大門食堂 (已結業)

之前食過幾次都覺得ok，特別鹽燒鯖魚真係燒得又香又好味，但見灣仔分店有特別嘅menu就試下其他野$55唔算貴，睇落又幾ok就試下，點知...細鍋到好似兒童餐份量，menu上好似好豐富，但實際仲少，烏冬份量如圖得半隻拳頭咁多，菜得2-3塊仔眼見嘅就係全部餸嘅量，底下有幾十條碎晒嘅烏冬，唔怪得全部放晒落個煲到先上菜吉x家差唔多價錢都有成個烏冬，呢到得1/4個湯底偏濃，烏冬吸哂d湯咸到呢嗌左個烏龍茶$12，黎到嘅時候見到d冰佔左1/3位置飲幾啖無左大半，係溶左先變返正常份量，不過淡晒

某日lunch同同事過左黎食呢間拉麵店，12點時間尚算早不用排隊就有位。店內環境整潔，亦有日式吧枱既座位。第一次食，我叫左個最入門既大門拉麵$48。湯係精華很濃而且唔會好咸，叉燒係厚切的，味道不錯不過就只得一片，拉麵的硬度亦岩岩好，不硬不軟。午市套餐還送飲料，可選柚子茶/ 蜂蜜茶，亦可加錢升級炭燒咖啡。我選柚子茶味道還可，在灣仔區$48有拉麵有飲品坐得舒服不用加一是打工仔恩物啊！嫌湯底不夠味的話，還有不同醬料調配，我落了些拉麵胡椒，拉麵中有些少黑椒味，味道更香。吃完出來，已有長長人龍出現～

某日行經此餐廳，看見價錢相宜，店內有不少食客，又下著大雨，不作他想，與友人入內避雨兼開餐。食物的選擇很少，一張單面的A5紙已盡列所有，所以我們不用太花時間已選好要試的東西。煎餃子的皮不算薄，幸好不靭，肉汁欠奉，起碼吃不到雪味，是收貨的。豚肉生羌燒無生羌味，豚肉有肥位，無奈吃後竟要大唱「一張口去輕輕撫你的臉，輕輕的接觸，鞋似榴槤」，柴到無朋友！另一個定食吉列海鮮拼盤拌咖哩飯比較好些。海鮮有魚、蝦及蠔，不油不膩，還吃到海鮮的原味。咖喱飯中規中矩，咖哩汁杰了些。定食配有的味噌湯非常非常的淡；另外那一小片豆腐更加不知所謂，無味凍豆腐一件，欠缺任何醬汁，難道要客人自加豉油當一件豉油豆腐來吃乎？到底想點？燒花魚一夜干骨多腥氣重，燒得不夠透，調味過鹹，只有中間的魚肉可以入口，最後我們都沒有吃完。店子唯一最貼切的乃是其「食堂」的名稱。

近公司嘅一家餐廳，平時lunch時間排長龍。之前去過一次食麵，味道麻麻，排長龍可能勝在平。這次又去，想叫個飯試下，點左一個咖哩炸魚柳，點知等了20分鐘都沒來。當時已近3點，好少人，裡面的店員都在自己炸東西吃，但我那份遲遲不來。問了2次，都沒回應。其後有個男仔，說再等15分鐘，我說趕時間等不來，不要了。他答：都要卑錢。你點炸野，預左會耐了。我話：我唔知會要超過半個鐘咁慢。他答：那你點的時候又不問？⋯真係好串！我心想：唔通我點嘅時要問這個要多久，那個要多久？哪個久一點？⋯之後食完卑錢，又係個男仔，硬要我去收銀機個度卑，我見其他食客都是攞飛過來座位買。好，我過去卑錢，個男仔竟然找番一大堆硬幣卑我。真係好憎咁差的態度，抵你快d收檔啦！

前幾日去呢間餐廳食野 見到幾扺 50幾蚊就可以食日本野 點知 一去先知係劣食餐廳 我同我朋友叫左兩碗拉麵 D拉麵 係我咁耐以來食過最難食既 口感味道都係下下級 之後食完諗住坐陣 有人就比單我 之後過左10分鐘 佢就話出面有人等緊 叫我地快d埋單 但佢態度係好無禮貌 笑住但好諷刺

有小朋友既千萬吾好去，冇位夾硬要人坐，有BB車又話阻住佢地，不如一早話冇座或BB不能內進，免得人一肚氣，里間野甘做生意，早執早着，服務差食品又難食，實在太可怕！

本身同朋友想去金鐘星街月街食意大利麵，但太多人又十分肚餓就周圍搵食，意外發現電車站對面有間平價日本料理店，就衝入去醫肚！見到隔離幾枱都打邊爐，我們都點了個壽喜燒湯底牛肉窩，價錢和吉野家差唔多，但牛肉份量多一半，而且湯底出色，咸甜得宜！好抵食，加$18追加一份豚肉，又係大大份，不過肥膏太多，牛肉好吃啲！再叫了一個推薦嘅鬼門拉麵，價錢真係好抵，不過質量都一般然以，辣味足夠，不過味道只有味精味，沒有醇香豬骨湯味，豚肉都夠多，但又係太肥。食得太多肉，所以叫個炒野菜中和一下，炒得椰菜好爽口，好香，加埋胡椒味十足！而且有推廣，like咗facebook page 送汽水或烏龍茶！係金鐘罕有平價食店。

灣仔食飯一向比較貴，難得大門仲有48到50幾嘅lunch選擇，所以通常都要排隊先得。今日等左10分鐘左右就食得，入到去發現位置都幾多，所以算坐得幾舒服嘅。叫左個滑蛋豬扒飯配熱ginger tea. ($48)豬扒飯大概10分鐘就上，份量適中，豬扒幾軟同厚身，而洋蔥亦炒得好夠香同淋，撈埋蛋食一流不過因爲冇菜所以有d單調，如果可以加d紫菜就更好。Ginger tea唔會太甜，比較淡，送飯ok.同事叫左個大門拉麵就soso,麵係沾麵個種粗麵，有d怪，如果有得揀幻麵更好。

就在下班後相約朋友吃個快飯，於是走去大門吃點東西! 我們安排坐在吧枱位置， 竟然被我看見，廚師煮食時，不停打乞痴，並沒有掩口或戴上口罩。 如是者打了很多個， 我看到都一額汗!! 這個是不能接受的行為， 請老闆好好教育員工吧！

睇門口 MENU 見佢平平地，有拉麵有日式咖哩飯又有親子丼，又唔駛加一，好似都唔錯喎！於是和姐姐入去 DINNER。我地不約而同揀左大門拉麵 ($48) + 煎餃子 ($28 / 5隻)，等左一陣就有得食。睇佢大大碗，賣相幾好，但唔食唔知咁好食囉……大門拉麵：麵質較一般的硬身；形狀唔係圓柱條形，而係類似烏冬咁樣扁身匹方柱體那樣。配料只有一塊叉燒、一片紫菜和大量筍……湯底未至於味精，但又唔似豬骨熬成，好難形容……見佢餐牌上話日本自家工場直送湯底？真係 “飲” 唔出喎！D麵唔掂、湯底又唔得、配菜唔夠，由於我地都唔食筍，所以就由果塊唯一的叉燒送晒成碗麵……確實感到吃力、單寡、食到口where where….煎餃子：味道不過不失！不過佢冇餃子醬 / 餃子豉油俾你點，只有果支屋企的生抽般的鹹豉油……

又是一間近期的食評非常差，但是我親身去過，卻不覺得那麼差勁的店舖。室內環境簡單，簡約的裝修有種日式的感覺。大約八時左右進店，因為外面沒有人等位，而內裏還有空位，即使吾等二人坐了卡位，店員亦沒有說這是四人座位。大門拉麵，不算太快來到，大約等了10分鐘左右才來到，拉麵來到的時候熱辣辣，熱得出煙。先喝一口湯，味道濃郁。大門拉麵的麵條往往非常出色，夠粗身，而且煙韌非常，入口彈牙。上面灑上非常之多蔥花，還有圓形的叉燒一大片，比起名牌拉麵店更出色。人家的沾麵，本來熱燙燙，但放了不一會兒又涼了，於是也沒那麼吸引，麵條看來賣相不錯，但其實不太彈牙。炸雞質素極之普通，五件小小的炸雞，就像翻炸過一樣，不滑溜而沒甚肉汁，雞肉不滑溜，沒啥意思。和三田製麵所的炸雞相比，差很多。

今晚一個人吃飯，走到灣仔附近，想不到吃什麽，就到這家前身是吉野家的日本餐廳吧，每次乘車都被它的搶眼門面吸引。 先點了一客餃子($28)，應該不會怎樣差吧！怎料賣相甩皮甩骨，肉質毫無口感，味精極重。 食物種類都算是多，就吃小妹一直未試過的日本沾麵($60)吧！等了10分鐘食物也未到，就到Openrice 看看食評吧，怎料一看，心知不妙，有7個負評(vs. 7個好評)，會不會中伏了？心裡不斷安慰自己，可能會有改善呢。麵終於到了，就試試看啦。因為枱太小，又黐笠笠，所以把部份餃子放在碗裡，麵如食評所說，超硬，無味，湯極之油，毫無味道，小妹真的從未吃過如此難食之拉麵！可怒也！就這樣奪去了小妹第一次的沾麵了！ 未回家已經覺得味精效應出現，一到家就立即要吃個橙和飲杯凍檸樂.... 但還是不能完全消除，小妹真是大感不解，還驚見有數間分店，其他的分店也是負評多多，為何那麽差的食肆仍然可以在這嚴峻的香港生存？奉勸各位到一家餐廳前真的要看看食評再進去，以免中伏！

又到午飯時間，即刻衝去灣仔呢間飯堂前面排隊輪位。顧名思義，所謂飯堂，即係已經食過無數次，點解？因爲佢cp值實在太高了。平均一個日式午餐連野飲盛惠50個大洋連加一都唔洗，仲要坐得舒服，上菜速度亦算快，你話呢d飯堂喺灣仔金鐘區邊度搵喎。下面呢個係我既至愛，佢食法好多，個人覺得加入蛋黃醬同白醋最好味可參考食法：其餘既午餐系列 （排名不分先後）：（注意：下面呢個台灣擔擔麵有點怪怪的，鍾意麻辣嘅朋友或者OK）另外晚餐亦試過一次：

《大門食堂》是來自東京埼玉縣的過江龍拉麵店，以當地直送湯底打響旗號。老闆田中榮一是拉麵達人，亦是日本沾麵之父山岸一雄的入室弟子。灣仔的《大門食堂》是《吉野家》的舊址，自上年十二月開張以來，午膳時間人流如鰂，長長的人龍，不禁令人卻步。碰巧和客人會面超出預期時間，午饍推遲到二時多。筆者和同事就碰碰運氣到來，想不到下午茶時段的排隊的人數也有十多人，不過，只等了五分鐘便能進店。進店的右邊為半開放式的廚房，設有約十個吧枱位置，中間則是長枱，給予一些單獨的食客，另外還設有一些廂座，尚算舒適。店內供應招牌沾麵、拉麵、油麵、炸物、燒物、定食和十多款家庭式日本料理。午市時段，其中九款定食奉送飲料。赤大門沾麵 (HKD 60) 麵條若能放得整齊點，更能增添食店的品味。湯頭是以雞骨、魚介和豬骨熬製而成，再加上秘製辣湯，味道濃厚，唯不夠辣和熱，味精重。經過冷河的太麵，彈牙帶嚼勁，掛湯力高。建議紫菜分開上，不要放進湯中，保持爽脆。叉燒兩片，一件肥瘦適中，一件8成肥膏。最後，店員會加入木魚湯，將濃湯變為上湯，供食客享用。（注意沾麵在午市時段不設奉送飲料）鰻魚飯 (HKD 98) 鰻魚或許不夠新鮮，有點腥，油脂不多

灣仔這間大門食堂自從開業以來，幾乎無一日Lunch Time是不需要排隊的，每日也有十幾人在門口排隊。不過可能因為每日實在有不少人排隊，服務員對待門口排隊的客人服務態度好像很一般。Lunch Time最少要等候10-20分鐘，幸好店內可以坐的人也不少，所以等候的時間不算太耐。 大門推介的是台灣風油麵，的確很有台灣風味，味道真的猶如在台灣當地吃一樣。口感極佳的台灣風油麵本身已經很濃味偏鹹，建議加入一些沙律醬反而讓濃味減少沒那麼鹹。台灣風油麵是有點辣的，但並不是太辣，反而一點點辣風味更佳，如果不吃辣的話就不要吃台灣風油麵了。