大興餐廳 (第尾牛扒)

营业中

休息中

昨天放學來到篤尾, 9點幾都仲有人掛隊wor. 好在好快有位, 入到去, 好有一種舊香港的感覺. 朋友叫了牛仔扒 ($58) , 我就叫了豬扒飯 ($58).先上菜的是餐包及湯. 食得出包不是嘉x牌的包, 底部有點硬. 不過它們的羅宋湯都做得很好, 好湯好多菜, 用的牛肉係牛腩肉, 所以食得出係用心做菜, 唔係隨便用一些頭尾來煮湯.之後, 牛仔扒來了, 牛仔扒只有小小根, 全塊都好淋, 朋友叫了7成熟, 來的真係7成熟 , 抵讚 再等多一會,我的豬扒飯來了, ee上面只有小小的茄汁, 有點跟我平日吃的不同. 不過佢的 汁做得好好. 豬扒沒有肉汁, 不過剪得好香, 是用旦封面, 所有有旦香. 不過最正的都係個炒飯底, 不油, 做到粒粒飯都係分開既. 怪不得我要等15分鐘才上, 值得等, 真係好好食. 不過朋友不太喜歡因為佢唔中意食乾爽既炒飯.當我地食完所有野, 小姐比了2杯ice cream我地, 佢見我地2個人來, 佢比1黑1白我地. 我起初以為佢地一定會用一些普通既ice cream. 點知我吃了一口朱古力ice cream後, wow, 好濃既朱古力味又唔甜, 好正.埋單$113-

想食下扒, 見openrice人話ok~就同男朋友去呢間試下!去到1點左右, 又唔多人, 不過因為好大間, 所以未full掛雖然無大餐廳個種好周詳既服務, 不過一入到去每個侍應都問有冇位, 仲即時帶我去卡位, 唔錯睇到個餐牌, 竟然係$50以下有扒食! 我地點左黑椒肉眼扒鐵板燒餐, 餐湯係白湯, 粟米粒夠多, 亦好夠味, 唔會太稀 餐包好得意, 好似細細個既漢堡包咁, 暖暖地~ 不過牛油有d硬d扒一拎黎就已經「zha zha」聲, 不過佢又唔會推到去你面前, d油就唔會彈到人喇 塊扒唔錯, 夠厚身, 而且熟度剛剛好, d肉完全唔「鞋」唔老, 好厲害! 薯菜夠多, 汁亦好夠不過如果係男仔就唔多夠食初時侍應有問我地要唔要跟飯, 我地諗住跟薯菜就ok, 點知有d細份, 我男友話想要飯佢的確有拎黎, 唔駛加錢, 但碟飯就細到無人有囉...3啖就食晒...不過都算啦... 值得一讚係位置幾闊雖然座位同張檯有少少唔夠闊, 不過走廊位唔會窄, 我地曾經目睹2架BB車入黎, 係完全無難度! 侍應雖然唔係人人都超有笑容, 但有禮貌, 一讚!

此餐廳服務態度差，食物差及衛生差。經由如下：上星期某一天，我與周事一行數人到該餐廳食晏。開始點餐時由於我唔鍾意飲湯又唔想浪費食物於是我對替我落單的侍應說唔要湯，此時另一名侍應態度很差地說淨坐都要$20元。由於我唔想影響我食晏的心情及不想與他一般見識便當聽不到繼續落單，由於我叫鐵板餐侍應問我要幾成熟，我說九成熟，但當餐送到我面前時發現莫說九成熟恐怕連五成亦沒有。另一恐怖的事項是牛油刀上滿佈牛油跡(此事已向食物環境衛生署提出正式投訴)。在食客未食完便收了客人的食物，在埋單時收銀大叫嚷說不收五毫並員態度很差地指向收銀處不顯眼的報示。

琴日同女友去o左呢間店到食lunch,一入到去見到一班人企o係門口度等位,以為要等好耐,點知即刻有位,好啦!同女友一人叫一個餐,但大家都係簡芝士焗大蝦餐,但我就要飯,佢要意粉,好快就有野食,碟飯同意粉都好大碟,個賣相都幾差,不過又真係幾好食gad大蝦真係好食,又夠味.o係旺角,$42蚊有湯,飽,飯,甜品,有野飲,仲要唔差,唔可以要求o廿多啦!但d小二就真係唔得啦,依d係老店o既通病,個個做野好快,但好串同好cool,如未去過又想一試o既話,就要有心理準備!

最近才開始幫襯這間餐廳(一個月內吃了兩次)羊扒(好好味)(一客有4件羊扒之多)(9/10分)神户牛柳都好味(8/10分)服務OK價錢唔貴: 一個扒餐約$70-90分量十足屬抵食又好味之選

中學同學聚舊晚餐共三人,都唔知點解食這間,以前食過旺角,完全冇印像,只係知道係舊式西餐扒房.七點和其中一位上到去,得三四枱客,待應叔叔奉上餐牌之後的半個鐘都冇再理嗰我哋,都好我哋有我等人,你有你哋一邊吹水, 係朋友嚟之前我們各叫了一個餐,上咗湯和包,邊食邊等味道 叫咗個羊扒餐有:湯-------好味的牛尾湯麵包----餐包,熱不過不太軟有四條羊架(係四條大羊架!!)配薯菜,這個最叫人又驚又喜,肉質鬆軟,有羊羶味,大大件配燒汁,雖然係用鐵板裝,最可昔唔係有人你係面前倒汁嗰種!!!如果係就100分!飲品----檸水雪糕----朱古力味環境 雖然間嘢算新開...我估五年內,但佢專登走老舖路線,仲用綠白色格仔枱布,燈光都係黄色昏暗嗰種服務哇,這裏的服務真係重點,離晒大譜!!!!本人對服務態度都不算苟求,也不會強人所難,食你幾十蚊嘢而要你有半島的服侍咁,但係做番基本嘢都好應該.為咗等友人,我哋叫咗先,嗰呀姐都好有禮,講有乜餐湯有乜扒汁,友人到咗再order時,嗰個呀叔就錯哂.....友人同我一樣食羊扒餐,我諗個客唔記得話幾成熟,作為侍應提一提都應該, 你唔提,我提

好細個既時候幫襯過，記得係同家姐去旺中對面果間，果次已經好飽，仲要入去唔知食D咩，結果係飽到痺咁行出門口，印象好深。但就是因為這樣，好像對此點有點親切感的。多年後，就是上星期日來吃tea了。呢間開正響花園餐廳附近，係咪會有一返惡鬥呢？呢度食tea都唔錯，有好多款選擇我要了牛扒配飯及黑椒，好似係$3X，朋友叫了麻辣雞扒烏冬，$23，味道可以，但偏鹹，呢個茶餐可以揀紅豆冰或雜果賓治都唔駛加錢，好抵。無咩人，坐得舒服。由細到大都仍覺此店的名字很有趣，係咪要咁謙叫自己第尾呢？

三個女仔想坐低傾喝, 扒房會坐得耐Ｄ我叫紐西蘭肉眼切. 蒜茸汁, 5成, 拼薯菜碟上先來餐包+紅湯個包熱辣辣, 個湯濃個Ｄ材料完全bowl爛晒, Ｄ蔬菜一pet pet, 感覺好差個扒好大塊, 加好多汁, Ｄ汁多到我一切塊扒就由碟邊傾瀉, 結果我要隻細碟分開切, 而且塊扒煎得唔平均, 有1/3煎得唔夠. 全紅色血淋淋, 唔敢食, 以扒房水準講, 煎成咁, 真係唔合格服務也不行, 我入座時要求坐卡位, 當時未有, 個待應粗聲叫我行返門口等, 睇餐牌睇得耐Ｄ, ５分鐘走兩轉催我落單, 當時個場先8成滿, 個個待應都好急趕, 盡快將食物上晒, 但又無客人排隊等位, 咁急做乜? 旺角想舒服Ｄ食餐飯真係咁難?

西洋菜街果間服務態度一樣極差差差!!與前有位人兄一樣情況。星期六中午去食，果個女長頭髮侍應，都未見過d噤既服務態度!!成大班人去食，大家食扒餐，只有一位淨飲野，要收果位＄２０，離晒譜。食扒唔問要幾成熟!!落order佢後半個鐘，佢落漏單，先有得食。好後悔去呢間野！

因為被大大個霓虹燈牌的四個大字吸引過來, “第尾牛扒”幾搞笑…星期六晚, 當時時間尚早, 差不多七點鐘, 不需等位, 女待應態度良好的叫我慢行到角落的卡位。叫了以下兩個餐, 要五成熟。神戶牛柳餐($87.00)-餐湯可選牛尾湯或羅宋湯, 我選了牛尾湯, 無甚味道, 唔講係牛尾湯真係唔知係乜。-有碟什果沙律, 都OK架。-鐡板上的牛柳還有血水沁出, 看似不足五成, 馬上切開用鐡板的熱力把它弄熟一些。牛柳很腍且無乜肉味, 鐡板太熱, 所有蕃茄/薯條及什豆都燶晒, 食唔到。-餐飲可選紅豆冰/ 什果冰/ 咖啡或茶西冷牛扒餐($62.00)-餐湯只可選羅宋或忌廉湯–揀了羅宋湯, 都OK啦-西冷牛扒都很腍但都係無乜肉味, 同樣地鐡板太熱, 所有蕃茄/薯條及什豆都燶晒, 食唔到。-餐飲只可選咖啡或茶其實價錢不算太貴, 扒的質數又不是太差, 不過我不會再來, 因為我覺得有其它差不多的, 如花園餐廳及扒王之王都OK。

到達時店中只有寥寥無幾的客人，可能是因為時間還早的關係吧，最後選擇了鐵板帶子牛柳餐先來的當然是湯:味道還算可以，但好像剛加了點水進去，有點兒稀釋了.....不久後，主角要登場了:在牛扒上有三個圓圓的就是帶子了~牛扒一共有三小塊，厚度方面只有一cm左右，亦因為它們的厚度關係，到上菜時牛扒已經由我點的三成，變成了七成了。吃下去味道不錯，但肉汁較少，口感只屬一般。至於帶子，味道頗鮮甜，不太像冷藏貨。整體來說，算是一般之作，沒有很大的驚喜，也未至於令人失望，是不過不失的水準吧~在第尾牛扒的一個特色，就是能把飲品改為紅豆冰或雜果冰而不用另加費用。紅豆烹至起沙，略過甜，還好混合了花奶後能中和了大部份的甜味。

睇完戲梗係要搵野食啦^^見到間間食店都排住十幾人至幾十人不等..行至呢間茅屋牛..冇咩心機再搵落去..就呢間吧!!雖說要等16個籌..但輪得好快..大約20分鐘左右就到我地啦女友叫左一個西冷牛餐..8成熟..我叫左一個肉眼扒餐..7成熟..有餐包..紅白湯..餐飲..雪糕..紅湯用料十足幾濃味..餐飲:紅豆冰..好多紅豆..甜度適中..好味!西冷牛:見到女友既西冷牛八成熟都係咁出血..控制熟透程度唔多掂肉眼扒:我個塊比女友個塊更熟..有d 難咬既感覺..呢到扣左唔少分啦..但味道還可..雪糕:係朱古力味黎既..一球入面有朱古力碎..幾好味!埋單加一岩岩好$168..雖說我唔相信意頭..但都希望我可以一路發啦..呵呵服務:一般..但比某間花園餐廳好..熟透程度:花園餐廳好似掌握得比較好抵食:單以份量黎計..茅屋牛勝出..又有送雪糕..有送紅豆冰/雜果賓治味道:相近..難分高低

係近金魚街果間叫左個西冷扒.....已經叫五成但係都好un紅湯ok....餐包都夠熱不過最主要的扒差d....扣好多分好在佢d 服務幾好有講有笑的~~真係冇地方好去咪去下law~

17號係男朋友生日前夕~收工後已經9點多,肚仔非常的餓!出到去近太子呢間第尾牛扒屋點左個肉眼扒同牛柳~其實我對牛扒無咩特別鍾情,只係男友中意食所以先黎,一向不留意牛扒種類的我,因為男友所以刻意記住什麼牛扒有什麼特質!!而我點的肉眼食落都OK~最欣賞係個蒜茸汁,一向食牛扒,我都會嫌味道不夠濃而落茄汁,但今次呢個蒜茸汁,係我第一次食扒覺得落茄汁係會破壞左個味~不過試吃過男友個鐵板牛柳,我覺得都係過份稔,唔太喜歡...當晚可能差不多10點先去到,所以人唔係好多,d侍應服務都唔錯,尤其有個女侍應個微笑好親切!!價錢平亦係一個大賣點!總括黎講真的不錯!!當日唯一唔好o既係個朱古力雪糕係苦的...

一直都想試, 今日經過就試左~環境確係幾懷舊, 格調屬舊式o既西餐廳我叫左肉眼扒, 麻麻地...好多筋, 舊舊都有渣仲有我好憎果d"牛柳"味!! 我唔識形容果種味我成日都話:菜心炒牛肉o既牛肉, 肥牛o既牛肉, 同黑椒炒牛柳絲o既牛柳o既味道係唔同架我最憎就係牛柳果種牛肉味, 唔係蘇但唔知點講! 如果你同意我上面果句說話你先會明我講乜所以我唔食西冷, 因為西冷係果隻味, 但某d肉眼都係果隻味...就會令我好失望!我唔知點解會有果d味, 係咪鬆肉粉拿成咁? 有冇人知道?塊扒係勁大塊, 佔左成塊鐵板, 不過我食左3分一都冇, 好折墮...我覺得d薯條仲好食過塊扒有湯有包有扒有雪糕, 但係$70我寧願俾貴d去第二度錢唔係唔捨得洗, 但係要洗得有價值我覺得依個質素唔值$70不過咁, 佢係好過扒王, 因為扒王實在太差! 不過我覺得金鳳較好成日都好想知依間野究竟叫咩名, 果兩個字勁撩有d人話茅屋, 有d人話第尾, 臨走前我問侍應, 佢答我地果兩個字係第尾第尾牛扒? 邊有人改d咁o既名架...?第尾第尾, 真係"第尾"囉~