天山小館 (已結業)

天后有很多不同菜式的食肆，今晚給我們找到水星街的一間廣東菜x新彊菜的小店。餐廳裝修得光猛，座位闊落舒適，牆上更展示出餐廳的主打菜。除了新彊菜，餐廳還提供一些廣東菜及川菜。以我所認識的新彊菜主要是食羊的，所以羊是必點的。我們2 個人點了半打羊肉餃，只睇賣相未必好吸引，但大大隻的羊肉餃，皮薄而又餡料丰富，咬落有濃濃的羊肉味，但不太羶，還有很多肉汁流出，再點上少少的醋一齊食就更好味。另外，點了4串的烤羊肉串，最少要4串起，起初覺得2個人食4串太多，但最後覺得叫半打都還可以，因為太好味了。軟嫩的羊肉肥瘦適中，配上香味十分的孜然粉，烤得香口，辣度可自由選擇，很有新彊風味。老公要湊米氣，我們點了一個籠仔蟲草花蒸雞飯，用籠仔盛上，下面有荷葉墊底，所以有一陣陣的荷葉味，雞件嫩滑，放於米飯上一齊蒸熟，令米飯吸收了雞汁的味道，他們並將白米溝上紅米，感覺比較健康，令米飯更有咬口。這個蒸飯份量足夠2個人食用。餐廳更有自制洛神花茶，酸酸咪咪，很清新的，不錯。

假期和朋友光顧，食客不多。心想會否中伏。試過後發覺味道很不錯，雖然只點了3款，但每道菜都很喜歡。新疆手工羊肉餡餅（HK$ 50/半份）餡餅熱辣辣！一點也不騷，皮薄多汁！但偏油⋯頗大個，幸好剛才跟著旁邊食客點了半份，否則每個人食2件實在太飽了⋯⋯新疆手工涼皮子 ( HK$ 78）涼涼的伴有青瓜絲，麻辣適中，如果未飽好想叫多碟😂 就連朋友不好辣的也密密地吃個不停烤羊肉串-4串起 （HK$ 20/串）很豪邁的羊肉串，羊肉十分嫩而且不會騷，好味！

天氣涼又是吃羊肉的好時候，但好多餐廳酒樓都只有羊腩煲，實在未能滿足到非常喜歡吃牛的我，所以當路過公司附近這家以新疆菜為主的餐廳時，實在興奮，急不及待約朋友來試試！新疆手工涼皮 HKD 78先來一個前菜開開胃！聽店員說手工涼皮是其中一款拿手菜式，當然要試！ 最欣賞是手工涼皮的柔韌感，充滿四川風味但又不會很辣，不消3分鐘已經被我們吃光～烤羊排 HKD 138半客4件的羊排很適合二人分享，羊排充滿孜然香味，皮的部分非常香脆，中間夾著一層肥肉，羊肉質感較軔，很有嚼勁，羊味比其實食物明顯。羊肉餡餅2件 HKD 50店員推薦我們一定要試試餡餅，沒想來確實有驚喜。餡餅外層炸得金黃，不是很完美的外表反而令人更期待，明顯不是機製的”公廠貨”，果然沒有令我們失望。羊肉餡餅超脆皮，一咬下去時很多肉汁，羊肉不會有強烈”蘇”味。新疆烤羊肉串 HKD 80羊肉串是＄20一串，不過至少要點4串。羊肉串燒得很香，孜然味濃，但火喉可以再重一點令肉質更挺。總結來說我最喜歡的是餡餅和手工涼皮，不能錯過！而羊肉亦很不錯，店員很友善，冬天會再來嚐嚐羊腩煲！

天后一向都有好多特色小店，朋友前幾日話自己發掘咗一間食新彊菜嘅小店，今日就帶我同另一個朋友一齊食啦，有同樣鐘意食野嘅朋友真係幸福啊一黎到就見到門面張貼咗好多傳媒介紹嘅報導。令我更多期待今日嘅晚餐啊！店面空間不算大，但相當乾淨。而且不得不讚嘅係餐廳聘用咗聾啞人士，而且那位職員服務超好，不時主動幫我哋加熱茶打開餐牌一睇，實在太多選擇，原來除咗新彊菜，仲有廣東菜同川菜。老闆娘非常熱情地介紹食物，最後我哋都係主攻新彊菜，因為想試多啲羊肉嘅菜式。最後叫咗九轉豬大腸$78、半份羊肉饀餅$50、中辣新彊手工拌麵$98、陳醋咕嚕肉$98、金沙琵琶豆腐$98及烤羊排(中辣)$138。九轉豬大腸真係非常有驚喜，除咗豬大腸清得好乾淨之外，豬大腸嘅外皮脆得非常香脆，口感外脆內軟，可以配甜酸醬食，但就算唔配甜酸醬食都已經非常惹味！羊肉饀餅就只叫半份，因為太多野食想試了，所以一定要留肚，職員見我哋三個人分，好主動地送上餐刀以方便我哋一齊食。首先饀餅嘅皮真係夠薄，而且炸得香脆，依點真係值得一讚而羊肉饀嘅肉打得夠細，食落細嫩多汁，口感好好。友人覺得美中不足嘅就係羊羶味可以再濃啲。但我就覺得還好，味道好就可以啦。中辣新

記得上次同朋友食過天后水星街的”天山小館”，念念不忘哪地道的新疆羊味道，今日再同朋友特去回味一番。今次來到原來換了新的菜單，除了特色新疆菜外，更加了不少川菜、廣東菜色，還有新鮮即拉的手工麵添。最喜歡吃手工即拉麵，口感特別煙韌，特別有口感，拌上傳統新疆風味的羊肉、翠玉瓜、青椒、番茄和紅椒，醬汁汁潤很不錯。因為我們不吃辣，老闆娘特介紹我們吃這道酸菜魚，果然有驚喜，這裡用的是厚身的斑塊，啖啖肉，而且做得不算油膩，很有風味。炒得十分夠鑊氣，份量足，四季豆新鮮翠綠嫩口， 欖菜肉鬆好夠香，調味又不會過咸，送飯一流。好有驚喜，外皮非常酥脆得嚟，皮又煙韌，好有口感，羊肉餡非常飽滿，又汁潤，羊羶味不算濃，但剛剛好，好喜歡這個餡餅。很喜歡天山小館的味道，下次再來。

天后餐廳多，但身為街坊的我告訴你，要在天后找美食一定要走到橫街！而地鐵出口一直走到街尾會見到惠康超市，這條橫街有間很棒很地道的新疆菜館，食物正宗又坐得舒服，在銅鑼灣至北角區之中實在難得！未介紹食物先要讚讚餐廳有聘用聾啞人士，而聾啞職員又做得十分稱職，會不時主動加水，很讚！《新疆手工拌麵 $98》即點即拉！即點即拉！即點即拉！重要的事情要說三篇！絕對不是成品，粗幼不一很有咬口，煙煙韌韌很特別！拌有鮮茄、青椒、紅椒、翠玉瓜和羊肉粒，汁潤之中帶羶香。《新疆手工羊肉餡餅 (半份) $49》熱辣辣的香脆吸引，一咬便有羊肉汁溜出，輕羶的羊肉很鮮嫩，味道和口感都很有水準。《新疆手抓羊肉(半份) $109》羊架般連骨，肉稔極稔身有羶香，浸著的湯都清甜，有水準！《酸菜魚 $188》不辣的。大鍋又夠熱，微涼天氣下食這個感覺很滋陰養顏。石斑大塊厚身，嫩滑鮮味，魚皮彈牙帶膠質，再配上酸度剛好易入口的酸菜更添美味。《欖菜肉鬆炆四季豆 $88》每條都漲卜卜新鮮爽口，味道清甜，欖菜肉鬆好香，炒在一起實在惹味！（打烊時間了，今晚吃得滿足）服務：老闆娘親切有禮，又會介紹食物，還送我們折扣卷呢！

＂行有餘力，則以學文＂，工作再忙也要抽時間進修一下，但面對＂星期一症候群＂的我，難免會有點厭煩與無力感，來到了晚飯時間，決定用食物來滋養身心靈，為自己＂打打氣＂…來到天后的附近，看到了一間特式小館，一於進店，嚐嚐味道。最先來到的是洛神花茶＄18，聽說洛神花茶有解除身體疲倦的功效，先來喝一口，濃郁的洛神花味道，甜甜酸酸的，這清爽的甜酸味增進了我的食慾，頓時胃口大開。士多啤梨骨＄108，五分鐘左右送到桌上，看到這原條的粗大排骨被煎炸至金黃色，面層鋪滿了士多啤梨醬，味道香甜惹味，排骨的炸漿非常脆薄，能保留著肉汁，既鹹香又鮮嫩，味道可口。菠蘿提子雞粒炒飯＄78，吃一口炒飯，飯被炒得粒粒分明，而且軟硬適中，吃得出廚師的高超手藝，把簡單的化作美味，食材的菠蘿丶提子配上雞肉，提供了均衡的營養。蟲草花燉雞湯＄58，最近工作比較忙，我知道蟲草花是平民的補品，與蟲草的功效相近，能夠滋肺補腎及提高身體免疫力；這個湯用料頗豐富的，除了蟲草花及雞腳外，還用上瘦肉來提升味道，喝一口湯，感覺非常滋補味美。原來餐廳還提供新彊菜及川菜等菜式，這樣看來，下一次我仍會再來品嚐滋味了。

之前聽朋友講新疆菜好食，放左工就去左天后試下，叫左個新疆手工涼皮子，可以揀辣度，小試牛刀就叫小辣，涼皮子爽滑，加上陳醋既酸味，仲有微微既香辣味，有少少似XO醬果種香，前菜已經好開胃，夾住果個係豆腐！之後，就到新疆清燉羊肉湯，呢個真係好味到不得了，好香莞茜，加上紅蘿蔔，好足料既羊肉，燉到啲肉好軟熟，一咬就開，識飲一定係即刻飲曬呀！最後，食埋大盤雞半隻，都係叫左小辣，真係好大盤，雞肉已經入曬味，食完一舊又一舊，欣賞佢啲薯仔無煮到爛，但又夠粉夠淋，臨離開果陣見到職員係度包羊肉餡餅，下次一定要試🤤最後附上我鍾意影燈飾既相😂

平時好少喺香港食羊肉，驚啲餐廳整得唔好會有好大陣蘇味，今日係天后開飯，上網搵到呢一間小店，因為佢有我好鍾意食嘅羊肉餃，咁就決定試吓。因為唔係好肚餓，我哋兩個只係叫咗一份羊肉餃，另外叫咗一份手抓羊排，半份羊肉餡餅，仲有一個米線。羊肉餃比想像中更加大隻，羊肉餡調味做得唔錯，餃子裏面有湯汁，餃子皮亦都有麵粉香，唔錯唔錯。羊肉餡餅有驚喜，佢最好嘅係可以俾你叫半份，一人一個大餡餅，出面個皮煎到好香脆，咬入去少少辣親個口，鍾意佢外脆內軟嘅口感，羊肉調味真係唔錯，又有肉汁。好味！最驚喜嘅係佢嘅羊排，事實上係有啲貪心，本身個肚仔唔舒服，唔應該食咁多，但係今日唔知點解真係好想試唔同嘅羊肉，最好嘅又可以叫本分，四件燒到香香脆脆鋪滿孜然粉嘅羊排，真係十分驚喜！皮脆肉嫩，中間有少少肥，但係真係好香好香好香！最尾個米線，已經飽到食唔落，朋友仔食咗半碗就要打包，衰在我哋睇高自己叫咗中辣，朋友仔話辣到不得了，老闆娘仲笑我哋，食唔到辣仲叫咁辣！有誠意嘅一間小店，天后始終係開飯嘅好地方！

唔會無端端入天后食野既...除非有正野啦...特登去食香港少有既正宗新疆菜地點：天后水星街12號海新大廈地下A鋪港鐵炮台山站 A 出口, 步行約6分鐘銅鑼灣買完野，諗住去食呢間新疆菜餐廳...今次我唔係搭地鐵...而係搭一陣叮叮電車就到環境：有卡位，坐得很舒適服務：誠懇、主動推介美食食物：一份餃子、一碗麵食、一份雞煲Menu 有分新疆菜、川菜、廣東菜我諗我一心一意黎食呢度既新疆菜即刻叫份餃子先羊肉水餃 $68半打皮厚適中、肉餡多一D都唔嚡、夾多洋蔥、件頭大一咬肉汁被迫出超Juicy呀，完全食到羊肉原汁原味，味道正都爆，真係出面難食到！新疆當地以麵食為主識食梗係叫碗手工拉麵食先啦新疆手工湯麵 $78-叫了BB辣-我地期望好高 結果完全無失望手工麵非常煙韌彈牙，形狀好得意架唔係一條條，又唔算一粒粒，係一塊塊咁，非常足料：羊肉、蔬菜、蕃茄等連湯一齊食，味道特別，超級正真材實料，食完唔會覺得口乾架點餐時突然想食雞煲，見到個"惹味重慶雞煲"（川菜）咁吸引惹味重慶雞煲 $158（半隻）半隻份量岩岩好熱辣辣香味十足、濃汁熬製雞肉入哂味食到停唔到口其實新疆菜唔一定又辣又濃既，少辣/唔辣都好好味醬汁又唔

平日兩公婆很少開火煮食,如果不是回娘家吃飯,就會在家附近發掘新食店。 這間位於水星街的天山小館,老闆前身在錦屏街開設食店,關門後就搬到這裏來。 這食店最大的特色是同時提供廣東菜及新疆菜。讓那些有思鄉情懷的新疆人,也可以在這裏找到家鄉風味。 曾經到過新疆旅遊的咖喱先生,非常掛念在哪裏吃到的涼皮。到底涼皮又是什麼呢?和我們常常吃的粉皮又有什麼分別呢?原來涼皮是用麵粉做的,和麵筋有點相似,同樣需要在清水下沖洗,才會得出最後這一層薄薄的涼皮。 這一碟新疆手工涼皮子,咬落煙韌,原因正是麵粉被清水洗去,剩下較大筋性的部份,所以有煙韌的質感。以調味和香油拌勻,味道一流。 薑汁炒芥蘭,帶有清新的薑汁味,芥蘭保持翠綠,咬落清甜。 接着的廣東名飯~飄香荷葉飯,名副其實的帶着荷葉香,而且飯粒炒得分明,配料亦很豐富,是小店難得有水準之作。 最後出場的重慶口水雞,雞肉白滑,和配料的香辣非常配合,吃過返尋味。 有時候兩公婆到處尋找美食,也是一種情趣呢。

阿林：遠路到炮台山用膳，偏偏遇上傾盤大雨，幸好鬱悶都因這頓「全羊宴」一掃而空。羊肉經不同方法烹煮，先來半份羊肉餡餅 ($50)，熱騰騰，脆卜卜，皮薄餡靚，吃下時溢出滿口肉汁。再來半份手抓羊 ($118)，每件羊腩也夾著一層脂肪，豐腴軟嫩，輕輕一咬便完全離骨；配合洋蔥解膩，相對清爽。最後的烤羊排 ($138/4件) 同樣偏肥，皮帶韌勁，惹味可口。羊肉均以大量孜然調味，所以毫不腥羶，但也致味道變化不大。新疆手工涼皮子 ($78) 可選辣度，最小的BB辣是能夠輕鬆KO的程度。涼皮子雖然滑溜，但有點油，較為一般。老闆其後推介了自家製手工麵條，即叫即拉，下次可以一試。總的來說，份量略細，價錢略貴，但偶爾吃一次也確實不錯！

晚上去開天后，友人曾介紹天山小館這間食肆，我見 openrice 食評都好多讚讚。大家知道耳聽三分假，眼見未為真，本著科學求真的精神，我決定自己一個人去這間天山小館。食肆食物選擇頗多，分三大領域：新疆菜、粵菜和川菜。我點了飲品自製洛神花茶、啫啫鐵板芥蘭、羊肉水餃和烤羊肉串。羊肉水餃好好味，無得輸，一口咬落餃子上，肉汁澎湃地流出，而且味道相當合宜，餡料味道製作拿捏得很準，整件水餃質素很高。烤羊肉串十分香口惹味，因為食店懂得用帶有小小肥膏的羊肉燒烤，烤來香口，很有新疆風味，而且有大中小唔辣任君選擇。知唔知咩叫「啫啫」？這就是鐵板燒熱時遇到食物發出的咋咋聲。要評定啫啫鐵板芥蘭得唔得，首先就係要聽清楚上碟時咋咋聲夠唔夠大。夠大即夠熱，食物先會香口。這碟我會俾滿分。洛神花茶非常足料，色澤吸引，山楂夠濃能帶出酸味，令人非常開胃，邊飲邊食人生一樂也。食店開揚寬敞，而且有卡位，坐得舒適。此外，食店員工服務主動，點餐時能給予我很好的意見，清理枱面亦勤密。整體而且，除了要投訴無天山雪蓮 order 外，其他環節我都會俾滿分。（羊肉水餃真心好好味，如食店能主打推廣，相信能大賣。）

果日有同事Last Day，所以放工同佢係公司附近食返餐飯。行經水星街發現一間未試過嘅餐廳，所以上前望一望。睇見門外貼咗好多美食，所以決定入去試下。餐廳環境整潔，光線充足，坐位舒適。餐廳主打新疆菜式，還有不少廣東菜，更有新疆手拉麵，麵條全部即叫即拉。自家製洛神花茶，味道酸酸地非常開胃。新疆手工羊肉餡餅，外皮香脆，羊肉汁豐富。新彊手工涼皮子，煙韌彈牙嘅涼皮子配以秘製醬汁，辣辣地非常野味。新疆手抓羊排飯，羊肉都是用羊排位置，入囗軟林林，飯粒混入羊排汁精華，味道一流。餐廳服務態度一流，而且有多種菜式可以選擇，而且充滿新疆風味。

最近發現呢間食店👉天山小館，佢地既菜式有新疆菜、川菜、廣東菜，與朋友來到大家都有興趣試下新疆菜，老闆娘好nice介紹我們一些地道既菜式，就叫了~新疆手工涼皮(可以要辣)，大熱天時，食返個涼拌既小菜，既清新又涼快羊肉餡餅(半份)~外皮香脆，餡料又多又juicy ，點點既羊騷味好香，咬落又唔油膩新疆手抓羊肉(半份)~肉質好腍，食時可灑點孜然粉，更加滋味，食完連汁都飲埋啲汁有洋蔥加埋羊肉既汁，陣陣既香騷味，雖然只得兩小湯匙汁，與朋友一人一匙分享埋，實在太好味了蟲草花燉雞湯~湯好鮮甜，好足料，女士們緊係要滋潤下啦