更多
2016-12-31
674 浏览
朋友推介呢度既午市放題,平均每人$200,可以由12點食到3點,舒舒服服食三個鐘☺️刺身種類好多,油甘魚、劍魚、三文魚最吸引,又厚身又肥美~赤蝦同甜蝦都好新鮮,冇腥味,個人比較鐘意食赤蝦,因為較爽口海膽手卷好迷你,唔算好多飯,都食到少少海膽味,質感唔錯,唔會霉~花之卷賣相好靚,三文魚一樣肥美,但覺得沙律醬多左少少,稍為蓋過三文魚的鮮味。仲有好多其他壽司,都幾新鮮,不過都係主攻刺身好。另外估唔到有蒲燒鰻魚食!燒得好香口,又唔會有太多鰻魚汁同太鹹。甜品除左有雀巢既雪糕雪條,都有其他選擇。迷你心太軟好好食,朱古力味好濃,入面真係流心架。我都食左兩個!食午市放題又平,又可以慢慢食,唔使好似夜晚咁食太飽,的確係唔錯既選擇!
刺身種類好多,油甘魚、劍魚、三文魚最吸引,又厚身又肥美~
赤蝦同甜蝦都好新鮮,冇腥味,個人比較鐘意食赤蝦,因為較爽口
张贴