大排檔小炒 (華發大廈)

营业中

休息中

大排檔小炒位於駱克道嘅大排檔小炒，交通好方便，地鐵站過嚟都係10分鐘內就到。大排檔嚟講佢嘅裝修都算好新淨。今次同朋友嚟食坐張細枱，但係都好闊落，放到4個餸以上，店員們都好有禮貌，抵讚☺️👍🏻值得一提佢哋叫啤酒嘅話係用戰鬥碗飲，好有特色😜同朋友都好肚餓所以叫咗幾個小菜，全部都好好味。😚就算唔係叫招牌小菜都咁好味，我相信其他小菜一樣咁穩陣👍🏻拔絲咕嚕肉真係做到有拉絲效果，就算放耐咗入口一樣都係好脆，甜酸比較調教得啱啱好，絕對係我食過最好食嘅咕嚕肉之一😋魚香茄子煲茄子好腍好入味，個醬汁好香濃，仲有種出面比較難食到嘅鑊氣，可以送到好多碗飯食😋黃金脆鮮魷外層炸得好脆又好薄，仲有大量嘅流沙鹹蛋黃醬，真係好有驚喜，分量仲有好多😋脆炸BB鴿外皮好脆，雖然係BB鴿但係啖啖肉，一隻兩份真係唔係好夠喉🤤

=======:::========🥰地道撚手小菜🥰位於駱克道嘅地道大排檔 充滿港式風味 環境乾淨舒適 深受街坊歡迎 （冇去過啲咁乾淨嘅大排檔）-🌽椒鹽惹味粟米 $78粟米香甜新鮮 配合椒鹽 格外惹味開胃 適合餸啤酒-🍗大漠風沙雞 $168/ 半隻雞皮非常脆口 食落卡卡聲 雞肉亦都好新鮮幾嫩口，我同朋友都爭住食-🥓拔絲咕嚕肉 $98咕嚕肉炸得好脆 配合特製酸甜醬汁 非常正宗 撈飯食好好味-鍾意地道廣東菜嘅朋友真係不容錯過！-📍大排檔小炒 (銅鑼灣)銅鑼灣駱克道405-419號華發大廈地下A號舖

之前同朋友嚟食過一次 一直念念不忘 忍唔住又揾朋友再嚟💛如果你想揾間小炒黃得嚟又好食好有鑊氣嘅 就一定要嚟呢度大排檔小炒喺銅鑼灣駱克道近鵝頸橋 另外仲有一間分店喺灣仔 食物選擇都有好多 海鮮/豬牛雞/菜係基本 如果想食再地道啲嘅野都仲有煲仔飯/炸大腸呢啲比你揀🤪▪️ 脆炸BB鴿分開四邊 share嚟食就啱晒🥢外層勁脆 肉都幾多汁 而且一啲都唔油 好犀利👍🏻本身配咗淮鹽同豉油 不過我哋覺得就咁食都已經好夠味▫️ 黃金脆鮮魷一食即刻嘩出嚟😍醎蛋黃起晒沙 味道濃郁 雖然邪惡 但真係好鬼好食 鮮魷口感又夠爽口彈牙 而且又係做到唔油膩 要比💯▪️ 拔絲咕嚕肉一嚟到即刻試吓係咪有拔絲效果先😆真係有嘅 呢度嘅咕嚕肉一直好受歡迎 質素真係好高 無乜肥肉 甜酸度啱啱好 而且每一件都好脆 就算食到尾聲 咬落去都仲有咯咯聲㗎▫️ 魚香茄子煲用砂煲上菜 一直保持到個温度🔥呢個應該係我食過最好食嘅魚香茄子 好有鑊氣 夠晒醎香 送飯一流🍚真係停唔到口小菜份量全部都唔少 我哋兩個人叫咗四樣嘢 係有少少過分嘅🥹不過飲埋酒 加埋一都係$500多啲 真係好抵食

👍🏻 薑蔥桶蠔煲上檯時煲內發出滋滋聲 可想而知 一定好夠熱同獲氣🔥桶蠔隻隻都屬於巨大型 有我半隻手掌咁大喔🙈薑蔥調味一定唔會輸 桶蠔熟度剛好！非常嫩滑 有鮮味之餘 又食到醬汁香✅👍🏻 大排檔小炒王去得大排檔緊係叫小炒王 小炒王鑊氣十足 韮菜加埋炸魷魚🦑、蝦乾、銀魚仔等做配菜 非常濃味 送飯好正😎另外份量都好足 我見每一枱都有嗌！注意事項⚠️- 每檯會有一小碟收費小食 非常開胃🤗- 餐廳經常有人龍排隊 想食就先向餐廳訂坐

銅鑼灣人氣大排檔，啱曬行完街去食飯!有不少鑊氣小炒選擇! 可選海鮮 牛豬雞 菜等! 樣樣都有水準，多啲朋友食可以試多幾款食物!.蜜薯牛柳粒 $128: 薯仔粒炸過好香脆🥔 黑椒牛柳嫩滑多汁 加蜜糖甜甜咸咸好惹味☺️ 仲有彩椒爽脆多汁😚.大排檔小炒王 $128: 食大排檔必叫小炒王😉 韮菜爽脆鮮嫩 有蝦乾、魷魚、炸豬皮、榨菜、花生等! 夠曬鑊氣😍.黃金脆鮮魷 $128: 咸蛋黃香濃重味 外層脆香，包住鮮魷好邪惡😋 送飯一流👍🏼

位於銅鑼灣駱克道嘅大排檔小炒，坐喺室內都能夠食到咁有鑊氣嘅小炒，絕對衷心推薦比大家。呢度嘅環境都好舒適，地方好乾淨，座位亦都好寬敞，而且店員嘅服務態度都非常之良好☺️呢度嘅食物份量都幾大，我哋叫咗一個煲仔飯，入面有臘腸，膶腸同椰菜，而且做到有飯焦。招牌菜拔絲咕嚕肉，我本身已經好鍾意食咕嚕肉，呢度做得好唔錯，肉質夠靚。果汁嘅甜酸度亦都適中。仲有個魚香茄子煲，熱辣辣，我好鍾意鹹魚嗰陣香味，好正。份量亦好多。最後一個係黃金單骨雞翼，鹹蛋黃味濃郁，邪惡蛋滿足。外層炸得好鬆脆，值得一試。

🥔蜜薯牛柳粒 $118🍲沙嗲金菇牛肉煲 $108🥧鹹蛋蒸肉餅 $98🔸眾所周知，薯仔牛柳粒嘅主角係薯仔，牛柳只係配角😏今次食嘅呢間新派大排檔煮出極為出色嘅薯仔牛柳粒～主角蜜薯嘅外皮係我係食過最脆嘅😍而甜度都剛好，接近滿分之作；配角牛柳都唔馬虎，保持到牛肉嫰度，水準十足👍🏻整體嚟講仲好食過我食過其他好出名嘅老派大排檔🤣🔸另外兩碟雖然無蜜薯牛柳粒咁驚喜，但一樣穩打穩扎🤩沙嗲金菇牛肉巧妙地唔用傳統肥牛，令到成個煲嘅膩度減少，感覺更昇華；而鹹蛋蒸肉餅十分鹹香餸飯，重點係比平時食到嘅肉餅大咗10%以上，抵食😋🔸可以舒服咁坐，又食到大排檔風味，仲要價位比好多傳統大排檔都要平，呢間餐廳真心值得一試😎

再訪長期客滿的撚手小菜大排檔\( ´ω` )/新派的裝潢仲可以涼冷氣 環境都好舒適之前食過蜜薯牛柳粒&雙餸飯都很不錯水煮魚都有水準耶 送飯剛剛好 還份量十足周圍食啲煲類既小炒都好香🥺除左酒樓 好適合帶屋企人去食下.▫招牌水煮桂花魚 $208上次已經想order 今次終於都食到店員話係3-4人份量 即刻嚇親😶果然好大盆 落滿左花椒同辣椒等🌶️辣度剛好 椒味較重 惹味得黎忍唔住係咁食塊塊桂花魚片都好大片 啖啖肉好爽滑仲索晒味.ᐟ‪‪.ᐟ配料有芽菜.蓮藕.豆卜.木耳等 好豐富desu.▫金銀蛋肉碎浸時蔬 $88食完辣野要食菜清清腸胃( ⋅֊⋅ )‎و落左鹹蛋黃皮蛋的湯底去浸 調味剛好 生菜吃起來好爽口入味😗

✨炸大腸💰98💫評分: 7.4/10📝記得要趁熱食，好足料好大碟，唔會有怪味，炸到脆卜卜，送啤酒一流，啤酒🍻仲係用飲勝碗裝🤣✨拔絲咕嚕肉💰98💫評分: 7/10📝醬汁甜酸度適中，好開胃，超輕微嘅拔絲，表皮酥脆，入面嘅肉少肥啖啖肉！✨魚香茄子煲💰98💫評分: 7.3/10📝個煲上枱嗰陣熱辣辣好多煙，用黎送飯簡直一流，簡單嘅美味😋，食到鹹魚味香！大排檔小炒 📍銅鑼灣駱克道405-419號華發大廈地下A號舖(銅鑼灣🚇C出口行4分鐘就到)💫評分: 7.2/10💬有冷氣嘅大排檔， 平日都多人食，適合一大班人一齊叫餸食飯，兩個人叫3個餸already好飽，唔驚太熱食唔到大排檔🤣，薯仔牛柳粒都好想試，多啲人嚟可以叫多啲餸🫶🏻❣️其他分店❣️📍灣仔天樂里2-4號金豐商業大廈地舖🏃🏻‍♀️再訪？🄼🄰🅈🄱🄴#大排檔小炒 #新式大排擋 #大排擋 #焗魚腸 #魚香茄子煲 #銅鑼灣美食 #銅鑼灣 #拔絲咕嚕肉 #咕嚕肉 #中式 #大排擋推介 #飲勝碗 #懷舊美食 #香港美食 #foodieblog #instadaily #foodporn #hkfoodblog #discoverhk #tagsforlike #

估唔到港島都可以食到鑊氣小炒 就算閒日星期四晚幫襯都係坐滿人😌😌可見其受歡迎程度 菜式選擇比想像中多 有選擇困難嘅話可以點招牌菜☺️ 今次精選咗送飯 送酒都適合嘅小菜📌豉椒炒蜆 $108惹味到爆 蜆無沙 味道唔會話好辣 仲帶一點甜味 係一款送飯一流嘅餸菜☺️📌牛油白飯魚$128炸到脆卜卜嘅白飯魚真係理想下酒小菜配埋戰鬥碗飲別有一番風味😆😆😆 如果牛油香味再突出/加炸蒜啲會更好😙📌蜜薯牛柳粒$128甜度出過黑椒香味 薯粒香脆 牛柳軟嫩😌

餐廳：大排檔小炒 (銅鑼灣)地址：銅鑼灣駱克道405-419號華發大廈地下A號舖大排檔小炒 @daipaidongfried 分別喺銅鑼灣駱克道同灣仔天樂里開咗兩間分店，兩間店鋪相隔兩三個街口，差唔多晚晚都坐滿人，人氣真喺幾旺盛🔥今次去咗銅鑼灣呢間開咗一年半嘅第二分店，老闆希望做返舊時大排檔嘅特色🥢，同喺港島區比大家用一個相對平民嘅價錢食到高質嘅大排檔美食，堅持貨真價實，用最新鮮嘅食材，同時主張即叫即做，每碟小菜都夠晒鑊氣😋✝️蜜薯牛柳粒 $128大排檔小炒嘅必食推介有唔少，款款都大獲好評👍，除咗拔絲咕嚕肉、鐵板乾鍋爆生腸、蜜燒豬頸肉之外，呢個蜜薯牛柳粒真喺唔可以錯過🤤。牛柳粒同薯仔份量夠多之餘，牛柳粒好有鑊氣，薯仔粒表面焦脆🥔，兩者都充滿蜜糖香🍯，香濃惹味🤩，就咁食有少少溜，配飯食就真喺一流😽✝️北菇雲耳蒸雞 $128即叫即蒸嘅北菇雲耳雞🐔，無論雞肉、冬菇以至雲耳都好腍，雞肉鮮香嫩滑，唔嚡又唔老，加咗醬汁同蔥花，忍唔住食完一舊又一舊✝️鮮茄肉碎魚湯時菜 $98勁大兜嘅時菜，揀咗白菜仔，裏面有雜菌、肉碎、蕃茄🍅、西芹、薑蒜等配料🧄，魚湯一啲都唔覺得加咗味精，就咁飲都好清甜，仲有陣陣蕃茄酸甜香

今次試第二間大排檔😚 當日未到六點門口已經有人等開門 星期日夜晚座位都坐到7788今次點咗三個招牌試下😛😛拔絲咕嚕肉 $128 係呢度嘅招牌菜 份量真係幾多🥹每舊都大大件 每件都啖啖肉冇骨 外皮脆得好脆 酸甜適中😙 連啲椒同洋蔥都好好食乾燒蝦油粉絲煲 $128有白菜粒蝦仁同蛋 熱辣辣好香 粉絲真係一樣好好食嘅嘢🥺將成煲野既精華吸哂 因為食食吓冇郁到底層啲粉絲 竟然燒到焦脆🤣 但呢個菜凍咗就覺得有啲鹹 所以要快啲食咗佢😉！小炒王 食大排檔我都好鍾意叫呢個 我個人幾鍾意食韭菜花 有好多唔同嘅配料 有蝦乾、炸豬皮、腰果等等 口感好豐富😆

𝗹𝗼𝗰𝗮𝘁𝗲𝗱 𝗶𝗻 𝗰𝗮𝘂𝘀𝗲𝘄𝗮𝘆 𝗯𝗮𝘆, @daipaidongfried 𝗵𝗮𝘃𝗲 𝗮𝗹𝗹 𝘁𝗵𝗲 𝗴𝗼𝗼𝗱𝗶𝗲𝘀 𝗮𝘁 𝗮 𝗱𝗮𝗶 𝗽𝗮𝗶 𝗱𝗼𝗻𝗴 𝗯𝘂𝘁 𝘄𝗶𝘁𝗵 𝗔𝗖 𝗮𝗻𝗱 𝗰𝗼𝗺𝗳𝗼𝗿𝘁𝗮𝗯𝗹𝗲 𝘀𝗲𝗮𝘁!🤩 𝗰𝗮𝗻'𝘁 𝗴𝗼 𝘄𝗿𝗼𝗻𝗴 𝘄𝗶𝘁𝗵 𝘁𝗵𝗲𝗶𝗿 𝘀𝘄𝗲𝗲𝘁 𝗮𝗻𝗱 𝘀𝗼𝘂𝗿 𝗽𝗼𝗿𝗸! 𝘁𝗵𝗲𝘆 𝗴𝗼𝘁 𝗮 𝗴𝗼𝗼𝗱 𝗯𝗮𝗹𝗮𝗻𝗰𝗲 𝗯𝗲𝘁𝘄𝗲𝗲𝗻 𝗶𝘁𝘀 𝘀𝘄𝗲𝗲𝘁𝗻𝗲𝘀𝘀 𝗮𝗻𝗱 𝘀𝗼𝘂𝗿𝗻𝗲𝘀𝘀. 𝗮𝗻𝗼𝘁𝗵𝗲𝗿 𝗺𝘂𝘀𝘁-𝗼𝗿𝗱𝗲𝗿 𝘄𝗼𝘂𝗹𝗱 𝗯𝗲 𝘀𝘁𝗶𝗿 𝗳𝗿𝘆 𝘀𝗵𝗿𝗶𝗺𝗽 𝗴𝗹𝗮𝘀𝘀 𝗻𝗼𝗼𝗱𝗹𝗲𝘀. 𝗶𝘁'𝘀 𝗽𝗮𝗰𝗸𝗲𝗱 𝘄𝗶𝘁𝗵 '𝘄𝗼𝗸 𝗵𝗲𝗶' 𝗮𝗻𝗱 𝗳𝗹𝗮𝘃𝗼𝘂𝗿𝘀😋.環境乾淨企理嘅大排檔真係可遇不可求，@daipaidongfried 仲要夠鑊氣有水準，一場嚟到梗係要試招牌拔絲咕嚕肉，豬肉炸到外脆內軟裹滿酸甜醬汁，拔絲力十足，份量仲要幾大添，加加埋埋可能有廿舊，不過勁快比我哋清哂～ 另外黃金鮮魷雖然炸粉厚咗啲，但落足鹹蛋碎一定滿足到鹹蛋黃控，幾推介！最後蝦油炒粉絲炒得好有鑊氣，邪惡到不得了但都係食唔停口，打包第日叮

中秋節同屋企人食飯，想食得有氣氛啲，又唔想下下都係去中式酒樓食大排檔鍋氣小炒又唔想長輩們熱親全晚都播住啲港式懷舊歌座無虛席，要食記得早啲book位所有菜都係即叫即炒，所以要有心理準備要等一等__________________________🔹 前菜$5👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ❌會有啲鹽炒花生，涼拌青瓜同木耳夠咸香惹味，花生又夠脆，啱晒用嚟送啤酒.🔹拔絲咕嚕肉 $108👰🏻:🌕🌕🌕🌘🌑🤵🏻:🌕🌕🌕🌗🌑Keto friendly: ❌真係每一粒都牽絲，甜酸既咕嚕汁好開胃食落其實唔係好驚喜，就係正常唔會伏既咕嚕肉不過值得讚既係每粒都幾大粒而且成粒都係肉，肉質又夠腍，外面粉唔算好厚，快手口都有少少脆，放耐左就會俾咕嚕汁整淋晒.🔹黃金脆鮮魷 $128👰🏻:🌕🌕🌕🌗🌑🤵🏻:🌕🌕🌕🌗🌑Keto friendly: ⭕️呢個炸得好香口好脆魷魚幾新鮮，口感爽彈，唔會腥幾大舊，不過份量唔係特別多咸蛋黃味道岩岩好，惹味得黎唔會好膩而且每舊都食到咸蛋.🔹 乾燒蝦油粉絲煲 $128👰🏻:🌕🌕🌕🌕🌑🤵🏻:🌕🌕🌕🌕🌑Keto friendly: ❌熱辣辣，上枱仲會滋滋聲滾緊，有

一坐低就叫咗個炒麵，叫佢起先，大部分嘅餸（包括後加）都嚟晒個炒麵仲未出現，先後追過5次單，次次都話就得，整緊，8點坐低9點都未嚟，小朋友餓到想死，伙記唔追咪自己行去廚房囉，廚房佬話未整咪未整囉追咩呀！呢間嘢唔會再去囉！