大瀛喜日本料理 (已結業)

點解用”諗唔到”做開頭，係因為...真係諗唔到點解可以咁多人，諗唔到點解啲食物咁迷你，最後係諗唔到點解餐廳環境咁迫夾。一心出旺角，以為可以試下去未食過嘅餐廳🍴食下飯兩公婆浪漫一下💕，左一句肚餓加右一句是旦啦，就去咗一間未食過既放題餐廳食放題喇。星期五仲要起晚餐時段，老實說我諗唔到無訂枱居然有位，仲要唔駛等就可即係入坐，仲可以食到8:30，以為係無咩人嘅餐廳代表唔好食，點知行多一步，「哇」人頭湧湧，多人到呢⋯⋯，侍應居然叫我同老公分開入，因為要臉對臉坐，我哋起懵懵下唔明點解打對面坐要分開入坐嘅時候，睇到嗰環境，終於明白喇，因為每張枱之間只係夠一隻手指過咋，無睇錯係一隻手指，食指👆長度距離（原諒我影唔到真相，真係太太太近，影到隔離就唔好啦）窄到坐低咗唔好意思起身嗰種，無計唯有食囉。食物品種比較之前食過六，七間，這間真的好多好多選擇，不論係刺身，壽司，熱葷，冷盤小食，甚至甜品，每種都有十幾個選擇，比較冷門嘅炸鮮奶，燒鰻魚，酸薑都有。刺身，唔係食梗冰，每款都有自己味道，比較唔好食係帶子，鮑片，甜蝦，其他都好食，太多款好難寫晒，重覆order好多次。食放題好少食到壽司🍣，怕易飽蝕咗，不過呢度就唔

野食幾好味 甜品款式多但等野食要好耐我地一坐低就點左餐 但等左半個鐘先陸續有野食之後又點餐 每次都要等半個鐘 仲要唔係所有點咗嘅都送到由於佢得個半鐘點餐 送得又慢 大部分時間係等野食 唔回本另外就係座位好逼 有個侍應仲要不斷好差態度咁叫我地坐埋啲唔好阻人出入 所以我全程係個胸貼實張枱 唉 總之下次絕對唔再來 寧願貴啲食酒店自助餐 起碼回本Tips:如果你堅持要去呢間 記得要多啲點餐 因為佢係俾啲唔俾啲 你最終食到嘅可能只係你點嘅一半

大瀛喜實在黎過太多次了，魚生的確係有水準，今次再戰決定寫返篇當記錄下都好呢次我地兩條友六點鐘就黎到，貪佢唔使等位，食兩個鐘之後就返屋企打機haha基本上每樣都會叫一啲架喇，menu太多選擇影唔哂🙈今次叫左唔係好多魚生，所以店員只係用細碗裝住（無得睇會噴煙既乾冰了haha）但呢啲只係門面野姐，重點如三文魚既厚度同新鮮度都係very good ge 舊花之戀有點頹，但係好食既😌燒菠蘿夠哂juicy 炸芝麻雞翼一定要試下，熱辣辣脆卜卜又多肉，一人一隻點會夠丫😆其他食物都好好味，overall無大問題，亦都無漏單既情況。但由於今次太少人食既關係，只能被安排去好窄好窄既一個corner，坐得唔舒服之餘一有野食黎到就要即刻清，否則會擺唔落🙈

聖誕黎食野 268+1 7點到9點睇食評好似幾就訂左位 點知係伏食唔可以話難食 但係唔好食自問食過好多間放題呢間係呢個集團既最差一間可能係我唔好彩。食物方面全部野食都同刺身一樣 凍！！！另外刺身唔新鮮炸物好伏燒物唔太熟野飲品種小出野出得慢食完唔知食左d咩見到同我地一齊入黎既隔離枱叫左1轉就無叫食左1個鐘就走左。。。好食既得個蜜糖雞翼 牛粒都還可以坐得好辛苦 今次既經濟令到我第一次打食評總括 4.5/10 分性價比低 劣食

第一次光顧，帶埋太太與外母嚟慶祝生日。下午五時入座食到七點有八折。三文魚新鮮肥美。甜蝦和泰式蝦亦新鮮。燒牛舌和羊架好好食。炸生蠔、炸榴蓮、貓山王糯米慈係意外驚喜。上菜很快，熱食選擇多，埋單每人$240，好抵食。會再幫襯。

同朋友夜晚十點先食飯心血來潮想食放題去到見到勁多人好彩我地遲去即刻有位入叫左好多刺身 炸物最令我欣賞嘅係佢唔會漏單你叫10件佢真係俾足10件你明明個場好大好忙 服務態度仲係好好 效率高 質素好好欣賞！埋單每人$200 推薦大家食～

今日係好友生日，講佐好耐要食呢間，今次終於食到啦，旺角嘅放題本身都食過幾間，旦呢間我一早已經聽人講過！！要讚既係三文魚，因為呢度既三文魚，脂肪分佈均勻，食落口又唔會腥，甜蝦方面，全部都好大隻，又完全唔會痴牙，完全超級適合中意刺身既朋友仔！！呢個芝士焗虎蝦，我都係超中意，芝士係超香，加埋大大隻嘅虎蝦，吸引程度當然係爆燈啦，我地食完又再叫多幾次，因為超好味，和風帆立貝味道簡直一流，非常好食，我班朋友仲話以段食放題一定要黎呢間哈哈！！！

話說一行8人到食晚飯，我明白放題係快食快走120分鐘，尼個遊戲規則明白的，先講環境擠迫超多人枱細都唔介意，認為食物好食搭救就好，點知落單後好多食物到不齊，叫樓面跟進，每次都話做緊就有(態度煩厭)，當還有45分鐘就要我先埋單都冇所謂，但剩餘尼45分鐘令我們感到不舒服，不停提我們Last older，我話好多之前入過單的都未到，但我們是否應該要再入單?又叫我等下？轉頭還剩20分鐘就有人同我地對單有乜野未到話幫我地跟進，當還剩10分鐘所謂都到齊了食物，又跟我們講你地仲有10分鐘食，5分鐘又提一次，總括嚟講二小時食飯時間絕對足夠，但上菜時間及服務態度影響了我們晚餐。

我吃過不少的放題，但這次的放題經驗可以說是讓我十分滿足。首先在位置方面，它與地鐵站的位置非常近，讓我和朋友很容易就找到這家餐廳。在食物方面，無論是熟食和魚生兩方面也可以說是很有質素。在前者方面，雞翼、天婦羅炸蝦、雞軟骨串燒、蒜香牛柳粒等熟食一應俱全，讓我和朋友吃得津津有味。而在後者方面，魚生拼盤，包括三文魚、甜蝦、鮑片和三文魚等的刺身也非常新鮮美味。而在吃完後餐廳還提供免費的Hagendaz雪糕給我們吃。總括來說，此次的放題是我吃過這麼多次的放題中最滿意的一次。

一進內便見到自助飲品區。除了雪糕櫃，其餘的食物都是用紙落單,上食物及收碟速度超快，就連侍應的步速都很快,基本上常見的刺身及壽司都有，新鮮鮮甜，款式包羅萬有,炒田螺及炒蜆帶有少辣，很香口，羊架，一口牛，芝麻雞翼都超正, 炸鮮奶簡直係回味無窮, 三文魚有足夠厚度，甜蝦鮮甜，所有刺身都好新鮮, 又甜又鮮，天婦羅炸到好香脆芝士和蒜蓉好夾，帶出牛油香味，虎蝦焗到又香又爽，蝦炸到好香，蝦肉好抱實炒帆立貝好香，又大粒，鰻魚又好多汁芝麻雞翅炸到好香脆，炸蠔外脆外軟，咬一口，爆出蠔汁，食完主菜後，當然要叫甜品啦，飲品任飲，雪糕多款選擇,我本人真係超中意食雪糕, 好彩呢度D雪糕都真係幾正, 總算無令我失望!!

今晚同學生會內閣成員嚟呢度食飯，都已經嚟過好多次，仲可以keep到水準,各樣食物都好快上枱，唯一令我印象深刻嘅係芝士蒜蓉焗蝦，好香蒜蓉味，同埋蝦肉好鮮甜,刺身，壽司都唔錯，由其係手卷，細細舊，，可以食多幾舊,另外唔少得甜品，佢地嘅貓山王榴槤糯米糍，燉蛋都好出色.我個個同學都讚不絕口!!簡直超開心食得! 

大瀛喜算得上係香港其中一間出名嘅連鎖放題店係旺角區同「樂x大x屋」齊名，不過兩間連鎖放題店係旺角區都係行平民路線佢地集團主要戰線都都係集中係尖沙咀同埋銅鑼灣依兩個地方不過依間平民版嘅食物種類都唔算少一般放題店可以食到嘅野，依度都會有餐單字母由S到J，總共有11項款式可以揀都算係咁啦刺身拼盤食放題點可以唔食刺身呢？唔少放題只會提供赤蝦一款選擇，但依度就有三款蝦比大家揀分別係赤海蝦、甜蝦、同埋泰式生蝦，鐘意食蝦嘅朋友一定唔可以錯過加上依度嘅刺身好新鮮，特別推薦三文魚同劍魚腩蒲燒鰻魚細細粒，又有好香鰻魚味結果好快就比我朋友清晒法式忌廉焗青口&蜜糖醬燒雞中翼由於兩樣野黎嘅時間差唔多，所以就放埋一齊影法式忌廉焗青口嘅汁好香，有好濃郁嘅忌廉味。加上青口細細舊，食多幾舊都唔會有飽肚感但蜜糖醬燒雞中翼嘅味道同自家制嘅冇咩分別，唔係雞翼控嘅朋友可以直接跳過黃金炸生蠔＆芝麻雞翼＆流心一口芝士＆辣酒煮花螺黃金炸生蠔一流記得要點堆沙律醬黎食芝麻雞翼比起其他放題店唔算特別出色，味道中規中矩流心一口芝士嘅芝士味唔算太濃，令我依個芝士控有少少失望不過佢嘅芝士真係會流心嫁，唔會好似只係食左炸粉咁辣酒煮花螺，食唔出酒味

同一大班男人食飯最好的選擇就一定係仼食，所以今次就近近地揀左間放題。等左十分鐘就有得入座，枱面都幾整潔，唔錯。魚生方面，三文魚係我最愛嘅厚切，而且油脂分布都幾平均，夠曬肥。所以咬落去好軟，同因為夠厚，所以好有口感。蝦都唔錯，蝦肉唔會爛蓉蓉，反而有少少爽口，係幾新鮮，而且因為夠凍，所以更加好食。芝麻雞翼係推介一定要叫，雞皮炸得好脆，而且無炸粉所以皮係薄同特別脆唔會太油，入面的肉好嫩滑，唔會炸到過時老曬，所以都有肉汁。而且有少少咸咸地，都食左6 7隻。另外旁邊嘅雞軟骨都係啱啱炸起，送下啤酒咁樣食都唔錯。豚肉湯鍋，面頭都有四至五塊豚肉，而且都幾肥美，上到枱嗰時就要快啲食，因為好容易老咗，而且唔會有冰鮮味幾好。個湯有少少似冬陰公味，小小辣辣地。而且味道係偏鹹所以入面嘅白菜同埋金菇非常之入味，唔錯唔錯。另一個係牛肉鍋嘅牛肉上枱之後要快速搞散佢之後再食會令味道更加好食，而且牛肉非常之稔同埋好夠肥，所以好容易咬。個湯就係吉野家嘅打邊爐嘅日式濃湯都幾夠鹹，而且入面嘅白菜份量都幾多，幾健康， 同埋個湯面頭無咩油。另外牛柳粒係一定要食，首先面頭有好多細細粒嘅蒜頭，所以好香而且黑椒味同埋有少少洋蔥令到牛肉嘅

因有朋友來香港遊玩想試下香港啲日式放題，上openrice見到大瀛喜放題啲評語唔錯啊，又係得獎食店，應該試得過掛？咁就一於同佢地去試下喇，6：20左右去到，唔使等位就可以立即入座，一開波嗌啲野食都算黎得幾快，大約10分鐘左右，味道唔錯，後尾落左2次單，出食物就越黎越慢，起碼有20分鐘以上，還要吹啲侍應，其中一位男侍應啲態度超差，同我講我岩岩先落單，邊有咁快黎到食物，大佬啊，我係追緊之前落啲單啊，都算喇，為有等喇，唔係可以點啊，最離譜就係之前啲單既食物都未黎齊，咁快就同我講7：30係last柯打,8點要交檯，8點？我有冇聽錯啊，我地明明係6：20後先入座，唔係2個鐘時間咩，真係火都黎，仲要唔係等到7：30都唔黎齊啲食物，一次黎成10碟，you play me?叫我地咁短時間點食曬啲野啊，仲要吹我地食快小小，夠鐘交檯，我果刻真係好想講粗口，我之前都有同啲朋友去食過放題，未試過好似哩間啲態度咁差，搵人笨嗎？定係因為今次見我啲朋友帶住行旅喼既關係，而有得別對待？講真，食物係幾滿意，值得一試，但係啲趕客態度真係令人好火滾，我係為左寫哩間食店而開賬戶，平時我係一係好懶既人，好小打咁多字去評論一樣野

由於媽咪正日生日嗰日我們已約咗Oppa慶祝，所以3姨媽同表妹就提早喺今晚同媽咪慶祝！我們揀咗去旺角MPM文華商場嘅「大瀛喜日本料理」食晚市放題！一開始我們就當然叫咗個雜錦刺身拼盤嚟食先啦，一上碟嗰陣我們都嘩咗出嚟，因除咗刺身嘅款式都幾多，同埋好新鮮之外，仲有一「嚿」瀛字嘅冰雕，令到賣相更加精緻吸引！當中嘅油甘魚同劍魚腩肉質相當爽滑肥美，而且充滿魚油嘅香味！海膽手卷係迷你版，可以一口成個食晒，海膽嘅味道都幾鮮甜新鮮，唔會有「臭壓」嘅味道！蟹粥嘅粥底算不過不失，唔會好似其他店咁，會整到比漿糊更加「稠」身咁！鮮茄濃湯烏冬嘅湯底都幾鮮味濃郁，至於烏冬嘅麵質就比較腍身，唔係好彈牙！和風帆立貝嘅味道除咗有帆立貝本身嘅鮮味之外，仲有微微嘅牛油香味，而且都幾大粒！至於甜品方面除咗有基本每人一杯雪糕之外，仲有芝士蛋糕、泡芙、焦糖燉蛋同奶凍等等等等⋯⋯另外仲有乳酪同雪糕糯米糍擺放喺自助區畀人客選擇，款式種類真係好多，啱晒最鍾意食甜品嘅表妹！