大門食堂 (已結業)

打完風做gym 要補充體力先可以減肥哈哈嗌左沾麵 晚市定食普通拉麵價格($98@) 但有前菜 小食 嘢飲 勁豐富小食4揀1 大食可以揀餃子 細食可揀蛋 前菜沙律 健康max食得太快 冇影到相得張單咋沾麵幾好食 個湯夠熱 平時食開另外個湯會油啲 呢個唔油 good 呢間都冇得俾客人自選麵硬度同份量 不過好食就得 8/10餃子熱辣辣 究竟中女要啲嘢幾熱😂😂皮薄先緊要! 下次可encore 呢個俾9/10 味蛋正常 下次食溫泉蛋先一句講晒 支持良心商戶

OT工作身心疲累，就到打算在公司附近吃點東西就回家。落到樓下，四圍漆黑，仿然被對面燈火光明的大門吸引著。拉開日本式木門，看到開放式的廚房。就正代表著高透明度製作，對出品有信心，而且乾淨整齊。找了個吧枱位置坐下，枱面及筷子餐具都十分整潔，枱面有自助清水，先喝一口再慢慢選食物。點菜用臘筆劃上，方便快捷又環保。點了大門沾麵定食，附送沙律，小食及飲品。沙律有我最愛的日本豆腐，跟胡麻醬就是絕配，底下的沙律菜及車厘茄都十分清嫩鮮嫩。小食及飲品有幾款選擇，我就要了溫泉蛋及凍檸賓。圓滑飽滿的溫泉蛋，一整個放入口內慢慢品嚐，濃郁滑溜的蛋香一直在瀰漫。吃完沙律剛好沾麵就到來。熱辣辣湯底散發出濃郁的香味，香味十分豐富，感覺是有魚有肉熬成，而且表明是日本直送。夾起麵條沾上濃湯來吃，麵條掛汁度高，煙韌軟彈有質感，再配上爽脆紫菜，更香更有多重口感。埋單不用一百元，好味抵食好滿足！

一上枱時賣相不俗，對得起價錢。麵底彈牙，不是爽口的路線，但咬開時亦不會過硬，麵底而言較同期拉麵店算是中上。然後湯底方面我選的是一般的骨湯底。味道不俗，不會過咸過淡、亦不膩。湯較同期算是流質，但味道濃郁，有油花。

同老婆叫左個黑蒜油面同拉面食，拉麵個靈魂就係d面，個油麵又乾口感又差，拉麵仲普通過元氣壽司店d拉麵，我諗我永遠都唔會再黎中伏，等又等得耐侍應做野又懶懶閒吹左成兩次先黎到個油麵，全程等到都無曬引。下次會睇清楚open rice d食評先黎食，我頂，係呢區食都唔係平嫁啦，俾d咁既質素人地食。希望呢間野可以認真諗諗點樣可以改善d食物同服務質素，唔好令我呢d鍾意食拉麵既人再忍受d咁既經歷可以嗎？真係講到火都黎埋

都唔知點解會有人食...完全係用微波爐加熱一般難以想像係灣仔呢個價錢要捱咁既食物是日午餐行完一身汗坐入黎個個員工好似唔想做咁口黑面黑點餐尚算快但食物質素真的不堪如果唔係附近太多人食間間都爆呢間真係唔會選擇原本以為食日式野應該唔會有太大difference來來去去都係基本拉面、飯咁但係個拉面個湯好似味精加水個面又淋分量太少男仔好難飽食完飲水一大杯都仲渴真係唔得不回頭之選可以一試試完就知下次都係等下其他是但一間都好過佢

此店位置不太就腳，因為食晏時間太多人 ，所以近近哋搵間食拉麵，今次食咗個牛肉烏冬， 個烏冬得半個 ， 兒童餐份量，牛肉又韌 ，個湯底勁多味精，即場飲幾杯水 解渴 。店員服務 態度超差， 個個冇禮貌又黑口黑面 ， 朋友就食拉麵 ， 佢哋個湯底都偏 鹹 ， 總括而言 ，食物不可一題，無下次， 報告完畢。

平日晏晝時份，同同事趕時間快食，巧遇大門有位，而附近其他都要等，所以都無乜辦法入去充飢。食過拉麵同沾麵，第一次食沾麵，堅唔係我杯茶，啲麵好似生咁，好硬，無口感，醬汁太鹹，好似食味精咁。另一次食拉麵，麵質正常番少少，但係都太鹹，鹹到有少少苦味；叉燒太肥而且薄如紙，份量對於女士們岩岩好，男仕應有未必夠。唔好諗有咩服務喇，當係食車站拉麵會舒服啲。同區食拉麵有不少選擇，其他菜式喺蘭杜街或星街亦有坐得更舒服、服務更好選擇。除非真係無野食，否則唔會再幫襯。

經常在灣仔出末，卻最近才注意到這間日式小店。我order了大門油面，而我的朋友order了黑蒜油面。面條很粗很彈牙，是我喜歡的那種用來撈面的醬料很野味，建議加沙律醬和醋一起吃，味道更有層次

本來想試星馬菜，由街頭行到街尾，點知紅日佢無開門☹️近近地試下呢間外觀好似好正常嘅日式拉麵店啦。坐低睇完餐牌就落單啦，嗌嗰樣無嗰樣👍🏻好彩個侍應態度都算好，唔係真係轉場食第二間。男朋友嗌嘅黑蒜油拉麵，湯底油膩不在話下，麵質普通，出前一丁黑蒜油杯麵仲好食過佢。到我嘅吉列豬扒定食，豬扒係番炸嘅，咖哩汁係12蚊店咖啡磚貨色。仲有個前菜同麵豉湯，唔講喇，睇相啦。好彩男朋友都醒目，佢話只要我以後煮到有咁嘅程度都收貨😍😍咁就啱喇，以後帶你食多啲普通嘢，等你繼續拉低你嘅要求🤣

如果喺灣仔同金鐘附近返工，要搵間比較划算嘅日式餐廳其實都好難，好彩喺太古廣場三期碗出去附近就有間大門拉麵店，價錢唔貴之餘，仲要唔收加一服務費。所以呢....未到一點食飯時間，餐廳門口都已經排哂長龍，超過十個人排隊。而呢間拉麵店係齊人先會安排入坐嘅，所以要幫朋友拎定位都有難度。咁好彩只係排左3個字左右，而前面排隊嘅又未齊人，所以我地就安排左入坐先。今次黎大門係特登黎食佢地嘅黑蒜油系列嘅，咁我就叫左個黑蒜油拉麵（$58），我朋友就叫左個黑蒜油沾麵（$65）。兩者有咩分別？拉麵就係湯同麵同碗上，而沾麵就係湯同麵分開上。食落拉麵會愈食愈咸，而沾麵因為每一次夾住麵條沾湯食，所以無咁咸口之餘，就算食到最尾，麵條都亦然保持有彈口嘅。同埋無論拉麵定沾麵，配餸都係一樣，都係有塊叉燒，好軟熟，但又未至於入口即溶嘅境界。五十幾蚊、六十幾蚊喺咁嘅地理位置食到碗拉麵，抵食呀！

原本想食古月喇沙，但已準備關門，當時是星期六約晚上7時，惟有找附近餐廳試試，也想試車仔麵之家但也開門了，多走一條街看到了這間大門拉麵，看到門口張貼了廣告不猶豫走進去，往日都會去openrice 看看食評才才敢試新餐廳，點了一碗黑蒜油拉麵 麵質不似日本當地出品般好食，湯更加不用說，不出色，吃了一次不會再吃，暫不作推薦。

灣仔區的拉麵選擇不算多，大門拉麵地點開揚，搭巴士時經常會見到，今日决定試試。今日午飯時段入座 眼見男客人比較多，哈 可能係因爲拉麵太飽肚 唔多女士會揀做午餐吧。呢個拉麵湯底唔多濃味同惹味 肉太鞋似煲湯肉， 普普通通咁啦。

黑蒜油混麵$68試咗期間限定既混麵，麵較硬，黑蒜油同醬汁偏鹹。可能預你會加木魚湯所以重味la🤔 但木魚湯好清，撈混都唔係好夾😢 好既係多料，有叉燒同溫泉蛋，配料都足既😂 另一款係咖哩混麵，好難想像係咩味😥-
除一般拉麵，仲有沾麵同丼飯，價錢都合理。但聽講沾麵唔太掛湯就冇試到

叫左個野菜拉麵，因為其他拉麵都唔係話好吸引，而且感覺都較貴，性價比唔算高。野菜拉麵佢d菜係多嘅，都可以食到d麵食完都有少少，份量唔錯，而且湯底唔算好鹹，而且有調味料可以加，有麻油味的辣油（呢個我自己幾鍾意），而且有拉麵胡椒，都係幾種食法。但係佢個冷氣位好吵，吵到只係想快d走😂如果改下個冷氣問題，感覺會好d

此店位置比較少人行，一直以後不順路，所以餐廳不多人。今日午餐時段見有位就進去一試。見門上貼著其他款式，一問說限定已經沒有，只有午餐餐內食物。選了特上义燒沾麵，覺得招牌食品抱有期待。首先令人失敗是，要求少麵，店員說不能改?然後沒有選麵軟硬度，我完全覺得什麼時代，什麼都不能選還好有我喜歡蜜桃茶。比較淡……抱著試下心態麵來了。看著不是太大碗，應該食得完，因為本人不喜歡浪費，每次吃東西一定吃完。湯沒掛麵食物是廚師的心血，農民的努力得來，所以堅持吃完。這店食裝修多一點