大本瀛日式放題

营业中

休息中

爸爸生日，老人家都唔鍾意大搞，都係一家三口食餐飯，前一日喺OpenRice book咗位，上到去一講電話就入得啦當日星期一，夜晚七點入場，每位278 ，再加一價錢中規中矩，唔算話太平，但係價錢可以接受，點解我咁講，因為啲嘢食真係好有水準1.刺身新鮮，我爸爸特別鍾意嗰赤蝦，我媽咪就鍾意油甘魚，食放題我覺得如果刺身OK，就已經回咗本一半2.啲壽司用了都好新鮮，都好好味，我媽咪特別鍾意食火炙類，我都覺得幾好味，但係我唔敢食太多壽司，太易飽啦3.熟食方面，我覺得幾有驚喜，無論我係叫燒烤定係其他熟食，佢哋都係新鮮熱辣，有啲放題餐廳我哋叫一啲炸物，可能佢哋一早就好咗放喺度，所以一係就凍咗，一係就食得出去翻炸過嘅感覺，呢邊我覺得真係做得幾好，我真係好鍾意個飛天通菜，第一次喺放題食到呢個菜品4.炸物非常推薦榴槤炸彈，但係我本人冇食到，但係爹哋媽咪讚不絕口5.一坐低嗰陣時飲咗碗人蔘雞湯，真係好好味，雖然見唔到雞見唔到人蔘，但係啖湯令到近排降溫一入去凍冰冰既身體即刻亂晒6.我地一家比較細食，但係亦都唔想浪費，所以飽就夠啦，冇特別叫多餘嘢，但係呢個地方我哋會再去再試吓其他未食過嘅嘢7.服務真係好好，收嘢亦都

趁未去到日本,今日放假去食放題治療下心靈!可以推介呢間兆萬10/F的店鋪,午餐時段(12:00～15:00)前入座可享受3小時任食,每位加$40可任飲清/梅酒,今天我倆老都可以安排梳化位,員工友善,而我最欣賞係炸物,唔油及夠熱👍刺身食材新鮮,薄燒牛舌夠彈牙(同仙臺利久有得比)鹽燒大蝦肉質爽口,炸鷄軟骨佐酒一流。最後埋單兩位合共都唔洗$700蚊,環境頗寧靜,適合倆夥子或三伍知已暢談三個鐘。

現在香港真的很難有這種服務態度，平常用餐，不少地方都趕著你快點走，或者好像得罪了待應一樣。但這裡整個用餐體驗非常良好，食物有水準，價錢不貴，真的是放鬆享受食物的好地方👍🏻

兆萬大家都知道係惡魔塔嚟，但今次真係出奇地有超好既體驗。大本瀛服務真係好到不得了，除左會建議你食左啲咩先之外，態度仲勁好，仲好細心，唔單止會好快幫你清枱清碟（唔係催你走既感覺），仲見你差唔多飲哂杯啤酒會主動幫你勘過一杯👍🏻呢點真係唔係好多餐廳做到。另外佢啲食物種子真係勁多款，仲好新鮮，又快，真係值得一試。佢仲炸芝士真係好食到不得了，啲蜆仲要冇沙隻隻都啖啖肉，配上清酒味真係一絕。不得不提既係佢啲炸蠔同芝士焗蠔，真心講句200幾蚊既放題本來就唔會期望啲咩，但佢啲唔單止唔腥，仲好好食，完全超出預期。另外佢個火山溫泉蛋都好有心思，個汁係有蟹子，配埋壽喜燒食真係唔錯既🤤最後佢啲熱食都好好食，款式又多，真係值得再去多一次。🤤🤤

真係好期待呀！之前同朋友約左好耐的放題聚餐，十分之開心終於食啦！今次選擇左旺角既餐廳！係2小時大放題！！回本位置一定係刺身位啦！有希靈魚，三文魚腩，吞拿魚，甜蝦帶子，泰國菜式生蝦，全部都十分新鮮，完全唔會有海鮮既腥味，仲有甜蛋都係度入面估唔到今日仲有赤貝，立即覺得超抵食！呢D仲要全部都係任食位黎！泰國菜式生蝦附帶左好香酸甜的醬汁，點起身食好開胃呀！除左刺身，呢間店仲有泰國，東南亞既美食，日式既炸揚物，吉列蠔，同炸餃子好香口！再叫左個辣汁煮螺，香味濃郁！！最終再叫左個火鍋！有大蝦，青口，帆立貝！仲有我最鐘意既肥牛片！

絕不再俾機會一入到餐廳坐低咗。已經見到成條走廊都係垃圾！每一個店員行過都冇選擇去清潔咁都唔緊要！天婦羅好明顯係返炸咗幾次。層皮好過隻蝦而且炸物嘅油溫都唔夠出到嚟啲炸物已經全部淋哂。而且刺身方面cut單嚴重。見到個員工行過諗住叫佢幫我跟一跟，點知佢淨係叫我等陣等陣等陣。之後就已經冇咗件事。。。。最後嬲爆爆食咗唔夠一個鐘走人埋單就快！1分鐘唔夠已經即刻跑過嚟。收銀位仲要四五個員工企埋一齊。仲要埋單一人三百幾！！！！！！

放題篇〔大本瀛〕其實旺角既日式放題，都唔算差！今晚黎左〔大本瀛〕，我地早到左，職員都好好比我地入去座先，而且話人齊先計時，之後仲叫我地可以拎住野飲先！呢間放題座位唔算迫，坐得好舒服！食物種類都算多，職員有禮貌，間中會主動埋台，問大家有無咩需要，因為我唔飲凍飲關係，我問有無唔飲既野飲，職員話，你揀左想飲既野，我拎唔凍比你，貼心！人齊後，我地落order，野食算上得幾快，而且職員keep都不停收碗碟，刺身擺盆幾靚，我地叫左兩round，而且都新鮮，因為我食完無肚柯，哈哈！刺身款式都算幾多，赤背、生蝦、帶子、北寄貝都好好味，赤背好爽口，玊子好似好普通，但比想像中好味，甜蝦雖然細隻，但都唔錯！壽司方面，細細件，飯唔會好大舊，等大家可以試多啲唔同款式，同嘛好欣賞某幾種壽司，有黑松露醬，超好味的！清酒煮蜆，酒味唔算勁，蜆肉細細隻，正常發揮！冷盤涼拌，中華沙津，手帕青瓜，螺肉，八爪魚，都唔差！榴槤炸彈，外皮煙韌，入面系流心，好正！芝麻雞翼，炸得好幾，唔油唔多粉，外皮夠脆，入面好juicy，肉質嫩滑！熟食方面，樣樣都幾好，同嘛有生菜包，幾特別，唔係間間放題都有，而且生菜包唔算辣，我食到，因為我唔食得太

我從來都好懶唔會食評，但呢間真係不得不寫！因為員工既服務真係超好又幫得手❤️❤️基本上需要啲咩，要飲管，要牙籤，要紙巾佢地都會立即幫你手拎！仲要執野執得好快保證你夠位食新一輪既野食！又會關心每一枱客人❤️❤️例如我淨係落左一碟小食五個人分佢會考慮埋我地夠唔夠食問完我就立即去廚房拎多一份比我食物仲要好好食刺身，生蠔，火灸壽司👍👍，羊架，係飲品選擇會比其他少啲啲選擇但都夠飲既～員工真係比足100分！！♥️超勤力

好耐冇食放題，今日呀媽生日有半價就去試下，想讚下依間真係好好服務，上菜、收碟、交紙仔都迅速且有條不紊，服務員唔止有禮貌，重主動幫我哋影相，推櫈，招呼周到，服務態度爆燈！而且生日重送雪糕蛋糕，一啲都唔馬虎！食物方面以依個價位黎講算係物超所值，整體都新鮮同多款，下次會再考慮👍👍

嗰日係留下揀呀揀呀我唔知去邊度，是但揀一間啦。唔揀由自可，一間就賴嘢。入去食飯時候見到有三份一係空位，知道賴嘢。啲嘢到咗之後，其實兜刺身唔難食，係其他嘢極度差。天婦羅凍嘅👎，串燒牛舌冇牛舌味👎，通菜全部都係框冇得食👎，金菇牛肉卷啲金菇成條柴👎，壽喜燒牛肉鍋係一兜鹽水👎，炒蜆正常，其他太多不能盡錄。.食完所有之後，我再睇返OpenRice，729 like？係咪寫錯咗啊，729 dislike呀！.The Worst restaurant I visited in 2022.

兆萬係劣食之塔呢個朵都出晒名，但係今次呢間餐廳真心為個名平反左有兩樣野要讚既，就係大本瀛既熟食同佢地員工既服務態度呢間餐廳啲熟食係真係食完會想再返嚟食的，炒薯仔牛柳粒有鑊氣 飛天通菜同同個冬蔭公一流 其他熟食全部上到嚟都係熱辣辣 無花無假 真係估唔到有一日食放題會俾佢啲熟食吸引到想再返嚟食而唔係單單食刺身第二 佢地全部員工既服務態度都好好，小至傳菜生至門口接待處職員，大至服務生等等，無一不是極度良好既服務態度，到時呢間餐廳既老闆係點樣做到啲員工可以返工返到咁正能量架？真係抵讚，入門口果刻戴住口罩都睇到佢地既笑容，走果刻仲幫我地噴埋酒精消毒，真係感覺到佢地既熱誠呢間放題真係令我對兆萬既放題改觀，令我再有勇氣去試試其他入面既餐廳，聽講打邊爐果啲都okk，可以重新踏入「劣食」之塔喇！

好耐沒食過放題喇，咁啱有朋友要去外國，成班friend就經朋友介紹去咗呢間放題度食，本身諗住冇驚喜㗎，因為個個都話係劣食之塔，心入邊仲有啲淆底添，點知食完之後真心俾啲服務同埋嘢食感動左，專登上嚟寫我人生第一篇食評小弟平時日都間唔中食下放題，去開大喜X、大瀛X嗰啲食開，今次食兆萬10樓，都冇乜期望㗎啦，但係一上個刺身嗰陣真係有驚喜，三文魚油甘魚嗰啲基本款，睇得出唔係擺咗好耐嗰啲（食過包裝壽司嗰啲就明），全部都有光澤，其他貝類嗰啲就普普通通啦，反而個手切八爪魚都幾surprise，因為食得出係原隻八爪魚切出嚟嗰啲（唔係舊舊一樣樣），幾爽口其他珍寶帶子、泰式生蝦嗰啲都係正常質素跟住到熟食嗰部份，除咗一般放題嗰啲炸物之外，佢哋仲有個泰式料理，個冬陰功真心惹味，真係飲到去九龍城啲泰國人開嘅舖頭嗰浸味，仲見到一舊舊疑似香茅嘅物體應該都係真材實料嘅佢哋仲有啲泰式魚餅、飛天通菜啊、炒青口嗰啲如果成班人食嘅話就可以每樣嗌啲開心share啦，咁啱我哋成班friend去，樣樣都試咗碟、除咗隻青口細隻咗啲之外都係好食嘅。仲有佢哋個燒羊架，真心真心好食過酒店其實除咗野食之外，仲有樣嘢令到令到我決定要寫呢篇食評，

平日本身去嗰間餐廳原來做唔到下午茶，但係我又搵唔到附近有啲咩可以食唔同類型嘅餐廳，就腳趾下膽粗粗去咗兆萬搵放題食！本身都驚服，因為呢度出名係劣食之塔 Hold住先啦都唔係好多錢，就算唔好食咪早啲走嘅態度去！本身諗住睇完實情去8樓，但係佢又話下晝唔開叫我哋上9樓！我哋都係猶猶疑疑驚唔好食，入咗捏之後跟咗啲人上去10樓睇吓情況先查吓先！最後比較之下發現10樓都幾多人， 相反9樓就好似烏煙瘴氣然後一台都冇，好驚驚，直接去咗10樓！望望下俾老闆Cell左入去🤣食物款式我諗同大部份放題差唔多！最緊要佢刺身有帶子食不過呢度個櫃就冇Zero飲有就更好啦！非常肚餓啊！第一嘢就嗌刺身！我哋主要嗌下貝類，甜蝦雖然細隻，但係都唔錯！佢呢度嘅魚刺身相對日本，但係赤背、生蝦、帶子、北寄貝等等都好好味！雖然份量都係按人頭計，無論你寫幾多好似都係會想你人頭咁上下多少少不過我諗佢都係怕浪費！好味可以再嗌清酒煮蜆酒味唔重，有啲蜆肉OK啦冷盤涼拌木耳同埋手帕青瓜就太多油！不過木耳好厚身，感覺質素唔錯不過真係要少啲油！壽喜燒火鍋好味！不過唔好預啲海鮮就太鮮味，有少少梅嘅蟹肉，但係都合格！啲菜好好味呀！燒蝦反而香口好味啲喎辣

普通日式放題質素刺身非常失望 太冰 款式少連吞拿魚都無但定價偏貴交枱前10分鐘左右已經準備收你啲嘢仲食緊架喎一夠鐘就立刻清哂張枱上面嘅嘢連罐汔水都唔比人飲埋去我果陣仲有兩啖豆花食完走人 都感到有壓力真正*多一分鐘都唔會比你坐多陣**當日交枱時間係平日晚上接近9點 已經無客入 有一半吉枱 唔明點解要咁趕客食左咁多年放題都係第一次遇到咁趕法比咁嘅價錢咁趕人走 令人非常失望利申：試過兆萬好幾間日放同火鍋都唔會咁呢間真係無下次

在平日之黃金時段,以$278之價錢,食品選擇多,不止是日式魚生新鮮美味外,還有冬陰功及炒泰式通菜,兆萬中心上下有數間日式放題,我終於明白此店在閒日為何也有很多人食。除了食物外,要有競爭便是服務,侍應主動清理枱外還主動幫忙取飲品,最後還提供甜品紙,贊！