大榮華酒樓

营业中

休息中

去完南生圍同班網友影雀, 三點幾走, 見係元朗, 於是走去大榮華團埋年. 去到已經四點多, 先取飛, 2號籌. 係門口已經有好多人係度等位, 好墟陷. 最後confirm有檯, 不過要6點前埋單, 我地無問題, 因為好多人都仲有下場. 如果唔係咁早, 就真係無檯, 一係就要等三個鐘頭喇.. 先上個馬拉糕先喇.. 真係好好好軟熟.. 又熱辣辣, 食到唔停得口呀. 再上一個五味雞- 好抵呀.. 唔知係咪半只定係一只.. d肉好滑好嫩.. 都係48蚊, 值得推介. 其中一個最出色o既菜.. 砵仔焗魚腸- 加埋d胡椒粉, 個心又唔會乾曾曾. 好好味... 又多汁. xx蜜糖荳... 好清好味好甜..豬油撈飯, 真係唔講得笑, 好簡單o既食物, 一砵砵白飯, 一支頭抽, 仲有一支暖暖o既豬油, 組成一個好美味o既菜色. 我為左我o既健康, 我只係落左少少豬油, 但都好香好好味... 唔知係頭抽洗得定係d豬油呢??再上個冬菇時蔬... d 菇好厚架... 好好味, 又健康.. 蒜茸荳苗... 有d好淡.. 有d岩味.. 好似係魚肚南瓜更... 無咩特別... ok o既.. 呢個我只係食左d生

遠近馳名的馬拉糕，吸引了愛馬拉糕的我。雖然阿姐警告，但是肚餓的同事還是心急的拿了回來，是未夠熱的。雖然不熱是大打折扣，不過依然覺得好香好味！足以証明這裡的馬拉糕是名不虛傳的！其他食物，一般啦！

我細細個時係住係冠皇樓，個時亞爸亞媽日日帶我去大榮華"飲茶"。不過之後大個左，就好少陪家人"飲茶"喇。近年，見大榮華"重開"。假日早上都會買外賣馬拉糕比老婆食。不過幾年來只上過兩次堂食。上一次已經好耐喇....都唔記得幾時....不過最近個次都係親戚叫到先去食一餐可能係新年問題, 要等位, 等左好耐, 都差不多九個字, 以為一定好正, 唔係點會咁多人等位。一入座, 樓面好明顯唔夠人, 最慘新年流流,個個面黑黑....大吉利事......個日叫左幾樣出名既名菜, 如:五味雞、豬油撈飯、鯪魚等等....仲有點心同我太太至愛既馬拉糕....味道不過不失，五味雞至正.....但食物唔夠熱、偏鹹及太多油點心冇乜特出，同街邊茶樓水準差不多...有d失望....同以前的差得太遠....

今天同男友一家食飯!六點九去到..剛剛满座!要等..都好第1張七點三可以入座啦!叫左幾個小菜五味雞=男友妹妹至愛!雞肉嫩滑又肥味..最後只剩雞頭西芹班球=唔知點解今晚既班球好易散..平時係無呢個情況既香茜魚肚湯=有鮮味唔鯹..有好多魚肚粒酥炸蠔=男友話細隻左好多..至於味道就麻麻地..有d好食又有d無味蘿蔔炆鱔=鱔肉彈牙..蘿蔔入味..係油左d香茜煎芋泥=開頭以為送錯,因為睇落以菜圃蛋!味道唔錯架,有臘腸係裏面所以甜甜地!4個砵仔飯=熱熱的!十分好食..但枝豉油咸左d..會唔會我落多左呢?當然唔少得馬拉糕=好好好食!飽到反艇都要食最後係伯友請客!在此多謝哂!十分滿足的!

一行五人. 七點去到. 勁多人等位. 等一個鐘.八點先有食好多野. 好好味呢五味雞必叫. 大蝦伊麵都好正. 阿b 食兩碗麵呢砵仔飯黎到點會唔試. 最唔好味就係個西蘭花. 淡patpat金沙骨係出奇咁好味喎!! 原來有咸蛋王. 叫時都唔知呢!鯪魚球都好味.個面勁脆. 但d 蜆蚧醬就唔夠濃味. 差了少少最後的甜品是馬拉糕和送的糖水. 一樣咁good食完個個都勁飽

一年一度大榮華,上年只是同爐兄飲茶.上一次晚飯就要數回前年貴網的秋季大旅行後,連開數圍.熱鬧過後,今趟只得我同M,M說想吃很久,聽佢講都講足五,六年.可惜路途遙遠兼工事纏身,一直未能成事.這一次在周末,大家剛好有空,應該沒有問題嗎?六點去到,兩個人也要稍等一會才能入座.看著點菜紙,已經駕輕就熟,隨意點幾樣,全部要例牌.又是圍頭五味雞,已經沒有初初遇上的驚為天人,可能其頭抽的味道,一早已經領教過,友人第一次吃,覺得比坊間的豉油雞好.圖中的陳皮豆豉蝦,蝦肉嫌有點霉,反而充滿著豆豉的咸香.家鄉蒸蠔缽,雞蛋同蠔已經二合為一,每一啖也充滿蠔香.盆菜豬肉要最後才上,少少反高潮,扣肉肥瘦分明,肥位晶瑩,瘦位鬆化,下面的芋頭,才是精華所在,索盡扣肉的精華,結果由友人全部包底,外人實在看不出這位身型標準的女子,是如此地"擦得".少不免一人一兜豬油撈飯,這味算是少數吃過多年,感覺仍舊如一的一味.頭抽仍是頭抽,燒豬油仍是燒豬油,缽仔飯,仍舊時缽仔飯.最後的馬拉糕,亦是友人其中之一個期待位.吃罷她說比起出面的更重奶油味,很香滑.)我補充如果你早幾年來,果時的馬拉糕,比而家的多一兩層.)小弟一年起碼一度的"晚飯

一班居住九龍既行山朋友走入來食圍村菜十個人一共點了十樣野五味雞, 好食, 但似豉油雞頭抽浸鴨, 好食, 但亦似滷水鴨梅子蒸鱔, 好食, 但呢個菜係上錯的(原本叫腐乳扣大鱔)叉燒, 好食, 好有咬口例湯係海帶綠豆, 好夠火喉豬油頭抽撈飯, 飯係用砵仔蒸的, 有咬口, 加埋頭抽同少少豬抽, 真係無菜都可以食到兩碗雞蛋焗魚腸, 一般般, 不及大排檔的砵仔焗蠔, 一般, 蠔係碎上, 搵唔到甘滯魚唇扒生菜, OK啦, 都唔算係圍村菜冬菇生掌, OK啦, 應該係鴨掌, 不是鵝掌豬油渣炒椰菜, OK啦, 居然粉絲多過椰菜最後仲食埋個招牌甜品- 奶黃馬拉糕, 正招呼方面, 今次好好喎個阿姐雖然好忙, 但有問必答, 而且態度好好埋單每位七十三個大洋, OK啦佢地大部份小菜都係$48, 有成一百款俾客揀, 算係甘啦, 不過老實講, 入面有一半以上都唔係圍村菜, 而且有部份係一早整定的, 只係有ORDER就加熱, 所以對住係元朗/圍村既人來講, 無乜特別, 但對住市區既人來講, 就係一試無妨囉

本身住元朗, 已經去左好幾次, 不過明知佢態度差, 但係因為有其他朋友親戚都想試試, 所以都係吞聲忍氣咁去食晚飯今日淨係訂位, 已經一肚火屋企人打算再去大榮華食飯過年, 預訂2月1號星期五夜晚飯打到電話去姐姐問完日子就話: 哦, 咁你地5.30齊人上0黎食飯啦.我: 0下? 幾點??姐姐: 5.30我: 齊人??姐姐: 係呀, 齊人我: 無可能的事喎姐姐: 係呀係咁架啦, 過年呀嘛, 你地0黎唔到咪上0黎拎飛排隊.一肚火!!! 明玩野啦, 訂位食飯要5.30齊人去到, 而家有幾多間公司係放到5.30, 仲要係5.30去到元朗食飯呀!態度差, 唔係差, 係惡劣!!!擺明唔休做明玩野!!服務俾唔到0分咋, 如果唔係1分都唔會俾佢

星期日入左YL，終於有機會試下，因為之前次次好多人等位，今次5:45到等左20分鐘就有位，4個人叫左5味定7味雞- 同豉油雞有咩分別?鮑汁翅裙扒生菜- 垃圾，翅裙腥到無朋友，又唔熱蟹皇豆腐- 又一垃圾，個樣已經唔得，又係凍蒜香蝦- 呢個都ok，但係偏鹹炸軟殼蟹- 超油豬油撈飯- 無咩特別馬拉高- 無咩特別我都唔明點解會咁多人去! 又唔係平，又唔好食，好心阿滔滔好好地打理下自己間舖先啦!

服務勁差，食物不但差，而且並不平宜。在元朗住了廿多年，也沒有到過這間老字號大榮華。今天心血來潮走去飲茶，未去就不知，去過一次就以後也不會去。求其一間地茂也好過佢，我叫了一客黃金糕，不知為何會變成油浸黃金糕。也不知為何會硬如石頭，不能入口。他們對出品毫無誠意，忘記這間老字號吧！

圍頭五味雞:肉質(梅),只是一般雪藏雞,冇特別、難食!芝士蝦伊麵:厨房不記得落芝士一樣、冇味,山渣排骨:味道上可、但趕時間費事切,三兩件大大件算數!京式窩咩牛肉:啲牛肉得(哪)味,慘!家香砵仔生蠔:疍過火、多粉絲有少量蠔碎!反而馬拉糕＆西米糖水ok!８個人埋單600元不算平,不收信用咭!!!

收樓後龍一家人落力幫忙打點、清理新屋，一餐慰勞飯當然少不了；又撞上龍的農曆生日，新包租婆的我決定請大家食飯!六個人吃了：　圍頭五味雞-第二次吃都覺味道不差，是豉油雞的進化版，但也只是改良了的小菜，並不是令人難忘的名菜。雞蛋焗魚腸-另一味名菜，期望頗大卻換來失望：陳皮並不足以僻去魚腸的腥味，大家都吃了一啖就放棄，我也只可忍受到雞蛋部份，魚腸部分真的不行呀! 九龍吊片啄肉餅-亦算頗有名，肉餅加入魷魚增加了彈性，然而同五味雞一樣，好吃但不突出。咸菜炒豬大腸-我不吃豬腸沒試，龍說很一般，伯母可以煮得更好!京蔥塌窩牛肉-侍應說是創新京菜，可我們只覺是牛肉炒蛋!當然失望了...金沙蟹粉扒菠菜-菠菜煮得過稔，水水的與蟹粉不太襯，麻麻地~　幾味圍頭菜說鮮不鮮，鑊氣與風味又不及大排檔，最令人滿意的其實是豬油撈飯。用砵仔蒸出來的絲苗米粒粒分明，加了豬油頭抽十分香口，就算單吃也寧舍好味! 　來到大啖榮華，我們也沒有錯過奶王馬拉糕及鴛鴦水晶包。吃了數次，是一籠8件(晚市)與一籠12件(午市)的關係?我覺得晚市的馬拉糕比較好吃，鬆軟香甜真正抵讚；鴛鴦水晶包中奶黃味仍然保持水準，然而豆蓉味過甜又乾爭爭的，比年前所

有點悶某天放工, 心血來潮和老婆入了元朗大榮華來個晚膳. 其實以往得閒都有來一下, 這回和上兩次的感覺差不多, 有點悶. 那晚出奇的少人, ７時上到去仲大把檯. 冷氣實在夠凍, 我們掉了兩次檯才可找到較不大風的位置. 這次我們點了薑葱醬爆刺参, 山渣炒上肉排和粟米魚肚羹. 魚肚羹一貫水準可以暖肚, 山渣炒上肉排其實係咕嚕肉, 都算夠香口, 個参只可說是ok, 唔夠入味. 其他如豬油撈飯, 以前試過便算了, 太肥以後也不敢再吃了. 想試馬拉糕, 但兩個人又怎可以吃完呢? 算了. 最後吃罷麥米粥又完成一餐了.

因家住元朗, 耐唔耐都會去大榮華食飯其實餸 菜唔係外間講到咁巴閉咁好食,但你當街坊晚飯, 其實都係唔錯o既選擇豉油雞呀、小菜呀, 都係中上水準, 唔會比一般酒樓差不過o個個盛傳好好食o既馬拉糕呢, 我都唔覺得有咩特別好食喎......唔明點解傳到話咁好食?$800 有成13 個餸 (當然唔係好大碟啦)但食到成家人捧住個肚走, 都幾開心o架~

友人話帶我去元朗既" 大榮華" 食飯..佢話出晒名..滔滔果間呀..啲豬油撈飯..馬拉糕..好正嫁..其實我真係唔知係咩水黎..不過都好..因為我有記憶以來..未入過元朗多過五次..入去行下都好..去到第一刻..影相..因為都唔知幾時再會入黎甘遠..好奇怪地..部LIFT 係後門既位置..正門要行樓梯..終於上到去..嘩..好多人等位呀..仲諗著有排等之際..就叫到我地..只是幾分鐘時間..原來果啲人等大枱..我地係細枱..好得意..因為佢地係用好似點心紙甘點餸..有好多好多既選擇..仲要每個月都有所換轉..得..一時之間..太多選擇真係唔知食咩好..最後我地點了..技竹牛腩煲..有點驚喜..味道唔錯..面豉蒸鱔片..魚肉都算新鮮..豬油撈飯..第一次食..抱著好大期望..點知好失望..味道同腊味飯差不多..沒有特別..奶皇馬拉糕..新鮮出爐..食第一件好正..馬拉糕中夾著薄薄既奶皇..但食第二件已經好濟..麥米粥..本來想走..但送來甜品..點知啲麥米煮得唔夠淋..太硬..有點唔送好過送既感覺..