大門食堂 (已結業)

平日晏晝時份，同同事趕時間快食，巧遇大門有位，而附近其他都要等，所以都無乜辦法入去充飢。食過拉麵同沾麵，第一次食沾麵，堅唔係我杯茶，啲麵好似生咁，好硬，無口感，醬汁太鹹，好似食味精咁。另一次食拉麵，麵質正常番少少，但係都太鹹，鹹到有少少苦味；叉燒太肥而且薄如紙，份量對於女士們岩岩好，男仕應有未必夠。唔好諗有咩服務喇，當係食車站拉麵會舒服啲。同區食拉麵有不少選擇，其他菜式喺蘭杜街或星街亦有坐得更舒服、服務更好選擇。除非真係無野食，否則唔會再幫襯。