影片
更多
2021-05-29
53 浏览
疫情稍為緩和，又可以四出搵食了。見呢間開咗好耐，一直都好想試，佢又有個超市貼住餐廳賣番你陣間食果啲肉，令人更想試。睇咗一輪揀咗食美國SRF和牛套餐。湯底揀咗最新果兩款（兩個人，一人一鍋，十分方便），即富士蘋果湯同埋博多味噌湯。先講自己個富士蘋果湯湯，真心香，開始滾果陣一陣陣蘋果味湧埋黎，令人有開胃嘅感覺。個鍋用呢款矮身啲嘅，感覺易夾嘢啲。矮身其實好快唔夠湯，但侍應們好留意食客啲湯量，全程我都未試過忍唔住要叫加湯，佢地就加咗，值得一讚。講肉之前講埋呢個碗，一見到忍唔住影低咗。食親邊爐嘢，食食下隻碗實成兜汁，結果越食啲味越怪，通常都會拎多個碗倒起啲汁，但畫會影響食欲。呢個碗連埋個隔，真心正。多餘嘅汁落哂碗底，啲嘢食保持原汁原味，又唔會見到啲剩汁，正！等湯滾同埋肉黎嘅時候出去走一轉，丸/菜嘅選擇都唔算少，菜果度幾驚喜有萵筍，丸果度嘅芝士豆腐同埋仿魷魚片極值得試。醬汁都幾特別，味噌芝麻汁係我自己最鐘意嘅，柚子昆布似平時醬油汁，有少少柚子味加少少分。鐘意芫茜嘅朋友就唔可以錯過佢嘅椰子芫茜汁了，我自己唔特別好，但三種醬汁交替咁用黎點肉感覺相當正。嘢飲方面有汽水機，裏面都多選擇如橙味雪碧，亦有清熱下
1 浏览
0 赞好
0 留言
先講自己個富士蘋果湯湯，真心香，開始滾果陣一陣陣蘋果味湧埋黎，令人有開胃嘅感覺。個鍋用呢款矮身啲嘅，感覺易夾嘢啲。矮身其實好快唔夠湯，但侍應們好留意食客啲湯量，全程我都未試過忍唔住要叫加湯，佢地就加咗，值得一讚。
講肉之前講埋呢個碗，一見到忍唔住影低咗。食親邊爐嘢，食食下隻碗實成兜汁，結果越食啲味越怪，通常都會拎多個碗倒起啲汁，但畫會影響食欲。呢個碗連埋個隔，真心正。多餘嘅汁落哂碗底，啲嘢食保持原汁原味，又唔會見到啲剩汁，正！
等湯滾同埋肉黎嘅時候出去走一轉，丸/菜嘅選擇都唔算少，菜果度幾驚喜有萵筍，丸果度嘅芝士豆腐同埋仿魷魚片極值得試。醬汁都幾特別，味噌芝麻汁係我自己最鐘意嘅，柚子昆布似平時醬油汁，有少少柚子味加少少分。鐘意芫茜嘅朋友就唔可以錯過佢嘅椰子芫茜汁了，我自己唔特別好，但三種醬汁交替咁用黎點肉感覺相當正。嘢飲方面有汽水機，裏面都多選擇如橙味雪碧，亦有清熱下火嘅涼茶樽裝，後者感覺更貼心。
1 浏览
0 赞好
0 留言
黎到主菜，美國SRF和牛了，我唔係專業評牛嘅，但望落相當靚，整熟咗再食，第一啖真心驚艷。或者太耐無出街食，自己成日整啲牛真係無呢個口感。有咬口得黎唔韌，聽落有啲矛盾但真係當下嘅感覺，相當衝擊，值得一試。由於我係富士蘋果湯，所以食落幾清新。試朋友嘅博多味噌湯會濃味啲，但無論邊一款湯都掩蓋唔到佢嘅獨特口感。
0 浏览
0 赞好
0 留言
五花腩片都係正嘅，但無牛咁驚艷了。反而特選雞脾肉真心滑，有少少咬口，比想像中好。由於係限時任食套餐，所以最後都加咗三份牛（太正了！）同埋豬雞各一。
0 浏览
0 赞好
0 留言
出面其實仲有熟食，之前想拎之際被朋友阻止話肉到了，同埋無理由黎食熟食，但望落會見到炸雞旁有串燒嘅名牌，我出去果下無哂，望人地枱嘅串燒，都幾吸引，可惜最後都係無緣拎到...炸雞有試，可能剛出爐，超級熱，咬開會爆汁，要小心，堅正。
旁邊仲有自製雜炊飯同埋窩夫機，見到啲食客整出黎似模似樣，可能我果時已經唔夠時間了...唯有下次。雪糕機都我都無時間試了。佢仲有蛋糕櫃，雖然只有兩款，但其中一款好似鈴噹咁較少見，下次要試。
好多下次，因為真係太多嘢可以試，只因今次集中係肉度，反而試唔到佢其他嘢。兩人食90分鐘埋單唔駛五百，質素唔低嘅肉令我覺得值回票價，仲有一個遺憾係我無得行下個超市，佢做到八點咋...又係下次。希望呢個下次快啲到。
张贴
