大榮華酒樓

营业中

休息中

本人於某天到大榮華食晚飯,等了很久才安排到座位. 及後叫了一碟美果蝦仁(實為炒腰果), 當炒腰果送到時, 本人已看出腰果已過期, 而宜出現深啡色, 簡直不能入口. 這令質疑他們如何當廚子的, 這一般人也看出已變壞的腰果還做給客人食，直情當客人是蠢旦．

前晚與朋友一齊去食, 一早訂定, 不過唔知係咪唔係週末, 都唔係好多人. 我12人叫21個(17個係套餐, 另大斑兩味$290, 兩隻乳鴿和一個雲耳勝瓜)6支特價啤酒($10三支另送一罐)和一罐汽水, 總共$1,210, 食到攬住個肚兼打包拎走才每人$100都好抵食.奶皇馬拉糕, 五味雞同大斑兩味都唔錯, 但d炸野就好唔得, 椒鹽鮮魷碎濕濕, 炸斑塊, 炸豆腐同炸饅頭全部都炸到過晒火同乾爭爭, 可能d油係千年油吧! 白水浸烏頭冇驚喜, 同亞媽整個d差唔多, 其他既都只係一般, 或者盆菜會好d掛. 我諗如果唔係因為滔哥可能唔會咁出名.不過如果唔嫌遠, 要求唔高既話, 呢度就真係幾抵食既.

我覺得你既評語好主觀囉.可能你唔知而家大榮華點解會咁出名......因為有好多明星, 名人去過, 仲讚好好食添! 如果唔係, 而家d人又點會山長水遠去元朗大榮華飲茶呀?可能你唔鍾意呢度d點心, 但係我覺得佢既燒賣好正! 我反而覺得美心咁貴......唔駛淨係食點心, 你可以試下佢既"奶皇馬拉糕", 都好正架!你試下再去多次先啦! 如果你覺得都係差, 我就真係無話可說! 睇下呢度既ratings------係"讚"多過"彈"架!

6月16日一家人去大榮華食晚飯補祝父親節, 未到7點已經去拿位但已看到門口有十多人在等位(大檯局多), 好彩自己拿的是細檯故等了約半小時便順利入坐了!!!!!!(在這半小時的等位期間我看由原本的十多人在等位增加到二十多人, 場面壯觀, 故十分慶幸自己早來這半小時)!!!!!!本人當日的餐單如下:五味雞~~~味道好,雞肉滑(果然是招牌貨一定要試)<五味爽肉大腸~~~~味道ok..但略為咸小小(吃後比較口渴)菠蘿生炒骨~~~~味道一般過唔一般,大排檔都好過佢蟹肉扒燕(唔記得點寫)菜~~~菜夠新鮮加上清甜的蟹肉汁, 兩樣東西配合得天衣無繨, 味道清甜可口砵仔蒸魚腸~~~(又是招牌貨, 差不多圍圍都會叫)老豆指定菜色, 本人不願置評(因本人不吃魚腸及陳皮的), 但老豆話十分好吃奶皇馬拉糕~~~當日侍應推介到便即管一試, 點知一唔食又至可一食便停唔到口,蛋糕又鬆又軟, 蛋香加上奶皇之香, 簡直好食到難以形容(本人本身不太愛吃馬拉糕的兼且當時十分之飽, 但也吃了二大件可見其的誘惑程度, 本人一大推介!!!!!!!!!!)砵仔飯~~~~飯夠大粒且口感十足加上豬油及豉油, 感覺新鮮兼出奇的好吃

好味

名氣是響得不過，或者係佢的主力係晚飯小菜，總之為左飲下茶就唔需要入來搵佢！<br>價錢同一般茶樓咁上下，不過搵位你就要自已攪掂啦，Ｄ伙計眼中只有熟客既即。<br>點心質素美心都好食過佢，唯一好味Ｄ的係油菜，可能係佢地直接響新界入貨所以夠新鮮！<br>總言之，飲茶搵過第二間啦！

我經常到大榮華食飯，它無疑是一間價錢大眾化，食物水準高的酒樓，老闆滔哥亦非常好客，待應服務水準亦不錯，唯獨是有一位高級人士(我不知道他的職位)態度非常惡劣，我的朋友亦曾多次受他的氣，以下是我其中一次經歷。本人于某一星期天5:30p.m.到達拿位，其他人在樓下的車上等候，帶位小姐說：如我人齊可即時有位，于是我立即通知其他人，但那位高級人士二話不說，就將原本安排給我的桌給了他的熟人(那人原本訂一圍現在耍二圍)，帶位小姐說我只好等位了，他是老闆鐘意怎樣也可以，結果我們一行十人只能望著兩圍只坐了兩個人的空桌輕嘆。這還不算激氣，最令人難受的是，當我縮在一旁等位時，那位人士居然在我背後高聲呼罵，注意：是呼喝《這條路泥咖，囉泥行加，耍等出去等》自問不是肥到阻路，就算係都可以好聲好氣講，我只是想食飯，不是來被人罵，希望滔哥能正視這個問題的嚴重性，大榮華的名聲絕對給這人破壞。這位高級人士沒戴眼鏡，年約四十多五十歲，額頭似蘇民峰，頭犮疏落，通常穿恤衫打呔，大家到大榮華見到他一要避開，小心被人罵。最後套用劉德華那句：《今時今日咁既服務態度，唔夠咖!》。

和十多位朋友約埋一起, 再去試幾味 <br> <br>沙參玉竹燉龍骨湯: 火喉同料都十分之足, 要預訂 <br>豬油撈飯: 豬油奇香無比....... <br>生醬燒豬下巴: 比豬頸肉更肥, 味道相若 <br>圍頭五味雞: 雞肉好滑, 而且個汁做得好好 <br>頭抽鴨翼鴨下巴: 試左一舊, 無太大留意 <br>冰玉燒鳳肝: 要預訂, 有一塊肥肉, 都幾肥下. <br>銀魚疆酒炒芥蘭: 唔多油, 幾新鮮 <br>金沙中蝦: D蝦個殼好軟, 而且表面有D 調味料, 幾好味, 而且保留蝦味 <br>蝦醬酥炸鯪魚片: 卜卜脆 <br>家鄉蒸芋泥: 其中一款至愛, 外表似十足蒸肉餅, 但只有芋泥同鮮魷 <br>鳳凰蟹肉炒長遠: D味幾清淡 <br>白水浸鳥頭: 唔多食淡水魚, 所以無意見 <br>奶皇水晶飽: 清甜! <br>麥米粥: 料多, 但係唔醬

明爐燒鴨, 干煎海中蝦, 五味雞, 圍頭豬肉,蝦米陵魚球, 生晒門鱔風乾.特大厚菰,選裝排魷, 原汁浮皮, 原晒支竹, 清甜籮蔔.$780一席! 12人用都算幾低, 材料都幾豐富, 覺得佢最剎食因為汁料美味. 一上台十零分鍾已經食到見底!另外甜品海帶容, 奶黃水晶飽都十分好味!唯獨真係要等好耐先有位.......聽聞訂位要預早4星期.............真係要好有耐性................

D o野食非常好味,但係想食好o野,就要等等喇~~

星期日要在屯門區飲茶搵位係一個好大o既問題，因為到處都要等位，而且又唔係太好食！大榮華雖然有時也要等位，但起碼等得有價值！她的小菜我故然喜歡，點心真係唔錯！又大碟！特別係蝦餃，又大粒又爽口，有少少荀粒同肥肉，皮又夠薄，另外我都好喜歡這兒的水晶包，外面少有呀！青菜是每次例叫的，我想應該是本地菜心，因很嫩及很新鮮，同別的酒樓不同的。以前星期六日下午茶大中細點都係當小點咋，很抵食，不過依家已經取消了，但依然抵食！依然是飲茶的首選！

I like this one <br>and 盆菜豬肉金銀蛋波菜too good <br> <br>photo&other foods <br>http://www3.plala.or.jp/ATSU/oldhk/food2.htm#yuenlong

呢度食0既絕對係正宗香港圍頭風味,樣樣都好食.白水浸烏頭0既烏頭好肥美,蒸起有層黃油浮面,好誘人,魚肉0個種嫩滑鮮美,一試難忘.(要食就快,因為養烏頭0既元朗魚塘俾地產商買0左,收地後就冇0甘靚烏頭食咯)仲有金針銀耳紅棗蒸生魚,一D腥味都冇,惹味就大把.至於扣肉就好有鄉土風味,完全唔覺肥,一舊接一舊唔停得口.五味雞好香豆味,大概係因為用0既醬油靚,好入味好嫩滑.燒鳳肝甜甜地,好爽口,做飯前小食好開胃.呢度0既師傅炒飯都几得0架,雖然只係用0左好普通0既蛋呀,叉燒呀0甘0黎炒,但食落就十分不平凡,飯炒得乾身好味唔油膩,亦唔會食完口乾,用料靚又足,叉燒唔係賣剩貨,而係新鮮0既膿邊半肥瘦,總之令人忍唔住猛添飯.甜點一定要試三色水晶包,間直係非一般美食,皮做得又薄又靚不在話下,最玀命係D餡,綠色係海帶茸,紅色係棗茸,黃色係奶黃,完全反傳統,三種都好清甜好好食,奶黃仲好滑添,入口即溶0架真係,第度食唔返,極力推介呀!大榮華樣樣都好食,碟頭夠晒大,份量足,仲好經濟抵食添,真係0甘遠入0黎都抵!

五味雞 <br>Very Good!!

雖然不是住在元朗,但專程到大榮華吃晚飯, 絕對不會令你失望. 有很多菜式是其他酒家沒有的例如:豆鼓蝦,抽頭浸米鴨,梅醬一字排及五味雞. 晚飯時段還有一個很有趣的套餐:多款菜式由40元起每多叫一款減1元每桌最多點二十款, 最平可去到21元一個小菜. 很好玩!!