天幕 (已結業)

老公聽收音機, 知道有這一間餐廳, 星期六便去試. 我們到達時剛好兩點半, 完了午餐時間, 下午茶剛開始, 比較尷尬. 為免麻煩別人, 直接選下什茶. 因為肚餓, 太輕便的餐便免了. 叫了一個芝士火腿三文治和一個磨菇雞肉意粉.室內人不少, 我們坐室外, 只有兩枱客人. 坐了起碼20分鐘, 侍應拿著湯來, 下午茶餐是沒有湯的, 他便拿走, 再回來再告訴我們, 原來落單的人兄寫錯了午餐而不是下午茶. 我們已經好肚餓, 什麼也好, 但又已經取消了.又再等了10多分鐘, 便有得食. 都唔明點解之前要咁耐. 不過味道不錯, 不是快餐店的水準. 芝士半溶狀態, 我覺得好正. 除了之前那個誤會之外, 食物水準不錯. 老公話難得人家直接說出真相而不是編藉口, 下次都會再試.

本來吃完下午茶就應該起程返文迪家團年, 最後都係休息多一會. 雖然今年離家出走不吃團年飯, 但飯還是要吃的, 就去了沙田. 揀了一輪, 忽然記得大會堂樓上有間餐廳, 就試一次.年三十晚人人都吃中餐, 西餐廳當然係無乜人. 上都去只有我們一臺, 之後先再有兩三臺人客, 都幾靜.要了兩個晚餐.泰式豬頸肉沙律: 5分, 豬頸肉上面有太多甜酸醬, 味道一般, 沙律麻麻新鮮.忌廉湯: 6分, 味道幾好, 加上香噴噴的蒜蓉包, 不錯. 但蒜蓉包硬身了點.扒鴨胸配啤梨汁: 3分, 鴨胸太老了, 相當韌. 亦切得太厚, 係大大舊的. 啤梨汁味道怪怪, 怎吃也吃不出啤梨的味道.肉眼扒配蒜茸洋蔥汁: 6分, 這個主菜比較好. 肉眼扒煎得剛好. 當然唔係甚麼靚扒, 但口感還不錯.不過$188一客, 應該可以有更好質素的食物.意大利芝士餅: 5分, 伴碟的芒果極酸. 意大利芝士餅本身最初食落口係唔錯, 但之後先覺得忌廉過多, 質感麻麻.焗軟心朱古力布甸: 4分, 等了都幾耐先有得食. 上臺時已聽見廚師高聲叫侍應留意我們的布甸有無朱古力醬流出來. 對自己無信心? 你都無信心, 我們又點對你有信心.一打開面頭部份

今天收工又在煩惱晚飯的著落. 沙田區有質素的西餐廳不是很多, 抱著碰運氣的心情去SKY PLATFORM試試...環境, 食物都有水準, 服務都一般. 點了"香煎海盧魚" 和"鴨脾"set dinner. 兩款熱盤都好好味份量夠, 魚扒真係用上乘的海盧, 煎封得剛剛好有肉汁, 鴨脾扒香脆肉嫩又滑又多肉汁, 非常野味. 而且, 賣相都可觀. 色香味全! 但, 果然openrice的網友無講錯, 那位部長真的有點問提, 不是服務而是態度怪怪的, 反而其他的侍應正常d.....ha!不過, 這總算一間可再光顧的餐廳.Out-door seat is better then in-door!!

聽人講話呢度d 格調都ok,所以打電話去book檯. 但接電話個女waitress的態度真好好好差.聲音好似蚊滋咁細聲.（我之前都ｂｏｏｋ其他餐廳，人地ｄ態度好好多）侍應: 天幕(細聲到差d聽唔到)我:　請問係咪ｓｋｙ　ｐｌａｔｆｏｒｍ侍應：係. 乜事(d 態度好似我欠佢錢咁)我:　我想訂檯．．ｘ月ｘ日侍應：果日我地full　ｂｏｏｋｉｎｇ(即刻收線)之前佢新開張時, 我同女朋友經過都試過想入去食, 但門口個waitress d 態度又係差到爆, 估到入面d service都唔方好... 加埋今次呢d 態度, 真係唔去幫襯....學劉德華話:今時今日，　呢ｄ服務態度係唔足夠　（直頭係差到爆）．．大家都唔好去受氣．係沙田大把好過佢既餐廳．

剛去完晚飯，環境好掂，有室內及室外，因去的那天落雨，只能坐INDOOR。攪PARTY應該一流！食一個SET DINNER，150蚊，個春雞都幾好，再散叫個牛扒，OK，蜆肉意粉，蜆好甜！羊扒都OK。室內都於到十多張，冇之前食評話好迫喎！總結，可以再去！如果咁環境，係尖咀及CWB或中環，價錢收多你100

與同事們於冬至日小聚。難得他們找到這個地方，景觀開揚，室外是side walk cafe的樣子，室內是cafe & bar。環境是乾淨企理。我們叫了兩個tea set + 一個"high tea" set一碟忘記了甚麼炒意粉，意粉炒得很乾身很爽口，但同事嫌硬了點。一份凍肉蕃茄烘三文治，賣相幾養眼，吃落則無得別。至於個"high tea" set，最頂層的是小塊小塊的曲奇，非常爽脆，味道也不錯。中層有兩件cake，我吃了其中一件，texture和味道都似坊間普通餅店賣的cake。最底層的是煙三文魚多士及小小件芝士餡三文治，後者個餡真的好"芝士"，and that's it。野飲no comment。因為我們差不多包場，服務是幾attentive的。

上個月,同幾位同事去左食lunch, 基本上lee間既食物都好好, 看得出好有心機去整, 但個經理既態度令我地覺得唔係咁好, 是緣就係我地同佢講要三個a餐, 二個b餐, 跟住佢用d好命令既態度叫我地逐個講喎(唔該都冇句), 我地稔唔係ma, 遂個講同分開講有咩分別啊? 係咪上菜果陣知道係邊個啊, 後來個侍應上菜咪又問我地邊個a, 邊個b, 佢真係要好好檢討下囉, 佢既態度已經令我既同事嚇怕左, 唔打算再去la

12月1日晚路過此餐廳看到有wedding party服務，就問門口個waitress詳細情況，因為佢話無menu提供，details可問佢地個經理，但個waitress都大約講d比我地知，話40或以上可以包室內個場，又話會因應客人budget set 個menu比個客，重點係從無提及要收minimun charge，咁我覺得幾好又特別，其實我己經book左佢地同一個集團既京都宴會廳，又問過可以做tranfer，但係要即晚回覆，咪諗住轉囉，於是走返去隔離sky platform，點知個waitress問左幾次話經理唔得閒，好忙，叫我留電話，話第二日至覆我，我心諗，嘩!有幾忙，連有生意都唔做?而1家重有咁既服務態度咩? 咁我話因為要今晚覆，最後個大牌經理再叫我地等多5分鐘，咁我同老公咪坐底等，個場根本就一d都唔爆，我地等左10幾分鐘，個大牌經理走過黎問點樣，"我地話想包場，妳同事話40人已經可以"，點知佢話唔得，叫我地睇個場起碼可以坐70人，又問我地乜野budget，我地都未答，轉頭又即時話minimun $160一個人(另加10%) ，我地話你同事無講要minimun，佢又話因為星期六

今天下午來到，先吃個Tea，滿口腹之慾之餘，順帶評頭品足一番. 點了個三椒意粉，橄欖油配合椒絲的香味蠻為令我驚喜的. 香而不膩, 整碟炒得蠻為乾身, 沒有水汪汪的感覺, 入口亦唔會有乾硬感. 亦食得出意粉纖維亦處理得非常完整. 唔似普通餐廳咁得個"林"字。食完成碟剛剛夠飽之餘，加多杯入口甘苦，離口殘餘微酸微澀的熱咖啡. 確實寫意.美中不足的是，經理話Tea Time 出面個座位唔會開放，要到Dinner Time先開. 入面環境響秋季中午下，省空調之下略嫌焗促，比我想像中差. 進入晚飯時間，我點了個當日的Set Dinner . 鴨胸沙律，黑醋汁非常具水準，鴨胸入口亦不鞋口. 整體配合得蠻為出色。然後好像是眉豆忌廉湯，一上桌就嗅到非常香濃的眉豆味(驟眼看有點像紅豆湯)，湯面鋪了一層白忌廉，入口真係好香濃既豆味，配合忌廉的滑溜，入口口感好正，色香味俱全. 連唔太食豆既朋友都好快飲完一碗.主菜在喝完湯後十分鐘左右上桌，我今天點了一個半熟(5成)的T骨牛扒配合洋蔥汁。上桌後有點兒喜出望外，份量真係好夠，大約有一個半肥皂般厚身。整塊扒有約兩隻手掌大。切下去肉汁鎖得好好，入口雖然肉味唔可以稱得上

睇到ｍａｇ　介紹，所以特登同朋友去試下！！　環境真係好靚，又唔嘈，好適合三五知己傾計，亦岩情侶談心。可惜食物既味道真係麻麻地，ｄ員工亦都懶懶行咁，叫幾次都無人應。如果大家淨係想揾個靜靜地既地方傾計，絕對推介。但想要一個回味既ｄｉｎｎｅｒ，好既服務態度，就可能揀其他ｒｅｓｔａｕｒａｎｔ　會好ｄ啦！！ｐ．ｓ．因為ｄ野食唔係太好食，就算唔夠飽，我同朋友都無再ｏｒｄｅｒ　ｌｕ！　走左之後再去第二度食霄夜。

個日去京都飲荼先知道有呢間餐廳.個日食得太飽喇.所以冇去試...最終個晚我同左班朋友去試下去個間餐廳!上面既環境好好~好靚!我地選擇左出面因為舒服d.我地有4個人.因大家都食左野.淨係叫左幾杯野飲~ok喎..我地去個陣係8點鐘到.但個陣冇乜人去可能未知有呢間野啦.但個到既侍應都好健談..最奇怪係有一個唔知係咪店既經理.佢穿住西裝但佢又帶住一條圍身.冇,啦啦走過黎講一大堆野.其實都冇野既.只不過一講就講左成10分鐘.不過我地都會再去!下次我地會去食dinner食完再上黎評啦!

飲品都幾抵, 每杯大約四十元左右, 種類雖不多, 但都叫每樣有d咁, 是三五知己談天好去處, 加上現在開始秋涼, 晚上有些風, 頗寫意! 可惜現時由於新開張的關係, 餐廳未有佐酒小食, 只能提供花生或晚餐食品, 加上員工或許未上手的關係, 動作不太快