大本瀛日式放題

营业中

休息中

好耐冇食過放題，因為覺得唔好食，食親都中伏。今次第一次食大本營日式放題，真心好驚喜首先：佢地嘅staff實在太好服務，上餐速度超快，見到你個碟有骨/殼，即刻幫你換新碟。好服務過酒店👍🏻😂第二：佢嘅食物多得嚟，基本上都好有質素。 食物係食完會有驚喜會再想食😋以往食開嘅放題，大致上都係好難食🤢 會再幫襯

最近想食放題，發現好多鋪頭都會set左時段，630，830一節節咁，想7pm食都吾系咁易🙈不過呢間放題好好🤩想bk幾點就幾點，食2個鐘👍🏻放題當然吾少得刺身🤤一睇個擺盤已經相當吸睛🤗刺身種類豐富，有比較少見既泰式虎蝦，蝦味比甜蝦更濃郁😋加埋個泰式醬，食落有啲酸辣，層次豐富😂海膽新鮮，好creamy😇👍🏻另外又有炒蜆，東風螺食，店員見吾夠濕紙巾就主動比我地，好貼心😊耐吾耐又會幫我地換碟，仲換左2次，好誇張，食放題都會換碟😂平時食放題邊有人理呢啲，放低野食就走左，所以呢間服務一流，好細心👍🏻😚仲有我罐野飲飲曬，正想出去攞既時候，個店員已經遞上一罐新既比我😂好誇張榴槤炸彈外皮煙韌，入面系流心🤤埋枱個陣熱辣辣👍🏻芝麻雞翼🐥炸得岩岩好，外皮夠脆之餘，入面仲系juicy，肉質嫩滑😇串燒 - 翠玉瓜吾似其他鋪頭預先整定，搞到啲野食凍左🙈上枱個陣仲有煙出，落左少少孜然粉調味，冇咁dry之餘又吾會燒到干真真🤗😋鋪頭服務超好，好細心😚野食種類豐富😋冷盤 熱盤 串燒 火鍋 小食 炸物 甜品 樣樣都有食物質素好好👍🏻食得出系即叫即整，廚師有用心 價錢同其他鋪頭相約，甚至仲平少少，所以CP值好高，一定會複桌🤣

很久没上過兆萬開餐，之前覺得兆萬餐廳比較窄唔好座，但呢間上到去當日有卡位，座位也比想像舒服，食物算跟得上這價位，也送得算快，員工有禮，當日限時兩小時，夠鐘也没被趕走，現在没什麼放題可以慢慢傾偈聚舊,算不錯了。

第一次試午市，服務態度一流，食物豐富，座位和枱夠濶，坐得舒適，食都食得開心0的。必定會再幫襯。服務人員主動幫助顧客，訂位時體驗已勝人一籌，好有禮貌，到坐低叫野食時亦主動過來，可以講食左咁多次日式放題中，服務係最好的。刺身好味，雖然唔大件，但勝在夠新鮮，三文魚、帶子、自製玉子、泰式生蝦都好掂，另外串燒蝦，榴槤炸彈，生蠔，螺超正，又有海膽、鮑魚等送，全都美味，可惜我地兩公婆不能試太多食物，下次必定會再試多些不同種類食物，太多款拉。相信下次必定會食得更開心。

今日同屋企人慶祝生日，預訂左晚市放題，經openrice 訂送多左4個movenpick雪糕,而且remark 生日再送多左個蛋糕最值得一提ge 係有個高大手臂有紋身ge 店員服務態度好好，感覺好有heart. For example, he open the package of the wet tissue for me and lead us to the washroom by himself.but I think it is a bit embarrassing to play the birthday song when they send us the birthday cake. However, that's a memorable experience.寫中文好難過200字，所以轉左英文

第一次寫，因為剛剛食完老婆大讚，點都要我比d鼓勵間店，所以，第一次寫食評，簡單講，食物上到台仲熱仲有煙，服務員好好記性，仲記得我張台落過咩單，見到我地手污糟，仲開埋濕紙巾比我抹手,good

旺角大本瀛食物保持到.父親節來吃魚生刺身非常出色.入坐每人可以選movenpick雪糕或海膽刺身或生蠔1件三文魚.油甘魚.八爪魚.角螺肉.北寄貝.赤貝.帶子.甜蝦.泰式生蝦。 大大件厚身高質！刺身冰凍好新鮮天婦羅熱辣辣皮不厚。外脆有海老.秋癸.茄子.蟹棒.南瓜串燒蝦不錯很大隻火山溫泉蛋好好味燒羊架.豉椒炒蜆.飛天通菜.吉列炸蠔.韓式雞湯.雞軟骨. .....食物選擇很多！ 任飲任食 食物，飲品,甜品。好滿足！服務員招呼好好.主動問幫手影相，取飲品，取甜品,提醒食物已經吃完.要否加單等.....

父親節想請家人食餐好，見網上評價唔錯，見早一日有得訂位，就試下先食物質素ok，特別係炸物，上菜快，員工態度好好，又會主動收野飲品任飲，不過選擇較少，甜品每人兩樣，加埋訂座送的雪糕就3樣，如果你係想甜品飲本放題就可能未必岩食物種類都算多，較特別係有埋火鍋食佢哋會考慮埋你食野速度上菜，我哋唔小心叫得太多重覆既野食，最後叫佢哋cut 番佢哋都態度好好XD環境整體整潔，洗手間就不過不失啦總括來講會再幫襯

食物多元化，又快送上，職員有禮，照顧周到。職員又會主動問大家有冇咩需要、熱茶，一見碟上有餸渣，職員立即主動同你換新碟。而飲品見你飲曬，職員立即主動送上新一罐飲品。

美食多元化、質量上等、服務頂級的日本料理店 - 大本瀛日式放題今日同歌手朋友喺旺角附近練唱歌，唱完之後行下行下唸住搵間好少少既餐廳醫下肚，突然好想食放題，又行到去兆萬，於是就去左一間從未去過既日本餐廳度試下啦。由於係下午茶時段，餐廳唔算好多人，一上到去就已經可以即刻入去坐低了。一直都以為只係得2個鐘食，點知店員再提多次係有3個鐘食，我從未食過可以食到咁耐既一間放題店架，心中暗爽左一下餐廳裝修得幾有日本風格既，不過播既歌係韓國既就有D唔夾坐位都幾闊，坐得舒服既~點餐係用紙剔自己想食既野既。出餐都好快，5分鐘內一定出到餐。店員都好細心，有部分食物會提你先食左以品嚐最好既口感。咁就重點講下幾樣值得推介既食物啦 ~ 1. 火山溫泉蛋見到個名，估到佢黎到嘅時候應該係幾似火山既賣相。實物都真係好似日本富士山架 ! 佢地做到蛋白同蛋黃都呈半凝固半熟狀態，一啖吸入口果下真係好爽，再加埋甜甜地鹹鹹地嘅醬汁，鍾意食溫泉蛋嘅人一定要試試呢個 ! 2. 金菇肥牛卷相信呢一款經典嘅食物好多人都有試過，當金菇吸收左肥牛汁，而肥牛又煎到少少香脆，再一啖咬落去嘅時候，肥牛同金菇口感層次分明，滿口都充滿住肥牛醬汁，真係

同一班同事食飯，最好就係食放題，大家可以各式其式，食得開懷。上星期就黎左呢間樓上鋪食放題，book左位，雖然人未齊伙記都俾我地先入坐。開波當然叫先叫一大輪刺身壽司，黎到大大盤，顔色鮮明既剌身證明十分新鮮。刺身都切得夠厚，唯一爭啲既係帶子刺身唔夠大粒同厚身。壽司方面，細細件等你可以試到多啲唔同既款式，壽司飯都新鮮軟熟，平時怕肥唔太食壽司飯既我都食咗好幾件。之後開始叫熟食串燒炸物等等，因為太肚餓同食得太快既關係，熟食我唔記得左請相機食先🙈比較出色既有燒牛舌，炸雞軟骨，雞翼，羊架等等，總之應有盡有，食到捧住個肚。另外，每位重送一隻生蠔，開頭有啲擔心，點知出奇地新鮮，又甜又creamy😍飲品方面，都係一般放題任飲既野，汽水，烏龍茶等等，同事們最開心當然係任飲啤酒啦😎其實食物方面，呢度無乜特別要彈，係甜品比較爭啲，但性價比算幾高。重有要一提呢度既服務態度就真係估唔到。伙記個個都有禮貌，亦會留意客人有咩需要。離開時重幫我哋㩒埋𨋢😮咁耐無夜晚一班人堂食，原來而家啲放題服務進步左咁多👏🏻👏🏻值得一讚👍🏻

終於食到間好味既日式放題🥹🥹本身打算520去食，但太full無位就揀左平日下午食，無乜人唔洗逼🤣老實講，落單嗌既所有野都係熱辣辣上碟，食都食得開心啲☺️個手捲紫菜係脆架，幾驚會係伏食，靜係睇個脆紫菜都知一定唔差啦！刺身都ok既，正常水準，有三文魚腩，生蝦俾埋個泰式醬，呢到抵讚😜啲壽司🍣都好新鮮，放題黎講真係唔錯！食左好多野，所有炸物串燒都熱辣辣炸起上碟，唔會凍曬，其實呢度仲有火鍋食，不過太飽食唔落啦🫣阿婆既我食生冷野係配杯熱茶，無得自己沖，要叫姐姐俾先有，唯一想講下個飛天通菜真係好老😂😂😂#老過老油條Total埋單2個人$532.6。另外，佢地既服務真係好好，收碟快、上菜快。係甜品款少左啲🤏🏻有條傻仔寫紙嗌左一件一口泡芙，上碟得一粒應該係正常既，咁啱餐廳哥哥仔聽到某人講得一粒，轉個頭俾多4粒佢🤣

今日一行三人到兆萬十楼食日式放题；初以為食三小時，但告知三時前到就三小時；我地三點半到，只有120分鐘。用點心剔食物；無論是炸物；湯；鍋；芝麻雞翼....都非常熱及剛炸起，非常好味！壽司的飯又不太大件，剛好！可惜沒有淨鰻魚甜品每人兩款，小小美中不足！侍應哥哥妹妹態度非常好，又細心招待；美食之餘又渡過開心下午

星期四閒日去食放題每人埋單都要三百幾，品種又少，刺身又少選擇，就算落多幾件，有幾個人頭只會送來幾件食物，咁嘅質素都要咁貴價錢，環境又迫窄，飲品又少得可憐！其實三百幾蚊嘅放題喺其他放題店可以食到更好嘅質素～影響心情，所以大家唔好相信openrice訂位有優惠，價錢仲貴，仲話送雪糕，其實好多放題都有嘅普通雪糕，當係優惠，無語，評論仲要寫200個字先至可以發表，食到一肚氣，如果質素係咁嘅價錢仲無咁失望！

香港地好多人都鍾意食日式放題，我呀？都鍾意嘅。。因為我鍾意食壽司吖嘛😆。尼排我同d朋友就鍾意食尼間，點解呢？睇下你就知架喇。  魚生必定唔小得啦！大大盤有哂唔同款，真係大人細路都會“嘩”咁叫出黎，無論係三文魚、赤蝦、帶子定赤貝都鮮味十足。如果生蠔果排新鮮，都一樣有得食。到我最愛嘅壽司喇😍，火焰和牛壽司同黑松露帶子壽司都係我嘅至愛，和牛壽司充滿好香嘅牛肉味，配埋獨特調味醬汁，真係食到停唔到口。  而黑松露果種香味加埋帶子嘅鮮味真係無得輸😋。鍾意食海膽嘅朋友一定要試尼個用青瓜包住嘅海膽，青瓜嘅清新將海膽嘅鮮味提升到頂點，就連我經常去日本嘅朋友都大讚正呀👍👍。2百零蚊就有咁嘅質素，真係唔經常去都對自己唔住😂。@旺角foodcorps格言:  唔怕周圍食，只係怕你唔好食，哈哈~~~ 自問你嘅出品有100分?  歡迎搵我哋嘅金舌頭切磋切磋。😏wearefoodcorps@gmail.com#識飲識食 #金舌頭 #四圍搵食 #高質低食日式放題 #飲食blogger