大榮華酒樓

营业中

休息中

大榮華女朋友算係元朗人，但係竟然冇食過大榮華，佢話元朗附近嘅酒樓好多都好好食，冇必要同人爭。最近成日都想叫餸食飯，經過大榮華，見冇乜人，所以就同女朋友上去試。環境好有舊式酒樓Feel，但人就好有禮貌，唔似舊酒樓，真係好到嚇親，經理企喺門口，四萬咁嘅口，大大聲話歡迎，佢差D想伸手出嚟握手，心諗你係唔係認錯人，女侍應介紹菜亦好細心，冇一味叫貴野，呢一點又係好出奇。最後點左南乳蓮藕，豉椒涼瓜炒肉青，蚌兩食，砵仔飯。南乳蓮藕，賣相麻麻，好似大排檔，一大堆野加上杰撻撻茨汁，完全冇Presentation可言，味道就完全唔係南乳味，點食都係蒜蓉蠔油，蓮藕就好爽甜，過其實蓮藕都未食過唔爽唔甜，所以冇乜特別。豉椒涼瓜炒肉青，賣相依然係一大堆，杰撻撻嘅茨汁，見到已經冇胃口，涼瓜出水過多，冇乜味又淋，肉青原來係豬面，肉味好淡，肉嘅中間有一層溥溥嘅胶質，口感唔錯，味道扁淡，講真成碟餸食落真係唔似炒過，冇乜獲氣，連D汁都未撈”雲” ，以一間咁有名嘅酒樓，咁嘅廚工難以想像。蚌兩食---酥炸骨頭，香蒜腐竹蒸魚片。酥炸骨頭，算係最好食，溥溥嘅炸醬包住骨，骨頭仲有少少魚肉，炸得好金黃好乾身好脆，但係一D都唔油膩

完成手頭上ge野大約五點三.....開始計劃晚餐...突然來了一場無情大雨.....所以在大比和議下.就到了大榮華免得晚一點想吃的話都無得吃或許是周一的關係~~沒有出現''五點半人龍''我們沒有坐大堂~成為了偏廳的第一位客人~~反而喜歡坐這裡~又不會嘈~又有私人空間~其實都未肚餓~好慢好慢好詳細咁研究張六月份Menu~~呀姐極力推薦五味雞...我話呢排都係少食雞為妙....佢話無問題ga wo~日賣幾百隻(你賣幾多同有無H5N1係無關係的..可能自已本身讀微生物..對呢d話題有d過敏)真係好想食馬拉糕~奈何得2丁友~唔想打包馬拉糕........所以就比個藉口自已~叫d可以比佢地帶飯返工ge野食~咁就可以2個人叫4個菜了話雖樣樣五十蚊..當然識得揀就會抵返晒..不過當中有過半都不是圍頭菜專程來吃圍村菜的就更加要心思細密啦原想吃盆菜豬肉~但吃盆菜吃到驚的我倆~而且大比不太好芋頭還是改選了南乳蓮藕木耳炆腩仔另外還點了雞蛋焗魚腸..蒜蓉銀魚仔蒸勝瓜和咸水檸蒸烏頭南乳蓮藕木耳炆腩仔先來~賣相就不討好的了~因為一眾啡系食物混在一起但蓮藕拉絲~腩仔夠肥味~南乳醬汁稠度適中~木耳都大大塊夠爽口入味~

星期五一行五人到元朗做野，難得入元朗，緊係諗起去大榮華飲茶，晚飯以前就食過九龍灣果間，飲茶就真係第一次。唔知係咪因為出面落大雨既關係，十二點幾去到唔算好多人。點心種類唔算多，車仔推黎推去都係某幾種野食。我地叫左馬拉糕x2，雞札，蝦餃，香菇燒賣，烚勝瓜，煎蝦餅，牛栢葉，牛肉餅煲仔飯，鳯爪排骨煲仔飯。埋單$199！馬接糕有奶皇係中間，唔太甜，夠鬆夠香。牛栢葉勁多䓤，好入味，又夠林，好味！香菇燒賣比我想像中好味，豬肉肥瘦適中，豬肉新鮮。烚勝瓜另外有碟腐乳醬，平時出街食到既腐乳醬都偏鹹，但呢度啱啱好。牛肉餅煲仔飯比鳯爪排骨煲仔飯好食，牛肉餅真材實料，又夠林。但蝦餃就唔多得，油比較多，味道好一般，煎蝦餅都唔得，口感好粉。總括黎講，雖然點心種類唔多，都無花巧既點心，但勝在材料新鮮，可能因為佢地用豬油整既關係，有種細個去舊式茶樓食到既味道呢！

今次又o黎哩間元朗大榮華....因為在元朗既關係, 所以都唔係經常去..冇車嘛係哩度多謝幾位靚仔幫手渣車去..thank you我地一行 14個人....訂左 7:00pm服務都好好, 咁我地就叫咗 25 碟...嘩...係呀真係 25碟呀...勁...因為叫左咁多, 我都唔知食左 d 乜.....所以都係介紹我鐘意食既野....哩幾樣一定要食...五味雞 - 好味, d 肉又滑, 份量係 1隻架...燒鴨 - 好味,超好味... 係皮脆肉滑..正 但得半隻乳豬, 墨魚, 咕嚕肉, 焗魚腸, 焗蠔, 白飯魚炒旦, 哩幾樣都好食...豬油撈飯 - 好味馬拉羔(主角) - 超好味...我地都叫左2 籠架......還有甜品送架.....

餸菜o既份量都唔算細由於我每次多數都係兩三個人，所以都叫唔到幾多野通常個個都會叫五味雞，味道類似豉油雞咁雖然食得出應該係雪雞，但都幾入味幾唔錯不過因為之前食得太多，而家我都好少再叫今次我叫左炸軟殼蟹，炸得幾香口，不過 d 粉就厚左少少另外仲有牛筋腩煲，普普通通，唔係好特別反而個蒜蓉銀魚蒸勝瓜幾有驚喜估唔到原來咁蒸 d 瓜係幾好食豬油撈飯係每次都會叫，今次都唔例外加少少頭抽，再加少少豬油，真係好香因為今次得兩個人，所以食唔到我最鍾意o既馬拉糕不過馬拉糕真係值得推介，好香好鬆軟就算太飽食唔落，叫外賣返屋企再整番熱都依然係好食，不過記得叫佢俾 d 未蒸熱o既你o里度有少少相:http://eat-together.blogspot.com/2008/05/tai-wing-wa-restaurant.html

星期日琴晚4點先訓, 但係第二朝十點就比嘈起身~ 無他既~ 要我去元朗搵位飲茶~其實真係有d無奈, 今次飲茶明明要我比錢~ 仲要我搵埋位~ 唉~因為未去過大榮華既關係~ 所以決定響果度飲~本以為有排等叫籌~ 始料未及既係~ 原來佢地興好似快餐店咁企響隔離等~於是我同我妹妹分頭行事~ 點知到我妹妹等到位果陣~ 有個師奶一個屁股坐落去~我妹妹咪同個師奶理論, 佢蝦我妹一個細路女, 唔肯比番個位出黎~我行到埋去, 成副戰鬥格咁問：「咩事丫!?」 個師奶見我地有兩個人, 唯有倖倖然走人~呢個年頭有咁無賴既人既!?後尾其他人到齊, 我地一行齊個人食左好多野~呢度最出色既點心 --- 馬拉糕~ 真係幾好食~ 不過細件左dd, 其實相入面已經係兩碟合埋一齊~ 我地前後叫左3碟~榮華d蓮蓉都幾出名, 黎到緊係要整番個蓮蓉包啦~ 我覺得幾好食, 不過可能因為太多蓮蓉, 個包皮硬左少少~highly recommended~ 灌湯餃入面好多金華火腿同埋瑤柱~ 完全同出面食係兩回事~ 咁足料都只係大點~ 簡直反通漲~!媽咪話呢度食既係圍頭同埋順德菜~ 一聽到順德, 緊係唔少得叫個煎魚餅~ 以前同男友響尖沙

我們去完濕地公園後, 預先訂檯, 佢一定要你訂 17:30, 我地都未試過咁早吃晚飯, 要人齊先比檯, 17:40 去到已經成棚人, 等了二三分鐘就有檯, 當時未到七點。我地6大1小叫左勁多野, 每樣 $50圍頭五味鷄 -好入味, 好似鼓油雞燒腩仔 -賣相唔得但幾好味, 個皮好脆.豬油撈飯-例叫一碗大家試, 今次食覺得一般, 無乜特別。家鄉蒸蠔砵 -入面有d芋絲, 味道麻麻焗雞蛋魚腸 -味道無以前咁好味, 好似退步了魚香茄子煲 -我無食到因為太飽 ~梅子麵醬蒸烏頭 -好味, 條烏頭好多肉, 好耐無吃過咁好味既魚啦 ~頭抽蒜片煎生蝦 -又係賣相唔得, 但好好味, D蝦都幾新鮮蜆蚧鯪魚球 - 出面炸得比較硬, 一般好味莧菜魚茸羹 - 好味之選, 一定要叫, 個湯好鮮味, 啖啖魚肉 ~奶皇水晶飽 - 必叫之選, 要趁熱吃奶皇馬拉糕 - 也是必叫, 我地食唔晒, 拿回家再翻熱食都仲好好味南瓜軟餅 - 唔夠甜味, 味道太粉, 口感就唔錯。其實再食我覺得無以前咁好味, 都係普通家常便飯, 都埋價錢大眾化, 如果要勁等位我就唔會再黎吃 ~

想食左好耐既大榮華呀! 不過元朗實在太遠喇~真係要擇日去一於就擇左星期日去...好鬼多人呀...等左2個鐘*(不過平日都好似要)無計啦...呢日有人擺酒...無得book位呀等位個到又細又熱..樓下又無野行...真係慘情由6點等到8點...終於有得食我地5個人點左:圍頭五味雞: 見d食評好壞參半, 所以都試下,可惜味道一般, 沒甚特別~脆皮燒楠仔:好味道! d皮好正好脆....山渣生炒上肉排:即係生炒排骨, 一般, 都係同平常的皮厚肉少一樣.鮑汁翅裙扒西生菜: 翅裙扒好腥, 生菜好少..缽仔豬油撈飯: 正!! 唔洗多講...自行調味...奶皇水晶飽:食到最尾都已經好飽lu~食左半舊就無食....始終唔太好呢款甜點,但個奶皇都是yummy的...奶王馬拉糕: 正正正!!好好味...非常鬆軟...雖然好大舊..都頂硬上食埋佢...無得頂!! 最後附送糖水,無奈太飽無福消受~~完全真係飽到上心口 真係要隔幾年先會再黎..哈哈

去完濕地公園後, 就揀了食大榮華, 一行六個大人三個細路, 等了差不多半個鐘就有位, 當時未到七點。一共叫了八個餸一個炒飯… 圍頭五味鷄 – 見好多人叫, 細妹又話必叫的, 所以叫了, 其實好似豉油鷄, 不過其實不算特別, 可能不夠熱。蓮藕炆腩仔 – 賣相是很普通的, 不過味道卻不錯, 蓮藕有咬口, 腩仔不太肥, 好味!拖地义燒 – 有點肥义燒, 但不是很腍的, 個人認為很一般。西芹班球 - 又是一個普通的小菜, 不過魚肉是無散開, 質感不錯, 味道尚可。生炒排骨 – 都是一般貨色啦!!Xx蒸蚌”魚立” – 有杞子及一些醬一起蒸, 因為想食魚, 所以叫了這個蒸魚, 不過似乎無人欣賞, 食剩半條, 無人問津。翅裙扒西生菜 – 好大件的翅裙, 而且佷多, 反而西生菜少少的。翅裙太咸且有點腥, 有部份太硬, 有部份又太腍, 真參差。招牌炒飯 – 好像楊洲炒飯, 不過多义燒, 而且炒得很乾身, 算不錯。豬油撈飯 – 差不多每一檯都叫, 細妹一叫叫了四個飯, 我覺得太多, 因為已叫了炒飯… 一兜其實不多, 加上豬油及頭抽, 果然很香又好味, 不過由於是豬油, 所以不敢吃太多。馬拉糕 – 這是細妹

約老友去元朗大榮華晚飯，因驚遲去會好多人要等位。故放工就飛奔由沙田搭巴士直衝去元朗。好在去到只六點四十五分，可能平日關係，重有大把位。原來都我先到，老友七點後才到。當晚點有：!. 五味雞---雞肉好嫩好滑、好味。2. 麵豉檸檬蒸烏頭魚---正、只食剩一條魚骨。3. 燒拼墨魚---燒切得太厚，墨魚太乾，都金記燒正啦。4. 馬拉糕---超好食、好過九龍灣。兩條友因為食肉獸，所以無叫蔬菜食。當馬拉糕落時，兩個經已飽到上心口,但受不住馬拉糕誘惑，每人硬塞一件下肚。餘下六件打包，作為老友兩朝早餐啦。

上周與一班朋友到元朗大榮華飯。由於平日等位人龍超長，今回我們特意早二天book位，還與做booking 的經理說明清楚想吃甚，可能阿韜哥領導有方，經理都細心樂意為我們提供菜式選擇。由於約定好，飯當天果然不用等位。地方不錯，屬獨立房，坐得okay.今次的菜式是有驚起的。請參考參考。各樣都十分滿意。鴛鴦豬，是一隻乳豬一分為二：一邊豉油王蒸，很滑很香有肉味；一邊炭燒，皮脆肉嫩。OK得。鮑汁螺片扒荳苗。螺片好像鮑片，有趣。蒜香禾蟲醬燒爽鱔。禾蟲醬很得意，有點像鵝肝醬。不過不用擔心，蟲己成醬，找不到半滴蟲頭蟲腳的，無需大驚小怪。濃湯煲排翅。高湯湯底不但濃，且又清又甜，好飲到不得了。欖角蒸大邊魚。不過就多骨，小心，好在翅邊多膏香滑，大邊魚大到航空母艦般，好過癮。還有古法豆豉蒸和面盆般大的上湯牛油焗雪場蟹手打麵。最後來過鳳凰瑤柱炒長遠。甜品是熱騰騰的白蓮蓉布甸和馬拉糕。我們一行＋六人，都一致應為最出色的分別為鴛鴦豬和鳳凰炒長遠。我自己就另外最鍾情白蓮蓉布甸。咁橋，我們當日就撞到食神，佢好好人，真人冇上鏡咁大件，又同我講解食物內容。笑談甚麼是「鳳凰瑤柱炒長遠」。所以得出結論。去大榮華記得要book 位

今次是我第二次來了唔...我唔識講....叫了雞蛋焗魚腸,酥炸軟殼蟹和蝦醬炒魚扣,豬油撈飯普普通通今次已再沒驚喜

黎到元朗唔知食咩好，就諗起呢度最出名既大榮華。因為唔熟路，所以要問人先知係邊，終於係內街一個轉角位見到佢喇！由於假期關係，預左要等位，好在唔算等好耐，仲有得坐住等。等位期間最好就係睇菜牌，佢地呢度每個月既菜牌都唔同，有100款菜式，款款都係劃一$48，所以緊係叫D平時冇得食既特式菜啦！等左差不多一個鐘終於有位喇，雖然有兩層，但裡面都係好墟。我地被安排坐係洗碗位置既屏風旁，係有D迫，但總算自成一角。因為人少，我地只係叫左三款如下：1)拖地叉燒(聽聞呢款係大榮華既招牌菜，就試下啦。的確係同出面果D唔同，重點係比較肥同大舊。可能我牙唔好，所以覺得有點硬)2)桂花炒魚肚(個名好靚，原來係雞蛋芽菜炒魚肚。唔係好食得出魚肚，但味道係唔錯既，送飯一流！)3)鍋塌牛肉(又係俾個名呃了，以前食鍋塌乜乜係有蝦子係上面的，但呢個就係蛋炒牛肉。噢！又係蛋，結果兩碟都係蛋，雖然係好食，牛肉亦嫩滑，但都唔使食咁多麻！)4)豬油撈飯(又係唔食唔得既招牌菜，仔白飯附上一支頭抽同一支豬油，怕肥一族必定嚇一跳，但本住食左先算既精神，都唔理得咁多了！第一次食豬油撈飯感覺新鮮，落左豬油既飯的確係好香，難怪有人一食上癮！不過落

昨日和友人興起, 好耐都無去大榮華吃飯啦, 相約前往, 唔駛等好耐就可以坐低, 亞姐都幾nice, 叫咗幾個餸, 1.炸軟縠蟹2.蓮藕炆腩仔肉3.鱸魚片蒸腐皮4.翅裙扒西生菜5.玉樹xx (唔記得)雞真係一般啦, 得蟹同魚係熱既, 其他都係暖既, 個獻又鬼禁傑, 本來穩陣叫個五味雞, 點知友人又話不如試下玉樹雞, 佢叫左都係食一舊, 話唔好食, 通常都估估怪怪的名都係要小心啦! 最後唔想浪費, 我咪同其他人消化左隻雞! 甜品最後都係叫左馬拉糕, 只得呢樣保持水準咋!之前食過得福果間好好多, 下次都係去返果間,不過呢間的飲茶就可以呀, 臘腸卷同游菜就最好味!

因為我住屯門，所以不時都會去大榮華食飯，幾年前食過一次就愛上左，幾年後就覺得佢退步了不少。我第一次去食左菜羹，食左五味雞，面豉炆米鴨，生炒排骨，豬油撈飯，馬拉糕，仲有ｄ唔記得左了。樣樣都好好味！只係覺得豬油實在比較油膩，所以食過一次就冇再食了。呢度有成１００款菜比你揀，我諗麵叫做好多選擇了。講真幾年來大大話話都去左呢度開飯幾十次．．．係呢一兩年先開始退步。就講返最近一次。菜羹：冇咩變到，清清淡淡冇味精，維持不錯水平。椒鹽軟殼蟹：勁油，一咬落去成口都係油，又淋哂，完全唔知想點。手打生面：ｏｋ，還叫做爽＆彈牙。梅醬一字排：相比起以前，只係得返五分之一酸梅醬，而且排骨真係只得骨，無肉可言，我知而家豬肉貴，但唔使咁刻薄丫．．．生炒排骨：冇味，勁硬，老人家要小心。相比起以前，呢個質素一定唔會拎出來比客食。街邊大排檔分分鐘好食過佢。火腩大膳煲：我唔知佢係唔記得落鹽定係點．．完全冇味，仲要唔係幾熱，以前叫呢ｄ煲係熱到”咋咋”聲上台，今次粒聲都冇．．．有今次呢個遭遇，我估有以下原因：１．九龍灣開左新店，好的師傅都出哂去２．因為一間酒樓有好多廚師做野，咁ｏ岩我地食左ｄ唔好味的，簡單ｄ即係我地唔好彩３．今