大興餐廳 (第尾牛扒)

营业中

休息中

17號係男朋友生日前夕~收工後已經9點多,肚仔非常的餓!出到去近太子呢間第尾牛扒屋點左個肉眼扒同牛柳~其實我對牛扒無咩特別鍾情,只係男友中意食所以先黎,一向不留意牛扒種類的我,因為男友所以刻意記住什麼牛扒有什麼特質!!而我點的肉眼食落都OK~最欣賞係個蒜茸汁,一向食牛扒,我都會嫌味道不夠濃而落茄汁,但今次呢個蒜茸汁,係我第一次食扒覺得落茄汁係會破壞左個味~不過試吃過男友個鐵板牛柳,我覺得都係過份稔,唔太喜歡...當晚可能差不多10點先去到,所以人唔係好多,d侍應服務都唔錯,尤其有個女侍應個微笑好親切!!價錢平亦係一個大賣點!總括黎講真的不錯!!當日唯一唔好o既係個朱古力雪糕係苦的...

一直都想試, 今日經過就試左~環境確係幾懷舊, 格調屬舊式o既西餐廳我叫左肉眼扒, 麻麻地...好多筋, 舊舊都有渣仲有我好憎果d"牛柳"味!! 我唔識形容果種味我成日都話:菜心炒牛肉o既牛肉, 肥牛o既牛肉, 同黑椒炒牛柳絲o既牛柳o既味道係唔同架我最憎就係牛柳果種牛肉味, 唔係蘇但唔知點講! 如果你同意我上面果句說話你先會明我講乜所以我唔食西冷, 因為西冷係果隻味, 但某d肉眼都係果隻味...就會令我好失望!我唔知點解會有果d味, 係咪鬆肉粉拿成咁? 有冇人知道?塊扒係勁大塊, 佔左成塊鐵板, 不過我食左3分一都冇, 好折墮...我覺得d薯條仲好食過塊扒有湯有包有扒有雪糕, 但係$70我寧願俾貴d去第二度錢唔係唔捨得洗, 但係要洗得有價值我覺得依個質素唔值$70不過咁, 佢係好過扒王, 因為扒王實在太差! 不過我覺得金鳳較好成日都好想知依間野究竟叫咩名, 果兩個字勁撩有d人話茅屋, 有d人話第尾, 臨走前我問侍應, 佢答我地果兩個字係第尾第尾牛扒? 邊有人改d咁o既名架...?第尾第尾, 真係"第尾"囉~

猶豫俾中立定喊面都係留返D餘地我同個FRD睇完戲10:00PM就響新世紀行左落黎搵食見佢SET DINNER有ANGEL HAIR都OK又只係$49咁就上左去我點左個白汁磨菇雞扒天使麵我FRD就焗豬扒飯餐湯都係紅同白揀我地ORDER左一紅一白其實都無咩特別如果餐湯都唔入得口間野應該執左佢我地兩個碟野一齊上所謂既焗豬扒飯我只見到有個圓碟放住炒飯面頭有兩塊有DD茄汁既豬扒無可能係焗過囉不如話煎豬扒炒飯先啦至於我果個唉.... 一大PET汁淋上去太多汁了同心目中好清淡既ANGEL HAIR差太遠真係未食過整成咁的不至於不能入口但和心目中差太遠所以如果上來的話最好都係叫扒唔係就諗過第二間好啦

行完始創，本來想去花園，點知見到大興個招牌，咁就去一試。基本上，大興同同級的餐廳例如花園、金牌、宜豐等差不多，扒餐都是港式扒餐。由頭講起，餐飽是圓形的小餐飽，沒有特別但算是熱和新鮮，餐湯係例牌的紅白湯，我選了紅湯，湯碟唔夠金牌唔深，所以份量唔多，不過多菜多肉味道好。到主菜，我要左帶子牛柳，帶子唔係炸假帶子，雖然應該係急凍帶子，但都幾爽口，只係細粒左少少，不過有成三四粒都可以啦；牛柳就好腍冇乜肉味，咩事大家都知，不過味道亦不過不失，最緊要係份量好足，食完滿載而歸。呢度同金牌有一樣好似，就係有雪糕做甜品，不過略為細杯，但係睇下價錢，七十蚊左右真係幾抵。

由細到大不嬲都鐘意据扒~細個果陣都食開金鳳不過近年水準下降冇再幫襯了~以價錢相比~我覺得呢間好過花園~亦好過扒王之王之前食過300幾蚊既扒王~從此罷食佢!食左黑椒西冷~肉味講真冇乜~有用梳打粉~切落去算腍~但係都有口感加埋黑椒汁食!!~ 大大蓋左D牛味~食港式鐡板係咁架喇~60蚊仲想點不過真係幾好食!!~好有風味!!哈哈仲有湯飲~餐飲~ICE CREAM下次要朱古力味先~嘻嘻

食0左個set lunch﹐係所謂海鮮飯﹐有湯有餐茶。個飯賣相已經頗肉酸﹐唔係一般餐廳用個兜將飯連配料一齊入爐到熟﹐呢度只係將先炒好的飯放上牒﹐然後將幾0舊所謂海鮮再加"pat"杰"tat tat"0既汁放上飯面﹐之後求其放入爐整熱少少就算。個飯本身已經唔熱﹐加埋上面0個pat0野仲更唔開胃!所謂海鮮只有一隻蝦﹐兩三0舊魚再加少少魷魚。個汁好杰﹐牒飯食到一半我已經覺得飽飽濟。呢個所謂飯真係有史以來我食過最差的。

正如樓下所言，羅宋湯菜多肉多，係辣了點，不過如此多料的紅湯，值得讚至於扖則好參差我朋友點羊扖.....好快食完但我點了西冷.....好大塊...足足吃了我一個鐘雖然大份....不過味道一般....但起碼切得開可惜由於太大分....食到後期已經唔熱.....再一步影響口感侍應服務都OK有禮貌同埋快手快腳.....但又唔會不斷問你食完未...抵讚同埋佢既吸煙區同非吸煙區都分得幾清楚....唔會被逼食二手煙

上星期一和細妹行完花園街，唔知食乜好，見到呢間餐廳d晚餐都幾平，所以就上去試試﹗一入到去餐廳，唔太多人，帶位的服務員有禮貌也風趣，有大量卡位，又唔嘈，第一印象不錯。晚餐款式和扒王之王差不多，而價錢就平一點點，五十幾蚊一個餐，我選擇了肉眼扒，而細妹就要羊扒，大家都要紅湯。個湯好正，有大量蔬菜、牛肉，味道很濃﹗而扒方面，鐵皮夠熱，上枱時好有「氣氛」，份量也超大，肉質就只係一般。餐茶要熱朱古力，好香濃﹗最後還有雪糕，唔係求其o既雪山雪糕，有chocolate chips o架﹗服務快捷有禮貌，好過扒王d妹妹仔﹗整體來說這餐經驗不錯﹗

時為十二點九,小弟為第一批食客,叫個鐵板西冷扒,點菜後不足十秒,羅宋湯及餐包即刻上到,未及講"唔該"已經失去侍應蹤影.喱個唔奇怪,最奇係羅宋湯未飲一半,餐包都未食鐵板西冷扒又到.凍檸茶又係咁,五秒之內到,好快!味道方面,羅宋湯幾好飲,味濃兼有肉食.鐵板西冷扒亦好,肉質較粗糙而肉味濃,隱約有肉汁,黑椒汁亦好正,好香,仲有D"攻鼻".一個唔錯o既鐵板餐.