大盛日本料理 (已結業)

同幾個舊同學聚舊, 諗住搵個地方食野傾下計所以就過左黎山林道大盛, 之前食過觀塘果間覺得 ok所以等一下都無咩所謂八點鐘等到差唔多九點先入座好似係二人入座既速度快過我地四人, 遲來先上岸order 左三文魚壽司同鰻魚壽司, 因為之前食過都 ok, 尤其係三文魚點知今次 order 既三文魚無上次咁好, 但係饅魚就真係好好食之後再 order 多一 round 饅魚吉烈炸蠔覺得麻麻, 可能炸粉較厚既關係大盛卷, 都幾甜下...不過覺得屬一般海鮮火煱, 比相像中大, 幾抵下, 差唔多都八九碗入邊唔算好多海鮮, 不過湯幾甜下, 唔錯埋單 340, 唔洗一百蚊一個, 幾抵下

一行四人都想食日本野, 咁就去咗山林道嘅大盛喇!三文魚 & 蟹子沙律壽司, 三文魚係好........長架!日式料理裏, 三文魚是我的必然選擇, 可能通脹厲害, 三文魚長度依然, 但厚度劇減......埋單的時候, 如果沒有 vip咭, 用hsbc 咭可以有九折. 仲即時送上多張九折咭比顧客.這間大盛我以後不光顧的機會居多, 一來一入到去服務態度唔太好, 試過有兩次有位服務生問我地仲有冇嘢叫, 好似想催我地埋單, 但係事實上, d野根本未尼齊. 加上這兒的環境麻麻, 空調常有滴水的情況出現, 座位又座得不太舒服 除非有朋友好想食, 否則我就唔會來啦總括來講我都係覺得麻麻地, 每人只須75大洋, 算係咁啦!

琴日我地7點幾去到， 比以前少左好多人幫襯, 已經令人有d擔心! 但諗住食佢0既長壽司, 所以唔理咁多, 即刻入去啦!一去到, 間野得幾檯客, 但都要安排我地坐係好多侍應行來行去0既路口位, 已經唔想坐， 加上又拎住好多野, 想擺野都無, 以前佢會俾多張椅你放野架, 而家....................佢侍應都唔少, 但叫人好難, 落單又寫錯野, 叫得咁少都落錯野, 落單時又唔同人重覆， 我已經指埋圖都能夠寫錯.............張檯乜都無, 連基本0既豉油都係自己拎架ja..........蟹籽沙律無以前咁好食, 個汁無咩味, 三文魚壽司0既三文魚居然穿左.......................但都照俾客?其實佢唔係好平, 係大件D, 但係質素比以前真係差左, D三文魚麻麻!

並無任何特色的日本菜﹐如果純粹為了填飽肚子﹐都可以。食物方面很普通﹐除了抵食夾大件之外﹐其實都無咩好講﹐鰻魚壽司D鰻魚好大件﹐炸物係最可取的﹐不過日本菜最重要的刺身就馬馬虎虎﹐八爪魚吾夠爽口﹐其他魚肉肉感吾夠。環境方面﹐地板吾算乾淨﹐坐位太窄﹐坐得實在太吾舒服了。如果你剛剛shopping完﹐根本無地方比你擺野。而且是次在下用的杯有積﹐不太乾淨。而且﹐由於價格低廉﹐等候時間過長﹐如果吾係價格吸引﹐實在於山林道有太多更好的選擇。不過一贊的係﹐服務生都幾快手﹐反應幾好。

好不容易到了周末，外出吃晚飯，挑了這件人氣旺旺的大盛，竟使我非常失望。兩人吃，叫了不多，一客殼蟹牛油果卷；三文魚，鰻魚，甜蝦壽司，和一客鰻魚飯。第一：飯裏放了味精，雖然並不敏感，但飯後嘴中乾乾甜甜的，怪不好受的！第二：服務非常差，坐了二十分鈡都沒有人給倒茶，要自己吩咐。殼蟹牛油果卷: 切的size非常得不均勻，以至牛油囯和殼蟹的比例不一緻。其餘的一般。晚上人很多，我並不十分了解。可能我們沒有叫招牌菜？而且沒有我最喜愛的南瓜雪糕，令我非常的失望！

成日見到大盛o係d飲食雜誌度賣廣告...今次終於試到尖沙咀呢間喇...三文魚刺身:厚度適中...尚算肥美...口感ok三文魚壽司:夠曬長同大件...但比較薄身...都係覺得三文魚刺身好味d吞拿魚壽司:飯比較散...吞拿魚ok鰻魚壽司:鰻魚有d汁o係面...唔會乾爭爭...幾ok玉子壽司:好似冇咩味道咁...麻麻地炸大蝦天婦羅:好脆口...但咬落去有d油...雖然大盛gei壽司好多都好長好大件...但係味道就一般

都唔係咁差!間間都有主打好食和唔好食,唔會100分.我上星期和今晚都有去食，三文魚幾新鮮，係ＴＵＮＡ麻麻地有好多根．我最鍾意食大蝦沙律食，不過觀塘店和山林道既店用既沙律菜都有唔同，但個汁都係好食，可能我喜歡吃沙律油！不過都係抵食，三文魚ＳＵＳＨＩ，帶子ＳＵＳＨＩ和鰻魚ＳＵＳＨＩ都好食！還有我個ＦＲＩＥＮＤ讚個海鮮炒烏冬好味．．我都覺得幾好．．．

記得6月生日既果陣, 朋友帶我去呢間食, 食左刺食, 壽司, 拉麵等等. 味道有好有唔好, 不過感覺上好港式, 有d仲好肥膩; service好差, waitor好似唔想做咁, 有幾次幾個waitor竟然掛住望女仔, 唔望客! 所以感覺上食得唔係咁開心.

大盛可以話係我ｅ一生人食過最差既日本野但係竟然好多人幫襯，到唔知點解!!!!!!!!!!!!?如果十萬個為甚麼可以解答我一下就好啦..........個晚兩個女仔去試下新野啦 (P.S.:我地兩個都好餓，又支力)見咁多人無差喇kwai~入到去noisy level已經爆燈！好啦坐底ｄ野爛溶溶，唔多乾淨餐牌亦唔見得有乜野特別叫左個窩燒烏冬，燒三文魚拉麵，密汁炸雞奕試下啦先黎個窩燒烏冬，好大碗，以為正啦，點知.........成碗野一陣腥味，入面ｄ雞肉（定豬肉，難食都分唔出!)都唔知乜野質地個陣腥味應該係入面隻青口發出黎既ｄ烏冬同我自己係百佳買既即食有乜分別呀，我諗我自己煮都仲有包味粉遮下味!我食左大慨幾啖就無食啦然後黎個密汁炸雞奕似密汁炸麵粉多ｄ lor.............最後曲決定左唔等我個friend碗拉麵，即刻埋單，閃人，去第到食啦!所以咪叫佢check下可唔可以取消碗拉麵啦，個waitress check完番黎話:"無落單wor!" 我同我個 friend當堂呆左，如果我地唔係話走，咪係到等碗無落到單既拉麵!!!! 餓死都有份啦!!! 勁憫之下埋單，再發覺原來佢將燒三文魚拉

早幾日諗住去山林道食嘢, 見到大盛都幾多人, 所以諗住試吓, 點知...難食!1. 蟹肉薯仔 - D薯蓉濕濕, 而且有水喉水味, 試咗一啖之後冇食.2. 炒雜菜 - 唔係難食, 但係好港式煮法, 而且出咗好多水.3. 雞軟骨 - OK.4. 北寄貝刺身 - 唔太新鮮.5. 壽司 - 一夾D飯散哂, 完全唔得.另外, D服務都好麻麻, 個個都係teenagers, 講嘢又慢, 做嘢又慢.唔會再有下次.

尋晚同女朋友去食飯...七點半左右walk in...唔使等...一開始叫左:刺身拼盤 松甜蝦刺身手打冷烏冬芝士露荀牛肉燒鰻魚,吞拿魚,太子壽司先係e幾樣...上菜真係有o的慢...不過都可以接受...都知佢多人...講返o的野食...刺身拼盤 松&甜蝦刺身:可以接受, o的魚都一般La...手打冷烏冬:反而真係唔知佢咁好食wo, 都幾意外, 好彈口, 個汁都好好味...芝士露荀牛肉燒:佢話係時限, 唔知係唔係成日有, 但係真係幾好, 燒得岩岩好, 芝士味岩岩好, 露荀爽...鰻魚,吞拿魚,太子壽司:鰻魚真係唔錯, 好厚身, 又燒得幾好, 吞拿魚一般般La, 太子幾甜唔錯...之後加左個汁燒豬頸肉同炸軟殼蟹壽司...汁燒豬頸肉:等左成五個字=_=", 泥到個樣唔係幾好, 一食, 一半都係肥既, 唔得...炸軟殼蟹壽司:又係一般La, 覺得佢炸得有少少過火...一間好多香港人都識既日本餐廳...但係真係唔覺話太好...中等La...但係o的服務就...要叫到先加水...個個o的樣對佢o的客都冇咩表情...催多兩催就有o的黑面...地方好嘈下...一定唔會係情侶去的好地方...如果以咁既價

午市時間經過無咩人, 肚仔餓餓咪入去食啦, 每人點個午餐set, 五十多元, 海膽吞拿魚taro壽司飯, 飯多多, 海膽無咩味, 吞拿魚腩都是雪味太重, 魚味欠缺的一重蒙牛的魚生壽司飯好一點, 基本要有的三文魚, 北寄貝, 吞拿魚有齊, 而且是厚切的, 吞拿魚都是雪味多過魚味, 三文魚北寄貝都ok啦另點一客魚生併, 這個$140就無偷雞啦, 甜蝦鯨龍八爪魚一般,帶子鮮甜, 三文魚肥美, 赤貝新鮮爽口, 而且款款厚切令人食得津津有味, yummy~~~service一般, 由於要做多幾轉客, waiter們都好似想你食完快走的service.....

匆匆忙忙食完一餐, 6 點半坐低~ 7 點半要我地走~~ 不過算 ..... 難得出 tst 食飯~ 點了天婦羅蝦 >>>>>> $38 有 6 隻, 呢個係最好食嫁 !!! $ 25 有 5 隻炸蠔~~雖然唔係大大隻, 但係都好 juice稻亭烏冬 ........ 不過不失~ 份量 ok蒜味螺肉 >>>>> 又係普普通通清酒煮蜆~~ 老得滯 ,,,,,, 好 UN刺身拼盤 >>>>>> 唔好食~~ d tuna 好腥 ar海膽吞拿魚腩蓉飯 ~~~~ 都係唔好食, 朋友話佢個 d 全部都係飯~~

今天中午和中學同學聚一聚有人提議這裡的東西好味又抵吃於是一行五人就來試試打開餐牌，發現真的蠻便宜＄３５可以吃到雜錦魚生飯／吞拿魚碎飯？太便宜了點罷？不敢試，就點了個拉麵餐算了一碗雞扒拉麵四件壽司要了三文魚ｘ２，鰻魚，吞拿魚怕胖，捨氣水要了麵鼓湯埋單是＄３５拉麵的湯底好可怕看上去就和一般的豬骨湯底一樣但一喝，怪哉怎地就是有很重的奶味？膩得我．．．拉麵非常腍身我最討厭這口感的拉麵了！鰻魚壽司則是出奇好吃飯團ｓｉｚｅ剛剛好是我最愛的大小上面的鰻魚很厚身醬汁味很棒呢！另外三件我只可以說是某香港超級市場質素一餐下來最喜歡的就是桌子上的酸薑和芥末醬了因為不好吃突然就覺得它好貴了不過我看到不少附近中學的學生來吃呀嗯天天吃，她們受得了呀？

又係朋友生日食飯, 4個人我book位既時候個個人既態度已經好差, 用唔好既態度同我講只等10分鐘, 仲死係度講唔齊人唔入得, 而家呢d咩態度, 咩服務?最後我地都遲左, 不過都等左3幾分鐘就有位俾到我司地方淺窄, 麻麻地好坐~d用具都甩色既~見到都唔係好開胃之後叫左sashimi拚盤(有甘蝦, 三文魚, tuna,赤貝), 三文魚/曼魚/帶子shushi, 海鮮炒烏冬, 奄列魚生飯, 土佐豆腐, 蟹子salad, 燒三文魚鮫, beer個魚生飯ok, 甜甜地咁~好好味, 又唔太漏三文魚都夠肥美, 幾好味係tuna sashimi唔靚, 好似唔似魚咁~甘蝦一般唔夠鮮甜~赤貝可以接受~最好味係shushi, 尤其曼魚, 好肥, 又唔會太多汁~剛剛好!!炒烏冬有d是但, 無咩味, d料又炒得耐得滯, 好鞋豆腐整得OK, 不過本身豆腐唔夠滑salad麻麻, 太多醬, 不過d蟹籽好大粒三文魚鮫arm arm整起熱la la, 皮脆肉滑, 好味總括黎講都ok係服務質素唔ok~d人叫又唔應, 應又唔返轉頭唔follow up~係得 一個4眼哥哥比較似樣如果自己帶cake要+hkd 80我覺得唔抵.