大榮華酒樓

营业中

休息中

某日的星期五早上, 個friend打比我話要同我去元朗食晚飯, 因為睇完韜哥的節目, 好想即刻去食, 你話電視的影響力幾大呢?入到去都已經8點幾9點, 所以唔使等位, 但因為夜去, 所以啲正嘢都賣唒啦! 有個海鮮xx羹, 唔好飲!!! 但炒長遠, 焗魚腸, 五味雞, 豬油飯, 馬拉糕, 真係好好味呀!韜哥, 元朗太遠啦, 可否在市區開分店呀?

尋日專登約朋友到呢度食飯(佢地之前來食過),點知只係5:15竟然要等位,原因係成層樓用o黎擺洒,一等就等到6:45 才可入座,令到我d friend有些微不滿,好彩d食物依然keep住水準,我地一行四人食到攬住個肚兼打包走.馬拉羔和水晶包依然好正,豉油撈飯仍然有風味,不過怕肥,不敢多吃!還有一讚o既就係service,就算人多有出錯,d staff也很有禮貌去認錯同處理,令人食得很滿意.

晚飯必食推介：1.蟹肉炒長遠(粉絲)2.雞蛋焗魚腸3.燒豬腩肉4.豬油撈飯5.奶黃馬拉糕愈多人食，價錢愈抵。

購買日期時間：2004.05.26, 17:15進食日期時間：2004.05.27, 00:15食品：老婆餅（免費；原價$3.5）評語：到元朗辦事後，無意中發現此「名店」。老婆餅新鮮熱辣地存放在恆溫櫃裡。店員見我朋友只買一枚老婆餅（$3.5），主動送了同行的我一枚老婆餅。好開心啊！因為當天佛誕茹素，遂把那枚贈品留至翌日清晨才吃。放了多個小時，酥皮仍然香脆好食，冬瓜餡足料，整個餅濕度適中，真係好好食！

咁出名咪試下囉，我平時都會嫌美心的點心唔夠多，點知呢間仲少，來來去去都係個兩三架車，出面攤擺出黎個D又冇乜特別。係個馬拉糕好食囉，其他野食都唔好食o既，尤其煎蘿蔔糕同芋頭糕。因為冇乜好食，叫左個燒味，豉油雞的豉油味幾好，但隻雞唔好食，燒肉個皮係脆但係好硬。加上呢度o既環境同服務水準，都唔會係度飲茶囉~

奶皇馬拉榚真係又香又鬆軟，唔怪得見到台台都食啦，我平時唔食白蓮蓉，都覺得佢d白蓮蓉包好味道，而且裡面勁多白蓮蓉餡。另外仲見到有好人都食五味雞，亦到好吸引，可惜得兩個人，食唔到咁多，所以無叫。下次等多人d可以叫多d野食。

一行十二人神心地五點半入到元朗等位，但已見大棚人係度，好多仲已經食緊，心諗"使唔使呀!"。幸好，六點兩個字已經有位比我地，一坐低就叫菜，總共叫左十八碟，非常好意頭。"五味雞"肉質鮮嫩，而且雞味濃郁，好快就清晒。"蟹肉炒長遠"其實係炒粉絲，但又幾香口同埋出面少見。"豆豉蝦"爆得夠香，連殼都唔放過。"白水浸烏頭"就比預期失望，無乜特別。"豬油撈飯"係我最鍾意既一味，但全場女士無人夠膽食多過一匙羹，但豬油既香同頭抽既甜再加埋d靚絲苖簡直係人間美味。"馬拉糕"對我黎講就無乜太大驚喜，但女士就讚不絕口。最後埋單$940，比想像中平，下次會再黎勁擦一餐。

食極都唔厭推介:切雞飯- 雞好滑佢d沙薑最正乳豬飯- 脆口唔"利" d乳豬sauce又係一絕星洲炒米- 夠spicy 對我黎講巳足夠了^^

昨日(星期日)早上九時入元朗大榮華飲茶，朋友等了半小時有位，地方和預料中的差不多，很”街坊”，侍應服務OK。可惜食物方面頗失望，點心車數目少是早已知道的，全程只見三架，而三架車同時所賣的點心也有兩三款是相同的，所以便在廚房門外等候已免搶購一空，亦另有幾位茶客一同等待，但仍發覺點心款式仍很少亦只得一些普通款式：如牛肉、蝦餃、糯米雞、蒸魚雲等等，兩小時內所出現的款式不出廿款，也許由於選擇較少，所以最後仍搶購一空，牛肉、鮑汁鴨掌、排骨、叉燒餐飽，味道只屬一般；馬拉榚不錯，很軟，不太甜；鹹茶果賣相並不吸引，但味道確實不錯，很香，幾惹味；但煎蘿蔔糕則一早煎定，即使剛取回枱亦只得微暖，吃起來時頗硬……那些出名的點心：切肉燒賣、水晶包、甜茶果、鮮蝦腐皮卷、白蓮蓉包至十一時許仍統統未嘗一見，有點失望，四人連茶錢一佰元，價錢OK……離開時看見很多人叫煲仔飯，看來比我所吃的點心還更吸引，應否再一試？實在有點猶豫……

昨日(星期日)早上九時入元朗大榮華飲茶，朋友等了半小時有位，地方和預料中的差不多，很”街坊”，侍應服務OK。可惜食物方面頗失望，點心車數目少是早已知道的，全程只見三架，而三架車同時所賣的點心也有兩三款是相同的，所以便在廚房門外等候已免搶購一空，亦另有幾位茶客一同等待，但仍發覺點心款式仍很少亦只得一些普通款式：如牛肉、蝦餃、糯米雞、蒸魚雲等等，兩小時內所出現的款式不出廿款，也許由於選擇較少，所以最後仍搶購一空，牛肉、鮑汁鴨掌、排骨、叉燒餐飽，味道只屬一般；馬拉榚不錯，很軟，不太甜；鹹茶果賣相並不吸引，但味道確實不錯，很香，幾惹味；但煎蘿蔔糕則一早煎定，即使剛取回枱亦只得微暖，吃起來時頗硬……那些出名的點心：切肉燒賣、水晶包、甜茶果、鮮蝦腐皮卷、白蓮蓉包至十一時許仍統統未嘗一見，有點失望，四人連茶錢一佰元，價錢OK……離開時看見很多人叫煲仔飯，看來比我所吃的點心還更吸引，應否再一試？實在有點猶豫……

今日先去完大榮華食飯,等位就事前預左.我對上果次係七月去...期實我都唔係講等位的問題.如果好味等係無所謂!不過今次的水準就一落千丈!五味雞過鹹...油墨菜豆豉令魚多油同比例唔恰當...炒鱔片無味...水晶包好粉無蒸透已經拎出黎.為乜呀!!...重有糖水糯米粥過甜.希望負責人可以睇到.創業難守業更難...好味難保持更難!!

食到好飽, 每人只係$80.樣樣都唔錯, 但係又唔可以話係喪好食囉.而個好出名既烏頭就有D失望.如果特登搭半個鐘西鐵再等一個鐘位, 就唔值.

間唔中一家人都會特登黎呢度飲茶嫁...我就最鍾意食馬拉糕...我媽媽就最鍾意食豬腳薑...但係佢地無飛仔派要自己o係檯邊等,我無o個班師奶咁識揀檯,成日都要等好耐!!

我同男友3點度去到,個時都仲全場爆滿,坐低冇耐就叫左山竹牛肉仲有麻蓉飽....跟住半個鐘都係得2架點心車,仲要2架都係山竹牛肉.已經好激氣.到差唔多三點九度,有個侍應比左張點心紙我地,話4點開始自已畫點心,到我地畫好,等到4點喇.比左張紙佢,佢先走黎話全部無,得返4款點心...最後我地唯有叫馬拉糕...又等半個鐘,我地問有無落到單啦.點知仲要好串答我,"你畫左就會蒸架啦"...最後我地都等吾到個馬拉糕,仲要用少左成2個鐘去食左2碟點心噤大把.好心佢無野食就唔好學人下午茶啦.揾笨

住係天水圍都幾年喇,都未去過元朗o既大榮華飲茶,見近來亞廚神咁人氣,就黎試試第一樣必吃一定係馬拉糕,當你入到大榮華,你會發覺入面每一張枱面都會有馬拉糕,有d仲一人一件tim呀d蛋糕又香又軟,而且又夾有幾層奶皇,真係好好好好味呀,自此之後我都會特登黎買馬拉糕,不過都幾貴,$12一件至於另一樣出名食品五味雞呢,其實無咩特別,同普通豉油雞差唔多,唔明點解咁出名??呢度o既環境比我想像中好好多,我本來以為呢度係d好舊o既茶樓,話哂都咁多年,但原來同我地平時去開o既酒樓差唔多,因為呢度曾經裝修過,所以唔洗担心,絕對唔係地踎有機會,我要夜晚來試下小菜