律吧, 攞自助既食品.自助的, 就是沙律, 湯 同 甜品水果. 沙律, 沒什麼特別, 一些菜呀, 瓜呀, 自己夾, 自己撈, 最好的, 就是粟米夠甜. 湯, 忌廉湯, 加了魚翅, 不過檯上沒有胡椒粉, 就這樣飲吧. Cream, 味一般, 另因為已經是是日Buffet既尾聲, 湯明顯地唔夠熱. 連埋加一先$95, 質素當然不要同幾百元的自助餐比. 碗湯味道, 查實是不錯的, 只是唔夠熱而已.主菜, 紅酒燴牛尾, 我要求配上薯菜. 薯蓉, 是加了牛油的, 薯蓉配上牛油, 份外的香口, 感覺又軟綿綿. 而且夠哂細滑. 味道得. 而牛尾, 紅酒汁味道濃, 牛尾夠腍, 甜甜地

一人的等待，來了天幕飲番杯﹗星期三的夜晚，人影都唔多隻，就咁睇應該待應多過食客，沙田新城市可以發現呢0的食市，實屬異數﹗睇一睇餐牌，原來呢度既歡樂時光只係得支裝beer同埋cocktail，有0的失望，講真出街飲酒又點會飲支裝呢？飲不如去7-11坐門口。生啤明明有幾款卻無特價，差勁啊﹗一向都不待薄自己，想飲就照叫，最平的是生力生啤，50蚊杯﹗環境可以對住城門河確係好，吹吹涼風打下機，時間好快便過﹗難得沙田一間有好風景的酒吧，如果個happy hr可以改變下，變0的生啤特價，我相信客路不至於此，至少多左我呢我酒鬼先啦﹗

從來不知道在新城市廣場一帶，會有一處環境相對上比較寧靜的西餐廳。邊遠眺着城門河邊跟快將告別寡佬生涯的舊友共聚午餐，一樂也.....午餐以semi-buffet形式供應。湯及頭盤任吃，跟着再選一main course，接着dessert又是任意選擇。這已是近年流行的奉餐模式，已是習以為常的了。當然，在這裡只需付出六至七十個大洋，要求的quality固之然不可與貴價名店的antipasto buffet相提並論，只求吃得飽肚子而食物水準不要差得太離譜已是相當的不錯。當然最重要的，就是能與老友在如此優靜的環境下互道近況，在談笑之間，也就不太計較吃些甚麼了.....喝了一小杯粟米湯，很稀很淡，算做有點流質東西滋潤一下喉嚨而已；所謂的頭盤選擇大部份只是一些菜及薯仔沙律、燒茄子一類的簡單菜式，味道不會有太大的期望。不過稍嫌的是菜蔬不大夠新鮮，有些還好像有些發黑似的。燒茄子可能是放得太久沒人光顧，入口時已是全涼的了......主菜要了seafood linguine。蕃茄醬汁是調得稀如水的，全然不夠蕃茄濃香，是很人工化的味道；所有的海鮮如蝦隻、蜆等都是沒有味道的，有如嚼蠟，某些東西還仍感到淡淡的雪味

廿九月天，夜收工都唔知搵咩食好﹗最後上網找到呢間天幕﹗地點在沙田大會堂天台，在沙田打滾左咁耐都完全唔知有呢間野﹗工友直頭住左幾十年都唔知﹗10:30pm先來到，都唔係為左食野，來飲番杯慶祝月天吧，呢度既set dinner原來去到9:30pm就完，之後就有小食供應﹗找了個露天河邊位就座，可近望城門河景色，相當怡人，晚上的城門河在背後的公屋燈光映照下，特別有味道﹗先來一杯白酒再加多杯我都未飲過既red eyes，白酒易入口微酸﹔red eyes就好明顯係我未飲過玩野而叫，原來是生啤溝鮮茄汁........嘩﹗乜有人鍾意飲架咩？自己叫自己受，鬼叫份人貪新鮮，飲落都無咩野既，係有少少酸酸既鮮味﹗叫了兩個小食，其一是墨西哥辣豆焗薯皮，其二是德國腸配洋蔥汁﹗焗薯皮外層超香脆，應是炸過的吧，入面是大量蕃茄及芝士，熱辣辣食脆口又惹味，好食﹔德國腸就啖啖肉，不過當中有條雞肉腸就未免有點那個﹗食完野決定再點多杯cocktail來傾下計，我要了杯special既funny day﹔工友就點了fly on the grassland﹗估不到都幾大杯喎﹗成杯冰沙咁，入口滑溜，funny day是藍莓乳酪味道，

還記得上一次到天幕餐廳是今年春天,這一次我和朋友坐在室外,一邊望著沙田景色,另一邊飲住啤酒傾計. 這一晚是春天,坐在戶外感覺特別舒服,還約定朋友下一次再來不止是飲酒,還試試這間餐廳的晚餐.今晚我終於試到了.先先講晚餐,我們order了兩個set dinner.1) 帕爾馬火腿芝士野菜卷 (前菜)- 本人很喜歡食芝士,這個野菜卷很重的芝士味,所以我十分喜歡.2) 焗田螺野菌多士 (前菜) - 兩個前菜,反而這碟比較差了一點,因我食不出有田螺,只是食到野菌的菇,或者是有田螺的,可能燈光太黑而且田螺砌得太少,所以也感受不到,而且這一塊多士很硬,要大力齒開,所以這一碟比較令我失望.3) 扒澳洲穀飼肉眼扒配紅酒汁 (主菜) x2. 我和朋友也一起揀選了肉眼扒. 肉眼扒一到,我和朋友也一起開始食了,當我們吃了第一啖,大家也一起說,"好好味呀!". 牛肉十分有口感,不韌,肉質很嫩口,配上這個紅酒汁,真係好夾,好好味呀.吃完餐湯,前菜,主菜及甜品,之後我和朋友便由室內轉到室外飲酒傾計.其實起初,我和朋友也怕室外沒有風會覺得很熱,所以晚飯沒有選擇到戶外享受. 但飲啤酒便不同,因啤酒是凍的,但在室外坐了

是日同朋友食完晚飯, 見時間尚早就打算找個地方去飲o野吹下水.沙田區都真係好似冇咩好地方可以坐o係度飲o野.諗o左好耐, 突然醒起大會堂上面呢間"天幕". 既然大家都未去過, 就不如試一試喇.上到去, 環境真係幾好. 有分室外同室內, 室外都有幾枱o係度飲o野. 個男侍應見我o地有5個人, 就比o左一冇傘o既長枱我o地.不過o個日都keep住落雨(咁啱o個個moment冇落), 所以我o地都問個男待應可唔可以改入室內, 因為大家都驚飲飲下o野落雨咁點算. 點知個男侍應話要問下先, 問完之後話比我我o地知唔得. 話一係改比一張有傘o既枱比我o地. 話有張埋緊單, 不過要等等. 但係我眼見仲有一張係吉o左o係度. 點解要我o地等, 唔可以比o個張我o地咩?? 咁都算喇.咁我o地坐返o係之前o個張枱等佢叫我o地轉枱喇. 點知, 佢一路都冇叫我o地轉枱. 直到我o地等o左一陣再望一望張枱, 佢見到我o地望, 佢先至用眼神同手勢去示意可以轉枱. 嘩....眼神o既交流呀...好彩我o地望過佢o者, 如果唔係我諗佢都冇打算同我o地轉枱喇.如喇, 轉o左枱之後. 大家都發覺有一個問題. 就係有傘咁又

新城市的多數餐廳都試過了，唯獨沒有記起這間有outdoor的餐廳，於是趁五一假期和男友來個悠閒午餐。這裡午餐是salad和甜品任食，主菜可以四選一，包飲品。我們選了蕃茄海鮮扁意粉($58)和西冷牛扒($68)。剛點餐不久，侍應又來告知沒有西冷了，轉為薄牛扒，雖然有少許未如心意，也就算了，既來之，則安之吧。其實salad bar的選擇不算多，而沙拉醬也就只有兩款，分別是千島醬和泰式醬，想要了黑醋是沒門了。幸好有火箭菜任食，也安撫了一下失落的心靈。蕃茄海鮮扁意粉︰海鮮不新鮮是預料中事，但可憐的是意粉也煮得不好，既不彈牙又不爽口，很有港式意粉的味道。薄牛扒︰看樣子乾乾的，吃起來是十分韌，咀嚼好久也未能下嚥呢。真的食不知味呀……甜品更是沒有選擇，只有巧克力慕絲和jelly，很頹。咖啡一點都不合格，熱檸茶比較有誠意，用一壺的上，雖然用的是lipton 茶包。Outdoor是園林景，是蠻寫意的，不過改善食物質素才是當務之急。

我同朋友哎咗個set dinner，有湯、主菜、甜品、餐茶，加埋1之後多過百五蚊，除咗個甜品(蛋糕)味道不太好之外，主菜牛柳肉質嫩滑，口感不錯，加上露天環境，嘈音少，真係一個享受美食既地點之選！

是日為我的慶生日，男朋友帶我到這間不太起眼的餐廳，但果然整個環境是令人喜出望外點了2份廚師推介-餐飽-雜菜湯-龍蝦yummy! 煮龍蝦的烹調手法與弄黃金蝦的手法差不多，味道配合得宜-凍餅 -餐飲侍應們也很友善，還主動替我們拍照留念當日播放了一些廣東話的流行曲，但如果另外播些jazz, 休閒的歌會更好感覺上周圍都比較黑，欠缺些蠟燭，又能夠增加一些情調最可惜的是我們坐戶外的位置，其他客人可以在此抽煙 所以我們要吸二手煙

昨午到沙田有會開, 於是約了朋友出去在沙田新城市廣場食飯, 在無意之間發現了一間餐廳, 一點都不起眼. 看它的廣告牌:半自助午餐 : $58 - $68沙津 , 餐湯, 甜品 自助 + 自選主菜 + 咖啡/茶自選主菜 : 有海鮮意大利面, 雞排, 豬排, 牛排 四款由門口侍應引領上一層, 發現環境很好, 餐廳分開兩部分:- 一是室內, 在玻璃屋內, 可以看到外面景色; 雖然外面景都是高樓大廈, 看不到城門河, 但是勝在視野寛闊, 很舒服的感覺. 二是室內, 在玻璃屋外, 露天的環境中, 有很多長的短的椅子給客人坐下, 客人可以坐在靠近提邊的椅子, 不祗可看到外面景色; 更可看到城門河的九曲橋,靜靜坐下飲柸美酒也是人生樂事.我叫了海鮮意大利粉, 不錯的選擇, 有香草的味道, 海鮮也不少, 油份也少....... 我自己食晒全份 意大利粉, 沒有任何浪費. 沙津 , 餐湯, 甜品 都沒有任何驚喜, 但必要提的是, 它們的沙津汁-番茄加上酸酸的汁, 放在什菜沙津上感覺不錯很好味, 如果你不喜歡食酸的食品, 那就沒法子. 沙津 , 餐湯, 甜品都可以食很多次, 如果你是十多廿歲的小

This is one of the few places at Shatin where you could enjoy alfresco dining with a view (granted, there are provisions for indoor seating here, but why come here in the first place if you do not want the alfresco option ?). With nice views of the Shatin river, some light background music, and a glass of Hoegaarden, it is difficult not to feel relaxed at this place And the food is pretty decent, too. With not too many options on the menu, my wife ordered the risotto with shrimps and scallop se

..前幾日友人推介下, 和朋友去了此處傾計環境一流! 十分舒服!我地食左飯,9點度去到,waitress好有禮貌,介紹dinner之餘都講可以只叫飲品樓梯用左燈飾點綴,簡樸得黎好靚上到去見到不少裝飾,如燈飾,吊椅可以坐黎玩/影相坐左邊位,見到出面既風景,望落去有公園,花草樹木beverage menu有多達70種以上drinks!叫左一杯premium cocktail(2nd row-strawberry味,menu係set其他味要特別指明)@$58因為見到下面有推介strawberry味飲品,所有特登order好好飲 !! 有酸甜自然既strawberry味,酒味唔重,十分適合酒量麻麻既男女;唔中意strawberry味可以改其他果味=) 不過我覺得男女都鐘意,因為真係好飲~友人叫左一杯叫sea breeze 既cocktail @$45 ,亦幾好飲!真係有種海風既感覺. . .調酒師做得不錯 遠距離見佢表演(調酒)幾勁*特別既係野飲到會即時收錢先(+10%s.c.), 呢點一d都唔反感,因為服務態度太好了!同埋俾錢之後任坐幾耐都冇人理, 播住唔嘈既英文音樂,間中有風吹過黎,感覺好

前兩日朋友帶我到依一間餐廳食晚飯,因為依度都可以算是小有沙田可以食煙同環境舒服的餐廳,本人係一個十分注重禮貌的人,當到達門口時果一位知客完全係唔明白佢講咩.我地同佢講坐出面.佢就同佢d同事講我地坐入面.自己仲係度睇電視.唉....到上到去坐低左,之後同朋友睇完餐牌叫野.周圍都可以找唔到人幫你落order,足足15分鐘都未可以叫野食,我叫左一個晚餐海鮮炒通粉.我朋友就叫左一個牛排.佢地係有頭盤.湯.大盤.甜品.一道一道咁上的,到我地飲到湯正當我地傾緊野既時候果間餐廳既經理就出左黎同我地一齊傾.最初大家都好有話題.但係傾傾下原來知道他對食物是完全都是吹噓.什麼都說懂很令人討厭.最後我朋友叫他上大盤打完場.之後到食大盤個炒粉真係好難食呀...個牛排都可以接受....就係咁消費左每人$140左右.但食進肚子既真係一肚氣.....下次都唔會再黎.

因為呢度環境好似好靚咁,所以黎試下!當日因落雨,我地冇坐OUTDOOR位!環境D確幾好!但唔知點解佢要播D中文歌播完中文歌,又播D好嘈既英文歌,同間餐廳格格不入! D待應又唔知咩事喎,個個塊面都好燶!食物仲好難食:咩什菌意粉& 唔知咩螺絲粉& 白酒煮青口,三個餸既汁都係一樣味,好多黑椒勁淡,最終忍唔住,要狂落芝士粉先至好D,D粉又係好難食.青口好明顯係好唔新鮮!羊架,邊位好鹹!餐牌上冇咩選擇,而且又古靈精怪,有個飯叫做"焗芝士豬扒瑤柱蛋白飯",真係攞命!!!同行友人都食到"媽媽"聲又唔飽,呢間野真係冇下次!個知客都好古怪,我朋友聽住歌咁上去搵我地,個知客問佢有位未,但我朋友聽住歌唔知道佢同佢講緊野,點知個知客竟然抆住我朋個袋,冇野呀!

星期日老公瞓到下晝，之後老婆話黎呢度食tea. 下午茶由2:30pm開始。我地坐indoor. 泰式炸魚餅拼薯條(配凍奶茶) - 薯條即叫即炸，魚餅細細片，香茅味濃。墨西哥辣豆意粉(配凍檸茶) - 淡淡地，完全冇辣味。食物一般，但環境不錯，尢其今日陽光普照!