大漁屋台 (已結業)

第二次到訪這家餐館，上一次是吃午飯，印象正面，性價比又高，所以今次就想試一試晚市。主要點了串燒，有粟米，冬菇，大蔥，蕃薯等；亦點了天婦羅及關東煮。串燒的火喉控制得不錯的，不會有太多的焦出現，調味也是恰到好處。關東煮的不過不失，份量足，湯底不過咸；唯一就是覺我天婦羅的性價比不怎麼高，十多塊只有一小件。服務態度依舊很貼心！

高汁日本菜🤤🤤🤤 除咗有刺身 壽司🍣仲有關東煮🍢 最欣賞佢既辣味鐵火卷(圖一)同串燒🤤-鐵火卷雖然味道唔濃烈但反而入面係青瓜清清地加刺身係上面 點埋d沙律醬真係超好食🤤🤤 必嗌！ -而串燒嗌咗雞尾 雞腿肉同埋鯖魚串燒🍢 呢三樣都燒得好好 三樣個肉汁都保留到又唔會太乾🙈 而且整得夠味👍🏻-刺身有季節沙律(圖2) 成碟都好fresh 仲要勁多三文魚籽 粒粒都爆汁🤣 重點嗌咗咁多野食價錢都唔算太貴👍🏻-

今日同男朋友行經牛頭角又覺得肚餓就入咗去一個商場度搵吓有咩食點知比我見到 有一間裝修好有日式居酒屋嘅氣氛嘅鋪頭所以就入咗去食首先我哋叫咗蟹子沙律青瓜絲切得好幼之後就到池魚薄切配合埋佢哋特製嘅醬汁真係好好食之後就係你左個軟殼蟹水菜卷軟殼蟹就算比啲飯包住都食到好鬆脆之後就到咗炸串我覺得咁多串入面甘栗薯餅係最好食之後就叫咗個關東煮都幾好食之後就來咗個安格斯牛肉丼牛肉丼都幾好食個醬汁好好味 而且都食得出啲牛肉幾高質

之前上網睇到有文介紹呢間餐廳好抵食，一直都想唻試試，今日去九龍灣玩就即興唻左食野。間舖比較細，坐滿左人，不過都唔係等好耐，係出面睇睇餐牌十分鐘度就有得入。入面裝飾好日本風，好有居酒屋feel，牆上面仲有復古既日本電影poster，係影相好地方。Lunch（1130－3pm）比較抵食，多數＄58－78／lunch set，其他就多數九十蚊以上。衝著呢個角切海鮮丼唻，呢個丼飯每日限量供應，不過好彩都食到（果陣一點半度）。配菜有面豉湯，沙律，茶碗蒸，個人覺得個沙律汁偏鹹。但個海鮮丼幾正，材料＆口感豐富：生蝦、三文魚籽、三文魚、吞拿、青瓜粒、蛋同紫菜絲，食落啖啖魚生：3正啊，飯有點點乾但呢個價錢超值啦，海鮮既味道都補返晒，同埋無expect過竟然有雪糕…！再次感嘆呢間野價錢好親民。fd叫既牛肉飯。推薦lunch set，下次唻想試埋關東煮（＄10／串）！

朋友住在牛頭角，一直在家過著無飯生活，說是附近已經大把野食，唔想自己煮今次佢帶路去食平時去開的飯堂－－大漁屋台，睇下有咩食先～！以屋邨商場來說，這裝修真的很出色，燈光、環境都是舒服的，不是富麗堂皇那種，但真的有日本和食屋台的風味。山葵八爪魚$38呢個係冷盤，八爪魚加左芥辣調味，幾開胃。碎三文魚蟹肉卷$68鮮甜三文魚鋪面，蔥和蟹肉夾在飯卷中間，鮮甜魚肉配上蔥花香，good池魚刺身$118池魚咬落爽口鮮甜，另點蔥油，油花香好脂味關東煮大根$10好吸湯，個人認為關東煮必食。鳴門卷$10好少見鳴門卷切得咁厚身。八爪魚$12很爽口，不錯！串燒雞心$24雞腎就食得多，雞心比較少見，大家可以嘗嘗鮮～串燒鯖魚$18個人比較喜歡燒鯖魚，不腥，燒得香口惹味。揚物吉列豆腐$8一口芝士$26睇相傻傻分不清楚表面炸得香脆，豆腐軟滑，芝士香濃什錦天婦羅手打烏冬$72烏冬夠彈牙，重點是一次食哂多款天婦羅--茄子，蝦，南瓜，冬菇都有齊，推薦！食物整體唔錯，加上價格經濟，怪唔得朋友成日來食dinner啦～

經過九龍灣嘅德寶商場，發現一間啱啱開咗冇幾耐嘅日本店，今日同朋友難得黎一區就試吓。蟹籽沙律作為今餐晚餐的開始，翠綠色的青瓜加上鮮橙色的蟹籽小山丘。青瓜新鮮、清爽，蟹籽粒粒飽滿，咬下去「卜卜」聲，鮮甜的汁爆出來，食材新鮮、蟹籽份量也不少，令人已經期待後續的食物。壽司十二點盛睇落去都好新鮮，除咗有我好鍾意食嘅海膽之外，仲有帆立貝、油甘魚、拖羅等等以上嘅食材。唔係hea嘢！刺身拼盤都好抵食，仲有一版海膽添。熱騰騰的關東煮冒著煙，泡在湯裏，有著各式丸類，但白蘿蔔是不可缺少。白蘿蔔軟軟的，輕咬一口，蒸氣在嘴裏噴出，湯汁在蘿蔔裏流水，可見店家花了不少時間煮的。碗中還有久違的鵪鶉蛋，小小的一口一顆，味道比雞蛋濃郁，既暖胃又滿足。紙牛肉煱： 星形紙窩好可愛，買相吸引，食材豐富，牛肉、豆腐、配上美味粉絲，既飽肚又健康！天婦羅手打烏冬除了海老、冬菇、茄子、南瓜，還有很多很多選擇。天婦羅的顏色很美，炸漿又薄又脆，但又不會很多油。試了幾款天婦羅，很欣賞那個冬菇。炸好的冬菇還是很juicy的，外脆內軟，好吃。烏冬都好煙韌，而且份量都唔少。可以share食。豬扒飯：豬扒大大件，配搭蛋和羊葱非常稱心，飯有點黏，不是

I don't often go to the TBG mall but it is another place for food away from the crowd especially on weekdays.Went here because they have affordable donburis and sets for lunch.As long as the donburi is good I am good but for lunch they don't have the salmon roe one so I got the assorted which has some salmon roe in it.You get salad, steamed egg and soup.The sashimi on the donburi rice was fresh which was satisfying.The other set was also sashimi but not donburi style.Tried the scallops from the

最近同朋友相約九龍灣食飯，見到呢間日本餐廳環境同餐牌都幾吸引，就諗住入去試下。餐廳裝修有十足既日本居酒屋風味，就好似真係去左日本咁。餐牌刺身壽司同熟食都有，非常豐富。剛坐好，店員就為我地送上前菜，分別係生蒜、牛蒡同味噌青瓜，味道都唔錯。我地就叫左你款壽司，分別係凡立貝、櫻花吞拿魚同三文魚子，用料都幾新鮮，唔錯！我地兩個最鍾意食既都係刺身，分別叫左甘蝦、油甘魚腩等，當中我最鍾意既係油甘魚腩，真係相當肥美。食日本野·又點少得關東煮呢，我最鍾意既係入面既蘿蔔，非常入味同清甜。燒紫薯係朋友話要點既，本身我係冇咩興趣，但食落又幾好食。紫薯非常甜，外面有燒野食既香味，值得一試。芝士年糕係正常水準，鍾意食既朋友不妨一點。串燒亦相當唔錯！最後呢個牛肉烏冬亦相當好食，十分足料。

今日同男朋友第一次行得寶商場見肚餓就周圍搵嘢食係地下穿過1條好懷舊嘅巷仔見到間好有特色嘅日本餐廳大漁屋台見個餐牌都幾多嘢食 價錢都唔貴 所以就試一試叫咗個三色刺身都幾新鮮又厚切前菜仲有胡麻豆腐蕃茄沙律軟殼蟹水菜卷👍🏼 正清酒煮蜆好足料啲蜆肉好大粒，湯入面仲有昆布同啲雜菌啲酒辣辣地 好開胃冬菇青椒天婦羅 青椒都幾辣😂佢係日本青椒唔係普通青椒安格斯牛肉鍋烏冬 啲牛肉好嫩最後叫咗關東煮 串蒟蒻好爽口 魚餅又好味埋單4百幾蚊下次先再黎試佢既海膽飯

今次來到呢間係九龍灣既日本餐，午餐時間來有多款lunch set選擇。今次想食拖羅所以點左lunch set 冇既黑鮪二重丼，有赤身，中拖羅，蔥花吞拿魚蓉，附送麵豉湯。中拖羅最美味油脂適中，吞拿魚蓉甘香，赤身就一般，食完個丼飯都已經半飽了。另外有關東煮(大根，芝士魚餅，八爪魚）大根入味夠淋，八爪魚鮮味可以一試。芝士魚餅覺得吾夠芝士味同太淋。這裡燒烤都吾錯，有明太子雞亦，少少辣好惹味。雞頸肉串燒，因為豬頸肉聽得多反而雞頸肉少有所以點了，燒得剛好又夠味。燒芝士年糕，好明顯我鐘意食芝士啦😆煙韌又夠芝士味。環境好像去左日本居酒屋，食物又吾錯，午餐仲免加一，下次都會再來試其他。

因咩事引得羊媽媽走到來九龍灣食晚餐？當然是因為有羊媽媽最愛的日式美食啦！季節刺身沙律$58，角切雜錦魚生很多元化，有三文魚、吞拿魚、帶子和八爪魚，爽脆生菜配上柚子汁，迎合夏日的refreshing感覺。精緻三式刺身$188，真目鯛、赤貝和油甘都很新鮮亮眼，真目鯛精盈剔透富魚鮮味，最愛油甘魚厚切啖啖肉，赤貝原隻切片更有檸檬提鮮。碎三文魚蟹肉卷$68，賣相吸引，除三文魚粒更有高級食材三文魚籽，三文魚和蟹肉的口感加上沙拉醬，味道格外好。關東煮-大根$10、北海道八爪魚$12、魚餅$10、黑豚肉腸$16，八爪魚彈牙無比，最愛黑豚肉腸，充滿豚肉油脂味。燒物炸物是羊爸爸最愛。點了幾串小試牛刀。黑豚肉露筍卷$28，豚肉燒得香脆，加上露筍爽甜，合在一起吃簡直是雙重美味。日本白果$22，甜得來帶甘，卻一點也不苦，撒點鹽調味，美味來得簡單。雞軟骨，熱辣辣爽脆無比！最後以天婦羅烏冬作結，即製天婦羅份量咁多，真係性價比極高。好想快d再來吃過呀！

今日放工和太太往九龍灣大漁屋台滑蛋吉列黑豚飯, 軟殼蟹水菜卷、三文魚刺身、甜蝦刺身和赤身刺身。滑蛋吉列黑豚飯滑蛋食落香滑, 蛋味香濃, 吉列黑豚食落香脆, 食落肉質鮮甜味美, 食落啖啖肉, 口感十足, 吉列黑豚肉粉漿薄薄香脆, 飯食落香滑軟綿, 整滑蛋吉列黑豚飯份量十足,口感大滿足；軟殼蟹水菜卷賣相吸引, 軟殼蟹炸得香脆金黃, 食落熱辣辣香脆惹味, 水菜食落爽口, 飯酸甜度十足, 配上蟹籽令整份軟殼蟹水菜卷食落口感十足和層次, 味道一流。最後刺身我們點了三文魚刺身,甜蝦刺身和赤身三款, 三文魚和赤身食落口感鮮甜, 甜蝦壽司食落新鮮彈牙, 高質素的刺身。餐館怖置很有特色, 猶如置身日本的屋台似的, 而且餐店食物美味, 份量十足, 價錢合理, 高質美味的日本餐廳。

今日同朋友去淘大UA睇早場，睇完電影後在附近醫肚，朋友住附近佢話帶我去一間高質素及隱世的一間日本料理食lunch，原來帶我去到得寶商場名為“大漁屋台”的日式料理餐廳。單睇餐廳布置都好有魚船特色，到處掛住其次及貼上日式廣告海報，我仲以為自己走到去日本遊行添。打開餐牌都有好多選擇，定食有我愛的茶碗蒸蛋、沙律、 螺肉及麵豉湯。我就叫了特選吉列盛定食，裏面有珍寶吉列蝦、廣島蠔、黑豚柳、蓮藕、冬菇及茄子，份量剛好，而且脆漿也不太厚。朋友叫了鰻魚丼，嘩~份量超多，而且鰻魚肥美香口，碗飯足足3大滿碗，啱晒d大胃王。朋友不停大讚鰻魚美好，他就很久沒有食到好美的鰻魚了。另外我哋追加了兩款小食，一個是關東煮， 蘿蔔又大又甜。 芥末八爪魚， 八爪魚滑嘟嘟及芥末辣辣地，十分過癮。整體上每款食物都很美味，份量十足，而且價錢非常親民，怪不得餐廳那麼多食客幫襯。

本來諗住同朋友係得寶Food court 食晚飯，但又睇唔啱食乜，咁啱朋友又話想食日本嘢，就誤打打誤撞入咗呢間同樣係得寶商場嘅居酒屋度食日本野。蟹籽沙律 頭盤首先嗌咗一個蟹籽沙律， 青瓜絲拌除蟹柳絲蟹籽以及生菜， 口感清新，作開胃菜一流。壽司壽司方面分別嗌咗赤身，左口魚，松葉蟹膏以及海鰻壽司。 本來諗住嗌拖羅，但朋友又驚太油膩所以嗌咗赤身，又估唔到赤身都好鮮味。而最有驚喜嘅係海鰻壽司，海鰻足足有手掌咁長，肉質鮮甜，而且配合鰻魚汁令海鰻更鮮味。真錭魚刺身錭魚較其他魚生淡口， 但細嚐下更能食出淡淡的魚鮮味。 隨刺身附上酸酸甜甜的醬汁， 刺身點上醬汁更能帶出魚的鮮味。味噌煮大根豬軟骨味噌湯湯底鮮味濃厚，除咗有豬軟骨嘅鮮甜味，細味品嚐下更有大根嘅清甜味。大根清甜而且吸收了味噌湯的肉味，非常可口。更值得一讚嘅，係豬軟骨肉質鮮嫩，而且豬軟骨嘅軟骨入口即溶，令人回味。串揚 - 吉列豆腐，蓮藕吉列豆腐即叫即炸，熱到十足，而且外脆內軟，食落亦唔會有好油膩嘅感覺。 蓮藕爽口鮮甜，值得一試安格斯牛肉鍋手打烏冬烏冬質地煙韌彈牙不在話下。大蔥煮得好入味，而且好爽口，作配菜一流。牛肉係半生熟上，加上滾滾嘅濃湯令牛

係附近行完，行行下見到依間大漁台屋，好像也不錯所以就入左去了，一行四人。依到似係小店多啲。成間嘢都有好多日本元素嘅裝飾。感覺有小小似係日本嘅小店食緊嘢。八點幾嘅時間，都幾多人下。太多選擇啦，搞到唔知點揀！食個最愛嘅蟹籽沙律開胃先🤡不過佢個位置係細商場入面，所以都唔易搵架。四個人點左小小壽司食。依到嘅壽司嘅飯比較細，不過上面塊魚生一啲都唔細。估唔到幾鮮甜！刺身方面都真係係唔錯，比好多大鋪做得更好。要讚嘅位係佢嘅海膽係真海膽，食得到嘅鮮甜。扇貝仲要超厚肉。正到呢！推薦！味噌煮大根同菇，吸曬味噌味嘅蘿蔔真係好正！。超大份嘅汁燒魷魚。好飽肚。肉質都算新鮮易咬。不過一份真係食到好飽肚。超特別嘅紙煮豚肉烏冬。湯底正！配料都好新鮮！是晚我的最愛烏冬。而且豚肉都咁鮮嫩。真係不錯。關東煮，每串只需十蚊。超抵而且好大份。味覺同係日本食嘅好相似！like！不過怕飽就唔好叫太多啦。安格斯肥牛烏冬。安格斯肥牛真係好正，不過因為食完紙煮豚肉烏冬之後。呢個相對地有少少普通。炸天婦羅，必食必食必食。質素高過好多大鋪。原來佢仲有配個手打烏冬。飽到嘔😭其實有時食日本嘢食去小店，味道更真，製作更細心。