影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
相关文章
大自然素食系我想食素就会谂起嘅餐厅，配搭大胆得嚟又和谐，而且菜单选择多到有排试！当然都会有啲菜式系一般，不过优秀嘅居多。今次分享几道食过后「完全上瘾」嘅正餐菜式，每道都真系唔错，想再食，系味觉同口感嘅双重享受！ 1. 西柠麒麟鸭甫｜酸甜清新，口感层次大爆炸 口感：鸭甫唔系一味淋软，咬落微微弹牙，表面煎到微焦，入口有啲似腐皮卷嘅香脆边，但内里保持湿润。配搭：切片青瓜嘅爽脆度直逼新鲜腌渍嘅泡菜，夹埋腌过嘅柠檬片（完全无苦涩，只有柠檬皮清香！），三样一齐入口，酸味先冲出嚟，跟住青瓜嘅清甜中和。惊喜位：酱汁系柠檬糖醋汁，酸度明亮但唔呛喉，仲有少少蜜糖挂汁，好正！ 2. 秘制蜜汁叉烧（跟挂包）｜甜脆控必杀技！ 呢道菜完全颠覆我对素叉烧嘅想像——叉烧本体：虽然浸满晒蜜糖，但系表面依然食到炸过嘅脆，内层有点烟韧，蜜汁唔系死甜，而系带焦糖同豉油香。挂包：软绵带空气感，热辣辣夹住叉烧，脆皮同包嘅软糯形成反差，食到最后一啖都唔腻。 3. 蚝皇灵芝菇海参扒滑豆腐｜菇香轰炸灵芝菇：钟意食菇嘅应该会爱死，真系要畀100分！，咬落*爽脆度有啲似金针菇，但系比金针菇更加容易咬断，但又更有咬口，每咬一下都爆出浓郁菇香，仲带有鲜甜，完全唔会有「斋菜寡淡」感。滑豆腐：配合埋灵芝菇一齐食真系好正，菇爽脆又烟靭，然后豆腐滑捋捋，口感层次好丰富！海参：唯一扣分位，口感似蒟蒻啫喱，无乜味道 性价比同总结三款菜式人均约$100-150（视乎食量），以精致素食嚟讲绝对合理。不过大自然素食好抵赞嘅一点系，有平有贵，午餐同埋下午茶时间系抵食。必试原因：每道菜都有「记忆点」，唔系一味靠重口味，反而用食材本质同烹调技巧取胜！回头指数：⭐️⭐️⭐️⭐️⭐️/5 今次系推介篇，下次有机会会写「唔回头篇」。唔系话啲菜式唔好食，只系相比之下冇咁出众。其实每间餐厅都好难做到样样都完美，所以点评出嚟留返quota食好嘢。
继续阅读
大缩水 长期Fans 买咗VIP全日半价质量大缩水兼非常求其煑 敢说会做坏招牌 得不常失 希望管理层多加留意客人希望食到有水准素食 香港已经非常少大自然是其中一间 珍惜所有 明白租金贵生意难做 但偷工减料是下下策 真心希望能用心做好 不要负Fans期盼👩❤️💋👨
继续阅读
带来香港旅游的素食朋友食晚饭，因为正做全日半价的优惠，所以我们4人想吃就点，畅快！朋友特别喜爱口水鸡还追加多一份😋，也秒清！😜朋友食完都赞不绝口，份量，味道，价钱晚市都半价半天不用说了！👍
继续阅读
表哥在加拿大回港相聚， 他夫妇二人是吃素人士，这就考起我这个不吃素的人, 好彩朋友介绍这间素食 餐厅，位于尖沙咀也很方便, 餐厅装修雅致，座位也几舒适。点了他们的招牌椰皇炖素翅汤， 味道很有椰香青甜,原个木瓜沙律， 内里有木瓜丝 ，红萝卜丝，面上加紫菜， 味道很清 ,不会太酸味道, 又可以加埋木瓜肉一齐吃， 味道非常合拍， 牛油果焗多士, 这个味道香脆软糯，难怪Fan至like, 荔芋香酥鸭， 这个与平时吃真鸭的味道口感一样， 都系咁好味, 黑松露炒芦笋， 这个都是预期的黑松露香味 配合芦笋 非常夹, 芝士薄饼, 这个出奇地好吃， 芝士非常香薄饼看得很脆, 避风塘淮山，这个菜比较干。 最后是 即磨腰果露, 腰果露很香滑， 如果再甜一些效果更好。 如果出菜慢些更好，不用赶快吃。总括这一餐素宴，见识了现代新派素食，有很多款式供选择，而且味道卖相也很出色。
继续阅读
讲起素食 一定谂起呢间中式素食店🌱食物选择多元化 味道唔错👍🏻尖沙咀店仲有全日半价添 CP值超高🔥.📌软壳蟹卷 $64估唔到像真度咁高‼️软壳蟹以炸昆布整成 酥脆香口🦀寿司饭够酸 湿润度刚好🍣配搭腌萝卜丝同青瓜 爽脆清新🥒再淋上酸甜酱 更开胃✨.📌鱼香肉酱焗棉花茄子 $96茄子厚肉软嫩又多汁🍆鱼香肉酱以酱油烤麸整成 微辣咸香有韧劲🤎夹埋食 味道平衡 惹味唔油腻 比平时鱼香茄子轻盈🙌🏻.📌沙锅菜胆云吞翅 $106云吞大粒饱满 素菜馅好清新 不过皮较厚同硬🥟汤头味道清淡 饮埋都得🍲配料除左鲜嫩娃娃菜同甜椒🥬🫑仲有爽滑素鱼翅 好丰富🐟.📌大红乳猪件(跟自制挂包) $126刈包松软香甜 燕麦𠮶款甜度更低带麦香🍞乳猪件以面筋整成 松嫩有韧劲 调味唔浓 啖啖咸香豆味🐷配埋爽脆青瓜同甜面酱一啖食 口感味道更丰富🫔
继续阅读