天山小館 (已結業)

由於附近返工，已經食過呢間野n次，除左第一次之外都係食米線，因為佢既米線真係好出色，食過返唔到轉頭雖然佢主打新殭菜，但我諗老闆娘都好中意米線，所以整左個羊肉米線出黎，而我平時麻麻地羊，不過佢呢個羊唔係非一般既羊，係好香口彈牙，而佢個米線同個湯係好夾，食完一啖接一啖，大部分既米線我都試過，首選炸雞翼同羊，肥牛同炸豬扒都好味👍🏻👍🏻👍🏻

同小朋友去完中央圖書館，晚上正想找一間餐廳適合一家大細了享用，打電話問過天后幾間餐廳都沒有baby seat，而這間餐廳就會提供baby seat。新疆這地方，通常讓人想起羊肉，這間新疆餐廳由新疆人開，所以非常正宗。另外，值得一讚，老闆娘非常好客，知道我們帶BB，也會為我們安排得妥當。這間餐廳主要以羊肉為食材,喜歡羊肉的朋友，一定要試一試。新疆手抓羊排飯（$98）雖然賣相一般，但試咗一啖羊排，都有好香羊肉味，羊肉味非常濃厚，另一個重點係飯，有好重的羊油香味。羊肉米線（$63）同樣，羊肉味非常濃郁，羊肉肉嫩唔乾，食落去非常開胃。Instagram: qqmafoodie

11月底，踏入深秋，天氣漸冷，是吃羊的最佳時候。友人跟我於朋友圈中算是少數愛吃羊愛得過份的，不知道從何時開始愛羊大於牛，雖然香港食店很多，不過要找專門吃羊的地方卻不容易，這一次竟然讓我們遇上了。其實是因為我們要找地方晚飯，經過很多餐廳看過餐牌後都沒興趣走進去，走著走著到了天后，這家新疆菜小店的餐牌讓我們驚訝，居然在同一家店有各種不同煮法的羊肉菜品，想也不想就進去了。羊肉餡餅，我們點的是半份，老闆娘看我們吃完四塊羊肉餅後應該可以結帳走人，下單時說可以點半份，那我們就可以多吃其他的，實在貼心。羊肉餅外皮炸得香脆夠薄，熱騰騰放在隔油紙上，夾起來油印卻非常非常少。一口咬破脆皮，濃濃的羊香味已經撲進鼻腔裡，再大口咬下，從來沒有吃過肉量這麼足的餡餅，整顆餅裡面塞了滿滿的羊肉，只混了適量的洋蔥吊味，每一口都是鮮嫩的羊肉，而且一點都不油膩。喝啤酒不可能沒爆炒小菜，這道孜然尖椒炒羊肉鑊氣十足，友人不能吃太辣，所以我們點的是微辣，卻不影響尖椒跟孜然帶出羊肉香氣，一口炒羊肉一口大啤就是爽，如果羊肉片可以更腍身就更加好。點這道新疆手工拌麵的時候老闆娘建議帶點酸辣感的丁丁拌麵，是新疆的口味，難得可以吃到正宗口味

有新疆菜同廣東菜😊老闆娘係自小住係新疆，而且菜式既材料、調味盡量都由當地運過黎，所以店內既新疆菜都會比較接近當地🙂店內既手工拉麵、餡餅餅皮同饢包肉都係老闆娘親自製作，綿羊當日禁岩撞倒佢搓麵團，動作相當快手丫😂老闆娘唔用係新疆運黎既麵嫁，希望可以提供彈牙既麵質😁----------羊肉餡餅 一份$98 半份$50一份有4件，即叫即炸👍餅皮表面炸得好香脆，內裏又仍然保持住煙韌有咬口😃羊肉餡份量多，好飽滿，對得住個價錢😂餡料只有羊肉同洋葱粒，羊肉味濃，有孜然香，冇乜羶味😍肉餡多汁，所以就算個餡餅係炸都唔會覺得dry😉新疆手抓羊排飯 $72賣相真係非常一般😂先唔好以貌取菜，試下個羊排，唔鞋，不過冇乜調味，點啲孜然粉食會比較好😁綿羊覺得重點係啲飯，啲飯一定要介紹，因為好重羊油香😀姐係好似海南雞飯咁，不過佢係羊😍紅蘿蔔好淋，都好正😆

天后嘅餐廳選擇好多，型型式式嘅異國菜都有，今日行過，連一向少見嘅新疆菜都有，一於試試呢間天山小館啦！入到去就見到嚟自新疆嘅店主，佢好落力為我哋介紹佢嘅家鄉菜同店內嘅主打，可惜M佬唔食羊，令我都試唔到新疆大漠嘅風味，但店內仲有主打嘅手工拉麵、川菜同粵菜。尖椒回鍋肉川菜又點少得回鍋肉，一層肥一層瘦嘅豬腩肉炒得爽口，又唔算太不覺肥膩，索晒辣汁好惹味，辣到又啱啱好，唯一就係無回鍋肉嘅靈魂 — 豆腐乾囉。肥牛麻辣米線米線唔會碎濕濕，肥牛份量又唔少，但最正係個麻辣湯底！麻同辣比例啱啱好，而我哋叫咗中辣，真係好好味。干炒牛肉手工拉麵干炒牛肉手工拉麵嘅煮法似干炒牛河，炒底落左好多芽菜同芝麻，仲有唔少牛肉，但最正係手工拉麵，即叫即拉嘅拉麵，口感特別煙韌，好有口感。

住天后，人人似為好多好野食，但要value for money 同埋再幫襯的其實唔多，也總不能每餐都大酒店價錢吧！噚晚同老公行行下見有晚飯套餐同埋有我鍾意食嘅既羊就入去試吓。我叫左「新疆手抓羊排飯」$88連熱飲，老公叫「左籠仔梅菜蒸排骨飯」$68連熱飯，另加一。我個餐未上枱就已經聞到廚房好大陣羊肉味，而且好香，個心已經好期待，因為我真係好鍾意食羊。個餐一上枱見到得幾件羊，個心就諗咁少羊嘅，不過一食就諗「太好了，天后終於有間舖頭食羊。」講真出街食一份西式羊扒，閑閑哋都百零二百蚊或以上，都係得三件，自己整就平好多，而佢呢個新疆菜嘅套餐自己就唔識整，所以都覺得OK嘅。總括了說，羊排軟硬適中，飯有羊肉汁嘅精華，好香，一口接一口。二老公嗰個套餐也不錯，賣相、味道都好好！見到其他食客通常都叫小菜，今次我哋小試牛刀，大家都有共識下次可以叫小菜。埋單嗰陣，老闆娘俾咗張晚市優惠券我哋，$300-$30 ， $500-$50。下次一定再幫襯。張優惠劵原來有午餐資料「新疆手抓羊排飯」只係$68（但冇寫要否加一），如果我下次食羊扒飯都係下午去食慳返啲，小菜就留返夜晚食😅。希望呢間小店繼續加油，等大家時時有羊同

天后出名美食多，多國菜式都找得到，這次朋友就介紹了一家位於水星街的小店。小店主打新疆菜，有不少羊肉菜式，也有一些招牌廣東菜，不吃羊肉的朋友也有其他選擇。店內佈置簡約，座位不算多，平日大約八點半就已經客滿，挺旺場的。新疆菜的菜式外面很少見，就例如這道手工拌麵，雖然中辣但吃起來帶點蕃茄的香甜。老闆娘說麵條都是手工製作，即叫即拉。拉麵麵質彈牙有口感，配上羊肉和醬汁，充滿新疆風味，而且份量大頗大，三人分也足夠！手工羊肉餡餅本來一碟有四件，但老闆娘建議我們點半份分著吃，可以多嚐嚐別的菜式。餡餅外皮香脆，一咬開還充滿肉汁。新疆菜當然少不了烤羊排，羊排烤得剛剛好，主要品嚐地道香料的香味，可惜羊味略嫌不夠濃。除新疆菜外，廣東菜也試了兩樣。首先是九轉豬大腸，份量很大，炸得內脆外軟。豬大腸𥚃面夾著香蔥，感覺沒那麼膩，而且口感更加豐富。另一道就是金沙琵琶豆腐，雖然看起來賣相像石頭，不過事實剛好相反！外層裹上蛋黃粉，裡面由魚肉和豆腐等做成，外層香脆和軟滑的裡面造成衝突的口感，令人不禁吃完一塊又一塊！雖然店舖沒有高貴的裝潢，但卻用心製作，有住家菜的味道。加上菜式選擇多，性價比高，值得一試～

今日同女朋友去食飯，最近佢增緊肥，佢話食咩都得！我就帶佢去食我最愛既餐廳！之前佢又忙，搞到個人瘦哂，而且佢好少食肉！而家佢要增肥，我有藉口帶佢去食肉啦！天后有間廣東菜和新疆菜的fusion菜館，環境好大好舒服，食物質素好高，我經常同一班同事放工去食飯，今晚就帶女朋友黎試下！我叫左羊肉串，羊肉炭燒味濃，加上香料燒香，非常滋味！羊肉肉嫩唔乾，而且有陣陣羊羶味，極是出色！新疆大盤雞，雞肉加上炒皮，炒得入味，雞肉非常香嫩滑溜，肉質爽滑，調味最驚喜，香濃不膩！水煮龍躉球，魚肉香嫩滑溜，水煮湯汁辣度唔會太高，女朋友都食到！魚肉吸哂湯汁，極惹味！九轉豬大腸，終於氹到女朋友陪我食！豬大腸洗得好乾淨無羶味，先炸香非常香口，入口唔會油膩，沾上酸甜醬非常開胃，完全唔會肥膩！女朋友都大讚餐廳水準高！

今日去左天后同男朋友食飯，男朋友鐘意食重口味既菜式，特登帶左我去水星街的天山小館，食新疆菜！餐廳菜式以廣東菜和新疆菜的fusion菜為主打，環境夠哂寬敞舒適，空間感非常重，而且地道新疆菜依家好難先食到，今晚就去試下啦！男朋友叫左新疆大盤雞，雞肉份量非常多，大大盤上枱夠哂霸氣，雞肉非常香嫩，加入新疆調味料味道濃郁香口，好滋味架！羊肉串，羊肉燒得香口有陣陣羊羶味，羊肉香嫩唔乾，肉味濃厚！水煮龍躉球，辣度唔重，剛剛好！水煮菜最重要是湯汁，香口辣度適中，龍躉魚肉肉質非常香滑，魚片吸哂水煮湯汁，極是惹味！九轉豬大腸，豬大腸洗得好乾淨，先炸香外層，沾上酸甜醬，入口完全唔油膩，唔會有羶臭味，手功了得！男朋友好滿意餐廳食物水準啊！

今日放工獨自覓食，想食羊，自己食羊腩煲的話又有點過份，一於去同事介紹的”天山小館”食羊肉麵就最啱。看看菜單除了特色新疆菜外，更有不少拿手川菜、廣東菜色，還有新鮮即拉的手工麵。今天獨自一人，下次先試其他菜式。新疆手工羊肉餡餅 半份 $49好有特色外皮非常酥脆，好夠熱，皮煙韌，有口感，羊肉餡料飽滿又汁潤，羊羶味不算濃，調味剛剛好，做得出色。金銀蛋豆苗 $98豆苗好新鮮好入味，份量又足，湯底清甜，十分健康。羊肉拉麵 $98餐廳本來是配米線的，我特意問可否轉手工拉麵，我選了鮮茄豬骨湯底，配上羊肉，這樣的配搭十分特別，賣相特別吸引，羊肉味香羶，配上煙韌口感十足的手工拉麵，湯底夠香濃，整體好特別，十分喜歡。下次和朋友再來試別的菜色。

這間是同事強烈推介的新疆菜館，位於天后與炮台山之間的橫街內。街道寧靜但但餐廳內卻很熱鬧！食物選擇不只於餐牌上，實在令人心大心細，而且除了新疆菜，都會配合港人口味加上了粵菜和廣東菜。選新疆菜時怕配搭不合胃口？不怕，餐廳給的彈性很大，很多都可以轉換配搭的啊！《蟲草花燉雞湯 $58》雞湯完全沒有浮油，所以油膩低。味道香濃，有雞腳、冬蟲草和瘦肉，天氣有涼意下飲用特別滋養暖身。《士多啤梨骨 $108》送上時有陣士多啤梨的香味，每件骨都沾上了滿滿的醬汁，很吸引。骨是酥炸的，並非一般的油炸，所以有酥香。《薑蔥魚雲 $158》很大碟，魚雲炸過很香口，而且骨位帶脆。魚雲帶肉，肉質十分嫩滑，惹味！店員有禮及會自動幫客添水。

你想食新疆菜？又想食四川菜？定係想食小炒？黎呢間餐館，佢幫到你🤪🤪🤪因爲佢地有好多種類菜色俾你揀，乜都有齊咁濟👍🏻👍🏻👍🏻你以為佢乜都有齊個質數會差？咁你就大錯特錯喇，佢地煮得出個味道亦煮得出個菜色，簡直正呀👍🏻👏🏻👏🏻👏🏻👏🏻中意食羊嘅你就一定要來試試啦。👍🏻👍🏻另外佢呢個套餐都好抵。👍🏻👍🏻或者有啲簡單小炒嘅菜式俾你揀。👍🏻👍🏻我就order左佢呢個涼拌麻辣涼前菜你要為個樣麻麻哋，但係食落去真係好好味，係超級開胃，佢有嗰個麻辣味但係都唔會太辣，總之佢嗰個味道係好吸引，當中佢都有青瓜，麵筋，呢兩樣野配搭埋令到個涼皮就更豐富，尤其是麵筋索晒啲麻辣汁一流呀。👏🏻👏🏻👏🏻👏🏻誠意推介。之後叫咗呢個酸菜魚，佢唔會太辣，紋絡好香口，湯底配合得好好，最出色嘅就係嗰啲魚，因為非常嫩滑，你以為佢用普通魚？咁你就錯啦，佢用嘅應該係石斑魚，因為肉質好厚身，好彈牙，亦都好大舊，一啲骨都冇，啖啖都係肉再夾買啲酸菜一齊食好出色。👍🏻👍🏻👍🏻最尾叫咗呢個四川口水雞，又係唔會太辣，出邊食嘅口水雞都係凍冰冰同埋冇乜肉，而佢哋呢個口水雞係暖暖地同埋佢用嘅係雞脾黎架，所以真係啖啖都係肉，我覺得佢哋個口水雞都係好出色👍🏻

位於天后的天山小館，是一間由新疆人開設的中國菜餐廳，主打新疆菜，同時提供廣東菜，川菜等等，非常多元化。新疆菜，你有吃過嗎？我從未吃過新疆菜，因此非常期待呢。羊肉餡餠$50/半份山長水遠入天后，當然是要品嚐新疆菜吧。在仔細看菜單前，率先柯打一份羊肉餡餠。餡餠猶如一個大餃子，外皮炸得超香脆，撒上孜然粉，香氣逼人，內裡的羊肉重味多汁，絲毫不膻，同行者說值得從荃灣來光顧阿。魚香茄子煲$88魚香茄子是我長大後，最愛的小菜之一。吱吱作響的茄子煲，令人口水流個不停。茄子切成大小適中的形狀，軟腍入味，肉碎濃香，略為油了一點點，配飯一流阿。沙律蝦球$188最後我自己點選一份沙律蝦球獨獨食，超開心阿。蝦肉超級巨大，約有九十隻，難怪售$188呢。外層的粉漿薄而透，油溫夠高，炸成金黃薄膜，師傅廚藝高超呢，蝦肉很彈牙肥美，沾上沙律醬更加美味。

今日黎到天后食晚飯，其實都好小會黎依區食飯，上幾次都係探朋友先黎食，今次又係比我朋友拉黎食飯啦。最近三餐都冇乜食過中菜，今晚就食番廣東菜先，話晒都係香港人嘛！招牌陳醋咕嚕肉$98係咕嚕肉BB呀！真係見到都開心，啦啦聲叫左個白飯先。老闆娘話咕嚕肉係佢地招牌，用左陳醋去整，即刻食一啖，果然好有好勁既陳醋味，酸酸地，正！海味粉絲雜菜煲$98食左幾碟肉，都要食番小小菜balance下先得既。粉絲雜菜煲係大人小朋友都鐘意既菜式，粉絲都唔少，同菜既比例有一比一，有齊白菜，菜心，生菜，大量既菇，都幾好。白飯$10

食得大多西餐，有時都想食下中式，天山小館絕對滿足了小妹的麻煩胃口，皆因過裡提供出色的各式中式風情菜。感覺這是人氣小店，靚靚老闆娘和不同知名人士的合照貼滿門口玻璃窗。店內裝潢簡樸乾淨，座位坐得舒服。兩口子點三個菜，夠食有餘。蜜餞生炒骨，蜜餞蠔就食得多，蜜餞生炒骨都是第一次。非常野咪，甜甜酸酸最啱我口味。西藏烤牛肉配酥餅，非常有驚喜的一道菜式。碎肉有口感，辣味適中，加入芹菜，放進酥餅一齊進食，簡直是絕配。出街食又想健康一點，就要點這個濃湯浸絲瓜，確實很讚。這間小店還提供其他很有特色的菜式， 價錢也非常合理，下次邀請朋友一齊是一個很好的食好嘢聚腳的地方。