大漁屋台 (已結業)

最近同朋友相約九龍灣食飯，見到呢間日本餐廳環境同餐牌都幾吸引，就諗住入去試下。餐廳裝修有十足既日本居酒屋風味，就好似真係去左日本咁。餐牌刺身壽司同熟食都有，非常豐富。剛坐好，店員就為我地送上前菜，分別係生蒜、牛蒡同味噌青瓜，味道都唔錯。我地就叫左你款壽司，分別係凡立貝、櫻花吞拿魚同三文魚子，用料都幾新鮮，唔錯！我地兩個最鍾意食既都係刺身，分別叫左甘蝦、油甘魚腩等，當中我最鍾意既係油甘魚腩，真係相當肥美。食日本野·又點少得關東煮呢，我最鍾意既係入面既蘿蔔，非常入味同清甜。燒紫薯係朋友話要點既，本身我係冇咩興趣，但食落又幾好食。紫薯非常甜，外面有燒野食既香味，值得一試。芝士年糕係正常水準，鍾意食既朋友不妨一點。串燒亦相當唔錯！最後呢個牛肉烏冬亦相當好食，十分足料。