大興餐廳 (第尾牛扒)

营业中

休息中

行完始創，本來想去花園，點知見到大興個招牌，咁就去一試。基本上，大興同同級的餐廳例如花園、金牌、宜豐等差不多，扒餐都是港式扒餐。由頭講起，餐飽是圓形的小餐飽，沒有特別但算是熱和新鮮，餐湯係例牌的紅白湯，我選了紅湯，湯碟唔夠金牌唔深，所以份量唔多，不過多菜多肉味道好。到主菜，我要左帶子牛柳，帶子唔係炸假帶子，雖然應該係急凍帶子，但都幾爽口，只係細粒左少少，不過有成三四粒都可以啦；牛柳就好腍冇乜肉味，咩事大家都知，不過味道亦不過不失，最緊要係份量好足，食完滿載而歸。呢度同金牌有一樣好似，就係有雪糕做甜品，不過略為細杯，但係睇下價錢，七十蚊左右真係幾抵。