大興餐廳 (第尾牛扒)

营业中

休息中

是晚系太子補完課八點半，離九點四十五分睇戲仲有個幾鐘，於是唸住同bb系附近搵間餐廳食個飯😊由於我地都想食扒，又唔想又去花園，所以就唸住試下呢間第尾喇😆但係就無唸到係噩夢既開始😭 點解話係噩夢呢？話說我地一入到間餐廳，唔駛等就有得入座喇，環境都ok，不過就無爆場，此外bb話張沙發有d硬😥 因為時間無多，加之餐牌都好一目了然，我地幾乎係一坐低既同時就點埋餐：bb叫左份西冷，而我就叫左份肉眼，都係五成，飲羅宋湯😋個侍應問我地要咩汁，我好清楚咁同佢講：西冷要蒜茸汁，肉眼要黑椒汁。好快咁，湯同麵包已經送上，個湯飲落有少少辣但並唔會太辣，飲左之後都幾開胃😌不過bb就略嫌唔夠熱😔跟住再試下個麵包，個麵包就真係唔夠熱喇...😞不過呢d都唔係太大問題既，只要件扒好食就得喇！ 飲完湯無耐，個主角好快就出場喇！只見bb件扒出曬煙，但係我件扒就死氣沉沉咁，煙都唔煙下，覺得怪怪地...不過美食當前，都唔理得咁多，即刻切左舊試下，都幾嫩，不過就無咩牛味，好似食緊件唔知咩幾既物體😓同埋件扒好薄身，完全都唔似肉眼既...再睇下bb果件，竟然係好厚身既，我地就唸，實係

今晚帶老婆黎第尾牛扒食~~一聽第尾佢都打左個突.最差都敢叫佢食?時間尚早不用等位 , 叫左晚餐西冷7成+什扒餐先上紅湯同餐包 , 湯就稀左d 但都ok收貨啦, 但個包就冷冰冰西冷好多毅位 , 汁夠多同稠身 什扒就有煙肉 + 火腿 + 腸仔 + 雞扒 + 豬扒 + 牛扒 = 豐富十足再來2杯餐飲 2 個餐都只配薯菜 , 欠飯同意粉有d 美中不足最後+ 1 服務

很久沒光顧這種扒店, 今次朋友突然提出, 我們二話不說舉步過去, 稍等片刻, 有人不分先行排隊, 有人守規矩, 怎樣也好, 免傷和氣, 職員不理, 耐心便是賣相不好的湯, 很求其以的, 湯很稀, 沒什麼雜菜, 味道有點辣, 沒有應有的酸及茄香 麵包不是暖的, 很失望跟某些餐才有的沙律, 醬很夠, 青瓜爽, 薯仔多兩大塊牛柳, 容易切下, 很軟身, 很易吃, 沒有渣, 黑椒汁惹味, 端過來時已淋上, 免弄污客人, 薯條脆, 雜豆都足夠服務一般, 個別員工有禮, 個別又很有態度, 真難足摸

一提起鋸扒 身邊朋友一定說“金鳳”金鳳食過是不錯的，但我更喜愛光顧了十多年的“大興”沒錯是“大興”，由十年前鋪頭在旺角中心對面，到搬到聯合附近，改了名字叫“第尾牛扒”難以理解為何改一個咁既名，但係我心目中質素一點也不“第尾”一段時間沒有光顧，這一次回來卻差了不少最平的牛仔扒晚餐價錢由以前四十多元 加到六十元也沒有問題問題係質素開始下降至少在我心目中全香港最好飲的羅宋湯再也喝不到牛仔扒肉質鬆散 ，落鬆肉粉太多的後果吧？配菜蕃茄一點味道也沒有，令我一個不吃生蕃茄的人反而吃得落份量也變得愈來愈少真懷念當年充滿七十年代格局的舊鋪，很懷念當時的味道

考完試後肚子空空的 也沒氣力去shopping還是先去吃一頓飽飽的晚餐再出發吧第尾牛扒和花園餐廳都是港式扒房友人對第尾牛扒情有獨鐘 就決定去第尾由於時間尚早 不用等位就獲安排入座這裡的服務算不錯 會主動提供椅子讓客人放東西點餐後 不消五分鐘食物就陸續送上餐包和花園餐廳的一模一樣 都是嘉頓麵包出品忌廉湯應該是有罐頭湯煮的 而且好像煮得不夠時候湯裡面還有一塊塊沒溶開的湯塊先送上了鐵皮肉眼牛扒 熱騰騰的不斷冒煙牛扒很大塊 不過質素卻頗為參差牛肉的筋比較多 很難切開 咀嚼亦有難度這是因為set dinner較便宜的原故嗎還是說其實較貴的menu上的牛扒也是這種貨色煙三文魚沙律其實就是沙律上鋪上幾塊煙三文魚港式餐廳都愛為沙律加上很多很多沙律醬本來是想吃清淡一點的 卻被這滿滿的沙律醬倒了胃口而且還汲取了過多的卡路里 真是罪過唯有shopping時多逛幾個商場幾條街消脂

上週四男友陪我到太子買東西後，我們便在金魚街附近找地方晚饍，本選定了吃煲仔飯的，但茶餐廳內人太多，坐得不舒服；於是想到吃著名的雲南米線或西餐鋸扒，最終選了後者，因這是男友最喜愛的食物之一． 香港平民扒房已賣少見少，不計快餐店，只餘數間是真正用鐵板上扒的扒房了， 特色是幽暗的燈光，產生了獨特的氣氛．　而這店晚市時間非常熱鬧，往往坐無虛席，很多時都出現人龍的情況，是次我和男友也等了一會後才被安排到吧枱前的椅桌坐下． 不用多想，男友點了必吃的黑椒汁七成熟T骨扒，而我因要戒食牛肉，所以唯有忍口要了份黑椒汁雜扒．　餐湯於點菜後馬上送到，而暖暖的餐包也跟隨其後；餐湯是羅宋湯，內裏有牛肉、椰菜、紅蘿白及蕃茄，相當豐富；侍應待我們喝完湯後不久，便為我們端上熱騰騰的牛扒及雜扒，平時男友吃的T骨扒是整塊上的，但此次卻是分三件上，得邊骨，不見了"T"字；至於我所吃的雜扒，除牛柳外，還有豬扒、雞扒、香腸、火煺及煙肉，份量適中而肉身軟熟，整體不錯． 這次，坐的位置實在可清楚看到 (1) 為了加快效率，所有餐包開放式的放在不櫃上，没餐布蓋著，侍應每次用手把三十多個餐包分別放入微波爐'叮'熱；(2) 見到有待應像

靠口碑相傳，極有興趣知道為何可以咁抵。由於平日夜晚，人數遠比想像中少，我們坐在偏中間的二人位，氣氛不錯但檯距還是有點近，到後來多了點人後問題就更形浮面。我 們這兩個牛扒奴隸自然選了A 餐，份量比想像中大，已是夫復何求；餐的份量+味道結合...心想意粉屋也做不到這樣的價錢吧；那牛扒生熟剛 好，看得出師傅極有心機，只是咬下去，那種欠缺牛味的乾硬還是隱藏不了牛扒不是好貨的事實，離場時，還是隱藏不了那絲 絲的缺憾。相宜的價錢、總算不俗的環境和服務態度，卻還是因選料而只給「OK」評分，又要馬兒好又要馬兒不吃草，難d 羅

老婆仔這晚忽然想鋸扒，又不想去得太遠，所以我們就在太子這間港式扒房吃了一頓港式鐵板牛扒晚餐。這間「大興餐廳」（又名第尾牛扒）是典型的七八十年代港式扒房，各款扒餐應有盡有，到來吃晚飯的顧客十居其九都會叫個鐵板扒餐做晚餐。不過這裡始終開業多年，陳設裝修難免有些老舊，而且衛生環境也不大理想，餐廳內的角落竟有不少雜物擺放，實在有點那個。餐廳中的侍應雖也全是中老年人，一看便知已在餐廳服務多年，但只要看見他們捧餐時兩手可以拿著四五個仍在冒煙的鐵板時，便不由不令人佩服他們確是身手不凡，藝高人膽大。這兒的鐵板扒餐雖然平均都要接近一百元一個，但這兒價錢較為便宜的「好味道晚餐」中，已有數款是鐵板扒餐，所以這夜我們夫妻兩人，便分別叫來了一個「鐵板牛仔扒」和「鐵板肉眼牛扒」，一嚐久違了的港式鐵板牛扒餐的滋味。先上餐包與紅湯「羅宋湯」和白湯「粟米忌廉湯」。小圓餐包半冷不熱的，質素欠佳。湯還好些，「羅宋湯」材料雖不太多，酸酸的味道都幾開胃。甜甜的「粟米忌廉湯」不過不失的，是正常水準的港式西餐廳餐湯味道。「鐵板牛仔扒」和「鐵板肉眼牛扒」都叫來了五成熟，但其實侍應生並沒有給多少選擇我們揀，只得五成熟和七成熟兩種可供選

下午食個鐵板餐~呢到的侍應的確好有性格~唔會寫紙落單, 都唔會望住你..但佢又唔會記錯, 漏單~一坐低睇左一陣,我:「唔該」侍應:「要D咩?」我:「鐵板餐, 5成熟, 要蒜蓉汁」其實…我講到5成熟之後佢已經飄左去…我好怕佢俾黑椒汁我, 因為我唔食得辣…轉頭已經幫我上左白湯~等左10分鐘左右就上鐵板~佢冇記錯呢~~!! 另外仲問佢拎多碟炒飯~唔好期望個炒飯好大碟~佢應該同平時茶樓D碗差唔多份量~我鍾意呢到的牛扒抵食夾大件~而且仲配埋薯條~不過今次佢唔係俾5成我, 應該都有7成…所以D牛肉已經較韌最後我叫左「凍檸樂」做餐飲~因為平時出面飲要加錢~但呢到就唔駛~而且確保佢新鮮沖出黎~!!想食野快~揀呢到真係唔錯~

一行三人被安排坐二人枱，張枱根本坐唔到三個人, 要求坐後面卡位,佢地話唔可以換抬,,如果要換枱要出去排過隊,本人多年出街食飯經驗從未見態度琴差的餐廳，侍應速度太快,上完扒巳經問你要咩餐飲,諗多一陣立刻超唔耐煩,下次唔再來

這家店,勝在價廉物美~牛扒大大件, 而且很有韌勁,只吃牛扒都飽肚了, 只是可能薯條就放在燒熱了的鐵板上, 搞到下面焦掉,餐包餐湯再加餐都是普通的, 不用贅述,只是侍應服務也太過有效率, 變相有點 快快吃完過主 的感覺,不過總的來說在這家店吃了那麼多次都沒讓我失望過,往後可以再來再來

女友提議去食港式据排, 之前去過X鳳, 環境真係太逼, 怕怕.......上網搵到呢間, 一於試下, 又可以去附近行下花墟.夜晚八點上到去, 都幾多人等, 不過侍應話排隊十至十五分鐘有得食, 好, 一於排下, 果然唔夠十分鐘就有位, 心諗咁多人, 一定要搭檯la, 點知唔使, 仲安排左去一張靜靜地的二人檯, 讚!!!!!晚餐包湯, 主菜同飲品, 我地點左羅宋湯, 偏咸......個面包只係微溫, 有d失望.....主菜我點左個牛排,黑椒汁, 略為咸, 不過勝在夠熱, 鐵板的高溫令個牛排更惹美, 牛排就係一般貨色, 無驚喜; 女友就叫左肉眼, 基本味道同我個差不多, 不過塊排就厚d! 環境都可接受, 至少在晚飯時段, 都唔使同陌生人打對面坐, 現場所見, 很少有搭檯情況出現!讚!!!雖然人多, 但侍應態度好好, 反應又快! 埋單$150左右, 都算合理, 如果想感受下港式排房的氣氛, 不可錯過

之前食過午餐, 唔錯, 諗住3名男孩, 鋸扒唔會太貴基乎一樣的西冷扒, 由午餐$40 急升至晚上$70湯, 不熱的, 溝的, no gd包, 少少熱, 算, 收貨薯條少得可憐, 似乎以往的更多更長, 今次的是短小扒好像都不太小塊, 但友人都切了不少肥肉部分, 是難以下嚥的肥...唉, 結果能吃的似乎都不太多.五成都好像>五成, 輕微un的凍飲, 噢, 好快啊, 乍看水吧, 赫然發現, 有數十杯「現成」凍飲, 各式各樣, 也不錯吧, 下單後十秒可即時飲用?但有沒想過會有塵...no gd actually

夜晚去食真係好多人, 好在等佐陣有位, 呢度一座底就會拎碟餐飽比你, 你叫野個待應好自然幫你答埋要咩汁, 幾多成熟, 飲咩, 好好笑, 佢地仲有餐後甜品雪糕送埋比你, 只得雲呢拿同朱古力味揀, 餐飽暖粒粒, 羅宋湯有D酸酸辣辣好惹味, 牛扒唔韌肉質彈牙, 再配上黑椒汁簡直係天衣無縫, 不過次次吃完也好口渴, 或者佢既味精太勁

今日同友人很久沒見，約出來聚聚。想了很久，最後她是議到「第尾牛扒」食飯。首次聽到這個名子，覺得很友趣，便決定去賞賞。六時多去到，並不太多人，而且環境不錯，有點情調，燈光暗暗的。由於只得三個人，因此侍應安排我們坐較偏的卡位，不錯，可以靜靜的談話。一坐下不久，侍應便前來為我們order，我要了鐵板牛仔扒，羅宋湯和凍寧水，而且亦有餐包。首先，羅宋湯好喝，酸酸辣辣的，味道很濃，但不會有特別好渴的感覺。餐包普通，我看見他們是用微波爐叮熱的，但奇怪的是我吃的竟然是冷的。重點的鐵板牛仔扒，要了一個九成熟，因本人並不習慣吃太生的食物。牛扒一拿來便在鐵板上霧煙，要等一會才可以吃。我配了黑椒汁味道不錯，但是牛扒太多根什麼的，很難才切得開，友人的那塊問題十分嚴重，很難切開，在三人合力之下才能解決，但仍有一半是要靠差一整塊的吃。除了牛扒之外，有一些配菜：一片蕃茄，數小粒青豆和紅蘿蔔粒。也有一些薯條，雖然相信是新鮮炸的，而且粗條的，不是放了很久，但吃下略淋和油。那裏有一支茄汁供應可隨便加入。整體而言，如果要求不高，又想吃板燒牛扒的，這間是ok的，因為價錢都算平民，而且一套餐又有很多東西吃。P.S該處應可能太積極