大榮華酒樓

营业中

休息中

第二次去，感覺更好。雖算是舊式酒樓，但清潔衛生，伙計尚算有禮，而且很好吃，平時也不大有機會嘗這種菜。我們那天是下午，沒有豬油飯…五味雞：勁正，我想那些是豉油吧，雞也很新鮮，很入味，不知是怎樣做的…蟹肉炒粉絲(忘了名字)：好，但蟹肉味不特出，反而粉絲炒得好吃，挺爽。粟米魚肚"gun"：不過不失圍村豬肉(忘了名字)：很肥~!!但好吃，所以還是吃了很多肥豬肉。另外叫了些點心，馬拉糕蒸得好靚，好好味！8個人去只需大概$400，吃的好飽好飽。不過感覺上這種地方不宜久留閒談，所以吃完就閃。

唉!今日放假一心諗住同屋企去試下啦,點知...... 去到至發現,原來佢地今日(5月24日) 開始進行內部裝修,要到6月3日至開番喎!!真係好鬼無癮......!

老牌酒家, 門面比較簡陋, 人勁多, 但等位地方超細, 未食其實可以先比一個差印象分, 到有位, 入到去純粹典型茶樓格局. 眼見與間較迫, 感覺焗促.咁大個兔第一次去, 作為巿區一族, 慕名而來, 見識見識, 一睇菜牌好陌生, 原來新界菜咁多款式, 既然從未試過, 梗係盡叫佢\招牌菜, 大概印象比較深就係...1. 砵仔飯- 乞兒兜裝住飯, 食時撈頭抽豉油+豬油. 就因為咁, 自此認識乜叫頭抽, 從此以後用豉油必揀頭抽, 皆因真係豉油中極品. 2. 烏頭魚- 淡水魚, 鞋鞋地, 幾多骨, 原屬新界狗老婆就話食時留意下味, 因為烏頭魚肉, 咬入口帶有泥味, 種鄉土情盡可從中細嘗.3. 五味雞- 樣式好似一大兜豉油雞, 我乜都食, 所以雞皮照咬, 果種味同豉油雞唔同, 難以言喻, 齋食雞肉感覺係普通雞, 不妨多點碟底醬汁會好好多.其他食過都幾有特色, 但失憶, 記到以上三樣算叻, 呢間久聞大榮華的確不同一般茶樓, 食物可改觀茶樓簡陋印象. 伙計服務可以. 進食時當晚咁好彩見到老細滔滔, 佢\個\'食家之肚\' 真係堅, 但見佢\只係主動同熟客傾, 對生客較冷漠.香港地就係多呢類包裝簡單但內

提早一日慶祝母親節,一行九人(六大三小)到家母至愛-大榮華食.四點九到,已經排十幾二十,真係誇.五點正入座.叫左是日例湯(蓮藕煲豬肉),五味雞,燒腩,荔茸扒莧菜,鮑汁魚肚扒時蔬,雞蛋焗魚腸,生炒排骨,蒜茸蝦蒸鮮腐竹,馬拉糕.除左個燒腩好唔掂之外(D皮唔脆之餘仲好韌),基本上樣樣都好好,唔駛多講.小朋友食D砵仔飯就最開心,平時唔見佢地食咁多飯,今日就差不多淨食飯,仲全砵食晒.無他,加左燒豬油同頭抽送飯,真係好正.埋單$6XX,好抵.節日唔迫你食貴貴搵笨套餐,先係好食肆!P.S.(1)埋單時俾左張form 我地填,話可以成為vip(韜韜之友)!(2)埋單時亦派左張紙話24/5-2/6內部維修停業,3/6重開.

尋晚一行5人與朋友駕車入元朗大榮華食飯,9點先至去到,但仍人山人海,好彩啱啱有吉臺,我地叫左雞蛋焗魚腸,五味雞,豆豉鯪魚炒油麥菜,蟹肉脆皮豆腐,梅子蒸烏頭,馬拉糕.雞蛋焗魚腸---幾好!魚腸冇腥味,細細個,食完都吾覺膩.五味雞----雞肉十分嫩滑!而且雞皮薄,冇脂肪,味道有d似豉油雞,不俗!豆豉鯪魚炒油麥菜---尚可!呢道菜通常都吾會太難食.蟹肉脆皮豆腐---蟹肉頗多,豆腐亦挺滑,餸飯一流!梅子蒸烏頭---呢個最差!條烏頭泥味太重,吾掂!馬拉糕---友人話呢個系全晚主角!一籠8件,2男1女分別每人解決左2大件,糕身十分鬆軟,甜度適中,熱騰騰,相當出色!埋單連tips$400,友人請客,多謝晒!

心血來潮想到大榮華試下,便一家人山長水遠地走到,到達元朗己經是二點九,搵到間酒樓就己經三點.可能係晏既關係,唔係咁多點心選擇,以為可以點晚飯小菜,但餐牌沒有放出,所以只是點了以下食物奶皇馬拉糕---好香的蛋味,滑就不像其他人講的!不知是不是係蒸得太耐的關係,味道尚可,但未至於好好食咸酸菜豬肚湯---豬肚正,好飲,而且是點心價細細碗,小小地過下口引燒賣---一般,比出面的細粒潮州粉果--過咸,味道一般黑椒牛仔骨---好味白菜鮫---一望,覺得很有家鄉風味,不同一般的包法,感覺幾得意,但味道只是一般五味雞($48-1隻)---正,雞肉幼滑又夠入味,d汁撈飯正,雖然話一隻,但肯定每邊最小抽走一片的雞胸肉,總算抵食鴛鴦水晶飽($56-12隻)---最初只想叫一籠,但待應話太晏,師父好小會再蒸,如果我地想食,只可以落單和一次過叫一打,大家都覺得太多,但冇理由黎到唔試.有兩種味,一隻好似是蓮蓉既味(係食的),覺得太甜,而另一是奶皇,覺得幾好,唔會過甜,而個皮就幾好,"un""un"地總括黎講,只係覺得五味雞較好,下次只會晚飯時間黎試小菜,而值得一讚是佢地的服務,有個待應姐招呼周到,有問必答,好多野

前兩日去開元朗做野, 順道去來呢度食晚飯.我地一行3人叫左4個菜同一籠奶皇馬拉糕.1.盆菜豬肉呢個菜比較差, d 豬肉好柴皮,唔入味,比較咸, 好多味精,反而d芋頭就幾好味.下次唔會再叫. 2.豆豉鯪魚煮油麥菜呢個好普通, 超肥...好多多油3.香脆五層肉呢個係d五花臉腩切片, 炸得好脆, 即係炸肥豬肉..好恐怖..點一d甜酸醬食..d 同事話好正.....我冇食..唔知4.頭抽浸米鴨比較甜,相比其他3個菜, 呢個清淡...都幾好...5.奶皇馬拉糕(共8件)呢個好好味, 不過最終都係食唔晒, 要打包拎走...6.3個豬油撈飯我只係要左白飯, 因為我接受唔倒v.v\"聽d 同事講,個飯好正, 係一茶匙豬油加一茶匙頭抽...撈埋d 飯.....好恐怖...仲有芝麻糊送...呢個好正....總括來講, 呢度d野好肥膩既..如果係要keep fit 既人士, 呢度冇咩岩食...

上次同班同事食，食唔到好出名o既五味雞，一直都若有所失... 難得今日BF到元朗同我媽媽飲茶，一於就去大榮華重溫奶皇馬拉糕&品嚐五味雞~大榮華仍然係咁多人，要等位~ 好多人都叫五味雞，咁又真係幾好食o既~ 之後我o地又食左好多點心&小炒，其中有個圍頭炒米粉同南瓜酥皮撻都幾特別、幾好食~ 最後甜品我o地四個人都要左四件馬拉糕，飽哂~ 貼埋圖俾大家睇~

返到Arrow都幾有食神，可能因為太多同事都鍾意食野啦，hehe~ ^^ 星期一晚，有兩位o岩o岩升職o既同事好好人咁請成team人食飯，地點就係大榮華~ 因為遠，o個日我地趕收工搭的士去。大榮華環境麻麻，都幾嘈；都有見到梁文滔，真係好大個肚腩架~ 我地九個人一共試左七菜一湯，包括：．脆皮燒腩　普通o既開胃小菜，有同事嫌唔夠脆；因為肚餓，我就覺得都幾好食~．豬肚湯　同事介紹o既，好滑好有杏味~ 我勁唔鍾意飲中湯，都可以飲到兩碗；其他同事平均飲三碗，但到最後仲有得剩，可見抵食大件(碗)！．菜膽走地雞　隻雞好滑，味道較清，我幾鍾意架~ 但係佢成隻雞上，勁大碟(係正常菜o既三倍size)，我地好努力都食唔哂...．風沙鴨　成晚最好食o既菜：鴨皮好香脆，鴨肉又鬆軟，口感細膩又唔油膩~ 佢又係成隻鴨上，勁大碟都俾我地KO哂！．頭抽蒜片煎生蝦　d蝦好新鮮，又炒得幾香，唔錯架~．金沙蟹粉扒豆苗　侍應介紹o既小菜，好多蛋黃同蟹絲，都幾好食~．家鄉蒸蠔缽　好多同事都鍾意，而我只覺得普通~．脆皮咸牛奶　幾有特色o既小菜，炸得幾香幾滑，不過味道只係麻麻~o黎大榮華當然唔可以錯過出名o既奶黃馬拉糕同鴛鴦水晶飽

大年初一, 我去大榮華外賣馬拉糕, 真係名不虛傳!好soft, 唔太油, 正! 一次過買6件.其他0野我就未試過, 下次會try !

星期六朝早行山....本來想去端記茶樓....可惜未開...結果普通吃過早晨便去了行山...由大帽山去到河背村...兩個鐘就到達...於是便去元朗走一敞...我提議去大榮華...但實在太多人...又不想等...好在有得外賣...奶皇馬拉糕...有四層糕三層餡, 各位值得一試! 大大件吃了後也甚飽了!

朝早去飲茶，都係保持推車仔。馬拉糕真係名不虛傳，夾左幾層奶皇，食落又唔漏，抵讚。見到大包真係籠咁大，無試。餃類同腸粉都唔錯，唔會一夾就散，亦唔會話好韌。但朝早得幾架車，略嫌選擇少囉。

星期日晚成班老友一行十一人揀來呢度食團年飯. 因臨時決定地點, 所以book唔到檯, 好彩有人肯捱義氣, 由四點半開始等位, 到六點終於俾我地等到喇.一坐低就你一句我一句要點菜, 前前後後同點左十二個小菜, 圍村五味雞, 鮮腐竹蟹肉菠菜, 脆皮咸牛乳, 焗魚腸, 金沙蟹粉扒豆苗, 梅菜芯蒸茄子, 薑牛肉, 陳皮牛肉, 桂花蟹粉炒魚肚, xx煎蠔爽(唔記得個名, 不在基本menu中, 但個人覺得最好食), 鹵水鵝掌鴨下巴.... 當然唔少得係豬油撈飯啦. 每道小菜都好好味, 份量亦都剛好. 個人推介必試五味雞(夠入味, 雞肉滑)同煎蠔爽(惹味, 食唔停口).甜品當然唔少得馬拉糕同埋水晶包, 原本點了鴛鴦水晶包, 但上檯時變左淨奶黃水晶包. 馬拉糕水準依舊, 食到lam lam, 但水晶包就失準了, 皮太淋, 奶黃有點"確" 喉(唔知點解, 純味覺). 大家一致裁定水晶包唔合格.服務方面都想一讚, 我地六點坐低, 但因未齊人, 所以唔係即刻落單, d侍應都無俾面色我地睇, 仲問我地的朋友會幾點到, 因佢地上菜都會好快, 所以叫我地人齊先落都未遲, 你知啦, 噙日咁旺場, 俾著好多酒樓都已

一定要試吓個陳皮豆豉蝦，陳皮淨食都好香口，蝦夠新鮮，但較細隻，可能驚大隻唔入味啩！另外馬拉糕同奶黃水晶包都好正，唔講唔知，原來仲可以外賣拎走，只須向店員示意"要未蒸嘅拎走"，攞返屋企鍾意幾時食就幾時整。

本人於11月14日去幫襯，以經先由熟人預先訂位，訂了兩枱6:30 pm。一行人17人準時到場，知客話要7:30pm 後才有訂位，7:30pm前無訂位。大伙兒唯有在附近逛街。7:30pm回來，等到8:00pm有位了，不過只得一張枱。第二張枱位於隔離，但是仲未吃完。又等了一會，大家己經企得又累又餓，於是問呀姐(甲)可否迫些坐17人，呀姐話：「我哋無所謂，你哋坐得到咪得啦！」因為我哋有人話好迫坐不下，於是繼續又等。但見隔離張枱仲未走得，於是有人再話唔好再等最多坐迫些。所以就叫伙記班多幾張椅和幾套碗筷來，呀姐(乙)見狀就表示「咁多人點坐?」，我哋話坐迫點啦並要求把有背椅換做圓櫈。可能因為要做一大餐，伙計們有點悔氣，拿了幾次筷子最終尚欠一雙，話佢聽欠兩隻水杯，她郤多送兩隻。這些都不算什麼，17人餐具少一雙多一隻不什為奇，必須體量。我哋問攞個酒menu睇，到埋單都無來過。由於兩枱變一枱，一名老伙計問原先由熟人代order的3款食物怎麼辦，我們話不用開雙了，每款一碟就足夠。他轉身並且十分大聲地問另一名伙計：「是誰代他們訂的?以後訂菜要先下訂金。」那些說話當然是向我們發表，我不認為打從那天起，他們就定