大食代 (已結業)

平日tea $23 迷你石頭鍋飯, 不包餐飲 這個飯耗時最耐是整熱個石頭鍋, 雖然只是平價tea, 但都一絲不苟. 石頭鍋夠熱, 但就未至於發出"磁磁聲", 亦做不出飯焦的效果. 這兒的飯食過幾次都覺得偏稔, 落多左水去煲飯 係電飯煲取出熱騰騰的飯後, 就加上椰菜, 再舖滿牛肉, 淋上醬汁, 撒上芝麻, 立即生色不少. 可惜牛肉不熱, 微暖都無, 還以為食緊涼伴小食醬汁牛肉 + 熱飯.

見到pizza店太多人,就轉移陣地試下大食代啦!咁多款國際美食揀乜好呢???今次試試越南先午餐set都幾豐富:-生牛河>> 份量係少d,不過今日唔餓,剛剛好.越南小吃>> 有雞翼,扎肉同春卷.雞翼好味,不過得一隻少d囉..扎肉好少食,我諗再差都唔會差得去邊卦~仲有個春卷,已經唔脆咯.芥蘭>> 好彩唔係太多,因為我個人都唔係太好芥蘭.冇乜野,入得口不過個餐就冇野飲,我又走去買左杯orange juice,好飲~

今日lunch 同班同學出左黎大食代食大食代有學生餐供應其實唔使成日係附近d餐廳度食,有d悶話晒大食代多d選擇價錢同其他餐廳差唔多,有d仲幾平而且仲有好多位,唔使等, 唔似得其他餐廳等餐死今日食左越南野---雞扒撈檬($23)雞扒整得幾好食,幾入味,幾抵我d同學就食飯bowl-----好似係牛扒飯睇落黎都唔錯,唔會食唔到,塊牛扒幾薄仲有好似食左台灣野都幾豐富,其中一款係雞球豆腐肉燥飯仲配埋碗湯添整體黎講,大食代既學生餐都幾抵食同埋多選擇可以再黎食過!!!!!

學記出左幾款新粥!!!!好似有海參蝦球粥,竹笙海參粥,竹笙雞粥今次試左海參蝦球粥都幾好味!!!蝦球好大粒,都夠鮮味其實都有新鮮感!!!!!GOOD!!!仲加左$6 要左碟叉燒腸粉,都唔錯,幾滑下

今日約左人，係度食左個晚餐先上去做野要左個薑蔥咸雞粥餐，$32連炸兩佢係有個白粥底，跟住加d料加個小瓦煲度煮一陣，再倒d白粥上去俾客個粥唔太差，唔會d雞件唔會全部都骨，唔算太綿個炸兩就差，油炸鬼係凍，唔好食個價錢成$32，個粥份量應該再多d......

去Nature's 度做facial，去food court 食d野先。行咗成個圈，無咩邊樣特別吸引，於是求其選了幾多人食嘅越式粉。要了扎肉雞絲河粉，配熱檸茶。俾咗錢之後，去咗中間個counter 攞野飲。攞完飲品之後去攞餐，立即就有。個碗就大呀，不過份量少，食完都唔多夠飽。配料有洋蔥同芽菜，新鮮程度一般，有d芽菜已變色。河粉幾幼，幾滑，唔太淋；不過份量少。得3薄片扎肉，味道一般，唔特出。雞絲好鞋又乾身，仲有少少咸。湯底幾濃，無味精，食完都無口渴。

7月尾去了千味家食平日tea, $20一個炒飯, 還送例湯, 而碟炒飯竟然係正常size, 無因為tea的關係而縮左水, 算抵啦! 可能是新店的關係吧 楊州炒飯 即使無人夾單, 廚房都會即開鑊炒, 見到裏面廚房個火爐幾猛, 幾夠鑊氣 炒飯味道偏淡, 只有蛋碎有預先落鹽調味, 其餘飯及配料都是淡淡的, 間中食到一小撮鹽, 即師傅撒鹽不太均勻 飯底就最失色, 稔pat pat之餘有些還炒到一舊舊

After lunch at the Korean/Japanese restaurant we went to the Food Republic for Chinese dessert. There is only one shop for Chinese dessert and by looking at the food model we chose two: 楊枝甘露 ($22) and 腐竹意米白果 ($14). One word - watery. Found very little mango in the 楊枝甘露, mainly milky sweet water. 腐竹意米 same. In fact 腐竹意米 are very cheap ingredients why are they so stingy with them. Value for money? You to decide. No wonder people say the profit margin for Chinese dessert is huge

Teppanyaki牛仔骨$72銀鱈魚$88可樂$10九折合共$153.00特登過嚟荷李活睇「李小龍」展覽，有啲當年剪報講番佢嘅新聞，佢係全頁報紙咁裱出，可以睇埋當時發生嘅其他新聞同廣告，印度神油廣告都可以賣喺頭版、工廠請人、有人重婚……幾有趣夜晚順便喺度開餐，就試吓鐡板燒，原來用恆生信用咭簽脹有九折佢油煙抽得幾好，我地對到正都冇味佢將條牛仔骨斬開一半，骨嗰段乾煎，肉就用蒜汁煮，反而骨係最好味，食到肉味，肉嗰段太重蒜味銀鱈魚煎得香口，冇雪味，冇怪味，應該唔係工業用油魚啲莧菜抄得唔老，芽菜量多，湯似白滾水，淡出個鳥來因為坐近爐，啲菜擺喺錫紙度仲好熱，辣親條脷

去左右手面間越南野到食生牛肉湯河 $29 汽水+$5味道 湯甜甜地 唔知係咩湯 不過冇乜其他味伴碟D洋蔥好甜~舖頭旁邊有得自己加配料有九層塔, 辣椒, 芫茜, 蔥, 青檸不過唔係一樣配料自己一個夾所以儘管我只係夾左芫茜同蔥成碗面都有陣好似驅蚊草o既味可能之前有人夾完九層塔...衛生 : 間野幾企型但唔明點解煮野食個嬸嬸明明有個夾比佢夾牛肉但佢都要用手可能會鋪得靚D掛不過見到佢d指甲邊係黑色的另外拎野飲o個度我一行埋去有個女仔話佢地o個度有咩la咁我問汽水有咩佢又重覆一次 "奶茶,咖啡,汽水, 凍飲+2蚊" 之類好似聽唔到我問咩咁我停左一停之後另一個女仔好好咁答番我lor~

tea --- 炸醬麵 $17 + $3配炸兩 炸醬麵--個醬味道酸甜度適中, 帶少少辣, 味道濃, 好惹味 --麵夠爽, 淥得剛剛好, 麵質本身唔錯, 有少少梘水味--瘦肉絲頗鞋口, 可能淥老左, 太實 炸兩 --腸粉皮即叫即拉--包著的油條本身一點兒都不脆, 而且好稔, 好難嚥得下, 唔太新鮮炸醬麵一早弄好, 正在等廚房整炸兩, 一整好就放係出菜位等外面的店員遞給食客, 但外面的店員只顧係出菜位隔離對下的洗碗盆度洗東西, 完全當碟炸兩透明, 好擔心洗碗水會飛濺到碟炸兩度. 結果要企係度呆等兩分鐘, 等店員洗好東西才遞過來=======所以唔會再幫襯==========

叫左個海南雞飯套餐都好好味呀~~d雞唔肥唔瘦岩岩好!!d油飯配合埋d醬料真係好好味!!個套餐有鳳爪!~我覺得甜左d......但都ok個湯味精湯...~不過over all 都好好味!!貴左少少

今日夜晚去左游水!游完已經好肚餓!!!8點去到叫左個 芝士咖哩雞飯!!好好味呀!!!!!!!真係好好好好味呀>3<!d芝士濃濃既~!!好重咖哩味!!!有隻半生熟既蛋加埋!!超正!!!!仲有d飯係珍珠米!!好煙un呀!!!~~gd!

又熱又濕的天氣令人透不過氣, 就諗起酸酸地的魚露, 及好好味的越色春卷 tea $20 不包飲品 ------絲網春卷 + 蝦肉雞肉米卷 絲網春卷係即炸的, 不會過燶, 鍾意外層炸到脆口的春卷皮, 裏面餡料就較少, 像是素菜切成絲 --- 蘿蔔, 木耳..... 蝦肉雞肉米卷雖然係凍食, 而且味道較清淡, 蝦及雞肉的味道不突出, 雞肉份量亦小, 不過配埋魚露就好清新係黃大仙區住, 想食地道少少的越色食物 + 調得好好味的魚露, 都會黎呢度

生牛肉湯金邊粉 (tea 時段 $24, no drink) 除河粉外, 可選檬粉或金邊粉, 那就選了又滑又幼細的金邊粉, 唔錯 自取 --- 辣醬, 魚露, 芫茜, 九層塔, 辣椒, 葱, 青檸 --- 可惜九層塔唔靚, 多枯葉, 揀唔落手 湯底清甜, 但唔夠濃 配料有少少芽菜及好多生洋葱 生牛肉微紅, 牛肉軟稔, 夠鮮味. 浸湯一陣後都唔會韌, 且牛肉份量算多且大大塊