大榮華酒樓

营业中

休息中

雖然係星期日~但係都估唔到咁多人~等左差唔多半個鐘呀~同埋星期日都真係幾唔抵食~3個女仔食左4樣野~馬拉糕:有蛋味~好黃~都算鬆軟~每枱必叫~但係唔好有特別期望~腸粉:反而呢個真係幾唔錯~好大碟~夠香口同多醬~唔錯~不過~大點$15都幾貴...蘿蔔糕+馬蹄糕:好油...都係冇特別+唔抵食~水餃米線:算大碗~都幾多菜~賣相ok....下次都係平日去抵d~一定會食番五味雞....因為我記得好滑ga~~

我起碼食過大榮華十多次,都係D朋友想試叫我一齊去,我真係唔知有乜好食? 點解d人咁鐘意食呢?我地住元朗人,根本唔覺得好食...1. 今時今日早午市重有呢種酒樓,要D客人好似D乞兒咁企係d食客旁邊等位,D侍應當你透明,叫佢幫手搵位,"呢度係咁,你等下就有架啦".2. 評幾樣D菜啦五味雞- 根本就唔係新鮮雞啦,味道同球豉油雞有乜分別? 不過算係較為似樣一味.燒腩仔- 層皮硬到牙都咬崩,一定係番炸又番炸啦,D肉瘀瘀黑黑咁,真係恐怖.馬拉糕- D人話馬拉糕有幾咁好咁味, 元朗度度D馬拉糕都係咁上下架啦, D糕黃到嚇親人,色素咁多,味度真係好普通,重要山長水遠打包返屋企食,真係奇.乜乜炒長遠- 即係粉絲炒蛋,無味無道家鄉蒸芋泥- 用豬油撈芋泥,D朋友話清清地幾好,我話你食幾匙豬油,重清乜鬼,食到你膽固醇過多.蠔砵- 一個細細乞兒兜咁,用蛋同粉絲蒸一些磨爛晒的蠔,味道腥,食到頭擰擰.頭抽- 根本就係大陸生抽,咸到死,根本唔係靓豉油,D朋友重一人一支,我初初都好似執到寶咁,返屋企試過你就知.早上茶市更不值一提,無一樣好食,加上服務質素咁差,比錢買難受,真係諗極都唔明,點解咁多人重長途跋涉走入食?

琴日同男友及一大班朋友, 共9個人去食晚飯. 呢次既晚飯, 都成個月前book. 不過仍然係要5.30, 最遲5.45就要去到. 我地叫咗成11樣野食, 一般我地所謂必叫既都再次食, 好似五味雞, 蒸芋泥, 焗魚腸, 馬拉糕.. 另外仲有試炸鹹牛奶, 炸九肚魚, 有一個唔記得全名既"什麼長遠".全部都好好食呀. 因為未去食之前, 都有睇番食評/朋決友意見, 都會話裝修後無以前咁好.但今次食完, 覺得仲keep得住喎!

今早臨去開會...同老公早早就黎呢度嘆茶....一入到去就坐錯位...七點幾唔太多人...仲有吉...我地無留意坐左係吸煙區....好在冷氣大, 而且仲未太多人食...所以都唔太惡劣!一去到...叫左個叉燒包...我覺得好彩好食....跟住我出去拎我既至愛...奶皇馬拉糕...仲係咁軟熟..不過...有少少蛋殼...扣分呀! 叉燒腸...個皮厚左少少! 好似無咩想食...我又出去再叫左個灼芥蘭....幾新鮮...如果淋少少會好! 臨走想埋單之際....八點幾...開始出炸既點心....我地叫左個叉燒酥...唔錯...裡面既叉燒都幾多! 亞姐太熱心...有點受不了!

某日天朗氣清的例假日,放浪大西北.去到元朗作終站,臨走前去大榮華,來個下午茶.Matinee時段,人影稀少,同午市,晚市係兩個世界.求其搵個位坐低,不久阿姐會走黎問你要咩茶.與晚市門口晒馬之場面比,顯得有點末世之墮落風情.啖茶未飲完,問仲有無馬拉糕?)答有!)大喜,即霸住一件先.理得咩野叫食之有序.很鬆軟,充們奶油香.沒有比蒸籠倒汗水影響.其後的粉果,燒賣,鳳爪,都係飲茶必吃之minor野.鮮蝦粉果餡鮮,粉果皮薄得晶瑩通透.燒賣豬肉內,插上鮮蝦,論質感,味道,比蟹子燒賣多一層爽,多一層甜.魚翅灌湯餃份量足,湯汁多,胃口少少的話,一個都夠頂你個下午.閒閒地下午茶都吃幾盅幾件,難怪大多奉行一盅兩件的朋友,不大喜歡同我飲茶.相信與爐兄飲茶,會係幾開心的一回事.

與一班同事山長水遠入到元朗大榮華專程食豬油撈飯及奶王馬拉糕，當然還有五味雞啦！由於我們坐VIP房，所以有專人serve我們，服務好好，每上一道餸都有介紹，上豬油撈飯時,更教我們先將半匙豬油撈落飯攪勻，接著才下頭抽，再攪勻熱食，好味。豬油是用燒豬提煉出來，所以特別香。五味雞夠滑馬拉糕夠香軟鬆化烏頭(一斤有多)都沒有泥味螺頭湯好夠味好甜另外還有幾味菜，食得好飽。但價錢就貴了點，八餸一湯，沒有翅，沒有貴價食物，十個人，每人都要$220，不知是否VIP房收貴點呢？

Not Only Chicken! Fat Pork! They have fresh CUTTLEFISH from Hokkaido in Superior Soy Sauce! Highly recommended!◤開飯喇老友◢

搬入元朗住已兩年, 都未幫襯過大榮華, 今日的起心肝一行4人6點黎排, 8點至有位, 9點食完, 走時已冇人排, 早知9點至黎啦~~, 不過元朗d舖真係好鬼早收, 好似勝利牛丸7點就收, 其他零售都好早收舖, 呢點我唔係好慣, 可能以前要早睡早起耕田呱, 所以宜家都係咁^_^講番食物, 五味雞係豉油雞但比豉油雞更好味, 加埋d葱油更好味, 正! 咸水檸汁蒸烏頭, 肉地厚, 毫無腥氣, 又係好野! 燒豬油撈飯勁香, 比一舊舊膏狀的豬油香上百倍! 頭抽蒜片煎蝦都唔錯, 但可能頭先食豬油撈飯落多左頭抽, 所以覺得唔多夠味. 鮑汁姑扖波菜無乜特別.跟住傳說中既奶王馬拉榚出場, 果然非同凡響, 雖然飽到想嘔, 但都要食!伙計好效率, 忙中不會有錯, 又nice, 抵讚.埋單只係3百多, 抵食!

由舊年0既生日已經想去大榮華度食飯慶祝；但傳聞之中要早一個月訂位，又或者要元朗人(熟客)幫你留位，又或者早到下午5點半去排隊等位先有得食。所以舊年0既生日去番附近搞掂就算。今年就當還下心願...既然忍口0既我都已經豁出去，早d就早d啦。屋企人=敢死隊，佢地無懼肥野，我地5個人叫左7樣野:圍頭五味雞、解腐竹蟹肉菜羹、頭抽豉汁浸米鴨、蒸烏頭、雜菜粉絲煲、豉汁蝦、馬拉糕。敢死隊當然唔會放過豬油撈飯啦。不過，我0既豁出去都要死守底線。五味雞同米鴨一齊上，其實雞就似豉油雞，唔太特別，雞肉嫩滑，個汁比一般豉油多左少少甜，易入口。就算係雞胸肉部份，都有肉汁，呢味檯檯都有叫。而個鴨就要讚下，佢係頭抽鴨得黎，好入味，鴨肉唔肥(當然我唔會食陣皮)，同樣d肉保留到肉汁，點左醋食反而同陣鴨除match到，好好食，唔會出現d醋搶晒味。屋企人一陣就食得七七八八。菜羹唔太杰，反而似多菜0既菜湯。有蟹肉；但唔特出，而d腐竹，我就覺得少左d，因為我好中意食腐竹架，得果少少!!個蝦一睇就知係連殼油泡過，應該係好有鑊氣；不過太肥啦....食左一隻，都唔敢再食。粉絲煲就普通到極，料唔多，蝦米、魷魚得少少，海鮮味就欠奉啦，大排

4/9/2006 (星期一)爸爸同媽媽今日放假,他們相約去天水圍探望一位親戚及舅舅一家,於是我提意反正順路不如先來這裡飲茶,來到差不多2:20pm,我們行樓梯上到一樓,沒有人招待,於是問一位阿姐是否要自己等位,平日習慣拿籌等位突然要自己找,覺得有些迷網,有位部長見我左望右望,他指著一個方向說,那張枱現得一人叫我先坐下來,當我想去的時候,看見爸爸媽媽在最角落位已找到位,不過是同人搭枱,亦很久未試過了.這裡點心是用推車仔,但得好少款,車仔亦得二,三部,來來去去都是那些點心,剛才在等位的時候見到馬拉糕在出面檔位,所以要自己出去拿,順便問阿姐有沒有水晶飽,她說要問推車仔阿姐,正當要回去時,剛巧有部車仔經過,即刻問她有沒有水晶飽,她說剩下最後一籠,問我要不要,我當然要啦,我來這裡就是想吃這兩個甜點,試吓是不是大家所說的那麼好味.水晶飽的奶黃夠多又滑好味,馬拉糕雖然不夠熱,但真的好鬆軟,好好味,我想是這麼長久以來吃到最好味的一次,所以馬拉糕略勝一籌,其餘點心香茜餃,菜肉飽唔好味,鮮蝦韮菜餃,鴨腳扎都幾好,蒜蓉豉汁蒸排骨原本唔錯,夠香又夠味可惜太鹹了,看見好多人說這裡的服務好差,我反而覺得那些推車仔

上個月二十二號我,小聰跟肥DA FAREWELL到來共進晚餐...我們一行三人首先我未到七時己到羅位當時仍未見多人,好在不需要排隊..我們點了四款.圍頭五味雞- 好像鼓油雞但SALT了一點頭抽煎生蝦- 又係好SALT但幾好味椒鹽九肚魚- 好大條都OK馬拉糕- 我覺得應該全晚最好味的一個.因為好熱同香奶王味.仲有要了豬油飯都好好味,豬油好香加一點頭抽真係可以淨吃兩碗呀..今晚廚房好重手咁放鹽所以都比較SALT 一點,但SERVICE比我預期好,因為我們由七點坐到十點幾侍應都幫我們加水.值得一讚

專程到元朗去捧韜韜的場，入門口時是晚上六點，開始有人客入場，新裝修的感覺不強，與舊時差不多，侍應的服務不錯，喜歡坐角落的我，她亦提醒會稍冷．點了: 脆皮燒腩仔，鮑汁翅群西生菜，芝士焗大虾4隻加伊麵底，桂花蚧肉炒魚肚，南乳豬手炆花生．又見壁上彩色菜譜介紹虾醬金沙骨，但阿姐說原來只是韜韜所出的食譜的內容影印的，並無供應，連帶其他的都是，但有些可以預定．菜來了，亦帶來連串失望: 腩仔脆是脆了，但是硬得咬崩牙，亦不是腩的部份，因只有瘐肉，色澤偏黑，味道乾澀．鮑汁翅群很腥，沒有用薑蔥出水，鮑汁只是顏色水．芝士焗大虾的虾不新鮮，連腸也未除，沒有芝士味，伊麵也沒味．桂花蚧肉炒魚肚最差，是雞蛋芽菜炒蚧殼，蛋炒得過老，芽菜沒有味，蚧殼只是令人相信其中有少許蚧肉罷了，魚肚也找不到，只有少許像豬皮的物體．豬手炆花生很淋，但偏甜，鮮味當然欠奉，芡汁太杰，顏色紅得可怕，熱度不足，可能只是微波爐叮的時間不足．整體來說，全晚的菜式沒有一樣合格．感覺是在食垃圾．白費了汔油，時間和金錢．韜韜要留神了：你的食神地位很快不保了．

今日我地成班親戚去到大榮華飲午茶,整體來講都幾OK。第一碟點心:蒜容蒸甘油(唔係好ok)碟野有d生,唔係幾得第二碟點心:珍珠雞(好食!)因為好食,所以我地叫左兩碟第三碟點心:馬拉糕(超好食!)d馬拉糕好正!第四碟點心:南瓜餅(好食!)4件,好似年糕既味第五碟點心:油菜(ok好食)同其他酒樓差唔多第六碟點心:炸魚餅(好食!)熱辣辣good!第七碟點心:三色糕(唔係好ok)無評價第八碟點心:五味雞(唔係好ok)唔抵食!!總之唔叫...

今日我地成班親戚去到大榮華飲午茶,整體來講都幾OK。第一碟點心:蒜容蒸甘油(唔係好ok)碟野有d生,唔係幾得第二碟點心:珍珠雞(好食!)因為好食,所以我地叫左兩碟第三碟點心:馬拉糕(超好食!)d馬拉糕好正!第四碟點心:南瓜餅(好食!)4件,好似年糕既味第五碟點心:油菜(ok好食)同其他酒樓差唔多第六碟點心:炸魚餅(好食!)熱辣辣good!第七碟點心:三色糕(唔係好ok)無評價第八碟點心:五味雞(唔係好ok)唔抵食!!總之唔叫...

昨晚~同朋友家人慶祝生日~我們五個人叫左一個叫"九大鬼餐",個餐有︰馬拉糕,鯪魚球白菜,冬菇扒生菜,芋頭扣肉,燒鵝,雞,咕嚕肉,檸汁烏頭同埋任裝的豬油撈飯。除了馬拉糕好好味之外~其他的都是一般~