大榮華酒樓

营业中

休息中

繼續講埋..6. 玉樹柱候雞- 隻雞肉質夠嫩有嚼頭亦冇雪味. 一定唔會係雪藏的. well. 不過用左好重手柱候醬黎煮. 所以咸左d亦食唔到鮮雞味. 要扣分~7. 金瑤扒豆苗- 舖面的瑤柱唔會好鞋亦唔難嚼. ok. 但係選用的豆苗比較老了少少. 有渣不嫩. 不過呢味係唯一的菜蔬.冇得揀. 一定要食多d.8. 絲苗砵仔蒸飯- 用乞兒兜蒸出來的飯. 單睇個兜已經風味十足. 食時用豬油一匙加頭抽撈撈佢. 頭抽濃亦帶出飯香. 為了健康. 之但係已經黎到喇. 點都要食! 最多呢個weekend 跑多兩個圈!!!點樣掙扎都食了一半. 全檯女同事個個都拎住兜飯. 你推我讓. ( well. 又冇人叫你一定要落豬肉嘛..你大可食淨飯嘛~ 真係奇!) 9. 雞球大飽五個- 我冇即時食. 個刻好飽. 所以打包回府. 第二朝蒸番黎食. 幾多肥豬肉係裡面. 我"飛"晒d肥肉唔食. 內裡仲有雞中翼一隻. 腊腸半條. well. 我反而覺得好飽本身係最好味!10. 奶黃馬拉糕- 除左鳳肝+豬下巴肉之外. 呢味亦都正! 而家想起都想食多件! 11. 海帶茸布甸-個面焗得好膿呢.不過我超鍾意.仲要越膿越好! 可惜我

上個星期公司聚餐.經多番投票後決定黎大榮華.早在一個月前已經訂左間房.個個都懷住興奮的心情.(聚餐個朝).1. 薑汁燒鳳肝拼下巴-呢味係我最欣賞.尤其係個鳳肝. 燒得好乾身.好香口.配埋d飽食.真係好正; 豬下巴肉食起黎好過豬頸肉.冇豬頸肉咁肥.但有豬頸肉嚼頭.汁底香!! 2.脆皮腊腸鯪魚卷-我唔係好"好"鯪魚肉.所以唔覺得好好食.不過配埋腊腸幾得意.3.貼明蝦-真正食到正統的蝦多士了.不過上檯時仲有d油. 要等一陣同索下d油先食4.菜蛋白蟹肉生翅-蛋白底幾特別.中size粗的散翅. 雖不是翅. 但係食得出係堅料. 而且菜夠嫩. 唔需要加醋. 因為湯底好鮮. 加醋就浪費點.5.-大海班兩味-玉蘭炒球and 菜茸野椒茄子蒸頭腩:前者魚肉大大塊.亦都唔好點蠔油.好味呀; 後者我唔"好"矮瓜. 亦對此種煮法麻麻地. (因為成個菜做完出黎都較為糊口. 我本人就麻麻地.呢篇食評講住一半先.

抱著朝聖的心情去大榮華，見識食神韜韜的菜譜…五味雞，名不虛傳，也許是今天香港吃到最好的雞，雞皮奇滑，雞肉很入味並很鮮，如果你不吃雞皮的話，實在未能完全領略這個五味雞的精彩。豬油撈飯，飯用砵仔蒸，一大支豬油同頭抽分開上，加多少豬油隨意，好玩。蒸魚腸，特色，魚腸滑，味濃。蜆介鯪魚球，香口，味鮮且甜。蒸烏頭，不喜歡吃河魚，即管一試，魚肉很滑，火候管得很好，有一點腥（所以我一般只愛海魚）。蝦子柚皮，是我較失望的菜。雞湯翅要預訂，重雞味，翅的口感一般，只算扺食，不能說是上品。奶黃馬拉糕，極品！試過你就知。一般來說，材料簡單的農村菜，大榮華做得很出色，但別想吃得健康（單看韜哥的身形便知）。

有一次同一大班朋友黎呢度食飯叫左好多有特色既菜食係幾好食呀但都幾油膩所以食得唔多係最尾上o個樣奶皇水晶包就真係無得彈熱辣辣d皇又唔會太甜饀又多諗起都想再食呀係食過呢度d水晶包我先愛上食呢個點心架有機會一定要試呀

等位: 我周六準五時酒樓一開門便走進去,所以立即有位. 後來者就要等第二輪.食物:豬油撈飯值得一試, 老人家不免懷緬過去, 能形造氣氛; 五味雞: 夠滑, 夠味; 馬拉糕, 鬆軟好吃服務: 樂意協助客人點菜,預算份量準確.

今晚一入到去就見到"韜韜", 佢真人好大個肚腩, 真係好想掂下佢個大肚腩呀!! 哈哈!! 我同男友仔等了差不多一個鐘頭才有位, 一坐低就叫了四個小菜:"豆腐xx", "豉汁蒸白鱔", "芋絲焗魚腸"&"五味雞", 最後叫了個"腊味排骨蒸飯"!! 總括來講, 食物水準都算ok, 五味雞都幾入味, 不過有少少似鼓油雞. 白鱔都好爽口, 一食就知係新鮮. 至於個芋絲焗魚腸就麻麻地, 好硬, 雞蛋唔夠多, 下次都唔會叫. 埋單一共要$280.5, 兩個人都算叫做貴, 一班人會抵食o的!!!

本人偏好四黃月餅，今年亦買了一盒，不過就比較失望，因為每一個月餅內之旦黃均走埋一邊，仲要二個黃在上，二個在下，即是有二份之一個月餅係淨蓮蓉，二份之一係淨旦黃，係咪機造係差一點呢？

尋晚要當夜班,同事特意從元朗買左大榮華的馬拉糕比得做宵夜.今次係我第一次食,好好味呀.雖然放左好幾個鐘,但係依然好軟熟,一d硬都唔覺.咬落好有蛋香,而且味道唔會好甜.中間的奶黃好清甜.不過得太少啦.整體都好好.同事本來想買埋圍頭五味雞, 可惜等的時間太耐,佢放棄左.唯有下次親身入元朗試.

因父親生日關係, 本人特與家人於7月22日訂檯食飯. 我已經係好早訂左檯(大約幾星期前), 共7位, 聽電話個小姐已千叮萬囑我要準時6:30到, 當然我唔敢遲啦. 去到個知客已同我講有人到左, 我覺得好奇, 因為我同屋企人聯絡過, 話我會拿檯, 他們稍後到. 但既然個知客咁講, 我就入去睇下, 但睇晒全場都冇一個我識0既人, 再出去門口同個知客講, 佢只係好晦氣咁叫我坐低等, 然後應付等位d人. 我等左5分鐘, 再問佢, 佢話另外有人訂左張7位檯, 調亂左, 原先比我0個張已經比人坐左(應該是另一張檯d人同個知客溝通出現問題), 咁我就跟個伙記去0個張檯啦, 點知係走廊邊, 冷氣又唔夠, 側邊仲有d雜物, 咁我咪同佢地講, 冇理由你地調亂左我張檯, 就要我坐埋d咁0既位假, 可否叫另一張檯的人調回, 佢話"咁人地都坐低晒啦", 但以我所見, 他們只有一人到達, 根本未齊人, 但我堅持唔要呢張檯, 咁個知客就話叫我上另一層, 原來上面係好似office改建咁, 好似飯堂, 一d都唔似酒樓, 最激氣0既係, 上到去坐低, 我舅母同我講話聽到個知客0係我後面話"都費是理你呀!", 嘩!

星期六晚, 一行七人, 六點到步, 等到八點, 圍頭小菜, 每款四十六蚊, 叫左......鮮腐竹蟹肉菜羮...(幾多蟹肉, 入口順滑)五味雞...(同豉油雞差唔多, 好滑)陳皮豆豉蝦...(豆豉味好香, 蝦好有口感)蜆介炸鯪魚球...(外脆內軟, 幾香口)咸蛋王蟹肉扒蘭花...(的菜唔夠油水, 賣相唔係好得)金沙蟹粉扒莧菜...(的菜唔夠油水, 賣相唔係好得)椒鹽九肚魚...(皮薄而脆, 入口溶化, 好味)羌蔥干煏魚脯...(羌蔥夠濃, 魚味好鮮)蝦子碌柚皮...(無咩柚皮香)奶皇馬拉糕...(一流, 中間有奶皇, 唔太甜)麻蓉包...(包皮好似乂燒包既一樣, 麻蓉幾香)豬油撈飯...(砵仔飯, 自己加豬油及頭抽, 好香好玩){想叫雞蛋焗魚腸~~~~賣晒, 八點就賣晒??}埋單共620...位位88.5總體而言...等位待,地方可以, 太多人, 上菜快, 茶無味, 樓面反應唔錯, 食物新鮮, 份量足夠, 埋單只收現金, 食神滔滔有亮相(好肥); 唔洗等位一定再去....要等都想再去, 因為菜式非一般酒家做法, 不過入元朗等兩個鐘.....@_@

琴日上去食家常便飯，好失望...首先叫左菊花蜜，勁甜>_<，我只好將三份一菊花蜜溝三份二水先飲得落叫左～頭柚蔥干煎魚云︰超炸（我地無預計佢係炸）加上可能係ｄ頭柚啦，深啡色咁，唔知似咩。食落好脆，但完全唔似食緊魚云，只係食炸骨蛋黃蟹肉莧菜︰ｄ蛋黃係用乾果隻，唔好食，咬落去又唔咸又唔粉，平時酒樓既金銀蛋浸莧菜仲好食過去薑蔥牛肉煲︰好咸，同埋一ｄ煲仔香都無，再睇睇個煲底～一係就知係煮熟ｄ牛肉放落個煲度，失望！又係果句，平時酒樓既魚香茄子煲呀、薑蔥魚云煲仲香過佢

今日浩浩蕩蕩地一行十三人在此開餐.預先訂位時己訂埋一份雞濃湯排翅, 再另加前前後後加埋燒味點心同廿碟菜(都幾誇)湯翅: 一般, 雞湯底係夠濃, 但可惜d翅太淋, 口感好差南乳吊燒雞: 要兩份共一隻, 皮薄兼脆, 雞肉不會太乾身, 加埋個味道較得幾好的南乳汁, 幾好蝦子柚皮: 都係失望, 無蝦籽的鮮, 而且柚皮的口感好霉, 一d都唔好食, 有時在酒樓食鳳爪時附上的仲好味.雞蛋焗魚腸: 幾好, 面層夠香脆, 內裡魚腸好多但唔腥, 若果加少少油炸鬼會更好(個人喜好)麵豉蒸烏頭: 麵頭醬只有好少, 條魚就大條但腥, 點解唔係好似韜韜上電視咁講, 好滑又唔腥既咩????其他小菜好似, 乳豬拼海"節", 脆肉瓜斑塊, 粉絲什菜煲, 咕嚕肉青, 茄子斑腩, 浸莧菜, 黃金(咸蛋黃)腰果肉丁, 青瓜炒鮮魷等等....全都味道一般, 無乜特別.最後當然係馬拉糕啦, 好彩無失望, 好軟好香蛋味, 我地前後要左兩份, 我都食左兩件添, 另外仲要左雙色水晶包, 係奶黃及綠豆海帶(有人話), 奶黃較漏, 綠豆則幾香及無咁漏, 唔錯.最後食埋麥米粥同生果, 好好好滿足.今次見唔到韜韜, 伙計話佢今日休息喎....

於8月14日同家人去個度晚飯,見甘出名, 就特登由屯門入去試一試,試完之後只有四個字既評語<名不符實> !!大榮華炒飯-O的飯一舊舊炒唔開,個汁無味,仲要唔夠熱;蒸魚腸- 魚腸又腥又乾, 蛋又少得滯;黃金中蝦- 鹹蛋黃一PAT野甘黏唔住蝦身,蝦又唔夠乾身;白水烏頭- 無味馬拉糕- 講真, 我屋企樓下屋村酒家既仲香O的....豬油僗飯- 催左十幾廿次先哩, O的飯已經凍哂,點食?椒鹽鮮尤- 完全無鹹味; 真係失望到極點!!!!五個人食, 食左$680 呢個價錢唔係貴, 但係如果係呢間野就完全唔值....個個所謂炒飯... 真係任何一間茶餐廳都好過佢!起碼唔會凍冰冰, 一舊舊, 個汁無味甘啦!仲收人成六七十.... 真係激死!為佢既名氣... 試過一次就算絕對無下一次!好希望個位老闆" 韜哥" 聽到,真係比心機少少做同改善下啦....如果唔係, 真係幾大名氣都無用!

專程由九龍入到元朗,當然是被它的名氣所吸了入去啦,知得一層樓,但茶客就多到爆,適逢星期日兼且係11几,個個都起哂身la嘛!咪三個人分頭企係人地背脊,望住人家食等位lor!其實我好怕咁樣!地方又迫wor!卒之等大概30分鐘先有位,幾大都要等la,一場到咪!點心都係一般好食,蝦餃餡就几好味,有切粒的筍几特別,但係個皮就厚d,菜很新鮮翠綠跟付乳醬汁好正!馬拉糕勁掂!但係D煎蘿蔔糕就煎得頗干和硬,見好多客都叫五味雞,真有衝動叫番隻,但又怕食唔哂!所以就定週圍行,等到晚飯再食過!咁就出事la!又冇訂,因稔住六點咁上下食就萬無一失la,咪?知六多到大榮華樓下己經見到有人頭係處湧湧,心稔最多咪上去等一陣!知唔上尤自可,一上到去就差d暈係度!睇怕唔到八九都唔洗慌有得食,唉!唯有捲走人,但係又唔憤氣,咪外賣隻五味雞返九龍囉!???!!!哥呀哥,咁好生意,好心你就攪大d做la,你係咪玩呀!因我聽到有d人話,唉!唔好等la,返銅鑼灣食把la!人地係對面海入捧你場ga!

基本上OK