天吉屋 (已結業)

好耐冇食天丼喇🙈姐係又要邪惡又要食🤣今次試下旺角人氣高企既天吉屋先！下午去唔洗排隊👌🏻.天幕御膳(黑虎蝦,海紅鯛配紫蘇葉,軟殼蟹,洋蔥,魷魚,茄子,南瓜,炸紫菜,四季豆)$148好豐富呀！！🤩可以一次過試到好多款天婦羅炸物！又唔覺得好油膩喎👌🏻最鍾意食都係天婦羅蝦！炸紫菜都好驚喜😍脆卜卜！天婦羅魷魚同四季豆比較特別呀～.天吉雙品(稻庭烏冬,冷柚子皮,紫菜,芝麻)( 雜錦炸物:洋蔥,櫻花蝦,黑虎蝦,茄子,四季豆,溫泉蛋 )$108呢個組合又有飯又有烏冬👍🏻夠飽！好抵食！多咗個溫泉蛋，望落好治癒，撈勻食，好味🤤稻庭烏冬上面加咗柚子皮，味道好清新！加入wasabi湯一齊食，好正！.仲有大量椰菜絲，夠新鮮👍🏻味道都好清新呀～

一直都好鍾意食天婦羅，朗豪坊呢間天婦羅店開咗好耐都係第一次試，大家都好鍾意食蝦所以揀咗兩款天婦羅丼都係有蝦🥰天幕御膳 ($148) 好靚既set，一大碟超級豐富嘅天婦羅，仲有湯同埋珍珠白飯。唔同天婦羅有唔同嘅食法，可以選擇點蘿蔔蓉，或者同飯一齊食，因為食材夠新鮮所以其實就咁食已經好正！最鍾意係呢個天婦羅大蝦，兩隻大蝦為之一個天婦羅，然後咬落係超級彈牙同新鮮🥰 好滿足軟殼蟹丼 ($158) 呢個飯一上枱係有少少嚇親，成個碗放滿晒唔同嘅天婦羅🥰 唔夾出嚟都唔會食到啲飯😂 入邊有超級多軟殼蟹天婦羅，外脆內軟好好味～

疫情之下人龍相對減少，可以試一啲人氣店舖今晚我預約左7點黎食，雖然店內滿座但暫時冇人排隊，8點之得就見到出面樓梯有人龍，果然早去有着數(^-^)今次叫左個天幕御膳套餐$148餐前來個免費任加的椰菜沙律，店員會俾一支柚子沙律汁自己加，仲俾左公筷枱面會有牛旁茶餐內有包個湯同飯 白飯都係任裝咖材料超級豐富，有虎蝦，有魚，有四季豆，茄子等等最特別就有塊炸紫菜啦，本身紫菜就係脆卜卜而家有少少炸粉係面就脆上加脆，幾得意另外我都幾鍾意食紫蘇葉包住嗰塊魚，好鍾意紫蘇葉嘅味道其實佢個份量都好大份㗎睇吓相中嗰個炸洋蔥魷魚成個碗咁大就知啦尼個價錢食到個禁豐富既好質天婦羅，係值得一試既！

預約左7點半去食、當時無人排隊！同朋友都係揀左天幕御膳加杯Kirin啤下佢佢會先比沙律食、仲有個柚子汁⋯少少酸食完無耐就有得食個御膳有三食一食當然係原味+傳統既天婦羅汁第二就加秘製既天丼醬三就加湯個人就覺得個高湯有d咸但天婦羅真係好食、配合埋個日本米真係無得輸😋😋而且個味噌湯都係好飲、因為出面多數又係得個咸字！

朗豪坊天婦羅專賣店🍤天吉屋平時行街經過都會見到有條人龍喺度排！今次出嚟旺角買波鞋想食個early dinner，六點經過！勁好彩竟然可以俾我等左一陣就直入坐低🥰和風簡約裝修！店員全部都戴上口罩😷注重衛生！終於都諗好食咩啦！ 而家都唔多出街食飯，要食梗係對自己最好啦！前菜任添嘅椰菜🥗🥙沙律🥗🥙配埋柚子胡椒沙律汁，酸酸地好開胃而且椰菜新鮮有咬口！！店員會定期行禮問你使唔使加菜啊真。任食🥗🥗🥗🥗另外仲有配料包括牛蒡漬物、蘿蔔漬物會健康嘅牛蒡茶茶！中和下天婦羅🍤喺口腔殘餘感偷睇到隔離枱食！我又叫🎈天幕御膳（$148）成set咁上菜，睇個樣就已經係打卡able🎎仲會附上說明書，一菜式三款食法🤣（黑虎蝦、軟殼蟹、茄子🍆、南瓜🎃、炸紫菜、四季豆、洋蔥🧅魷魚🦑）三種食法就唔詳細講啦！ 當中我最鍾意嘅食法就係配佢哋嘅鰹魚湯泡飯 ！！！鮮味嘅鰹魚湯！加埋芥末同紫菜！芥末嘅輕輕攻鼻味道！係咁多種食法裏面最突出😋😋佢哋嘅天婦羅全部都炸得外層好薄！絕對唔會"厚麵皮"!咬落去颯颯聲🤤黑虎蝦果然明白正！蝦肉彈牙爽口！外層脆入面厚肉地🍤😋！炸嘅蔬菜🥬！都唔會好油膩！！成set野好抵食！價錢絕對係高CP值嘅天婦羅set

呢間店有幾出名相信唔洗我講大家都知淨係排隊都要排30分鐘以上呢度既套餐選擇唔算多 比較特別既都有幾種今次點左既係佢既推薦：天幕御膳首先送來的是很香濃的日本茶味道和香氣都是一流的沙律呢度既沙律超爽超新鮮前菜都已經咁高質！加上柚子醬真係不得了！！等左大約10分鐘就已經上到菜佢仲好細心的有說明書說一下點食先係最好食既方法！炸物包括左有炸蝦，炸紫菜，紅鯛魚，四季豆，軟殼蟹，什錦炸物仲有3種不同的食法！！炸物質素唔洗我講都知好掂！！我最鐘意第3種食法天茶泡飯估唔到泡左既炸物別有一番口感!! 建議可以三種食法都係一次

這家是小妹期待已久的的天丼 小妹一直對天丼的印象麻麻因為之前吃過的都比較失望感覺都是比較乾 味道比較單一但小妹被榮獲連續六年日本丼聯盟天丼金賞獎這頭銜所吸引一定要試試佢!小妹與男友掙扎了一陣子一入店內坐底店員立刻奉上沙律菜和牛蒡茶沙律菜是我最愛的 加上柚子沙律汁吃非常清爽 牛蒡茶味道非常養生而且很暖胃我們最後分別點了All Star丼$108男友的天婦羅丼份量之多 差不多滿瀉出黎包括有黑虎蝦、海紅鯛配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋天幕御膳$148天婦羅有黑虎蝦、軟殼蟹、海紅鯛配紫蘇葉、什錦炸物、茄子、四季豆、南瓜、炸紫菜。此 set 仲可無限添飯天幕御膳有3種不同食法的店家都很細心提供了說明書1/將天婦羅沾上有蘿蔔泥的醬汁吃2/將天婦羅放上米飯上 淋上天丼醬吃3/將什錦炸物放上米飯上加上鰹魚湯 加上紫菜吃不同食法有不同的風味 小妹非常欣賞店家提供的沙律菜和牛蒡茶可以成功去除食天婦羅所造成的油膩感這家的天丼可以榮獲金獎可以說是有它的道理整個package很完善 所有提供的配菜 茶 漬物都是經過設計過的可惜的是可能人手不夠天婦羅的熱度不夠 不夠脆身有點美中

之前見到唔少媒體都有介紹呢間食天婦羅丼飯嘅餐廳。餐牌都幾簡潔，只係列有10款以內嘅天婦羅丼飯。座位方面，部分位置尚算寬敞，不過二人位就有啲窄。有一排座位係對正廚房，隱約會見到廚師嘅工作情況，都幾有趣。-軟殼蟹丼 $158見到有一款係香港限定款式，所以特登叫咗軟殼蟹丼飯。除咗有巨型軟殼蟹，比較特別係有炸皇帝菜同櫻花蝦，同外脆內軟流心蛋。稍嫌炸得有點過火，但蟹肉同皇帝菜味道都尚算不錯。配料份量多而足，食到一半已經好飽。

由開店開始就好多人排隊，前排終於去左朝聖店員會係排隊時幫我地落定單先，一入去坐低，就有椰菜絲任食，仲有牛蒡，食定啲先，等一陣食天婦羅都冇咁熱氣😆5分鐘左右，天婦羅飯就到左，份量好多，每件都大大件，皮薄、脆，食落唔覺油膩同男友食到停唔到，不過最後真係超飽🤣🤣雖然排隊真係等左好耐，不過一入去坐低就有得食，加上咁大份量，又即叫即炸，性價比好高～過江龍既天婦羅飯來講，呢間既水準算係保持得相當唔錯👍🏻

自從我呢個銅記友，變左MK友之後，都未認真咁樣周圍搵嘢食，今日見到呢間天吉屋，好似好靚咁，見辛苦左咁耐，就獎勵下自己啦！前菜 - 柚子汁沙律每一間日本炸物餐廳，都總會有無限任添嘅沙律，呢一間都唔例外，菜絲好新鮮，要用爽脆去形容，加埋清新嘅柚子汁，好開胃！天幕御膳 ($148)一味三食嘅天幕御膳，以黑虎蝦、海紅鯛、軟殼蟹、什錦炸物等等組合而成食法一：天婦羅直接食，黑虎蝦蝦彈牙大大隻，鮮甜多汁，好滿足！食法二：天丼將天婦羅放上飯面，加入特制醬汁，最驚喜嘅係海紅鯛，用紫蘇葉包著黎炒，令魚肉更加鮮甜，而且又冇咁容易散食法三：天茶泡飯茶漬鰻魚飯就食得多，原來天婦羅丼都可以咁食！將洋蔥、魷魚放係白飯上面，再加上秘制高湯，令洋蔥嘅香味、滲入飯裡面，又可以減淡油膩感軟殼蟹丼 — 香港限定 ($158)好滿滿嘅丼！天婦羅多到完全見唔到d飯！軟殼蟹啖啖肉，外皮炸到脆脆，鍾意軟殼蟹嘅就唔好錯過，價錢都唔算貴最後飲返杯牛蒡茶，解膩消脂，罪惡感即刻少左 。

今次去到呢間長期朗豪坊排曬長龍嘅天丼店，係日本食個天丼$60-70已經有交易，估唔到香港要排隊先食到。肺炎疫情影響下，大部分餐肆都受到影響，就算是人龍店，亦不能幸免。今次6點半左右入座，唔好話長龍，人客都唔多，亦因為呢個原因，就入去試過究竟！餐廳選擇唔多，大概有5-6款丼飯，另有少量飲品選擇。的而且確，餐牌上丼飯外觀秀色可餐，大量天婦羅就好似小山丘咁堆係飯上。食餐前，奉上大盤椰菜絲，無限refill，請任意享用！沾上柚子醋汁，爽脆香甜，但refill就不了！留返個肚食飯!麥茶重麥味，可消滯～天吉雙品$108烏冬有溫食（讚崎烏冬）/冷食（稻庭烏冬）選擇，帶有冷柚子皮及紫菜，將烏冬沾上帶有wasabi 冷麵汁，烏冬陣子下，唔會太淋細丼飯有黑虎蝦、洋蔥、茄子、溫泉蛋、四季豆等等，天丼汁味唔太濃，但甜甜地好易送飯。始終天婦羅係會帶點油膩，但呢間算做得唔錯！🤤

依家香港越黎越多日本嘅連鎖餐廳，壽司，燒肉同天富羅。呢間天吉就係其中一間，見咁多食評話佢正，我就中晒伏，好鬼慘。脆口：一啲都唔脆口，唔知係耐左定係啲人玩我，個天富羅皮好林。油香：一個好嘅天富羅一定用靚油，就算唔係頂級油都一定有油香，但呢兜野只有油益味，食到上反胃。新鮮：全部都炸得好過度，啲菜已經炸到硬晒或者過林，而隻蝦熟到起晒渣。其他海鮮都係差到過晒火，起晒渣。隻蛋都炸到個心無晒汁。佢地係咪玩我？飯：有陣油益味，而且啲飯好林，落咁多水煲飯做乜。食法：我跟佢食法，用茶撈飯，結果啲茶調起左陣油益味。真係好難食，又貴。

我成日攪亂咗呢間同天丼，不過其實我兩間都未食過，因為成日大排長龍，同埋感覺好熱氣咁，所以都無緣一試今日路經朗豪坊，搞掂好手頭上嘅野差唔多7點，所以就決定食埋野先返去，突然諗起呢間店，就決定一個人去食好西先好彩仲早，唔洗排隊，店內位置唔算好大，我一個人就坐喺bar枱，望到師傅同廚房。餐牌唔算好多選擇，我揀咗天吉丼，而佢都有提供牛蒡同蘿蔔小食，同埋無限添加椰菜沙律🥗，打定個底再食飯個飯一嚟到好驚艷丼飯上有滿滿的天婦羅🍤 有兩大隻蝦、魚、魷魚、半熟蛋、茄子、南瓜，影相都靚到不得了！一𠝹開個蛋，流心都不行！天婦羅全部新鮮炸，熱辣辣又脆，但同時又好鬆化，配埋珍珠米超級滿足！好彩我少左飯，一個人食好飽我好想快啲再返嚟食，會成日掛住佢

menu選擇唔算好多，揀咗天吉丼。上菜速度快。高麗菜沙律配柚子醋開胃好食。醃牛蒡幾特別。賣相好靚 。不過天婦羅整體唔脆，應該係炸定。個別的很好吃（可能剛好炸起？）。炸虎蝦肉質平平。

天丼即是天婦羅飯的意思，近年成為香港流行料理，當中來自東京的人氣食店天吉屋更在旺角朗豪坊落戶，今日慕名而來，見識見識。天吉屋自2013年在新宿開業，招牌作天吉丼已連續五年贏得日本丼聯盟的天丼金賞獎。香港店面積不大不小，裝飾雅致，環境舒適。由於到店時間尚早，人客不多。餐廳只有五款天丼選擇，分別是天吉丼、天幕御膳、天吉雙品、軟殼蟹丼和All Star 丼。坐下就點了天幕御膳和香港限定的軟殼蟹丼。除了主打的天丼外，餐廳免費供應椰菜沙律，任添任食，再配上自家製的柚子胡椒沙律汁，酸香惹味又解膩。此外還有餐前牛蒡小食和醃製蘿蔔及清熱解毒牛蒡茶任飲。天幕御膳，有黑虎蝦、雜錦炸物魷魚洋蔥餅、軟殼蟹、海紅鯛配紫蘇葉、炸紫菜、茄子、南瓜和四季豆八款天婦羅。黑虎蝦是2隻一起叠炸，肉厚味鮮。海紅鯛夾在紫蘇葉中間炸，紫蘇葉香滲透鮮味魚肉，味道很特別。魷魚洋蔥餅炸得也很鬆化。天幕御膳有三種創意食法，分別是直接蘸上蘿蔔泥吃，置於於米飯上及淋上天丼醬汁再品嚐，或是澆下高湯至飯中變泡飯及加上芥末或紫菜調味，任君選擇。至於軟殼蟹丼，有軟殼蟹、什錦炸物皇帝菜和櫻花蝦、溫泉蛋、南瓜和茄子等天婦羅。軟殼蟹是選用厚肉鮮甜的越南軟