大本瀛日式放題

营业中

休息中

價錢💰相當抵❗️抵❗️抵‼️超過一百七十多款選擇👏食物質數Very Good👍Order 後上菜速度快‼️勁😲⏰時間相當充裕😋食足三小時服務態度一流🤗好過好多酒店👍服務員勤快主動收碟，不會時運高睇唔到😂鐘意這種服務精神💪💪💪

食過好多次 打電話訂位會有鮑魚海膽等或95折，刺魚好正，我最鐘意三文魚腩同帶子甜蝦～羊架同牛仔骨也好正，如果兩樣野分兩個爐燒會更好，因為有哋人唔鍾意個羊的餿味比如我😋但我仔仔同老公就鐘意～我會繼續支持嘅🤪🤪这段時間肥了好多都唔敢去食，因為哋野真係太好食次次都食飽飽～哋靚仔靚女店員也好熱情～最後還有甜品木漮牛奶🥛也值得食喔，仲有我老公鐘食食哋榴連炸彈～聽日老公唔使返工又要去食～我呢個肥點減呀？點解我搵唔到上傳照片的地方啊？嗚嗚！

第二次光顧，上菜很快，收碟也很快，今日無漏單。上次禮拜六夜晚5點幾食，今日都係禮拜六差唔多2點食，同一日但收到張單唔同？上次兩個人都係45×，今日要47×？覺得很奇怪，岩好去佐廁所老公埋佐單無計。服務態度超好，係呢度訂位有優惠送，但每次都要主動問員工羅紙，呢點希望可以改進下。服務員哥哥好好見我帶住個女仲話免費卑多個雪糕我，無曬紙上面噶就幫我換成哈根達斯雪糕呢間點位坐得鬆，坐得很舒服，比起任何一間放題仲舒服，而且按時間限定批數趕人。但廁所環境實在太差，太細，無消毒液抹廁板，更加無清潔姐姐係度太污糟野食唔錯，芝士焗蠔芝麻雞翼都唔錯。刺身幾新鮮。但羊架相當肥，我喜歡食瘦肉唔敢掂。清酒炒蜆非常多沙好難食

其實係第一次嚟呢間餐廳，本身都無諗住食不過樓下派單哥哥盛情難卻，最後都上左去～樓下有人派單有啲優惠卷，揀左生蠔，有啲驚喜，樓上經理話係即開生蠔，的確係新鮮因為撩佢條邊仲識郁竟然Size吾係好大隻，不過勝在夠新鮮。平時食開放題果啲野都有，芝麻雞翼榴連炸彈基本都齊款，冬蔭公，好足香料，可一試！其他壽司刺身都有一定水準，擺盤都靚，睇得出有心機做。如果再多啲特色壽司就更好。簡單講就係喜出望外，會再去~~~~~

很少到日本放題用餐，因為總對任吃的餐廳不會有太大的期望來到的時候，環境還可以，中午五點多來，安排了卡位，可能時間還早不是很多人。點了刺身和壽司，刺身沒太大特別，新鮮度還行，反而壽司有驚喜，小小顆，不會說要刻意填飽客人肚子。再來點了燒烤，有羊排和牛仔骨，另外點了烤菠蘿順便解解膩，羊排味道很好，說真的可以媲美酒店質素了。另外還有烤牛舌，不是一般放題般串好的，是一片一片的，除了有點油膩外味道十分好。另外還有一些小炒類的，炒青口、炒花甲、牛柳粒等等，值得一提的是每碟小炒出來時都是熱氣騰騰，令人提起食慾。榴連炸彈，就是有榴連餡的甜點，喜歡榴連的人一定要試。這次的用餐經驗一改我對放題餐廳的觀念，原來任吃的餐廳也可以有精緻的餐點

食物質素幾好，睇得出係即黎整，因為出到黎仲係冒緊煙！推薦生菜包！炒青口！               另外推薦燒羊架，燒羊架食得出有醃過，因為唔似其他放題咁淡茂茂，仲有香草～清酒煮蜆有少許沙，炒蜆都係，可能師傅要留意下如果要挑剔既話，燒物類會有少少油膩，反而炸物無呢個問題哈哈。有包埋火鍋既，一個細細地既鍋，基本材料都有齊晒啦，仲會有海鮮，好似海蝦果啲都有既，岩啲唔食生冷野既人啦！另外值得一提係店員服務好好，十分到位，見你食羊架唔小心整到隻手，會俾乾濕紙巾抹手，仲會打開埋俾你，十分貼心，員工有時間都會同客人溝通下，了解一下當日既食物質素，值得欣賞！ 如無意外會再嚟！因為有啲野食都未食到，太飽啦哈哈！

食放題，沒目標，用openrice搜尋，因為笑臉比哭臉比例多很多。所以上去一試。結果中伏了。不會再去。也不會介紹朋友同事到來。樓下有人派傳單說可以減xx元，忘記了。環境有陣味，所以不太開胃，但都坐下了，只有坐下食。有少許漏單，服務員算勤快，值得讚。但主要是環境唔得，同埋洗手間都唔得。餐聽最重要是環境，環境唔掂，食龍肉都大打折扣。所以建議改善一下，與其花錢宣傳，倒不如整好硬件設施。而食物質素不過不失。也更議增加電話掃碼落單減少員工工作量，提升效率。也減少客人接觸落單紙的衛生風險。

我好耐未去過d食肆的服務咁好，係個個都好，今天仲係母親節，全場爆滿，但服務都咁好，抵讚，食物就大致ok，魚生，羊架及冬陰功湯好好味，好有泰國feel，值得大家去試試。

我昨日book 位時，問店員可不可以用WeChat 俾錢，店員話ok,可以嘅，所以今日我就直接帶咗一部手機去。食完之後，結果又話唔可以用WeChat 俾錢，我問多幾次，店員大叔唔耐煩了，WeChat 認真唔可以？（我心諗：死了，冇錢俾）我就話我昨日book位時，店員話可以用WeChat 俾錢，大叔店員就話可能佢講錯咗....（知道店員講錯，依家自己咩態度！.)連句道歉都冇，係唔係日式餐廳來架，冇d禮貌同擔當，遇到問題最中意一味地往客人身上推，好才，我叫男朋友打錢入支付寶，真係買唔到單，你話怪邊個！（4月24日午时企係門口嘅大叔態度太差！）1.甜蝦麻麻地，都唔鮮甜我認真唔明白點解咁多人話甜蝦好正，我食完5只之後，冇再refill2.羊架，果個羊騷味重到死，想呕，唔係講笑架3.鳳爪少少酸，我平時好仲意食鳳爪架，臨走都未食完4.花甲有少少沙5.燒菠蘿好食，酸甜。黑木耳好食😋有refill但係漏單6.雪櫃全部係超級平價嘅飲品7.有漏單魷魚鬚同黑木耳，8.壽司ok9.收嘢幾快10.沙津汁劲少，同直接食有冇分別唔會再去食,如果冇發生買單事件，我都係覺得麻麻嘍，唔明點解咁多好評我一個人$218+21

睇評論搵到，多數評論都唔差，所以就試下啦，但係呢間鋪嘅野食確實如少數評論所講唔新鮮而且無味道，環境也一般，唯一一個賣點就係服務確實不錯，睇個人追求啦，個人來講，就唔會二次光顧啦，因為野食質素確實唔係幾好

熟食即叫即煮值得like👍🏻，熱辣辣、香噴噴咁上枱。 大部分放題都係煮定heat住等有人點先畢出嚟，一係凍冰冰、一係就又「鞋」又「老」。 食物味道、買相好ok😋👍🏻，服務態度真係一個亮點👍🏻👍🏻👍🏻收碟（已經食完嘢）快仲經常換乾淨碟（自己用嗰隻）俾你（平時都係一隻碟用到你走為止），態度非常好；環境都唔太迫夾。以呢個價錢嚟講佢嘅質素係高。

兆萬出名放題多，以前覺得價格算平但質素麻麻，不過呢間令我對兆萬放題另眼相看，款式足夠，味道都唔錯，而且冇漏單情況出現，員工都好主動，態度又好，整體黎講性價比幾高。

4人行，送海膽或瑞士雪糕，而且一人生日更半價，服務好，食材美味， 三文魚 超好食，食品種類很多，上菜快而且换碟也快。衛生好，坐位也舒適，生日更送雪糕蛋糕，更插上一支煙花，漂亮及驚喜，雖然今天星期六比平時貴一點，但也非常超值，老闆人品超好，一定會再幫襯

店的服務不錯，服務員很有禮貌衛生方面很乾淨吃完的東西會立刻收走食物方面我覺得一般，有點兩極化要麼太鹹，要麼太淡刺身冷食方面還算新鮮烤肉有些東西咬不動炸物方面吃一兩口就有點膩飲料方面基本的都有甜點不錯 小小一份可以換不同口味的換著吃以上為個人感受↑吃到最後大概半個小時店員捧著我們自己買的蛋糕來而且還在店裡面播著生日歌氣氛的非常不錯我個人認為如果不是對美食很高要求不妨去嘗一嘗另外我個人感受這家店比較推薦的東西烏冬面玉米三文魚芝麻八爪魚

午市同晚市價錢一樣$208任飲任食3小時（有加一服務費），食物種類算多飲品正常，個人覺得軟殼蟹手卷 炒蜆 牛仔骨 雞翼非常的好食，環境衛生就一般了，大致上整體都ok嘅, 服務非常好！員工態度非常好！會Again.