影片
更多
2001-07-14
12 浏览
呢度食0既絕對係正宗香港圍頭風味,樣樣都好食.白水浸烏頭0既烏頭好肥美,蒸起有層黃油浮面,好誘人,魚肉0個種嫩滑鮮美,一試難忘.(要食就快,因為養烏頭0既元朗魚塘俾地產商買0左,收地後就冇0甘靚烏頭食咯)仲有金針銀耳紅棗蒸生魚,一D腥味都冇,惹味就大把.至於扣肉就好有鄉土風味,完全唔覺肥,一舊接一舊唔停得口.五味雞好香豆味,大概係因為用0既醬油靚,好入味好嫩滑.燒鳳肝甜甜地,好爽口,做飯前小食好開胃.呢度0既師傅炒飯都几得0架,雖然只係用0左好普通0既蛋呀,叉燒呀0甘0黎炒,但食落就十分不平凡,飯炒得乾身好味唔油膩,亦唔會食完口乾,用料靚又足,叉燒唔係賣剩貨,而係新鮮0既膿邊半肥瘦,總之令人忍唔住猛添飯.甜點一定要試三色水晶包,間直係非一般美食,皮做得又薄又靚不在話下,最玀命係D餡,綠色係海帶茸,紅色係棗茸,黃色係奶黃,完全反傳統,三種都好清甜好好食,奶黃仲好滑添,入口即溶0架真係,第度食唔返,極力推介呀!大榮華樣樣都好食,碟頭夠晒大,份量足,仲好經濟抵食添,真係0甘遠入0黎都抵!
白水浸烏頭0既烏頭好肥美,蒸起有層黃油浮面,好誘人,魚肉0個種嫩滑鮮美,一試難忘.(要食就快,因為養烏頭0既元朗魚塘俾地產商買0左,收地後就冇0甘靚烏頭食咯)
仲有金針銀耳紅棗蒸生魚,一D腥味都冇,惹味就大把.
至於扣肉就好有鄉土風味,完全唔覺肥,一舊接一舊唔停得口.
五味雞好香豆味,大概係因為用0既醬油靚,好入味好嫩滑.
燒鳳肝甜甜地,好爽口,做飯前小食好開胃.
呢度0既師傅炒飯都几得0架,雖然只係用0左好普通0既蛋呀,叉燒呀0甘0黎炒,但食落就十分不平凡,飯炒得乾身好味唔油膩,亦唔會食完口乾,用料靚又足,叉燒唔係賣剩貨,而係新鮮0既膿邊半肥瘦,總之令人忍唔住猛添飯.
甜點一定要試三色水晶包,間直係非一般美食,皮做得又薄又靚不在話下,最玀命係D餡,綠色係海帶茸,紅色係棗茸,黃色係奶黃,完全反傳統,三種都好清甜好好食,奶黃仲好滑添,入口即溶0架真係,第度食唔返,極力推介呀!
大榮華樣樣都好食,碟頭夠晒大,份量足,仲好經濟抵食添,真係0甘遠入0黎都抵!
张贴