大盛日本料理 (已結業)

依間餐廳都食過幾次嫁啦...佢出名既地方係d三文魚同鏝魚壽C超長...勁正呀重有d火wo都唔錯...價錢又唔貴....so good!!

男友曾食過觀塘的分店話好食, 所以今次在尖沙咀再食, 一坐低就有碗仔中華沙拉做小食, 首先叫左o野食後, 足足等了半個鐘多都無任何食物來(由差不多9:00pm坐到任食時間9:30後) 2人完全呆左...叫待應跟一跟, 點知轉頭個待應問我地仲差咩未o黎! 我同bf 反應都一樣答一樣o野都未o黎! 之後個待應連忙問我地叫左咩, 再幫我地落單! 叫左以下食物:三文魚壽司(4件) ~ 長長的三文魚, 比想像中新鮮及好食, 是次唯一想再叫的食物, 不過後來因為一肚氣, 所以都唔想食了. 蜜桃蟹子沙律 ~ 完全唔夠沙律醬, 好似淨食青瓜絲咁, 要求多碗淨沙律醬, 落了大半碗才叫有d味. 串燒拼盤 ~ 不過不失, 最好食係雞軟骨及雞腎! 鹽燒三文魚頭 ~ 魚頭無咩肉及無味, 點的汁又少得可憐, 可能知個魚頭細無咩肉點, 所以俾咁少汁....西京焗蠔 (有6隻) ~ 係今晚最最最難食的一道菜, 隻蠔本身好大隻, 一入口就感覺到隻焗蠔的汁又酸又甜又苦咁...百感交集..仲好腥呀! 真係難食...跟住我同bf 找其他方法試食埋其餘, 他試把蠔點豉油食, 而我就點沙律醬來食, 最終我同bf 都覺得點

第一次真係要寫食評之前幫襯過觀塘果間, 野食同服務都算唔錯今次諗住都係大盛, 就試下山林道呢間位果方面比觀塘仲要迫d, 服務方面, 我見好多都係染頭髮o既後生仔, 好多時唔係好識比反應d 客, 叫左你, 都唔知你聽唔聽到, 冇茶唔會幫客加, 又係要叫, 幾個侍應企埋吹水, 唔係睇住個場...野食方面, 質數一般, 不過最大問題係三紋魚刺身有骨, 我食咁多年日本野, 平又好, 貴又好, 第一次食到三紋魚刺身有骨, 呢樣真係大扣分, 八件三紋魚, 四件都有骨另外油甘魚刺身都比較腥, 要加檸汁先可以入口好老實講, 呢間, 可一不可再, 食完真係一肚氣

滿有期望咁黎,<三文魚壽司>長長既三文魚,$15真係抵食;不過覺得佢唔夠凍~<雞扒烏冬>烏冬十分普通<串燒拼盤>可以不吃<鰻魚蒸豆腐>成晚最欣賞既食品,因為佢d豆腐真係好滑~可能我唔識得點叫啦 壽司比較有名],所以今餐都係有不過不失~

尋日同朋友行完街,諗住食餐日本野,之前食過大盛既新蒲崗個間都ok..一心諗住山林道都有,就食佢啦~~~佢地依家仲攪左個任食野餐......咁諗住不嬲食開都ok任食試下啦,,,,點知就出左事喇~~~我咁大個女未食過咁難食既壽司家,食到想嘔~~但佢有張野寫左食唔哂既野每粒飯$5 不完整都當係一粒~~唉......仲要d 侍應態度又唔好,都唔係好理人~我地另外散叫左個雞軟骨都還可以...最尾我地都係無理張野..食唔哂就走左~~唔理佢啦...總之係食左一餐好難食好難食既晚餐~~~我同我朋友都決定唔會再去個度食野家喇~~

而家三文魚壽司都只係$6件，記住三文魚是一呎長的，每每都很多人，每次都要book位的，所有食品都只係$2x-$3x，賣相亦超靚，真係有點不捨得食。必食火窩，刺身，刺身超超超肥美，所有壽司，沙津都落重蟹子，我超鍾意的1反而飯及麵類比較普通。包你飽到想死。

今天專誠前往大盛，想吃平價三文魚刺身晚上未夠7:00，進入店舖店內不是那麼多客人，甚多空檯可是，侍應竟說︰暫時只有bar檯可供給你們我感到極愕然，有其他空檯沒有客人座，但竟然只給我們一張bar檯？我反問︰有沒有其他檯那侍應說︰沒有，只有bar檯我質詢他︰如沒有，我們會走，不會光顧的他再沒有理會我們....我當然一怒之下離開啦，但今時今日還有這般服務態度的侍應，真是

朋友要到澳洲讀書，一行五人farewell dinner，一早book了位，不用等，當晚是halloween，場full了，等位的人不多。有free的中華沙拉，有誠意 ! 魚生沒有味，有點兒失望。不過鏝魚還可以，但有點兒salty。食物價錢不便宜，亦不好吃，service 不差，也不特別好。只會去一次。看見別人結帳後有雪糕糯米chi，不知道我們為什麼沒有，要自己問他們的嗎 ?

如果你用食平嘢ge心態入去我覺得大盛係ok的尖沙咀午餐可以平至26元有烏冬又有四件壽司質素也較元綠好還可以有甚麼要求!?晚餐吃飽也是不必一人一百刺身和天婦羅也可以如果要和其他一人消費要三四百的質素相比未免不公平...要投訴的是如果你只有一至二人侍應往往要求你和別人share枱縱然他未必滿座...

見成一年無去到大盛咁琴日就同友人去食下點知發覺真係得個"大"字!水準真係差過之前好多sushi一夾熱又散開晒!叫左一板海膽全部都唔新鮮!又唔好食!真係好嬲呀!水準大減不但止!佢既服務質數真係比之前仲差!愈做愈差!好處既就係d野食得個靚字，可以訂台囉!下次我都唔會再黎啦~

11 Oct 2008 晚餐，因冇訂檯，只提供到 bar 檯位；冇所謂，照食。未叫菜前已有兩個事件發生1) 冷氣漏水 … 我地就滴幾滴，有檯照頭淋呀！做生意係唔係咁呢？2) bar 檯還 bar 檯，唔係要密到o係 D 客頭上度玩飛碟呀？老闆你知唔知坐 45 mins 有幾多碟o野會經過個客個頭上面呢？首先食魚生，三文併甜蝦。三文冇難度點都應該要得，但甜蝦就唔多得喇！再食什菜鍋，算過得去。之後整個庵列魚生飯，唔知點解會係有 D 辣o既；同埋 D 魚生粒會唔會係頭頭尾尾？粒粒起根要吐喎！最後就係隻燒大尾魷，燒得大乾！算啦，要練o下牙力。練牙力唔係佢韌，係佢個面太硬！

訂了7點table, 2個人, 好怕等位, 但係7點未夠已經好多人等緊位喇...點解呢?"平" 就係呢間餐廳既特點坐: 角落頭位 (極唔顯眼, 叫侍應好麻煩), 而且同隔離table勁近落單1. 刺身拼盤 松--- (好凍, 太多吞拿魚喇...魚子太淋)2. 鰻魚壽司--- (都ok, 燒得都幾夠入味!)3. 三文魚長壽司--- (夠晒長喇, 不過太薄, 而且唔夠凍...)4. 辣酒煮硯--- (咸左少少, 不過夠多料既)5. 其他sushi--- 好一般, 似食左舊飯落肚only食物太多, 張table太細, 侍應不理我們, 照放上張table邊, 完全無理過我地既感受!!!比錢, 多謝都無一聲...男朋友仲發現d前茶(中華沙律)係放左o係washrooms前面...有無攪錯呀?

下午去左科學館睇深海奇珍展覽 一路睇展覽一路見到 d 鰻魚同八爪魚... 夜晚就決定去食距地 去左講左好耐都未去既大盛壽司 去到都有 d 人等位, 本身諗住都要等一等不過可能因為兩個人既關係所以唔洗等就安排入座大家黎前都係訂左位先會好 d一開始就 order 左三文魚壽司﹕唔係好鮮甜, 亦唔夠肥。可能有比較啦, 食過板長之後, 都仲係好掛住鰻魚壽司﹕呢個唔錯, d 汁味道岩岩好, 不過如果鰻魚熱 d 會仲好 ^ ^ 海鮮火鍋﹕個湯好鮮甜, 不過 d 配料唔係咁岩我口味... 熟三文魚肉麻麻(其實都ok﹐係我不嬲唔太鐘意), 豆腐一般﹐唔算好滑﹐其他配料有帶子青口日式魚蛋等﹐都ok啦 但係食食下食到入面有舊冬菇係酸既﹐呢樣要扣扣分 >.< 不過個湯底認真唔錯﹐飲左好多 ^ ^之後再 order 多客炸蝦天婦羅, 麻麻地﹐炸粉過厚﹐有點油膩﹐而且點既醬汁味道認真麻麻埋單 $146, 仲送左粒香芋雪米滋, 好味 ﹕)都幾抵既﹐而且整體味道都ok ^ ^不過男友之前黎過﹐覺得水準好似比之前黎差了塭日試埋觀塘分店睇下會唔會好 d 先..

** 此 食 肆 的 第 七 十 三 個 笑 **尋晚(9-10-2008 Thur )陪男友食晚飯,由佢決定食咩,佢話山林道有好多日本o野食,呢間亦唔差,我o地就揀o左呢間.才6:50pm左右,都已經有幾多客,呢間應該都唔錯o掛.我o地見set dinner又唔多吸引,於是散叫,叫o左:1.清酒煮蜆有好多蜆,雖然係細細隻,但幾鮮,而且唔會殼多過肉,殼同肉比例真係一比一,唔飲清酒時覺得淡淡的,一飲就覺得鹹,但酒味好濃.我o地食o左好多蜆肉.2.什錦壽司共有16件壽司,長三文魚,長鰻魚各兩件,其他o既就每樣一件,有長吞拿魚,長八爪魚,北寄貝,帶子,熟蝦,熟吞拿魚同其他唔知咩魚,海貝類壽司.壽司飯唔係幾好,一夾就散,其他OK,冇問題.3.鹽燒牛舌一客兩串,一串兩件,切得幾厚又好爽,味道又o岩o岩好,唔錯啊.4.燒茄子共有八件,上面有木魚絲同蒜蓉七味粉.熱騰騰o既,我食落覺得辣,男友都話係,不過都OK.5.$29.00 o既水蜜桃沙律男友想食,佢先食一半,到我倒入我碗時,見重有好多蟹子,我問佢有冇要到蟹子?佢答有啊,但真係重有好多囉,正.青瓜絲又冇問題,水蜜桃一定係罐頭貨,但呢個真係好抵食.

今日6點幾去食~2人~入去就有位~坐左就叫野食~音樂太大扣了分~冇左劃紙~扣了分~要叫~叫了三文魚壽司x2鰻魚壽司x1三文魚魚生飯x1同埋軟穀蟹卷~首先講下三文魚壽司~和上一次食比較~短了鰻魚壽司又係短了三文魚飯夠厚~飯都多~最好軟穀蟹卷~唔得~4件有2件散的~不好食埋單134~