大漁屋台 (已結業)

假日跟朋友去了淘大的運動機構做gym, 做完之後大家見餓就去搵野食，但見淘大無想食既野就行去得寶，見到有間日本餐廳就入左去。麻醬蕃茄豆腐沙律：豆腐滑身，配合濃郁既芝麻醬味道好夾，另外生菜、蕃茄和蟹籽增加不少口感。辣味鐵火卷：壽司上有少許的吞拿魚粒粒，點上沙律醬汁，入面為青瓜絲，味道清淡。黑豚肉露筍卷：串燒燒得香口，當中的露筍好爽口，面且可以中和黑豚肉的油膩味道。雞尾：食落十分脆卜卜，個人覺得無想像中甘油膩！燒得不會黑而苦澀，不防一試！關東煮：黑蒟篛好似啫喱般，口感幾得意。板魚蛋爽口亦不錯，另外腸為甜甜的。