影片
更多
2009-09-19
11 浏览
今日去大興餐廳已經過了午市人潮時間，地下樓梯口有個哨站阿姐仍然用"walky-talky"向閣樓報告上樓人數。雖然係一樓，我地都係搭電梯上舒服啲。電梯門打開，眼望個廳有籃球場咁大，撞面已經有個女前線服務員衝口問我地幾多位。我話2個跟住就當波咁交比中場服務員，其實個中場服務員趕住執檯做到雲遊天外，唔清唔楚又將我地交比後衛服務員。未行到埋位，個後衛服務員就諗住叫我地2個人搭人地張檯，我即刻開聲話埋邊窗口有張2人空檯坐唔坐得....真係搞笑，見關過關結果係自己搵位坐低。我地分別叫咗午市套餐鐵板牛仔扒$42，同鐵板餐黑椒西冷牛扒$81，之前我啲朋友介紹話個鐵板餐$60幾，好在我銀包帶夠錢埋單嗟...好快有人埋來聽柯打。睇過食評話紅湯最好飲，所以都要晒羅宋湯。牛扒要7成熟，我個黑椒西冷要跟意粉，但係個女服務員話要加$5，我梗係唔要啦....餐飲係紅荳冰同凍檸茶。羅宋湯味道唔算差食落有渣，有牛肉碎、西芹、甘筍、椰菜....係茄糕落重手些少。2個鐵板餐都係齊起，無論煙同彈汁程度都足以證明塊鐵板係好熱。我塊扒第一刀切落去見到舊肉幾生吓，以我判斷最多應該得5成熟。等多3分鐘，可以食得啦....因為鐵板熱
今日去大興餐廳已經過了午市人潮時間，地下樓梯口有個哨站阿姐仍然用"walky-talky"向閣樓報告上樓人數。雖然係一樓，我地都係搭電梯上舒服啲。
電梯門打開，眼望個廳有籃球場咁大，撞面已經有個女前線服務員衝口問我地幾多位。
我話2個跟住就當波咁交比中場服務員，其實個中場服務員趕住執檯做到雲遊天外，唔清唔楚又將我地交比後衛服務員。
未行到埋位，個後衛服務員就諗住叫我地2個人搭人地張檯，我即刻開聲話埋邊窗口有張2人空檯坐唔坐得....真係搞笑，見關過關結果係自己搵位坐低。
我地分別叫咗午市套餐鐵板牛仔扒$42，同鐵板餐黑椒西冷牛扒$81，之前我啲朋友介紹話個鐵板餐$60幾，好在我銀包帶夠錢埋單嗟...
好快有人埋來聽柯打。睇過食評話紅湯最好飲，所以都要晒羅宋湯。牛扒要7成熟，我個黑椒西冷要跟意粉，但係個女服務員話要加$5，我梗係唔要啦....餐飲係紅荳冰同凍檸茶。
羅宋湯味道唔算差食落有渣，有牛肉碎、西芹、甘筍、椰菜....係茄糕落重手些少。
2個鐵板餐都係齊起，無論煙同彈汁程度都足以證明塊鐵板係好熱。我塊扒第一刀切落去見到舊肉幾生吓，以我判斷最多應該得5成熟。等多3分鐘，可以食得啦....因為鐵板熱力令到舊扒熟多2成，溫度恰到好處very good。
我舊西冷食落有肉味同質感，黑椒汁略甜；件牛仔扒收得$42，質素當然比我舊西冷差。總括來講呢個價錢，老牌金鳳蘇格蘭牛扒$60比佢更掂。不過，金鳳餐廳亦只有蘇格蘭牛扒係好食過大興牛扒
紅荳冰同凍檸茶唔使加錢有得飲，但係個女服務員話晚餐先有跟餐雪糕甜品送。我以為自己睇餐牌眼花，於是問另外一個女服務員，結果當然我係尋冤得雪糕啦!
埋單了，總數連加一應該$135.3，之不過我地好似未食過餐包；大興主動收取$131，我都比返足$135。
第一次來大興餐廳，無論食物或服務質素感覺唔算講得咁差。要彈檯面汁醬都幾污糟吓，員工唔算係無禮貌，只係講說話大聲咗啲嗟!
张贴
