影片
更多
2005-03-02
15 浏览
返到Arrow都幾有食神，可能因為太多同事都鍾意食野啦，hehe~ ^^ 星期一晚，有兩位o岩o岩升職o既同事好好人咁請成team人食飯，地點就係大榮華~ 因為遠，o個日我地趕收工搭的士去。大榮華環境麻麻，都幾嘈；都有見到梁文滔，真係好大個肚腩架~ 我地九個人一共試左七菜一湯，包括：．脆皮燒腩 普通o既開胃小菜，有同事嫌唔夠脆；因為肚餓，我就覺得都幾好食~．豬肚湯 同事介紹o既，好滑好有杏味~ 我勁唔鍾意飲中湯，都可以飲到兩碗；其他同事平均飲三碗，但到最後仲有得剩，可見抵食大件(碗)！．菜膽走地雞 隻雞好滑，味道較清，我幾鍾意架~ 但係佢成隻雞上，勁大碟(係正常菜o既三倍size)，我地好努力都食唔哂...．風沙鴨 成晚最好食o既菜：鴨皮好香脆，鴨肉又鬆軟，口感細膩又唔油膩~ 佢又係成隻鴨上，勁大碟都俾我地KO哂！．頭抽蒜片煎生蝦 d蝦好新鮮，又炒得幾香，唔錯架~．金沙蟹粉扒豆苗 侍應介紹o既小菜，好多蛋黃同蟹絲，都幾好食~．家鄉蒸蠔缽 好多同事都鍾意，而我只覺得普通~．脆皮咸牛奶 幾有特色o既小菜，炸得幾香幾滑，不過味道只係麻麻~o黎大榮華當然唔可以錯過出名o既奶黃馬拉糕同鴛鴦水晶飽
我地九個人一共試左七菜一湯，包括：
．脆皮燒腩 普通o既開胃小菜，有同事嫌唔夠脆；因為肚餓，我就覺得都幾好食~
．豬肚湯 同事介紹o既，好滑好有杏味~ 我勁唔鍾意飲中湯，都可以飲到兩碗；其他同事平均飲三碗，但到最後仲有得剩，可見抵食大件(碗)！
．菜膽走地雞 隻雞好滑，味道較清，我幾鍾意架~ 但係佢成隻雞上，勁大碟(係正常菜o既三倍size)，我地好努力都食唔哂...
．風沙鴨 成晚最好食o既菜：鴨皮好香脆，鴨肉又鬆軟，口感細膩又唔油膩~ 佢又係成隻鴨上，勁大碟都俾我地KO哂！
．頭抽蒜片煎生蝦 d蝦好新鮮，又炒得幾香，唔錯架~
．金沙蟹粉扒豆苗 侍應介紹o既小菜，好多蛋黃同蟹絲，都幾好食~
．家鄉蒸蠔缽 好多同事都鍾意，而我只覺得普通~
．脆皮咸牛奶 幾有特色o既小菜，炸得幾香幾滑，不過味道只係麻麻~
o黎大榮華當然唔可以錯過出名o既奶黃馬拉糕同鴛鴦水晶飽啦：奶黃馬拉糕一籠有八件分唔均，所以我地要左兩籠(食唔哂打包嘛)~ 馬拉糕真係好鬆軟而且香(因為有豬油？)，但我嫌唔夠甜... 莫非我真係太嗜甜？^^" 鴛鴦水晶飽有奶黃餡同豆蓉餡，奶黃餡滑而豆蓉餡香，講真真係各有千秋，唔錯~
最後仲送左糖水同果盤，嘩，飽死~ 如果日日咁食法，難免會有梁文滔咁大個肚腩... ~_~"
埋單約$1200，多謝哂同事啦~ ^^
张贴