大自然素食

营业中

休息中

朋友生日想食清清o地所以就選擇食素菜, 之前食過唔同地點的大自然素食都不錯所以最後決定去美麗華這間。由於唔想等位所以時前已經電話訂位, 7:00pm 8位, 朋友都非常準時, 只有我遲了一點點, 我大約7:10才到達。我一到朋友紛紛跟我說 : 『我o地來到又唔講, 入座時都無講, 直到開晒茶飲左一陣先同我o地講個半鐘要還枱。』好喇! 個半鐘還枱唔係應該由訂位那刻已經要同客人講明o既咩? 如果只得個半鐘那我們還有很多地方可以選擇, 如果一早知道得個半鐘我們一定會去別的地方食飯, 因為我們還有生日蛋糕要切。我們當中有一位朋友因為要開會要晏少少來啫, d侍應同我d朋友講 : 『如果你朋友9點先來咁9點先叫o野食呀?』當時我沒到, 如果我聽到我一定會同佢講, 如果我們9點到, 我們會book9點囉! 點菜不久極速上菜都唔緊要喇~ 8點左右走埋o黎就話 : 『不如宜家上糖水啦?』侍應根本沒有理會我們是否已經用餐完畢, 遲來的朋友才剛坐下就已經想叫我o地賣單。咁我o地話轉頭先, 無耐之後又走埋o黎 : 『唔好意思呀! 8:30要還枱o架喇! 我o地要返枱!』當時沒有人在等位, 旁邊也有吉枱。

今日去試尖沙咀美麗華廣場既大自然素食，由於過了下午茶時段，沒有半價，但店員話有8折，所以都去一試。叫了2人套餐，又是基本的一個湯或翅、一個小食和兩款小菜或飯。於是我們叫竹笙蛋白素翅、煎素菜餃、西蘭花炒班片和松子海皇炒飯。翅都幾爽口，有金菇、用料都幾多，十分熱很燙口。煎餃皮比較厚，但菜多，味道尚不錯！西蘭花炒班片，班片其實用蒟蒻製，都幾爽口，質感都幾得意，但都幾細碟！炒飯有松子，都咬口，味道尚不錯！到付款，發現其實沒有8折，我們的餐是$188，茶$24($12一位)8折是指$188X0.8，188+24=212-8折後差額的37.6+21.2服務費=195.6所以覺得他們有點不老實，有點不抵食！再好食都沒有用啦~會不會再食？可能未必會了~

壽星女話呢間鋪頭的齋菜不錯, 於是在三月頭計劃約人前往的.但group project繁忙的關係, 推遲到最近才舉行.本來這次是一個普通飯聚, 但成為了壽星女的生日聚會.8個人去到門口, 雖然有同學仔訂了位, 但需要等半小時左右.前菜- 辣大豆芽菜, 辣辣地幾開胃.肉類都是使用麵粉,麵筋或其他素食材料仿造出來鮑蔘花菇一品煲: 好味到撈埋汁軟殼蟹卷: 一般, 飯糰有點鬆散沙爹羊肉串: 質地似肉類, 沙爹汁好正, 小弟點了兩次, 唔錯柚子田園鮮果沙律: 蔬菜新鮮, 醬汁不錯, 好多人爭住要.糯米飯: 還可以燒汁露筍牛柳卷: 質地好似牛肉, 都可以一試. 香酥玉子豆腐: 炸完之後仲好滑霸王西施: 即是辣凍豆腐, 辣汁好正, 加埋配菜帶出了成碟菜的特色.茄子梅菜蒸荷葉飯: 扮梅菜肉餅蒸飯, 唔太乾, 一般啦.燒味拼盤: 炸腐皮製成, 點埋咕嚕肉的醬汁, 可增添胃口附送的糖水-紫米露: 小弟無食, 但聽到朋友講可以接受的.埋單總數為$872.1, 每人約110元, 真係好飽, 不錯的選擇. 下次會叫家人來.

在英國寄宿的時候膳食算是不錯，飯堂給素食者的菜式也很多很吸引，就算不是素食者也會選擇印象中最深刻的是Quorn的菜式通常不看餐牌的我只會以視覺和嗅覺去點菜，看見有個仿似咖哩雞的物體便點了（寄宿時代是這樣的了）吃的時候也沒察覺甚麼，吃完了跟剛來的朋友說今天的咖哩雞挺好吃的，她卻一臉茫然的問︰今天哪來的有咖哩雞？我這才去看看餐牌，發現原來吃的是Quorn，不是雞後來生物課需要背下整個Quorn的製作過種，我才曉得Quorn是用菌類培植出來、針對素食者需要的仿製肉雖然Quorn能接近完美模仿肉的質感，但始終不能模仿肉味但若以濃味烹製，便能掩飾這短處，幾可亂真在香港沒有見過有Quorn，但齋肉也吃過不少，大都是用麪筋仿製的，模仿程度怎也不及Quorn最近看見這間大自然素食好像有點來頭，便心想要拉食肉獸來跟我試試這兒的功力點了三色刺身和士多啤梨雞容生當時的疑問︰仿製肉一向沒有肉味，所以要以濃味烹調掩飾，但真刺身本身以鮮味為重，實不需配以任何汁料品嘗，那仿刺身這大膽嘗試會如何掩飾沒有鮮味這缺點，或製造鮮味呢？答案是︰沒有三色刺身中的仿三文魚刺身和仿吞拿魚刺身基本上除了顏色不一樣外，味道質感都一樣兩

本來和媽媽去靚靚健康素食車仔麵試下那個素食車仔麵，可惜找也找不到。結果吃拉麵算了，忽然經過尖沙咀，見到大自然素食，便決定去吃齋，順便清清腸胃。我們叫了一個二人套餐，這個二人套餐有一個湯或羹，一個小食、一個菜及一個飯或麵。我們的二人套餐：素翅香前菜肉餃發財海皇煲福建炒飯素翅－好好味，好似真翅，甜甜的，不錯！香煎菜肉餃－幾好味，不錯發財海皇煲－好好食，因為有髮菜及冬菇，但素帶子就麻麻。福建炒飯－好好食，但如果就粟米及可以多蛋就好了！這兒有素ＸＯ醬，好得意

有日聽朋友講呢間齋d野好食, 又有魚生咁過癮, 難得要同食齋的朋友聚舊, 即刻book! 當日夜晚book左檯都等左15分鐘先有位. 入到去好彩被安排坐梳化位, 比較舒服. 裝修白雪雪, 有d齋舖的味道. 餐牌上選擇十分多, 食肉獸梗係揀晒d假齋食啦~~三文魚魚生: 樣似只係爭在冇新鮮魚生的 'ling' 面. 味道&質感真係好似真魚生, 點埋豉油同wasabi更似!! 唯一係厭佢薄得滯. 厚d會更正. 炸帶子芋盒: 芋頭味好香. 帶子的質感都好似, 不過冇乜帶子味. 沙嗲羊肉串: 最初食個個都話似, 但其實食落就發覺肉質唔似. 食時一絲絲比肉分明. ‘羊肉’蘇味唔勁, 怕蘇的都食得. 沙嗲醬都不錯, 不會太傑.牛肉露筍卷: 個人不太鍾意個汁. 牛肉片有質感但冇乜牛肉味, 露筍都算夠嫩. 沙鍋雲吞: 比想像中大煲. 味普通. 勝在多菜. 腰果露: 送的糖水. 冇人食得出係乜黎! 個味勁似好立克, 稀得滯.服務麻麻. 阿姐的服務好街坊商場速食feel. 不過我地食完都冇趕我地走既~總結: 對食肉人黎講最驚就係食完齋感覺好似冇食野咁, 又或者為左塞飽自己食左好多澱粉質咁. 當晚食完完全冇咁

食物真的不錯，水準保持。我們一行15人於5天前電話訂了位，原本是訂了8時正的，但我們足足等了超過90分鐘才可以進場，雖說訂位時他們已經通知了我是需要等一陣，但我們萬萬意想不到的是90分鐘呢! 由於當晚很多洒樓已被全包婚宴，根本没法轉地方，我們只好等了又等，他們真的嚴重安排失當，原本我是訂7時的，但當時餐廳落簿訂位的小姐對我說，他們第一轉是6：30而且也被預訂了，所以我只好訂第二轉(即8：00)了。我心想：「就算是第二轉晚飯也不會太夜吧!」但我計錯了!因為他們第一轉的客人遲到了，所以要順延！！！其實我本人認為餐廳應該要通知遲到的客人8：00要交枱才對，但餐廳並没有這樣做，害了我們成班人在餐廳門口等了90分鐘(還未計我們早了半小時在門外等候的時間)。這樣的等就像是没有訂位一樣！！！以後我都要考慮在這間餐廳訂了位但可以遲到的想法了!

With all different food are around, how can I pick up the most favorite dining experience Chef’s creativity inserts into the taste of food is very much appreciated! How nice if healthy can be taken into consideration too! I’ve to say my credit goes to Gaia Veggie Shop!Go to Gaia Veggie regularly as it’s closed to my working place. Its weekly changed lunch menu is reasonably priced and the above standard quality never disappoints us! Especially the pork chop udon & pork slice vermicelli, yummy yu

之前睇到頭條日報有優惠劵 :資料如下 :現優惠頭條日報讀者，凡惠顧即無條件送兩片裝三色剌身一客。有效期至2012年1月21日本來見到有桂花糕，一心只係想買盒桂花糕試下。點知見到有此優惠，咁梗係要走去買啦! 點知去到時，明明是我叫先的，之後有個大陸人出來，又叫了一盒年糕和一盒桂花糕。跟住有一個職員出來對我說，已經無晒桂花糕，現在去蒸，要等個半鐘先有得拎。點知轉頭，有另一個職員出來，包了一盒年糕和一盒桂花糕給那大陸人。真係嬲嬲地呀! 明明是我叫先架嘛，有什麼理由同我說無晒貨，轉頭又有貨比人丫之後，我當然唔肯走啦! 嘈了一陣，那職員就話仲有一盒桂花糕，可以比埋我。(都唔知係咪真的)跟住我又問佢，是否有這個 "凡惠顧即無條件送兩片裝三色剌身一客" 優惠個職員又說，這個惠顧要堂食先有得送。咁即係唔係 "凡惠顧即無條件送" 啦! 咁佢應該一早就說明要堂食先送啦! (係咪玩野呀)

今日同同事食飯,終於試到呢間素食,佢地成日都唔肯試有set lunch,叫左個壽司set,同埋1個炒米粉同同事share,1人食D壽司9件,有3文魚,其他唔知咩魚啦,講真個味就係唔知咩味,食落口口感幾似魚生既,都唔錯!但係幾薄,厚D就好啦個炒米粉又唔錯,甜甜地,D蝦幾大隻下,食落個口感都幾似蝦嫁!我覺得唔好咁多青紅椒好D不過落左又靚D既!佢送個例湯又係好清甜,正呀閒時食下素都幾爽歪歪

久違了既同學聚會, 今次揀左大自然素食. 本來對素菜冇乜期待, 但呢度搵到驚喜之選, 由其適合我呢d為食但又有好多野唔食得既人~1) 冬瓜盅: 起初見到都唔係好慣, 仲叫我d朋友幫我走蝦~~haha, 之但係佢地話係素我先醒起~~~ 食落雖然冇蝦味, 但係個湯勁清甜, 又足料. 2) 鮑片海參: 鮑片係鮑魚菇, 海參係蒟蒻. 真係整得好似. 不過海參整得硬左少少, 攪到我地都唔係幾想食. 剩低哂.3) 黃金四季豆: 咸蛋黃炸四季豆, 勁好味, 呢碟野俾我地呢班蝗蟲好快就掃哂~!!! 4) 陳皮骨: 陳皮粉+炸腐皮. 都幾好味, 不過陳皮粉既味道非常九製陳皮味. 哈5) 三文魚刺身: 最surprised係呢樣~! 蒟蒻粉做成既三文魚. 不單只造型似, 而吃落味道都好似. 真係好好味~!!!!6) 蒜泥toast: 呢樣係呢度出名, 一定要叫. 個包好脆, 但入面好軟, 真係好好味~仲有其他菜, 不過冇影到相. 不過呢餐係好抵的. 總括成餐都好開心. 同桌有4個人都係該月份生日. 我地o係LGB預備左個lemon tart做生日蛋糕 有埋甜品呢一餐係近乎完美啊~~lol

大家多多指教, 筆者第一次寫食評見到佢地的食評寫得甘差, 我不予置評, 因為我真係無食過此店的午餐及晚餐但單講下午餐, 佢可能係全尖沙咀最好的下午茶食肆今時今日重可以$50唔洗係尖沙咀係一間好味有質素環境舒適的食肆享用到份量十分的美食真係好難得呢排係尖沙咀搵食見到佢下午茶半價半價甘抵就諗都唔諗就入左去下午茶無咩人唔洗等位就入到我叫左客自家喇沙稻庭面, 要推薦有午花腩, 紮肉, 芽菜, 雞蛋面質有口感色香味俱佳份量以下午茶計更是驚人足夠食飽二位女仕食完重以為自己食緊肉免茶芥, 加一後都係40元左右P.S.原來有啲野係OPENRICE係唔講得筆者第一次寫食評就不獲批准原因 : 請避免在食評中使用具商業宣傳性之文字、連結或圖片

之前有搜尋過尖沙咀區的素食店，睇過這間評語，已不抱太大期望的去試，星期日晚市，七點二去到，竟然不用等位坐底點菜，點了個二人餐：上菜前先來個餐前小吃：清爽，咸咸地，好吃~上菜速度奇高！不過食物是夠熱的，相信唔係整定放左好耐那一種...先來冷盤：蜜汁燻魚，幾有口感，不過個人對於扮肉的素食沒有太大好感，但佢個汁都OK好食的再來是冰梅燒骨，當然沒有骨啦....甜甜酸酸幾開胃，值得一讚是菠蘿好新鮮！岩曬我呢個菠蘿怪！帶子蒸豆腐，我唔太好豆鼓起勇氣西芹，食左少少罷了.....這道菜比較遲上，應該是即蒸的，都好熱(我至怕D餸唔夠熱！)蟹皇翅.....應該是南瓜茸....口感OK, 淡左少少, 當湯飲囉甜品綠豆沙，送的東西不能太高要求，不過都唔錯，有沙，有香味，足料的！關於服務態度：職員收碟速度和上菜速度一樣奇高，不過都無好明顯咁趕人走，可能當晚無咩人。總結：可以一試，我見好多家庭來吃，大枱比較多，當聚會地方應該都OK的，勝在「扮肉的齋」夠多款式揀。

這日尖沙咀逛，大家都想吃點清清地少肉的晚餐，便到了美麗華商場內的大自然素食。我們4個人共叫了:- 芋頭魚: 好吃，有芋頭香- 北京片皮鴨:好像吃真的烤鴨- 蟹皇芙蓉翅: 一般- 九制陳皮骨:最正，最好吃! '肉'好tender，很快吃完- 鮑片炒麵:一般，偏油分量算足，好飽，太飽，連甜品也吃不下。有創意令人满意的的素食。

因友人生日想吃素, 指定要去呢間, 所以我BOOK了枱.去到取位, 我已經覺得BOOK及冇BOOK根本冇分別, 他給我的是一張窄角位, 全場最差! 叫人都冇人睇唔到你的枱!我問帶位小姐, 有冇更好的位, 我是有BOOK枱的呀...她只冷冷地回覆: '冇啦". (我唔想公開他的名字, 因冇必要, 但真的要改善!)入到去, 點了以下的菜: 士多啤利骨 (OK, 用果醬及麵巾製作的). 南瓜焗炒飯 (好OK, 值得再去吃, 因用整個小南瓜盛載炒飯, 炒飯在中間, 又有比刀客人CUT開小南瓜, 非常大睇, 好GOOD!) 鴛鴦燒豆腐配菰 (好OK的, 是煎過的白豆腐及玉子豆腐) 燒茄子 (令我們非常生氣的菜式), 明明是在餐牌寫燒茄子, 沒有相片的, 但上枱時的所謂燒茄子是只有白色的內肉.我們不明所以, 所以問返為何叫的是燒茄子但只有茄子內白色的肉, 完全不肉有燒過, 似是蒸出來的...沒有一個WAITRESS可以解釋原因, 並且不停想我們自己負責任要了它. 我向他們解釋叫的是燒茄子而非蒸茄子, 但他們三翻四次對我們說廚房係咁整, 我們的不知道....令我更生氣的是, 我問他們-燒茄子係