大漁屋台 (已結業)

係附近行完，行行下見到依間大漁台屋，好像也不錯所以就入左去了，一行四人。依到似係小店多啲。成間嘢都有好多日本元素嘅裝飾。感覺有小小似係日本嘅小店食緊嘢。八點幾嘅時間，都幾多人下。太多選擇啦，搞到唔知點揀！食個最愛嘅蟹籽沙律開胃先🤡不過佢個位置係細商場入面，所以都唔易搵架。四個人點左小小壽司食。依到嘅壽司嘅飯比較細，不過上面塊魚生一啲都唔細。估唔到幾鮮甜！刺身方面都真係係唔錯，比好多大鋪做得更好。要讚嘅位係佢嘅海膽係真海膽，食得到嘅鮮甜。扇貝仲要超厚肉。正到呢！推薦！味噌煮大根同菇，吸曬味噌味嘅蘿蔔真係好正！。超大份嘅汁燒魷魚。好飽肚。肉質都算新鮮易咬。不過一份真係食到好飽肚。超特別嘅紙煮豚肉烏冬。湯底正！配料都好新鮮！是晚我的最愛烏冬。而且豚肉都咁鮮嫩。真係不錯。關東煮，每串只需十蚊。超抵而且好大份。味覺同係日本食嘅好相似！like！不過怕飽就唔好叫太多啦。安格斯肥牛烏冬。安格斯肥牛真係好正，不過因為食完紙煮豚肉烏冬之後。呢個相對地有少少普通。炸天婦羅，必食必食必食。質素高過好多大鋪。原來佢仲有配個手打烏冬。飽到嘔😭其實有時食日本嘢食去小店，味道更真，製作更細心。