大興餐廳 (第尾牛扒)

营业中

休息中

As soon as we got in through the door, we were hushed by a waitress to stand away from it. Her attitude wasn't really that good and I was quite offended.. The laminated menu on the table was greasy. I then ordered a beef fillet with scallops set. First of all, the cream soup tasted like it was poured out straight from a can - it was that really salty type of cream soup with a strong MSG taste. The scallops tasted as if they had been boiled. Throughout dinner, I honestly felt like I was eating a

同人到大興餐廳 (第尾牛扒)吃先知道有優惠3個送一個,好全部都要了和牛,叫了4個老實說我都是第一次吃和牛有雪花肉,牛舌,四方牛肉粒都幾多下,味道比普通牛肉好了一點也不是很貴,4個人每人140左右

之前食過一次都覺得麻麻地,但我的家人話佢大件夾抵食,我食咗個帶子鑊仔牛柳,牛柳好薄,通常個汁係分開上的,但佢上菜時巳倒咗,餐飲飲咗最Common既凍檸茶,但唔好飲,最後食埋個雪糕,唔知係咩牌子,一句到尾唔好食。值得一提的係D伙記落單係唔冼寫低的,靠個腦記,勁啊

搬左位第一次去感覺上比之前舒服左同大左d waiter 都無之前咁得人驚 (雖然應該都係同一班人! haha)今次無影相, 因為食慣左, 無乜特別, 唔記得左影餐湯同餐包對我黎講都幾重要兩樣都ok~ 紅湯唔會太淡太酸之類, 正常o既餐湯!至於個扒, 今次叫左肉眼同西冷肉眼好淋~~ 都不錯, 但無乜肉味西冷就有咬口d, 肉味強d~~ 睇個人喜好揀啦!d扒default 係6-7成熟左右, 唔鍾意o既要記得同佢講你要幾成熟佢唔會問你第尾d 服務出左名唔係特別好我o個日唔小心講左句"哇, 勁生~~"但我係ok 的, 只係mention 下, 個waiter即刻望住我,,,,,,,,,,, 勁驚!但點知佢竟然係話, "如果你想熟d, 我幫你拎入去再整"雖然佢都有d粗魯, 但我知佢係善意的!真係估唔到~~~ 嚇得我呀呢個價錢, 其實佢d 扒餐都係我食過暫時最喜歡o既一間當然同扒房d 牛扒比, 梗係無得比啦!同埋佢個量真係好大塊!! 女仔應該兩個人食都ok如果唔太大食的話

野食唔好食d扒得個淋字冇肉味..唔知自己食緊咩0 tea 淡到暈d waitress 態度差 ,呢度已經係大忌叫d客做肥婆,本身係唔識的野又唔好食態度又衰 點再去?

2010年4月10日，下午大約2時半，我和朋友到餐廳，電梯門一開，迎面而來的中年女侍應用手指指著我們心口，問「幾多位﹗」。我們頓感愕然，但仍說兩位，然後她又用手指指著我們，軍令似的叫我們坐在一角。心想趕時間，忍﹗叫order時，我們叫了兩個下午茶餐，問那女侍應有冇餐湯？她很冇禮貌地說：「不嬲都冇0架啦﹗」(心裡暗駡她：鬼知咩﹗係咪問下都唔得﹗)然後套餐來了，食物一般，心裡也一肚氣。最難頂是埋單，我手拿著100元，叫侍應埋單，那中年女侍應一手搶了我手上的100元，別個頭就走，我忍不住叫她：「你都要俾張單我check先得0架﹗」她仍背著我，眼尾望了我一眼：「55蚊」。找錢時，我問佢：「我要張單呀﹗」她非常粗魯地答：「你頭先又唔講，咁我可以頭先俾你ma﹗」然後未等我出聲回應，又走了，頂﹗仲講到我地做錯咁。等了很久，一直沒單，我朋友問另一個男侍應要單，我終於火山爆發，同一個男侍應投訴，指著那女侍應說：「她搶了我們的100元，又冇俾單我地check，佢算咩0野服務態度﹗」那男侍應「唉」了一聲，「有時太忙，太多0野做啦....」我朋友也忍不住說：「忙不是理由，是態度及做法問題....」，然後有人急

去年農曆新年首次光顧至今才有第二次的重臨。原來假日的下午茶時段比平日的午飯時段少很多客人。普通午餐已加價至HK$32，今次本人選擇的下午茶餐是白汁吞拿魚天使麵(HK$26)而男朋友雖誤傳但不介意吃了鐵板牛扒午餐(HK$42)。茶餐份量就像散叫的一樣多，而且澆在上面的白汁吞拿魚完全覆蓋著麵條! 真夠兩個女孩子分享，著實教人嚇一小跳。至於鐵板牛扒也不遑多讓，只有男士才有本領獨個兒吃清! 另配袖珍炒飯一小碟。最後，下午茶餐以點紅豆冰作結尾。想提一下服務質素：侍應動作快、效率高相信應歸因於習慣，始終工作日比假日多。當然，他們時刻忙於收拾客人用膳後不足兩分鐘的餐具倒令客人縐眉。不過，男朋友要求多添一碟袖珍炒飯，侍應都有無聲合作啊。唯奇怪的是除午餐外，所有食物飲品需加一。

太子 .今晚再次幚襯, 皆因老友請食飯, 呢度多卡位, 好坐d.叫左;1. T 骨扒餐: $82 差左. 太多鬆肉類粉. 2. 大蝦豬扒餐: $86 大蝦, 唔大. 蝦肉梅. 豬扒一般. 紅湯: ok.白湯: 無味.下午次來唔會食用佢 d 扒. 晚市好催促,出野收野 快過快餐.Sorry , 現場好暗, 影唔到相.

以前食過這間餐廳兩次, 覺得不錯, 今次趁住個肚好餓, 又咁啱喺附近, 於是決定上去食, 點知上到去食咗一餐令人失望的一餐. 首先一來就是令人難以忍受的服務態度，落單時鬼死咁趕, 我都未講完, 個 WAITER 就幫我決定晒咁滯, 跟住叫咗個七成熟嘅牛扒, 點知塊扒上到嚟一啲煙都冇, 已經覺得奇怪啦, 一切開塊扒, 莫講話七成熟, 連兩成熟都唔知有冇..... 下次都唔知好唔好再幫襯...

行完花巿肚餓想食扒, 其實一响都係响太子都會去花園, 但今日花園full左, 朋友話不如試下新嘢 …朋友叫左T骨, 而我就叫羊扒朋友個T骨好正, D肉好滑好入味, 正過金鳯嗰D好多我個羊扒都好OK, 好耐冇食過咁好食的羊扒了重有杯紅豆冰同雪糕, 正!下次要据扒, 一定會再返嚟!

今日同朋友慶生, 本身想去旺角個間, 點知已經無做所以就改去太子既分店, 一樣係多人, 要等位不過位多好多, 唔洗等太耐記得以前黎食, 都係 70, 80 蚊以上一個餐但呢次都係 60 蚊左右, 好似平過以前白汁天使麵, 朋友唔想食熱氣餐, 點左個天使麵, 佢話幾好雜扒餐, 雞豬牛, 好多扒, 應該 ok肉眼扒餐, 幾好, 都知應該有化學作用, 不過唔會淋得太誇, 岩岩好西冷扒餐, 比肉眼多 d 筋, 厚身 d帶子牛柳餐, 朋友話好淋, 不過份量就無肉眼果 d 咁多個餐包紅/白湯 + 餐飲湯覺得一般, 紅湯可以酸同辣個味重少少餐飲就真係麻麻, 好淡下老牌餐廳, 唔好期望有咩好服務, 不過係快, 靚, 正

今期都食左好多牛扒!今餐又係!係朋友請的, 佢想食第尾, 所以好開心地陪佢食~雖己食了好多牛, 但上到o黎又冇理由唔食牛...看看menu, 今晚有神戶牛柳, 但我最後都係叫左大蝦牛柳.咁起碼除了牛仲有第二d 野食!只可揀黑椒汁或蒜溶汁...冇第二d 揀... 叫左蒜.羅宋湯略為甜! 包ok.塊肉係鐵板上的, 有3塊,我叫了5成, 但其實塊鐵板好熱, 會繼續煎, 所以最後放入口已係8成熟...比較薄, 係1.5 cm 厚倒, 熟得仲快!都有d入口即溶的感覺雖有蒜汁, 都好似食得出!但溶得冇我早幾日食灣仔另一間扒房咁快 話晒都貴幾十蚊啦!!!蝦卻正常. 另有d 薯條, 但己俾d蒜汁浸淋晒.朋友的神戶牛柳好厚, 約一吋厚; 所以冇咁熟. 但只得兩塊.佢就冇話塊肉有入口即溶的口感. 早知我都叫神戶喇, 兩個餐只差一蚊!!!唉, 天下間咁多餐廳點解d 牛都係咁整架!?!

友人生日,話想係太子食,咁朋友就介紹左去呢間.原本都帶住興奮既心情,點知比個肥仔帶眼鏡既服務員影響晒.坐左冇幾耐,都未睇完有咩好食,個肥仔就走埋黎問我地食咩..我地話等陣先啦,冇幾耐又再黎,好似趕住走咁..我見D大餐都幾貴,所以咪諗住同友人SHARE一份.點知佢就話剩坐OR+杯野飲要20蚊 唔好去搶~~咁我地咪一人叫一份囉.友人叫左西冷扒,7成熟.但上到黎 血腥腥囉 ,仲要係鐵板喎? 似5成熟多D -__-我叫雜扒都唔錯GE~多種類 * 其實其他既服務員都唔差GE ~係個肥肥地差架JE .

講返起就火都黎埋我唸住琴日去食飯慶祝生日見朋友介紹都唔錯咁就黎食,聽個名都怪怪地,但係都入去食啦,點知咁就出事我地一行四人去到,當時晚上十點半,間鋪可能因為係1樓所以得幾枱客人我地坐低睇餐牌都無一陣,個侍應就走黎問我地要咩我地話未唸到,睇岩就叫佢過黎,之後就即時黑口黑面咁走o左之後我地叫o左三個餐,,佢就即刻話如果另一個唔叫餐都要俾20蚊咁我地後來叫o左四個餐,但係佢就全程黑口黑面食物方面餐包凍冰冰,,肯定擺o左好耐好耐.餐湯,暖但唔熱,,好杰身,,同平時飲個d唔對辦牛扒要7成..佢就俾4,5成,,入面全部係血如果唔可能做到客人要求o既幾多成..就唔好問個客啦,唔該搞到極到掃興甜品.雪糕溶溶地,無食好認真咁講句,我唔係要你四萬咁口對住我,但我入黎俾錢食野o既唔明點解仲要受你地d氣囉原本開開心心慶祝生日..我地坐o左約半個鐘就走啦

今日去大興餐廳已經過了午市人潮時間，地下樓梯口有個哨站阿姐仍然用"walky-talky"向閣樓報告上樓人數。雖然係一樓，我地都係搭電梯上舒服啲。電梯門打開，眼望個廳有籃球場咁大，撞面已經有個女前線服務員衝口問我地幾多位。我話2個跟住就當波咁交比中場服務員，其實個中場服務員趕住執檯做到雲遊天外，唔清唔楚又將我地交比後衛服務員。未行到埋位，個後衛服務員就諗住叫我地2個人搭人地張檯，我即刻開聲話埋邊窗口有張2人空檯坐唔坐得....真係搞笑，見關過關結果係自己搵位坐低。我地分別叫咗午市套餐鐵板牛仔扒$42，同鐵板餐黑椒西冷牛扒$81，之前我啲朋友介紹話個鐵板餐$60幾，好在我銀包帶夠錢埋單嗟...好快有人埋來聽柯打。睇過食評話紅湯最好飲，所以都要晒羅宋湯。牛扒要7成熟，我個黑椒西冷要跟意粉，但係個女服務員話要加$5，我梗係唔要啦....餐飲係紅荳冰同凍檸茶。羅宋湯味道唔算差食落有渣，有牛肉碎、西芹、甘筍、椰菜....係茄糕落重手些少。2個鐵板餐都係齊起，無論煙同彈汁程度都足以證明塊鐵板係好熱。我塊扒第一刀切落去見到舊肉幾生吓，以我判斷最多應該得5成熟。等多3分鐘，可以食得啦....因為鐵板熱