大本瀛日式放題

营业中

休息中

非常多謝服務員的優質服務，很貼心，很窩心，好耐無試過這種服務，好到我地都唔好意思！食物方面：所有食物都很好吃，三文魚、油甘魚、珍寶、帶子、甜蝦、刺身蝦全部很新鮮！冬陰功湯，雞湯，我哋每人飲咗兩碗！ 完全覺得係去咗泰國餐廳！熱食，串燒，炸物，全部都好味！

今日放工去旺角同舊同學聚會，同學提議食放題，所以就齊齊去咗兆萬中心度開餐，好耐都冇去兆萬中心，估唔到都幾多嘢食。最後揀咗最多好評嘅大本瀛日式放題幫襯，餐廳唔算好大，不過都坐得舒服，食物種類非常多，刺身都有十二款提供。刺身質素非常好，完全冇霉或者未解凍就上嘅情況出現，熟食方面亦係熱辣辣，而且味道都唔錯。食放題最怕嘢食上得慢，喺呢度完全唔使擔心呢個問題，係呢度由落單到上菜都超級快，落完單唔使幾分鐘就已經有得食。

第一次係openrice 打食評，同班friend 黎到大本瀛食放題刺身新鮮，有頭赤蝦正，大多數岀面係細細隻仲要係冇頭。仲有個泰式生蝦同個汁真係好正，又辣又爽口。壽司方面，和牛壽司個汁好正，辣辣地好惹味，而劍魚腩好鮮嫩，加埋白松露好岩口味！象拔蚌壽司有煙靭口感。熟食黎到熱辣辣，有煙出架！鹽燒牛舌又爽又有咬口，翠玉瓜夠曬多汁Juice，食完啲油膩嘢食返燒菠蘿解下油膩，好甜，啲色好黃一睇就知熟晒。燒蝦肉質彈牙大隻，羊架又唔騷又唔韌好好味，甜品仲有自家製嘅木糠布甸奶凍同熱糖水，果日食係木瓜雪耳同紫米露，唔知之後會唔會轉呢？整體用餐體驗好好，除非嘢食啲招呼都好，會對著你噓寒問暖，睇下啲嘢食會唔會未到，又提我地趁熱食，會再幫襯。

我今日6:45去食這個日式放題價錢偏貴，我見服務其實幾好，但係這間店舖的店員經常催促我們俾啲盤佢，因為我哋有幾碟食淨一兩舊他們就催促我們叫我哋將嗰幾舊擺埋一齊，這樣令我們覺得不太舒服和太趕時間，因為我們只想慢慢食同埋傾吓計，主要都係輕輕鬆鬆咁樣食，不太願意被人催促，至於在食物方面，整體大致上都滿意，我認為魚生好新鮮是水準之上，所以補充番雖然價錢偏貴但是值得的，除此之外我認為地方坐得舒服和有足夠的給我們五人坐，所以我都推薦大家可以試一試

好耐無去，生日三人行訂張枱去食下，可能真係好耐無去，啲食物質素差左，刺身擺得好靚，唯一保持水準，其實冇叫第二輪，羊鞍好細件又無乜味，牛肉粒同牛利好硬又有渣，鹽燒大蝦，D肉好梅，燒菠蘿好似冇乜燒過，仲好酸，每樣野都冇番单除咗通菜，定位時已說明生日的，見別人有歌有生日蛋糕，点解我朋友乜都冇，好失望，生日也没有優惠連蛋糕仔都冇個，見朋友有点失望，晚市比得呢個價，其實都好多選擇

我哋係1930-2130果轉放題，九點鐘果時last order,其中我哋叫咗個壽喜燒，跟住有個無著制服，可能係老細嘅人走過嚟同我哋講「咁晏先叫呢啲嘢食，嚟到你都食唔到啦」跟住我哋呆哂，俾唔到反應，佢下一句就話「呢個無㗎啦，你哋叫其他嘢食啦」然後我哋點咗其他嘢食，例如：燒粟米、牛舌、牛肉粒呢啲小食，但最後一樣都無嚟到。體驗極差，懷疑條友特登去cut 哂我哋啲單，跟住仲要將啲啤酒收埋去一個隱蔽啲嘅雪櫃，最後擾攘咗10分鐘先問個員工拎到罐啤酒。你放題任食又唔俾人點餐，咁驚人浪費食物就唔好做放題啦，仲要果時先九點鐘，我仲有成半個鐘都唔俾人叫嘢食，以後唔會再去，超伏仲有地板痴笠笠

唔容易同朋友約出嚟食餐飯聚下，新年食得多中餐今次就食放題，但就真係失望，漏單定走單都唔想深究，放題限時2個鐘，尤其係第二個鐘既漏單情況真係好唔理想，order而夠鐘前30分鐘落last order，交柯打紙後過左冇幾耐，餐廳侍應回應 : "你咁遲俾我，個壽喜燒我俾到你，你都食唔切啦" 。然後退回返哩張柯打紙我地，態度囂張。不過其他柯打紙（有4張）就冇退，我地都冇同佢地嘈，點知最後只係做左其一張，柯打紙比我地，唔想提供食物，何須浪費客人時間落單，同一價錢實在有好多好選擇！很差，沒有下一次。（收錢就半小時前已收左）

第一次係OpenRice 出食評上網見到人推介，所以帶咗爸爸媽媽同男朋友一齊試下感覺十分好Staff有禮，態度殷勤，食物新鮮，炸物燒物夠熱，每次都新鮮出爐佢地話羊架好好食，staff都溫馨提示話盡快食，免得有羶味兩個鐘不停食食食，好多選擇，飲品雪糕甜品款式好夠多啊！仲有，送個個生蠔同海膽勁好食！如果下次想食放題，我會再嚟

員工服務態度超班！上菜速度一流！埋單走時仲記得你貴姓道別！食物水準非常ok!人真係多 星期一都爆場 一定要訂好位！本身訂了7：45 但我臨時加多兩位 爆場都幫我解決問題！呢間放題既所有員工都好好！

為咗避開某連鎖，今次encore好耐以前試過嘅大本瀛但都怕退步中伏，怕嘥quota點知食物同服務都幾高水準係第二round刺身差咗少少但第一round刺身同熟食、炸物都好食食得出用心整唔係求其交貨中途食住傾時，個職員仲埋嚟叫我地停一停心諗咩事佢拎起碟軍艦壽司，原來佢想我地喺紫菜變淋前食咗先職員又成日嚟回收有殼有骨嘅碟，同換新碟畀我地見朋友換碟趕得滯掂到塊骨又即刻開張濕紙巾畀佢轉頭又主動畀疊紙巾同濕紙巾我地女職員見我地想自拍又主動話幫我地影仲話如影得唔好再叫佢真係勁過酒店係咪關疫情事呢令飲食業回一回氣定係間嘢真係一直咁有心咁有幹勁感謝款待，期待再戰

除夕夜食放題🥳， 今次揀大本瀛日式放題，位於旺角西洋菜街1號兆萬中心10樓。 其實我們一行四人都好耐冇食放題😆， 好多時都水準參差， 但今次真是一個大驚喜🤩。 大約八點到達， 場內坐滿客人， 我們一坐低就快快落單， 點知上菜速度超快😯， 完全沒有漏單的現象👏🏻， 最重要是店員服務很好👍🏻， 整晚不停為我們換碟， 是我食放題咁多年未見過的現象🤝🏻。 食物方面刺身、壽司🍣、熟食和炸物全部都幾好食， 刺身夠新鮮， 壽司飯唔會散， 熟食方面😋我推介羊架🍖、 牛仔骨、壽喜燒(牛肉入口軟腍) 、蝦串燒🦐和焗蠔🦪， 天婦羅🍤亦做得不錯， 最後甜品時間每人可以點兩款甜品另外再有雪糕， 甜品我推介椰汁紫米露， 有出面甜品店的水準， 雪糕🍦有movenpick， 大家記得留肚食甜品。 整個用餐體驗很好👍🏻， 希望餐廳keep住呢個水準，下次一定會再來😊。 🏷️溫馨提示～ 整個用餐體驗均屬個人分享意見， 只作參考😊。

早日三五知己相約，順聚一番。本想找個居酒屋等地好生聯誼一下，但朋友同時又想享用多種食物，最後在開飯啦做過資料蒐集，找到這間整體評價都不錯的日式放題。 當天經Openrice訂座，有生蠔，海膽鮑魚等贈送食品，本來對放題所贈送的生蠔沒有很大的期望，到上菜時卻有點喜出望外。生蠔尺寸合格，亦十分飽滿，問了店員，店員說生蠔來自法國，其實可以另外再單點，不過當天要留肚食放題的菜，便沒另外散叫。有興趣生蠔者可以試試 刺身方面，三文魚是厚切，食起來挺新鮮，另外有油甘魚，珍寶帶子等，而壽司方面，基本上都是細細粒，不會話要填飽客人肚推薦店內的軟殼蟹手卷，香口，紫菜脆脆的，還有黑松露壽司，味道十分濃厚，值得一試。 這次用餐最有驚喜的是熟食，所有熟食上枱時都是熱辣辣的，不會有其他放題一樣，先弄好後放一段時間才到客人枱上，推薦榴連炸彈，榴槤愛好者必試。另外溫泉蛋，叫了數隻，都是流心的，再配上特製醬汁，味道十分和諧再來，是間餐廳的小炒菜品，同為十分突出每次遇上桌時，都是熱氣騰騰，鑊氣十足！個人來說，認為這間餐廳的性價比不錯，有放題少有的機出生啤任飲，刺身款式種類繁多，熟食亦很優秀，絕對會再約知己探店

出lift見到門口個燈牌好光猛，啱啱行出去就被門口個人介紹啲食物俾我聽。佢話有火鍋有埋燒烤，所以我就入咗去試吓入到去地方都OK光猛，張枱都夠闊落，我兩個人食幾舒服！佢原來個火鍋係可以自己揀要同唔要，如果要嘅話就會上埋個爐俾你～我哋嗰次就冇食到火鍋，不過見到隔籬枱有一個爐自己淥幾得意^_^刺身，原來佢哋有吞拿魚同油甘魚，仲有原隻嘅赤蝦，呢樣真係幾驚喜！因為出親去食啲放題嘅赤蝦都唔連頭既，但係呢間放題嘅赤蝦挑埋蝦腸，都幾爽口！壽司都係基本款式啦，冇乜特別，細細粒，不過我哋唔係叫咗好多就唔評價喇。去到燒烤嗰part，亦都係我最期待嗰part，佢哋嘅燒羊架真係好正呀！簡直比酒店嘅水準更加好，佢哋嘅夥計話係師傅自己醃嘅，唔怪之得啦！跟住翠玉瓜都好有驚喜，燒到啱啱好，唔會太生，仲有燒大蝦，燒雞翼（我覺得好似譚仔嘅土匪雞翼）全部都上枱熱辣辣好正！短短兩個鐘時間，佢哋嘅夥計一見到我哋隻碟有骨就會即刻換，好爽手，同埋會關心我哋有冇爭啲乜嘢嘢食未到，係好貼心嘅招呼已經同老婆約定左，過幾日會同埋屋企人一齊嚟！

是一間有誠意的餐廳為何會這樣說是因為朋友介紹後的一次體驗， 10分良好。當天剛好婆婆生日，朋友介紹說有生日優惠，所以便去了餐廳用餐。他們的員工十分體貼，剛坐下來，因近日天氣寒冷，便馬上給婆婆一杯薑茶，甚至是在我們還未開口的時間變做出的舉動到我們用餐的時候，畢竟是有小孩和長者，沒有想到的是，當我幫小朋友剝完燒蝦的時候，他們的員工便馬上給予我濕紙巾，同樣是我還沒有開口的時候！到最後用完甜品，餐廳突然響起生日歌，原來餐廳為婆婆準備了生日蛋糕，現場氣氛十分好，婆婆雖然腼腆，但亦看得出她內心其實十分高興！餐廳的食物方面，種類繁多，燒烤刺身壽司炸物天婦羅等等，多不勝數，食物的質素亦比預期好，再加上他們窩心的服務，令我決定要寫這一篇食評，希望他們的老闆會看到我們對他們的員工的讚好，哈哈！

日式放題五花八門 一個價錢想食盡日式料理 又想要體驗貼心服務 呢間絕對係不二之選可以大飽口福 仲可以滿足各人口味需求📍大本瀛日式放題 旺角西洋菜街1號兆萬中心10樓地理位置優越 餐廳環境寬敞經OpenRice訂座送即開生蠔/海膽/原隻磯燒鮑魚/MÖVENPICK®雪糕 (每人可4選其1)好可惜海膽只有兩份 生蠔無貨只得鮑魚😅壽司 刺身 手卷 炸物 串燒 應有盡有-刺身有北寄貝 三文魚 油甘魚 吞拿魚 大赤蝦 甜蝦 赤貝 鮑片 螺片 帶子食材新鮮-串燒多春魚-鹽燒珍寶大蝦-鹽燒牛舌 勁嫰滑 誠意推介-壽喜燒牛肉鍋-香蒜煙肉焗北海道帆立貝-和風芝士焗廣島蠔-劍魚腩刺身其實Menu本身係無劍魚腩刺身我問朋友:有冇劍魚腩刺身職員咁啱聽到 同我講:劍魚腩只有壽司 但可以拎俾你 你想要幾多片？特意喺廚房幫我拎出嚟 殷勤嘅服務 真係💯🌟總結🌟食物味道平均食物種類多環境舒適服務態度滿分