大排檔小炒 (華發大廈)

营业中

休息中

19:30入到去都居然坐滿8成已證明咗名氣十足喇😎就等我哋試下佢係龍定係蟲！坐低唔後唔洗講咁多，即刻叫支大青島 ($36) 啤一啤佢先！佢哋係用興咗好多年，雪到凍冰冰嘅戰鬥碗 ，江湖味濃同時豪氣十足😤乾扁四季豆 ($78)：好濃味，四季豆算清理得乾淨，無根👍🏻肉碎份量算多乾鍋爆生腸 ($118)：上枱熱辣辣亦好香🥹食落點鬼知生腸完全唔入味，不過好爽口，呢味餸就較為失色少少🤏🏻水煮牛肉 ($158)：一見到，俾啲辣椒🌶️嚇一嚇，以為好辣 點知食落不算太辣，係麻！牛肉略嫌用得太多梳打粉去處理，口感係茶餐廳嘅沙爹牛肉咁，無乜牛味🤷🏿‍♂️不過佢啲配料、芽菜等份量好多

Another friend is leaving HK so we decided to have HK-style cuisine for our farewell party.We ordered their signature dish - sweet and sour pork. It was yummy 🤤 We had prawn with white pepper. It smelled and tasted very good !Deep-fried squid 🦑 was perfect match for ice cold beer which was served in chilled rice bowl. Spicy fried crab was also tasty 😋 Very happy gathering !

1️⃣⭐️蜜薯牛柳粒 $118 (7.5/10)⭐️超級好食嘅一道餸😍 識食一定係食薯仔多過牛柳粒🤣 薯仔炸到好香脆，撈埋黑椒汁味道一流👍🏻 薯仔唔會因為咁而淋咗，真係爭住黎食🥳 牛柳粒都唔少，都幾大粒😆 雖然都淋但略嫌多咗少少鬆肉粉🙈 整體如果價錢平返啲就會更加高分‼️2️⃣ 拔絲咕嚕肉 $98 (6.5/10)咕嚕肉都好多人叫🤤 朋友一向怕酸都話哩間甜酸balance得好🥰 咕嚕肉好大粒，裡面一啲都唔韌👍🏻 大大舊不過炸粉厚咗啲🐽 整體表現都唔錯

食物水準小小唔夠保持得好，小炒王同上次食嘅味道一樣，煲仔飯就完全唔同啦，啲米都係碎嘅，口感奇差，同伙計講咗都沒用。椒鹽大蝦，牛柳粒，粉絲煲都幾好味， 最好食嘅係豉油雞，肉質好爽滑，入咗味但又唔太鹹

食物質素大改進🤟🏿過往幾次都覺得食物好油，雖然知道大排檔都係偏油，但之前嘅感覺係好似用油唔使錢😂😂水煮牛肉一打開個蓋就聞到好香嘅花椒味，用料豐富一啲都唔吝嗇，乾辣椒🌶️牛肉🐮蓮藕仲有豆卜。整走表面嘅紅油後，湯底有啲似酸菜魚嘅味道係會追住嚟食😋 如果有埋薯粉同多啲芽菜就無得頂了蕃茄魚湯浸白菜蕃茄夠甜、白菜淋無沙，成碗湯感覺好清新照飲都無問題🍲同樣地都係好足料順帶一提，落單嘅時候職員好窩心咁提醒雨次外賣可以先打電話咁就唔洗等咁耐啦

除左唔掂之外，仲係唔掂，無下次👎👎👎👎👎咕嚕肉粉厚又唔夠脆，啲菠蘿個味又怪怪哋嘅； 酸菜魚啲魚唔夠滑，湯唔夠酸亦唔夠辣； 最離譜係個椒鹽粟米，好肯定係蒸熟咗啲粟米，然後兜兩兜就話係椒鹽粟米，啲粟米完全係軟奶奶嘅🙄🙄黃金蝦叫做較為正常，不過如果可以多啲鹹蛋黃醬會更好； 辣子雞都算係正常啦，夠辣，不過啲雞就雪味比較重😅後記：我哋總數食咗八百七十幾蚊，但埋單同我哋講：唔夠一千蚊唔可以簽卡😆😆

放工懶得諗食咩所以揀咗間近近地嘅大排檔😄餐廳食物選擇好多👏🏻👏🏻而且整體食物都幾好食👏🏻絕對會回頭👍🏻👍🏻▾▾👍🏻乾燒蝦油粉絲煲 $𝟗𝟖 ▾餐廳必食推介👏🏻👏🏻 🦐同粉絲呢個配搭真係無得輸😍 粉絲煲唔會太乾/太濕 每條粉絲都索哂d蝦油😍😚而且🦐都好新鮮爽口🤤🤤🤤諗返起都好想再食😂一定要食‼️‼️椒鹽惹味粟米 $𝟕𝟖見到幾乎每枱都有叫呢個😂用炸蒜辣椒炒既🌽🤪🤪食落幾香口!不過個人都係比較中意食鮮甜既🌽🥹👍🏻蜜薯牛柳粒 $𝟏𝟏𝟖 ▾另一個餐廳必食推介👏🏻👏🏻好難得薯仔同牛柳既份量係平均😂👏🏻薯仔同牛柳粒都沾滿蜜糖😚😚而且牛柳粒炒得好淋☺️☺️☺️魚湯蒜子浸時蔬 $𝟖𝟖 ▾一碟普通既菜都好食🤤🤤魚湯好鮮甜 飲到停唔到口😂😂😂除咗菜仲配搭咗好多🍄 幾滿足😂✦ ✦ ✦特別留意餐廳$1000以下都要收cash😂大家要準備好先去🤪𓂀 💰 $𝟏𝟓𝟎𝘱.𝘱 ( 𝟑 𝚙𝚙𝚕 • 𝚍𝚒𝚗𝚗𝚎𝚛)𓂀 🏃環境舒適度: 𝟛.𝟟 / 𝟝💵ℂℙ值：𝟛.𝟠 /𝟝👀回頭率：𝟛.𝟠 / 𝟝 𓂀 𓂀

星期日，去買啲外賣返屋企！頂入到去門口個阿姐西口西面不特只。叫完3個餸都4嚿幾！仲好不屑咁話2000以上先碌卡，跟住又話唔係係1000 以上！以前食過啲味道一般好少少！啲嘢鬼咁重味精！又唔見得特別好食！同區大把好過佢！但係啲咁嘅態度！no next time la! 三餸飯嘅姐姐都好態度過佢。Is really pissing me off. Bad service, food a bit over standard only total not worth it!

天氣乍暖還寒，急需熱辣辣嘅美食嚟撫慰心靈！呢間同好多朋友介紹過，零負評嘅大排檔小炒 比一般大排檔環境頗為乾淨企理，味道出色加上份量感人，兩個人嗌三味餸絕對夠晒滿足 🤪重中之重要推薦呢一道乾燒蝦油粉絲煲 ($98)，為咗佢都一定一定要嚟食一次 ‼️ 滾燙嘅瓦煲上檯時，鼻腔一秒充斥住蝦嘅香氣，「卜卜卜 🛁」嘅聲音令人胃口大開，粉絲煮得乾身，完全吸收甘香嘅蝦油 🦐 伴以細碎嘅蝦肉粒、豬肉同椰菜絲，口感非常豐富 😋 老闆建議海鮮菜式提前於訂座時預留，確保唔會錯過難得嘅美味 😍必食嘅仲有黃金脆鮮魷 ($108) 平時唔太鍾意食黃金系列因為多數都好膩，但師傅選用嘅鹹蛋黃相當高質 👍🏻 豐腴鹹鮮嘅金沙包裹住脆嫩鮮魷，太好食啦！😱避風塘茄子 ($98) 外層粉漿薄脆、內裡軟滑 🍆 大大嚿茄子伴以惹味炸蒜，鑊氣十足 🔥另一招牌拔絲咕嚕肉 ($98)，係咪聽到都流口水先？🤤 咕嚕醬汁酸甜適中，表皮做到焦糖酥脆更帶拔絲效果，似係沿用傳統手法麥芽糖調製 🍯 用到嘅肉比較肥同切得大嚿，肉質唔算特別出眾，粉漿略厚，但整體味道不俗。另外仲試過幾道菜，平均水準都唔錯，唯獨係酸菜魚較為港式，一啲都無酸辣嘅感覺，唔推薦

大排檔小炒乾煸四季豆黃金脆鮮魷蜜薯牛柳粒金牌煲仔飯(細) 價錢💲: $78/ $108/ $118/ $138好味程度😋: 4.3/5服務🍴: 3.7/5環境🗾: 3.7/5性價比🥢: 4/5回頭率😚: 4.3/5-想食大排檔小炒但又覺得大排檔環境唔係幾好，來呢間就好啱了！因為佢有齊所有大排檔菜式，晚市都坐滿架！💛-✅乾煸四季豆。先走油的四季豆加大量的欖菜肉碎非常香口😋小小的辣味，好適合撈飯。呢碟餸都唔會炒得太乾身，啱啱好☺️-✅✅黃金脆鮮魷。呢個都算大碟！鹹蛋黃份量絕對冇在吝嗇，每一舊都沾滿鹹蛋黃，有沙沙的口感同好邪惡的味道😈脆粉厚度正常，入面包住的魷魚新鮮，唔難咬唔韌😚 最鍾意有好多大大塊白色個D，唔會整係得鬚，最緊要係鹹蛋黃真係好好食！-✅蜜薯牛柳粒。份量雖然唔多，但好難得牛柳粒的數量好似比薯仔仲要多！每一粒都被蜜糖包住，好幸福😝 薯仔可以再脆身D🧐 牛柳就夠淋，肉質正常，贏在份量。-✅✅金牌煲仔飯(細)。雖然係細，但4個人分都一人有一碗多小小。入面有臘腸、潤腸、臘肉、蝦米同椰菜仔等🤤 全部材料切粒，出晒味落個飯到，又容易食👍🏻 臘味令到飯香就一定，蝦米都絕對幫到手增加惹味感。有啲

作為香港人，風味十足嘅大排檔係我最鍾意嘅餐廳類型之一。今次同朋友慶祝生日，就book左呢間位於銅鑼灣嘅大排檔小炒。餐廳平日嘅晚上人流都幾多，想食嘅朋友最好預先book 定枱。✨豉汁蒸白鱔（$168）每次必點❤️白鱔蒸得剛好熟，豉汁咸度剛好，魚肉鮮嫩。✨椒鹽惹味粟米（$78）推薦💖幾特別嘅一道菜，食落椒鹽味同鵲香突出，非常香口。✨棱鹽九肚魚（$108）九肚魚大大件，外層炸皮唔會太厚，外脆內嫩。✨豆腐魚頭湯（$138）都幾鮮美嘅一道湯，大大煲每人都夠分到幾碗。✨脆炸BB乳鴿（$62）乳鴿新鮮炸起算係正常發揮。✨生炒糯米飯（$128）糯米飯都相當唔錯，入面落足料，每啖都食到臘味，推薦。

銅鑼灣超港味大排檔，最重要夠鍋氣，超多菜品可選。人氣比較旺，最好提前訂位，不然有可能吃不到。 -🍃環境有冷氣，地方非常寬敞，坐著舒服。-🍴餐飲🐓「客家蔥油雞」168HKD蔥油雞的精髓就在蔥花上，用油潑過的蔥花很香不咸，不會蓋過雞本身的鮮味。味道很港式，很地道，唯一不好的就是那天的雞有點小肥。-🌶「農家小炒肉」108HKD是一款有驚喜的菜，剛上菜青椒看起來很像豆角，但吃起來很有辣勁，喜歡吃辣的可以試試。-🫒「欖菜肉碎四季豆」78HKD感覺這個才是真正男人的浪漫，男生超愛，算是最有鍋氣、讓人開胃下飯的一道菜了。-🍲「毛血旺」308HKD很欣賞這裡的毛血旺是用厚美林火腿做的，裡面還有牛柏葉、鴨血、肉片和超多配菜，份量比較大。愛姜蔥的我真的很喜歡那滿滿的蔥花，雖然用的是紅油，但吃起來不會油膩。-🥩「芥末沙拉骨」98HKD這款味道是有趣的，但與其他對比相對不會這麼推薦。排骨是很酥脆，前幾口很香口，但吃多容易膩。-💁🏻‍♀️服務老闆很好人，現場超級忙，但也很耐心幫我們推薦好吃的，所以今天基本沒有踩雷。

今晚又係小聚會 平時會叫炸雞 不過想轉左其他口味 就係李家隔離有間小炒 朋友所推介呢到 今次第二次食 第一次叫左 炸豬手 覺得麻麻地 今次再encore 既係拔絲咕嚕肉！ 今次叫左4 個送 其實仲想試吓生腸雞煲 不過佢啲朋友唔食得辣同埋唔食內臟 所以都係有機會再試 小炒王 8/10入邊有啲嘢炸到好脆 以為就係腩片😂 我想講呢間野係好興炸嘢😂😂 仲有啲炸魷魚鬚 不過好細 主要都係菜炒菜 不過有個朋友話呢個最好食！ 我覺得都唔錯！ 野味 如果辣少少就🤣 拔絲咕嚕肉 9/10 佢每個外賣盒都展開左嗰個梳下氣 所以冇淋到 鐵板爆炒腩片 7/10入邊有蓮藕豬腩片 豬腩片份量都多 不過味道好濃 未必個個啱食我覺得還可以接受呢個大家斟酌下 豉油雞 （全隻）6.5/10夠入味！ 皮好飽滿 不過肉唔太多 同埋可以再亂小小 呢個價錢覺得差小小

有限時八點前要交枱，睇完餐牌叫餸，叫乜無乜，又要由頭唸過🔥。六點幾落晒單，一個鐘後仲有野未嚟，同侍應反映左一次🔥，再過20分鐘，再反映一次，交枱前半個鐘先話個餸要等半個鐘，🔥下？？？問佢如果等埋，係咪可以食完先交枱，佢話「唔得」⋯⋯🔥埋單個收銀仲話：今晚好多外賣，所有有漏單！🔥🔥🔥咁不如貴公司咪鬼做堂食要啲客受氣受罪，以後長做外賣啦！🔥🔥🔥講句公道說話，啲食物真係好食嘅，但係咁嘅服務態度，真係太離譜喇～🔥🔥🔥1)已經叫乜無乜 2)仲有漏單唔跟3)服務態度差4)室內空氣質素差5)食到一肚氣，嬲到震🔥🔥🔥

係港島有時都想食下啲地道大排檔 黎到大排檔小炒試下先💛 拔絲咕嚕肉($98)見呢個係招牌菜都試下 比較特別係佢真係做到焦糖效果 啲皮+汁會黐住啲牙既感覺 新鮮炸起炸得夠香脆 好好撈飯✨甜甜酸酸個汁都ok既😆椒鹽惹味粟米🌽($78)真係夠曬惹味 好多炸蒜少少辣椒葱一齊炒🙌🏻粟米炒得幾乾身幾香口👍🏻第一次食覺得新奇有趣🙈不過加埋可能只得一碌粟米到 買開餸知價既感覺唔太抵😂瑤柱蛋白炒飯($98)分量十足 2個人食勁飽🙈味道so far so good講句公道說話 係灣仔銅鑼灣黎講咁既價錢食到咁既質素 坐得舒服乾淨企理 算係不錯啦💛為食指數: 3.1/5性價比指數: 3.1/5推介指數:3.1/5