大本瀛日式放題

营业中

休息中

由於是星期二晚上，客人不算太多，所以餐廳安排大沙發位給我們5人，坐得舒服。order後食物也很快送到，刺身也算新鮮，熱食全是熱騰騰，也沒怎漏單。各侍應也很有禮貌我不小心筷子跌了地下，還沒開口，侍應已經轉身給了我一對全新，非常手快醒目，也主動給予濕紙巾及添加熱茶。也主動幫我們hold起鍋物類，說是怕大家太飽吃不下，結果真是如他所說只是地下比較濕漉漉，可能是萬年漬，怎清潔也搞不好，大家出入要小心地滑。總結，以兆萬質素來說，這間是值得推薦的，食物服務質素算很不錯。

食物方面： 送嘅海膽雖然細份但好鮮味，刺身唔求其，都睇得出係新鮮，唔係擺左好耐果種，熟食牛仔骨好好食好夠味，蝦/羊架/天婦羅上到枱都係熱嘅，職員仲好貼心提要趁熱食😂最抵讚嘅係所有員工都好好禮貌，收碟換碟好快，仲會話俾我地聽仲有咩未到，唔會甩單或者要催佢地。又好主動，會留意住我地要啲咩，真係唔話得。到埋完單之後都叫我地可以慢慢傾計，唔趕我地走，仲俾熱茶我地慢慢坐👍🏼臨走果陣見我地㩒完𨋢仲噴酒精俾我地消毒。抵讚

第一次去，感覺服務員熱誠有禮，服務殷勤，食物上枱速度快，服務主動，感覺親切，放題時間三小時，食物不錯，夠新鮮，選擇種類多，環境可以，交通方便，價錢合理，樂意推薦！

不知星期六午餐是收225元，那相比並不便宜，地方小，甜品櫃欠奉，只給張紙幾款點一次，飲料也不多，雪糕櫃只三五款牛奶公司雪糕杯，放題最初期的驚喜，比現在其他店是變成落伍和不足了，食物還可，卻未見特出。職員態度不錯。

今次過咗嚟食日式放題職員服務態度超級好食物選擇都算係包羅萬有刺身算係新鮮朋友嗌左勁多甜蝦其他嘢就不過不失但係菠蘿唔好食甜品嗰啲都係任嗌環境座位嗰啲就比較細炸物嗰啲就普普通通火鍋嗰啲都普普通通壽司就正常發揮但係職員態度真係前所未有嘅熱情同埋好超級拉分總括然而都值得試食最後每位大概$250就OK我哋係5:30入去食另外值得推薦大家睇我另外comment左一間日式舖頭同樣係旺角價錢貴但係質素超級無敵差🤯大家千祈唔好去中伏

上星期忽發其想好想去食放題 好似好耐無食過咁 經過兆萬樓下我已經search 埋openrice 見到呢間好似無乜負評，上到去又好多人咁 諗住一定唔會伏啦 點知…. 真心好失望囉 點會值咁多好評呀 🙄😒一坐埋位 周圍好似痴痴立立咁 不論枱同椅都係咁 心已不安 話晒都仲係疫情 😷 環境都要注意下首先魚生網上啲相全部加晒filter 以為真係好新鮮 但上碟果刻唔係呢個情況囉 好似都放左好一段時間咁講真 見到咁 相都唔想影 跟住啲炸物呀果啲味道一般 但上碟果刻都已經凍左其他食左啲乜都無乜印象 唔會特別好食囉 但問心我下次唔會比呢個價錢再食多次

旺角一帶日式放題基本都有食過，但食物質素在$2xx左右價錢來講都算是第一。刺身不是急凍拿出來的，亦夠新鮮。鹽燒蝦肉質juicy 。牛柳粒、天婦羅等味道及分量剛剛好，不會太大量而令人飽肚。特別喜愛芋頭丸，甜度剛剛好。絕對可以用來代替雪糕、西米露等甜品。另外服務真是一流。今次叫食物時有漏單情況，染紅色頭髮店員殷勤地幫我再三跟進。亦不厭其煩地詢問我們最終是否有到齊。感覺現在很少有任食食肆有這個服務態度。又見當中有客人生日，會放上生日蛋糕及播放生日歌，非常溫馨。唯一美中不足是環境稍為壓迫。沒有什麼景觀。

尼間放題味道好好.服務又一流.特別一個紅色頭髮嘅男生服務態度好到我哋都唔好意思！碟上有小小嘢就即刻幫我哋攞去揼咗又換新碟.上菜又快.唔錯尼間值得推薦俾大家👍👍

第一次食呢度，食物同價錢都公道，性價比不錯！刺身新鮮，沒有食到臭的甜蝦熟食 ， 燒物都很不錯，特別係焗蠔同燒帆立貝！ 仲有送既鮑魚刺身都新鮮好食，同埋居然佢個冬陰功湯有驚喜，我飲咗兩碗最值得一讚嘅係呢度所有員工都非常親切有禮。通常食放題因為啲員工太忙，個個都做到黑口黑面！ 試過有幾次食放題都食到幾受氣但呢度啲員工雖然都係好忙，但仍然保持到呢種服務態度非常抵讚！所以話員工真係公司很重要的資產！非常推介，會再嚟幫襯

好有heart 既放題啊、食物、取單都好快，炸物好食，炭燒雞翼，蝦，脆肉瓜串好好食呀～ 有個正字個啲必食 職員好好，未試過感受到咁熱情既放題⋯同同事兩個食得非常開心既一晚😬 。

先送一個剌身，另外再有食物但要選擇，侍應服務態度好，很主動幫忙，收碟也快不用催，食物也出得快，竟然沒有漏單🥰食物普遍也不錯，但炒蜆有沙就不太好了，刺身新鮮，羊架、牛肉粒薯仔等也不錯廚房出品都很好👍燒蝦也大隻唔dry, 燒菠蘿也juice,到食到差唔多時，侍應會俾另一張甜品紙，每人可以要兩款，另外雪糕就往外面自取，生日送蛋糕，侍應話係像雪糕的蛋糕，果然真的呢！也是book位時主動送的，生日的一個半價，真的不錯

前排真係好有胃口 幾乎每個星期都想食一次日本放題 最衰約唔到有好多選擇嘅大喜屋 但係就發現旺角都有好多間！呢間就係兆萬中心上面好多放題之中脫穎而出！午市3小時放題💰～210/per person其實我地冇預約到 不過到左即刻都有得入 入面都有好多位 而呢度冇用QR code落單 反而係傳統嘅紙筆 好似增加左員工工作量但係都冇漏單嘅情況！🍣刺身方面嗌足上台就真係超壯觀！呢度有齊基本嘅三文魚 甜蝦 帶子 赤貝 仲有特別嘅泰式生蝦 係醃左D泰式辣椒醬上去 味道特別 酸甜開胃！而螺肉 鮑片同自家製玉子都出乎意料地好味 八爪魚都好軟滑！呢度嘅刺身師傅真係對我地好好 一開始都偏薄同細塊 後尾越切越大份🤣🍣壽司方面佢有普通壽司同火炙壽司 不過整體壽司都偏細件 就可以食多幾樣！蒜蓉牛油汁玻璃蝦壽司 青檸象拔蚌壽司都好特別 仲有黑松露赤蝦壽司！個人更喜歡火炙壽司 覺得口味更多 和牛 鰻魚同埋醬燒芝士蟹棒都好惹味！仲有卷物同手卷 記得好似黑松露三文魚拖羅蓉卷唔錯 芥末八爪魚軍艦都幾好味😙🍖串燒料理方面有最經典同最出色嘅薯仔炒牛柳粒 照燒汁炒牛舌 另外仲有煙肉焗北海道帆立貝 芝士焗廣島蠔同埋焗一口雞等！串燒

午市去食，因為唔多人，四個人都安排咗八個人嘅位俾我哋👍收碟嘅速度好好，服務員態度都好親切，我自己細細聲講嘅說話都會幫手。整體食物質素不錯，羊假同埋牛小排都有驚喜。

呢間放題服務非常好👍今晚同friend慶祝生日，竟然被安排一間獨立房，真係有點驚喜。而且服務員態度非常有禮、落單後，食物很快送上，還貼心提醒某些食物不宜等太耐，要趁熱食。我哋買咗生日蛋糕，呢度仲唔洗收切餅費！又係一個加分點👍呢度嘅食物質素都好高、款式都好多，除咗日式放題有嘅食品，呢度可以食埋火鍋。今晚顧住食，忘記咗影吓啲食物相🙈但整體而言，呢間放題無論服務、食物、價錢、地點都好好👍

整體都唔錯，餐單上標明「正」嘅食物都唔錯，值得一試。落單嘅燒物即叫即燒，夠曬熱，燒翠玉瓜同菠蘿都好甜。食物種類都算多，仲有得額外叫生蠔或者鮑魚。上餐速度都幾快，冇漏單，下次會再去。