天下壽司 (已結業)

因為同事生日, 一班同事們一同到附近日本餐廳午飯, 在openrice看到天下壽司食評算幾好, 就建議同事們去食飯慶祝。我們有6人一起, 分別叫了不同的午市定食, 當時未寫食評, 所以沒有把全部照片拍下, 只拍下我和坐我對面的同事的定食。海鮮飯午市定食: 確實定食名稱不肯定, 但有海鮮的只得這款,飯底炒過, 頗香口, 三文魚鮮味足夠, 但屬一般。西瓜已不新鮮, 湯底屬交到功課,不淡就是了。沙律蔬菜材料算新鮮。另一個定食有4款壽司, 三文魚肥美,同事話幾好, 帶子細細件,無什麼鮮味,牛油果卷還不錯, 豆腐皮壽司裝滿飯能飽肚就是了。附送的魚生,吞拿魚欠佳,三文魚只屬一般。我反而沒有拍下我自己那份的壽司飯定食, 食到最後, 好恐怖, 嚇倒, 有條白色繩在飯內, 以這種級數的餐廳怎麼可能有這事情出現,這條繩長度足足有10厘米長, 我找來店長講, 她道歉並願換另一件給我, 我不要了, 即使同一款, 我也沒胃口吃。總結,這餐廳是沒有服務可言, 食物水準屬中級以下低級以上, 印象餐廳內座位攞設設計幾靚,但有食物出現色繩, 實絶不應該。

食過天下壽司幾次，幾次都覺得唔錯店內人數唔算太多，所以環境寧靜，適合傾計今次ＬＵＮＣＨ叫左ＳＥＴ　Ｃ黎得都幾快有壽司，拉面，前菜好味之餘都幾抵值得再黎

三月試這店午餐.認為OK這次跟女朋友來.7點幾到,沒有訂位但店裏只坐了一半的客人,不用等位當晚見到有日本師傳是在場造壽司一位女服務生熱情的介紹各種壽司,刺身三文魚壽司.好新鮮拖羅壽司.油香無渣非常好食口感不錯油甘魚壽司.都係好有質感一客活赤貝刺身很新鮮爽口其餘仲叫左少少5A和牛,入口既口感軟軟的,值得一試結賬後女服務生送雪糕我們服務態度好,味道同環境都好

基於一向食開已超過4個年頭位於天后區的紅壽司店早幾個月已關門大吉,所以近口四處搜索有邊間合理價錢又美味新鮮的壽司店可代替. 有朋友就推薦柯士甸道的天下壽司話都幾好,所以週末晚上八時即席邀請老公同往試食 果然如OpenRice內網友所言,店舖內入座率較低(3-4成),只有近窗邊排檯全滿,其他壽司bar及普通檯都只得小貓三四隻 本月店內特價為: 食滿$100可以每人用一蚊order一件海膽軍艦壽司 但味道屬一般; 另叫了幾款不同刺身試食, 其中大拖羅及油甘魚腩 味道屬幾好,值得推介; 全餐只是因個人問題對店內之辣吞拿魚手卷極度失望..... 竟然只是混辣椒油入吞拿魚內, 同一向食開d傳統絕對一個天一個地

尋日下午突然收到天下壽司SMS，話四月食滿一百蚊有一蚊一件海膽壽司。重以為愚人節的惡作劇同女友叫了鵝肝，帶子，三文魚，玉子，油甘魚同海膽的壽司。壽司的飯握的恰好，鵝肝燒得油油的，很香，很冶味；生的帶子，三文，油甘都不錯，滿有日本味道。海膽壽司卻是非常的新鮮！今次第一次在這裡食海膽，不知道跟平常有沒有分別，但一蚊就是絕對的超值！見到有日本師父，不能錯過試試他的手勢。點了三文魚腩，活帶子，同師父介紹的鰹魚跟黑鰭吞拿魚。很新鮮，那吞拿魚不比拖羅肥，但都是入口即溶！他說鰹魚是時令的，味道很不錯，但女友就嫌魚味太重埋單四百蚊唔使，才發現一蚊海膽是個玩笑：愚人節當日一蚊都唔收先真！

我第1次去食.環境唔錯, 夠靜,算闊落但唔日本FEEL我點左日式鰻魚定食等了5分鐘左右有沙拉，湯和生果仲包埋飲品鰻魚有口感.而飯比較乾身我好喜歡.但美中不足個鰻魚汁好咸員工好有禮貌埋單都係$45我就覺得好抵啦

為了補祝半個月前的情人節，老公決定帶我黎食天下sushi~!這麼有人情味、用心為客人服務的壽司店~我覺得應該介紹多d人去食呢!(之前一直都唔得閒，隔左成個月先有空打呢篇野-0-")當日我地book左位，但係去到先發覺無咩人食@@"其實呢間野d壽司都幾好味丫~~~~~~~那位長輩級的壽司師傅仲識同客人同日文溝通架tim大拖羅:雖然食落有筋(d人話靚ge tuna先有筋的-v-")，幾肥美，不過就不太夠鮮甜-"- 美中不足噢!吉豬手卷:炸得剛剛好，食落脆脆的~而且d豬扒味好鮮，加埋佢d特製醬料，正!!原本我地有張coupon，食滿$330先送個 [刺身3點盛] 的，結果我地差少少先夠，但佢都照送俾我地，有東亞card仲有9折tim，最後還有抹茶雪糕送呢@v@自家製的..好重奶味，好好味唷^^果然是一間很有誠意的壽司店~!不過我地食到8點幾，離開時都是只有3成入座率-"-是地點位置太偏僻的關係嗎???生意好像不太好...但佢d壽司又ok個喎@@"而且服務咁好，都值得支持一下吧=v="我覺得一間餐廳，無論d野食幾好味都好，差勁的服務態度...食左都只會令人背脊骨落-"-所以如果有機會的話，我一

日本的情人節，當然食日本菜啦，聽朋友講過天下壽司幾好，就同新女友試試。七點半到，人不太多， 不過好像不太“日本”，唔知食物會唔會都一樣呢？。。。。。。搵食先算！凍凍地，店員介紹了石狩鍋餐，有壽司，有刺身，又有溫暖的鍋物，好在食物非常“日本”！！！飲埋清酒，才四百蚊埋單。有一點超值的感覺。。。。。。經濟真的那麼差嗎？才九點多，離開時得番兩枱人。唔知下次來重响唔响到呢？。。。。。。希望大家都能熬過寒凍吧！加油！

睇左食評去食唔知點解會有咁多哈哈笑...好多人都話鵝奸好味就叫左試下啦點知..........件鵝奸細到係我食過最細的一舊細都唔緊要,但最衰係完全唔覺得好食....仲要成$35一件完全有被騙的感覺囉~~唯一可以試的就是廣島蠔呢個都算係全晚最好味~~~整體黎講唔覺得特別新鮮,但特別貴囉 >.<個人覺得唔會再去第二次囉~~~

同朋友仔慶祝生日，係openrice搵日本嘢，見哩間好似幾好，同埋有個朋友都讚，就決定嚟試吓。當日冇卜位，六點幾去到冇人，個侍應話好多位俾人卜咗，所以安排我坐門口位，仲要限八點半交枱。四個人叫咗壽司、墨汁冷麵 & 炸雞。壽司一般，三文魚&帶子唔算好新鮮好味，卷物賣相麻麻，味道一般；墨汁冷麵賣相吸引，但味道都係一般，同普通冷麵冇乜分別；炸雞都係一般0既炸雞，味道冇特別，而且好油。由於樣樣都麻麻，所以都冇再叫其他嘢。佢d枱好特別，鋪咗中式酒樓果種枱布，而餐具都好中式，令我覺得佢唔似正中日式餐館。好準時叫我地埋單，走時d枱都唔full囉...以同級壽司鋪嚟講，哩間真係麻麻，唔會再嚟

同男友 剛入去的時候，入面就只有一台客人，嚇到我地以為無生意成咁．．．（九點入）不過環境寧靜，有格調，都幾岩我地想搵個靜靜地ＧＥ地方食個靚飯刺身價錢比街外舖貴，其他壽司價錢都差不多，點了三文魚腩同帆立貝刺身，成座冰鎮上的刺身，格外吸引！！果然，真係新鮮到”震”以前大啖啖食的我，忍唔住要慢慢品賞，欣賞佢＠＠海膽壽司都係，食完個口仲番有陣海膽味留香，我真係未試過～～鹽燒雞軟骨也很不錯～再食左火炙三文魚、榮螺、火炙帆立貝海膽壽司等，整體都水準之上！尢其火炙帆立貝海膽～入口即溶ＧＥ海膽，但又有啖啖肉ＧＥ帆立貝，火炙同海膽味交錯住，拜託！！！個種心情真係．．好複雜又難以想像！！！

我們在一個月前已訂位, 訂了7:00, 到達已有不少人在進餐, 應該是情人節的關係吧。今日餐廳設有限時, 要我們在8:45離開, 對於我們來說, 這也不成問題。環境昏暗頗有情調, 感覺浪漫, 但廳沒有特別為情人節花心思去佈置或送禮物,只是多了一個情人節套餐供選擇, 但一點也不吸引, 有點失色。當開始點菜時, 就是惡夢的開始....................如常先點數款壽司, 然後邊吃邊再選擇其他, 店員放下一張 “是日推介” 菜單, 選了當中兩款, 為廣島蠔和什麼魚刺身, 店員說 “暫沒有貨, 飛機在7:30運到!” 我們感到一頭霧水, 究竟7:30到機場, 還是到門市呢? 開始感到掃興。不久店員走來告訴我們所點的東西, 沒有平貝和我喜愛的希靈魚, 加倍掃興。第二次再加食物, 選了較特別的人氣食物, 忘記了什麼煮大蜆, 還有麻醬混生牛肉手卷, 巴馬火腿意式芝士卷, 店員入單後, 不久又折返說沒有, 這時我感到極度掃興和氣憤, 什麼都沒有, 如要吃普通的壽司, 隨處都可吃到, 為什麼要來這裏? 還要在情人節? 我問店員為何最貴的食物全都沒有, 他竟答我：我都知呢d 係最賺錢....

看罷openrice的食評,download了coupon,與男友仔共享了一頓美味的晚餐!coupon是四色刺身,唔會因送的源故,會係頭頭尾尾,而且好新鮮.另外點了廣島蠔,好甜,好好美味,酸汁配蠔更能帶出蠔味!好正!!!!!!還點了安康魚肝,又係另一佳作,雖然都係配,酸汁,但魚油滲透了出來,感覺與前者截然不同,gooooooood!最後點了幾款壽司以蟹高壽司最值得推介!本身我是cd rom名,因你的美食打動,寫下此文來支下,會再來!

一向喜歡食日本野既我，今晚同屋企人食飯，一行六人，當中仲有一個發緊育既表弟！我地叫左好多壽司，多都都唔記得食過咩，三文魚、吞拿魚、鰻魚反卷、6個手卷（生牛肉、三文魚、吞拿魚腩蓉、軟殼蟹等等）魚肝 - 本人覺得麻麻，雖然有D葱同酸汁，不過都有D腥！$120 DBS 四色魚生 大大塊，幾抵食，唔會因為平而唔生鮮！唔錯海膽炒飯 - 呢個就麻麻地，無乜味，好似無落鹽咁，又無海膽味！天婦羅湯麵 - 天婦羅唔錯，唔油，都幾抵食！

寒風呼呼下,放工後與mika,夢夢一行三人在,路經柯士甸道,被樓下的火鍋宣傳牌吸引著,在夢夢的提意下,初嚐天下壽司.在七時許,沒太多人,幸運地可以坐窗口位,這裡樓底高,直身玻璃窗,視野廣闊,感覺良好.坐得舒服.我們三人點了個石狩鍋set,$338,內容如下帶子邊:有少許辣,但好爽口.幾好味燒玉子:甜度適中,略嫌不夠香口.四色刺身,有三文,吞拿,希靈魚,仲有種唔知乜魚?魚生好新鮮,食得出鮮味,抵讚!炸尤魚餅,蟹鉗:同一般同其他鋪,差不多,冇驚喜.石狩鍋:主角出場,在未食前,店員拿來了小玩意,是一個磨碗,同專門食吉列炸豬那個一樣,芝麻在磨碎過後,香味更為特出.初時以為放落個鍋到,在店員提議下說撈海鮮來食會好味,果然真的,唔該哂!鍋份量好多,足料,有尤魚,三文魚頭,帶子,有日本蠔,蜆,北寄貝, 仲有烏冬,湯底是麵豉來的,超好味,有著一股說不出的香味,好熟識但想不到是什麼.海鮮好新鮮,在我們吃畢海鮮後,用剩下來的湯來煮烏冬,更惹味,湯充分吸收了海鮮味,真的超滿足.由於套餐寫是2人餐,沒想到咁足料,我們還點了,安康魚肝$82:侍應標榜是他們的日本師傅自己做,不是罐頭貨.果然味道與別不同,鮮味極高