大榮華酒樓

营业中

休息中

今天星期三到濕地公園遊玩後，第一次到大榮華吃午餐，時間已是二時多，剛巧碰上「下午茶時段」，所有點心以小點計，抵。於是立即叫兩碟馬拉糕食，當然好味，再叫其他點心食．．．無樣好食，尤其是麻蓉飽，唔得。正如其他openrice食家所講，山長水遠坐車去大榮華就唔好，到元朗時順到一吃還可以，但我仍為一次就夠了。

近來兩老迷上大榮華食完九龍灣店,又要去元朗店試週末中午時分,唔算多人,唔駛等位點心種類不多,不過比九龍灣店好味好多除了馬拉糕,推介陳皮牛肉球其實係干燒牛肉,古老點心,一般酒樓都無得食味道幾好同場加映:遇到韜韜回店巡場,他的肚腩非常的巨大!!!

由澳門兩日勁食16餐歸來，並沒有好好休息，次日反即參加植樹活動，勁!　植樹活動結束，一行六人去大榮華飲茶食點心。與蓮香樓一樣，大榮華要自己等位，對我來說都有點挑戰。最後，六個人坐在四人方桌，感覺難免有一點擁擠。　實在這裡的點心不特別出色，蝦餃、海鮮卷、叉燒酥等統統只屬陪襯，大家的目標很明確：馬拉糕、水晶飽。　上次午市吃馬拉糕感覺不及晚市好，今次的出品更失準，吃來並沒有奶皇香味，普通得緊，看來與太多人趕出貨有關。六個人吃兩碟馬拉糕都吃不完，與晚市時一人一件顯然沒法比。　闊別較久的水晶包，也是令人失望：餡料味道淡淡的，水晶包厚而不彈牙，比起晚市的出品差好遠。兩籠包結果打包了一籠。　吃得不滿足，又點多個圍頭炒米粉，一般水準，算是填肚之選。下次再不光顧午市，情願早一點來拎晚市位好了!

一年一度遠征屯門, 之後順便過元朗, 為的是食大榮華.五點二就來到, 還可以有位, 再晚一點就不成了. 好一段日子無來, 都係見老朋友般叫回幾味主打. 見有麻蓉包, 大喜, 又叫一客.鮑魚汁炆玉掌: 6分, 媽媽大力推介的食物, 賣相同味道都幾似鳳爪, 係個汁叫做變了鮑魚汁, 但食落又無乜鮑汁味. 一般.圍頭五味雞: 5分, 從來都不懂五味係那五味, 但今次只係吃到頭抽的味道, 仍然係帶點甜味, 雞肉方面, 黑肉部份係幾嫩滑的, 但白肉就只係一般, 無乜味, 又鞋.沒有了當初的驚喜, 差了很多.雞蛋焗魚腸: 7分, 比較乾身, 有點腥味, 但不太過份. 面頭都幾脆, 算不錯.白水檸浸烏頭: 5分, 據稱係用蝦眼水浸熟, 跟據爸爸講, 係剛滾起而起蝦眼的水, 食落口係肥美肉厚, 但又唔覺得老的. 鹹水檸檬就相當大味, 基本上係啖啖鹹水檸檬味, 吃不到魚的鮮味, 好像係用過量檸檬去掩飾魚味, 亦見不到甚麼黃油. 爸爸媽媽一致劣評, 我就覺得僅僅得救.陳皮豆豉蝦: 5分, 剛上臺係幾香, 但食落口就好像無乜蝦的鮮味, 陳皮豆豉又不太跟蝦匹配.豬油撈飯: 8分, 叫了一盅飯分吃, 一樽頭抽加一

元朗遊記(三)...一大班人响元朗市區入面食dinner，穩穩陣陣都係返嚟呢度...有D弟兄姊妹竟然未嚟過，躍躍欲試...點菜大任當然落响小弟身上la...水準依然保持--- 芋泥芋香十足，加入碎肥豬肉後入口更滑；鹹檸粒蒸烏頭亦不俗，雖然烏頭冇上次响九龍灣店嗰條咁好油水，但主角始終係鹹檸粒，正式夠酸夠鹹；拖地义燒一上枱時全場嘩然，因為實在太肥嘞。小弟就有理冇理大啖擦...甜品當然係另一高潮--- 麻蓉包大大隻，皮夠軟熟，麻蓉餡甜而不漏，太太對之愛不釋手；馬拉糕水準雖被以前差，但比起出面普通貨已是超班...飽飽...

4.6 (late lunch)同屋企人黎食。位置都幾偏僻，唔熟元朗都幾難搵。家姐同姊夫highly recommend呢間野，所以等位照等、撘檯照撘。我第一次去呢種要自己搵位o既舊式茶樓…勁多人，一個字「誇」！- 水昌奶黃包& 馬拉糕（圖）最正，馬拉糕檯檯都叫！- 蝦餃：好大隻但重味精- 黑椒牛肉炒面：唔鍾意ｄ硬o既炸面，但牛肉ｏｋ嫩- 蒸腐皮卷都好好味、多料、夠汁其餘唔得lu（因為比較平凡）。原本想order牆上面sell o既食物，但原來冇樣有得賣。當日亦見唔到韜韜論好味呢度唔及「小草屋」。經過先試啦，唔駛專程黎。p.s. 個toilet超級乾淨:]

終於有機會試下這間聞名遠久的酒樓, 到達樓上, 有位Waitress 站在門外, 想向她登記, 她叫我們自己入去搵位便可以, 特別聲明是可以搭枱的, 有點疑惑, 因為經常在此見到網友說等位如何? 俾位又如何混亂等等... 可能是改善了吧, 本人意見登記或自行找位也各有優劣, 但只要本著客人為先管理妥善, 則任何問題也可解決也!只有兩個人, 也很容易於近門口找了兩個加位, 用的是小方摺枱, 看見還放著幾張方摺枱, 應該是繁忙時間用來加位吧, 當然要試試旅遊雜誌也有介紹的五味雞及馬拉糕, 五味雞用傳統中型湯碗盛著, 很有風味, $48 一隻, 便宜得有點難以置信, 應該是冰鮮雞吧, 但卻有些未拔清的雞毛? 有點倒胃, bf 說舊式酒樓是這樣的, 叫我不要太介意, 否則影響食味, 吓! 咁都得?? 味道真是普通, 馬拉糕也要排隊才拿到, 夠滑也不太甜, 味道ok, 其也點心: 牛柏葉, 煎釀三寶賣相及味道麻麻地, 但水餃米線的水餃真的很難吃, 有很多木耳及豬肉但欠肉味, 吃一口已不想吃了.總括而言是有點兒失望, 有點名過其實! service 也符合大部份朋友所說真的不好, 阿姐對客人愛理不

今朝同老公行山, 由大棠行到荃灣(元荃古道), 臨行前係呢度嘆個茶先, 七點幾去到都未係好多人, 揀左張大廳開揚既位置, 個侍應叫我地坐埋一邊(心諗食完都未有人搭啦), 點知有個婆婆就坐左係一邊, 另一個識既又坐埋, 我見埋邊有吉佢地都唔坐, 我諗係因為佢地朝朝飲茶, 坐開既位置唔會因為有人而改變, 同埋方便佢地傾計! 各位下次黎要醒目啦! 我一開左茶就已經行去拎左碟奶皇馬拉糕, 要求要邊邊位置, 可惜細舊左, 唔夠喉同唔夠熱! 老公叫左個燒賣, 一般過一般, 然後要叫左個榮華白蓮蓉包, 熱辣辣, 白蓮蓉好軟滑, 唯一唔好係甜左, 如果減半, 可能令佢取締馬拉糕既地位! 最後叫左個叉燒腸, 呢個勁唔掂, 係我食過既最差, 叉燒好碎, 個粉皮又太腍, 差差差! 佢地既包包好食, 下次試埋個流沙麻蓉包先!

長假第一日剛開始,收工勇闖大西北,與爐兄相聚在大榮華.平日所見,茶客不絕,依然直行直入.搭檯係必然之事.已經不記得吃過多少籠點心,叉燒腸味道一般.蝦膠魚肚,炸雲吞,排骨也不錯.其魚翅灌湯餃亦很有份量.馳名馬拉糕,來一次不如一次,層數逐年遞減.味道亦沒有以前的好.面對著今時今日,殘酷的現實世界.活在回憶,總是美好.馬拉糕還是以前的好,馬還是以前的易賭.謝爐兄.

去完濕地公園, 專程搭車到來一試,6時多來到,見人山人海, 諗住冇來錯,咁多人實有翻咁上下,等了45分鐘,終有位, 叫了生炒骨,屈雞煲,蝦醬炒牛肉及馬拉榚,心想叫這些地道冇難度的菜式,應該有翻一定的水準。生炒骨-肉質及味道都唔掂屈雞煲-雞勁鞋, 連我這個無雞不歡的人都唔想食炒牛肉-牛肉"拿"到冇晒味馬拉榚-冇特別埋單$260.00, 2個大人,2個小朋友,完全不值,當然用酒樓價錢比較,好似好平,但論質素,連茶餐廳都不如,完全唔抵,當晚見蹈蹈在場,但冇助食物質素。此外,水杯4隻有3隻污漕(係仍食物貼住果隻),見伙記很忙,算了吧。總括而言,唔會再去,若你專登去試,更加不值.

人人都話抵食, 咁只係預一百多d食到餐晚飯, total9個人, 無乜特別野食, 唔覺有咩特別好食, total9個餸, 都唔係太記得有咩, 只係記記有碟五味雞, 一條好似烏頭既魚, 2碟魚腸, 其他都係d唔值錢既餸, 食唔飽既情況下, 多謝1980, 每位218, 仲要係有個朋友話識人訂枱, 我唔知係咪因為坐左入房所以咁貴, 仲要每人訂一底馬拉糕, total 274, 我未試過食飯食得咁肉痛, 唔好食, 無貴野, 環境一般, 一句講哂, 我唔會去第二次

中午突接好友老婆電話,約我今晚八點參加佢外家,一星期一次晚飯聚會。好友老婆叫我幫忙,先到大榮華12人大籌。至六點半我靈機一觸,致電大榮華附近工作舊老細,搵人幫我去籌先。七點多我去搵舊老細番張籌,之後即刻去大榮華等位。去到人頭湧湧人山人海,我張籌號係排第6,見到知客櫃面本簿,下一張大就輪到我喇!但等到八點正先有大埋單,我浩浩蕩蕩大人連細路,11個人直入去先坐低,等待侍應執好。期間我睇菜單張,見有好多菜都係均一價$48元。之後叫共十一個菜都係$48元,其中一碟乳豬拼盤,好細碟都竟然要$75元太貴。期間我食【鮮菇扒菠菜】,竟然俾其中一位食出一條鐵線,之後同侍應講番,佢立即幫我取消呢個菜。其實$48元一個菜,真係要視乎你叫咩先抵食,如果叫一隻【五味雞】就抵食,叫【京都排骨】就唔抵食囉!細細碟好似茶餐廳例牌菜咁,收$48元我覺得極唔抵囉!如果大家去食呢$48元菜,記住一定要小心揀選呀,如果唔係就蝕底啦!之後又叫【水晶包】及【馬拉糕】,呢兩樣我個人覺得最好味。坐到九點半埋單前,仲有糖口贈送,有紅豆沙及麥米粥選擇,食完糖水後埋單七佰七十多元,超過十人油樓食講,呢個價確係幾抵食,但係菜真係普通到極,我

奇實都黎過好多次啦,因為屋企住得近,多人等都唔怕~5個人通常都會叫,頭抽浸米鴨,陳皮豆豉蝦,味菜炒鮮魷,蒸烏頭,炒豆苗+多個馬拉糕~仲有糖水送TIM~通常係麥米OR 紫米露~呢幾個餸係我地食過咁多次之後認為最合口味GE~反而五味雞,焗魚腸就冇想像中咁好食~佢個燒米鴨都OK(姐係燒鴨),仲有個飯...加左豬油係香D LAW~奇實佢裝修後都係咁上下,不過係開埋樓上姐~等位快左D講講佢D服務,我諗D阿姐都做左好多年GA啦,佢地唔會笑晒口咁問你想食咩,不過你問佢野都會ANS你~好串我又唔覺GE~可能慣左LA~佢地有D阿姐都幾講得笑GA,會同你吹下水~都會FOLLOW下D野到晒未~當然唔係次次都係咁~如果講朝早飲茶,真係麻麻地啦~我就唔係幾鍾意自己搵位,野又唔係幾好食~都係稻香好D~講真,如果你要我山長水遠黎等位,食個DINNER~我真係唔會,佢勝在平平地~D野又幾好食~

綜合所有的食評,都不過給予一些好評於那些外間不易吃到的圍頭菜和榚點之類.其實有時碰到好的,只不過是肥韜找回來的原材料泡製的食物而已.其實要做到好吃,還要新鮮的肉,菜和海鮮和精湛的廚藝．至於後者，這店便辦不到．常用不新鮮的材料，廚師又亂煮一通．本人由九龍驅車專程幫襯，郤數次失望而回，食材有時是霉的，如白水蒸烏頭，一次的大蝦芝士焗伊麵，炆豬手等，都不能入口．可怖之極（請看本人以前的食評）．結果是給家人埋怨，以後不再幫襯．奉勸韜韜，要珍惜自己不易得來的名譽．請不要只看好評而忽略劣評．

從來如是, 如果唔認同一d被公認為好食o既地方就會被指為唔識食大榮華, 又是一間被誇大了的地方好食, 可以一試, 但如果係山長水遠, 就唔值得入喇一行9 人, 4 點幾可以拎定枱 , 之後係任何晚市時間,只要有一半人黎左, 就可以即刻打尖7 點人齊, 地方都幾細下menu 上個個餸都分1 (例排$ 48 ) 2 ( 中碗$ 96 )叫左10個餸左右, 冇咩點, 好食但普通最值得提係拖地叉燒, 極難食, 用黎考牙力最合適不過p.s. 肥滔出左本書係講大榮華d 名菜, 圖書館都有得借, 先睇再去食更加有意思例如:書入面提到點解拖地叉燒叫拖地叉燒呢?想知, 自己去借喇