大戶屋

营业中

休息中

去荃灣找我最喜愛的髮型師處剪頭髮，每次不是煩惱做什麼髮型（因為我的髮型師實在太強了😁），而是諗今次剪完髮後，應該吃什麼美食。之前經常到海壩街搵食，後來海壩街慢慢變得不太合我胃口，於是就改去荃灣西那邊的shopping Malls 搵食，近幾次都愛吃主打日本家庭式料理的大戶屋食晚餐，最欣賞他們的自家製豆腐，也很愛他們的山芋茸。也曾試過到日本大戶屋吃晚餐，點解？不是「愛」他 「愛」得那麼犀利...只是日本大戶屋開放至零晨兩點，shopping誤了晚餐時間，他們就是拉麵之外的另一些選擇。🍚燒五花腩定食是每次去都點的。值得推介是因它不太油膩，燒得少少香脆，但又能保留肉汁，況且用料算得上頗新鮮，所以特別好吃。👍🏼✨是次也點了他們期間限定，由築地直送的燒伊佐魚定食，魚的肉質鮮嫩甜美又唔多骨，不錯！👍🏼自家製豆腐： 用塩鹵自家製造的豆腐、質感嫩滑、豆味濃郁，配以木魚絲（自己加、要幾多有幾多 😁）及葱花也是每次光顧必點之算～刺身三點： 其他都不用説，新鮮最重要！😋

我平時都係睇帖唔回帖既人,今次係第一次寫食評, 因為真係食到一肚氣 雖然食物味道不錯, 但係服務0分。由我叫埋單直到我頂唔順親自行出去收銀處, 過程竟然用左超過15分鐘我第一次叫埋單,侍應應左聲, 之後冇下文。 隔左5分鐘再叫一次 ,一樣冇理 。最離譜係我叫左第一次埋單後,隔離桌都叫埋單 ,但係佢地埋完單走左 我張單仲未黎, 好離譜。叫左第3次都係咁 搞到我要直接行出收銀處直接埋單!!! 竟然仲叫我等等 !! 真係離晒大譜 咁既服務態度, 都夠膽收加一

9點幾睇完戲唔知食咩好，就走入左就近既大戶屋。叫左炸豬飯同豬肉片飯share食。 炸豬唔算大排同厚肉，不過都夠share. 炸豬咬落有點乾。 反而豬肉片夠入味又夠稔，醬汁撈飯幾好味。

是晚逛街購物累了，順便在附近解決晚餐。店內格局乃和風設計，坐位寬敞舒適，唯獨服務欠奉。食品即叫即做，可口非常。但個人認為串燒實在失色，欠缺日本風味，對不起價格。這五串燒物，一百多元，比一份便當還要貴，三葷兩素，除了咸味醬油味，便無其他，較為失色。牛肉便當及燒猪腩肉便當簡直可以說是令人眼前一亮，牛肉鮮嫩可口，厚薄適中，一口咬下肉汁已迫切地流出。燒猪腩肉肥瘦均衡，咬下有少許猪油香，肥而不膩，入口同樣鮮嫩。還有我們最愛的薯蓉，簡直一流。至少湯就稍為偏咸了一些，燉蛋混合海鮮，較為出色，因而還是好評。米飯為日本珍珠米，大愛，最後吃到肚鼓鼓地離開。這種食物質量，當然需要相當的價格。值得再來，便當完全對得起價格。

話說，本來約了2個fd 晚飯，順便聚舊，可惜其中一位病了，只餘下2位，既然如此，我們也把晚飯地點由尖沙咀區轉為荃灣區，好讓我們飯後早點回家~臨急臨忙之下，決定到荃新天地的大戶屋晚餐，由於我未到7點已到達，餐廳內餐枱相當多，眼觀數枱2人客也安坐於4人餐枱，我卻被店員安排坐2人餐枱，向她說明想坐旁邊的4人枱，好讓我們拿着大大手袋的女生，不用抱着手袋來用餐，她卻不情不願才讓我安坐4人枱. 坐下不久，我左面的2人枱來了一位單人食客; 再過2分鐘，我卻被同一店員要求我抱回手袋，再將我的餐枱拆為2張雙人枱，好讓另一位單人食客 (中年男士)坐在我旁，我們當時餐枱的距離只有不到一吋，實在令我相當不自在!! 只要手部輕微移動，我們就會手碰手. 最令我氣憤的是，旁邊一對操國語口音我客人，2人同樣佔上4人桌枱，卻2人各坐一對角，店員完全沒打算要求他們面對面坐!!! 個人發覺，店員在安排坐位方面，有很大的問題，尤其對着操國語口音的食客，他們是一句說話都唔敢出，對着香港人，卻諸多留難，我想，大戶屋應該不想做香港人的生意吧!!!對於手貼手的問題，本小姐只容忍了1分鐘，即時再問店員，為何所有窗口位都不讓客人入座，她

日本菜一向係余媽媽喜歡的菜式~最近我們一家就到了大戶屋(Ootoya)日本料理餐廳享用了一頓美味的日式晚餐~今次來到大戶屋荃灣店,就在荃新天地, 地點方便~呢度除左有和風嘅設計外, 仲有充足的BB椅提供, 設計亦安全舒適, 讓一家大細都可以舒舒服服地用餐~呢度仲有份好溫馨嘅家的感覺~呢份家的感覺, 由食物去延續吧。。。從大戶屋Facebook得知今期推出了築地直送「本日のお魚定食」系列, 餐廳會因應時令隨時更改提供鮮魚, 今期推出3款人氣種類, 包括: 伊佐木魚、目張魚和血鯛, 每朝由築地發送到大戶屋，原條即鹽燒或汁煮，成為充滿日本家庭風味的定食, 而且單條重達250g，份量十足~咁吸引嘅「本日のお魚定食」怎能不試呢？我們點了鹽燒血鯛魚定食($180);單點:$160, 當然係定食抵好多啦！)鯛魚魚身燒至金黃色,火喉剛好, 魚的肉質鮮甜結實, 色、香、味俱全, 用來送清酒一定更滋味~配埋蘿蔔蓉和醬油來吃, 感覺冇咁油膩感，有助消化~定食還附送醃菜、麵鼓湯、白飯和日式蒸蛋~日式蒸蛋比滑豆腐還要滑! 真的有點衝動想走進廚房偷師~余媽媽仲點了滑蛋吉列豬扒盒子飯($135), 可以配蕎麥麵/烏

2016年 2月4日晚上九時, 路過大戶屋走進去, 朋友點了一個銀鱈魚飯， 我沒有影相他說味道一般， 我点了牛舌飯， 幾片牛舌之中有三片是超級un的， 做不到香口淋滑， 牛舌沒有口感亦都沒有味道， 反而味噌湯味道尚可， 有淡淡的味噌味， 茶碗蒸蛋 口感滑， 但沒有蛋味， 牛舌下面的白飯， 過分濕 沒有黏黏的珍珠米口感，亦沒有飯香， 味噌湯微暖， 白飯都係微暖，牛舌涼的， 茶碗蒸蛋微暖，真的，，，， 最好吃只有那一粒生番茄

我是個超級瘋狂的三文魚控，不但喜歡三文魚刺身，半熟的火灸三文魚亦是我的至愛，吃一兩件火灸三文魚也滿足不到我的心癮，這天來到大戶屋，品嚐我最愛的火灸三文魚便當定食 ($103)。用上日本傳統的紅黑長方型便當盒，鋪滿了新鮮嫩滑的三文魚片，被火燒過的表面滲出了香濃的魚油，火灸度掌握得恰度好處，一放進口，猶如棉花糖般入口即融！加上酸酸甜甜的沙律醬以及蔥粒，配合煙韌的白飯粒，美好得如飄上天空一樣，極力推薦！定食除便當外，亦配上咸度適中的味噌湯及水嫩的蒸蛋，大力推介給火灸三文魚迷❤

之前在銅鑼灣有吃過感覺不錯，這次來荃灣找朋友隨便就在這裡吃晚飯，聽説這分店的菜色味道也不錯於是乎就試試看。來到門口看見不用排隊立馬沖過去了。坐下后點了2個定食。吉列雞扒+凍蕎麥麵定食凍蕎麥麵係用竹墊墊著，食落係好爽口同涼意入心，夏天時食真心正。主角炸雞扒都不錯，吾會話油膩加上很厚身，食落外脆內軟。燒花魚定食我平時會中意食鯖魚,花魚就真係未試過。花魚食落口既感覺係特別滑，同埋好香，但就味道會比鯖魚淡D總體一個定食既水準係值果個價錢既，亦都值得再去食第二次。

大戶屋是食伴其中一家最喜愛餐廳, 之前吃過已經覺得不錯, 今天再食, 有點重新愛上了去的是荃灣店, 7時多到達要等十張枱左右我們逛一圈商場回來就有位了~上幾次都是食伴替我點的菜, 我都沒有認真看過餐牌, 今次自己選, 發現它的餐牌很重點介紹用料上乘, 新鮮製作點了一個頭盆, 自家製豆腐我本來就是個豆腐控, 這個豆腐大愛它不算很滑,但豆腐味香濃, 還沒有放入口就已經聞得到了單吃就已經很滿足, 喜歡的話也可以加點豉油大戶屋桌上豉油也是自家出品的, 幾滴就好不用太多我們每人點了一個定食, 這是食伴的滑蛋豬排鍋定食這個豬排是先吉列過, 再伴入滑蛋裡的所以不會食到脆脆的口感, 豬排的熟度剛好,不會因為放在熱鍋上而變得太老, 而且是厚切的, 連同滑蛋食有juicy juicy的感覺~這滑蛋也是品質良好的日本蛋, 應該有2~3隻蛋在裡面吧因為有些是蛋白蛋黃混和的滑炒蛋, 也有些蛋白包半熟蛋黃的用半熟蛋黃伴飯就吃得出是靚蛋, 很香甜我點的燒花魚定食我平常都吃銀雪魚或鯖魚, 跟花魚不熟第一次食, 覺得質感像是介乎兩者之間, 有某些位置特別滑這個燒魚沒有多餘的醬汁, 聞上去不算特別香平常食得重味的朋友可能

相約了朋友在荃灣午飯，大家都想吃日本菜，於是便選了大戶屋。雖然是假日，但也不用輪候已可入座。餐廳以日式木材為裝修風格，餐牌彩色印刷，圖文並茂。我選了黑醋燒鱈魚柳定食。整客定食十分豐富，有前菜、面豉湯、蒸蛋、沙律、主菜和白飯。前菜是生的青瓜和紅蘿蔔，不是我杯茶。面豉湯配料多，有很多白蘿蔔片，面豉味不太濃，有微微的鹹香。蒸蛋滑不溜口，每一口都嫰滑，內裡有雞肉和冬菰。沙律（主菜碟子的上方）是蕃茄、生菜和椰菜絲，蕃茄新鮮甜美，生菜和椰菜絲爽脆可口。主菜有四件鱈魚塊，外皮香脆，內𥚃的肉質呈一梳梳，而且帶有甘香。黑醋汁微甜而不太酸，不會淹蓋了鱈魚的味道。此外，有不同種類的配菜，包括紅蘿蔔、蓮藕和青椒，不但令主菜的賣相更吸引，而且令午餐有更多蔬菜、更有益健康。各類蔬菜沾了黑醋汁，開胃醒神。白飯是日本的珍珠米飯，黏稠度適中。很喜歡日本人多菜少肉的健康飲食文化。

星期六, 晚上8:00pm, 周圍都好多人等位食飯, 見呢度得5-6枱就到. 就等呢間啦.我同友人各order一個定食, 都係燒魚.柚子燒魚定食: 3件燒魚唔算好大件, 燒得岩岩好, 好香口惹味.食落唔算好多魚油, 好彩唔會好太乾身. 旁邊有d 柚子醬油, 加入燒魚同食, 感覺冇甘膩.好清爽既感覺. 定食既飯量夠哂女仔食到好飽, 珍珠米好好咬. 而且仲有滑滑蒸蛋. 醃菜類都微酸爽腌. 味噌湯唔會太咸, 飲得好舒服.燒魚定食:上次都有試左d, 大大一塊魚, 易起主骨黎食, 啖啖肉又多魚油, 好正.同樣有蒸蛋, 醃菜, 味噌湯, 飯 同上.

朋友 係要見的每個月都會相約舊同學岀黎相聚一番每個月 我們都會去食不同的餐廳今個月就來到荃新天地的大戶屋大戶屋的水準一向都不用擔心的價錢合理環境不錯服務一流Cyn點的是厚切豬扒定食炸得十分乾身豬扒本身十分軟身而且十分入味值得推介友人點的是滑蛋豬扒醬汁都不錯

我從來都未見過塊魚皮可以燒到黑到同隻碟一樣黑，見到都無曬胃口！！仲要一D魚味都無，服務態度又差，以後都5敢再去食囉，估5到第一次食大户屋，俾我印象深刻到，無法忘記！

朋友話呢間餐廳幾好食 於是就去左試一試啦。大約六點過啲黎到，吾洗等位就入左去。入面坐得好舒服，所以客人用膳既時候都好靜，同朋友仔想靜靜地傾下計一流。我點左味噌豬扒定食，朋友點咗炸雞扒拼烏冬。朋友點既呢個份量十足，又有烏冬又有飯，最後都系食吾哂，烏冬無咩特別，但炸雞出色，可惜拌飯既醬汁一般。炸豬扒定食好驚喜，啱啱送到上黎仲系好熱，個碗會"節節節節節"，冬天食一流。呢度嘅炸物做得非常出色，外層鬆脆 肉夠熱又吾"un"。但整體黎講我覺得未去到要成百蚊一個set咁貴，若價錢再改改佢一定會經常黎食野。