大姆指餐廳 (已結業)

食完一肚火既dinner, 又完全唔飽出返去市中心食糖水好凍喔~ 一定要食熱既!! 熱辣辣, 甜漏漏為我地一肚火既dinner experience 帶來一點幸福感時間剛剛好, 好味道、好幸福既熱辣辣甜湯亦為我地既2011 年劃上句點And a good start of 2012!!~~希望新一年所有野都好似呢一刻既甜湯咁開心~

是日同朋友仔出街…跟住就去食午餐，所以就去哩間食^^入到去要等位…不過都好快服務態度幾好架…之後坐低後就叫野食喇~價錢大多好平均…我叫了芝士燴雞球意粉，飲柚子茶!朋友叫了香辣海鮮炒意粉，都係飲柚子茶^^等既時間都幾耐…不過都可以接受飲品先來到…但係好甜…飲到起痰!之後主菜尼了…我果個好香，好多芝士，但係較淡><雞球冇乜味…失望！朋友那個都好香好野味…!整體都不錯^______^~一定會再去食過…

由於趕著入場睇戲，中午以 9 秒 9 速度食大家樂俄國牛柳絲飯充飢，感覺不爽，睇完戲就想食個下午茶溝溝貨。經過時代廣場地下的大拇指，見店內全劃分成卡位座，環境不差，更是「金裝燉奶佬」d friend，一於入去試試。我要的喇沙肥牛湯米線 ($37)，除肥牛外，還包括兩片「鮑片」、半只鹵蛋、鹵豆腐及芽菜等，雖不難吃，但感覺東湊西拼的，古古怪怪。另外，也不要對湯底有任何幻想，見湯面放了一堆「喇沙醬」，我已經打定輸數，需知道這是「喇沙米線」，而不是「沙爹牛麵」，豈可做得如此馬虎？湯底除了味精外，就是一股辣勁，鮮味？當然沒有！女友的西多士索價 $23，是合理的價位，但上檯賣相實在「奀到唔恨」，沒有蛋香之餘，亦很佩服店方可將兩片麵包切得咁薄身，厚度只得平常吃到的一半，可惜他們不出產避孕套，否則岡本、杜蕾斯都要企埋一邊！食物不行，餐飲又如何呢？凍奶茶得個凍字，味道簡直淡出鳥來，以為好立克會好一點？點知同樣稀得緊要，淡奶又落得少，難怪住在屯門的食友在我 facebook 留言:「TM ppl never get there!」拇指不一定直豎，出品的水準竟可如此求其，當自己時運低又好，當買個教訓都好，總

今日同朋友到屯門既大拇指食晚餐我叫左個$38既煎蛋肉醬意粉朋友就叫左個$52既菠蘿炒飯我既煎蛋肉醬意粉到左先我第一次見到有餐廳將意粉同肉醬分開放上我覺得幾特別(可能我見識少= =")亦都係第一次食肉醬意粉覺得D肉醬比得好足夠而朋友個菠蘿炒飯好好食因為D菠蘿真係幾新鮮至於餐廳D環境都唔錯只係員工D服務比起其他餐廳好似有D遜色-.-

今次考完試 決定左玩成日!5點幾打bl打到7點幾 一行6個人異口同聲地講好肚餓諗極都諗唔到食乜 最後都係入左呢間因為得反兩張卡位3:3分開坐我的那張食的是一樣的!!泰式海南雞飯套餐(好似係甘樣叫)雞超好食仲要比左雞脾位比我有一兩舊略過鹹飯一黎到個時 我地都話 超大陣糯米滋味因為我未食過正式海南雞個種飯所以唔知呢個飯算唔算係標準但我跟好友都話 勁好味!!很香的 絲苗米 最重要的是... 米的硬度岩岩好 係我鍾意個種 好憎食d軟飯春卷．炸魚餅春卷普通得很魚餅難食到.....勁腥鮑汁生菜鮑汁我就見唔到-_- 卻見到鼓油汁雖然貨不對版但也是很好吃的 爽脆 甜湯唔知咩湯黎 但一定唔係味精湯 淡淡的 無咩感覺-----------------------------------------------------------------------------------------------------甘多野食都係38蚊!!!!! 好抵好抵 食完之後勁攰散左場~

一入店舖感覺好熱真想一走了之,再行入一點原來是一邊開了冷氣一邊沒有開 這裡早餐都幾多選擇,我選了較健康的野茵火腿通粉和炒蛋餐肉,友人點了野茵肉碎通粉和煙肉煎蛋,通粉味道唔錯只要炒蛋份量較少啫,座位亦舒適

2010 年 4 月 9 日 晚 餐。愛 人 出 左 街 行 到 晚 飯 時 候 唔 願 返 屋 企 就 去 左 大 拇 指 度 食，等 位 時 係 門 口 周 圍 望 下 至 知 道 全 名 叫「大 拇 指 茶 餐 廳」，一 路 都 以 為 整 係 叫：大 拇 指 因 為 都 一 段 時 間 冇 黎，入 到 黎 才 知 道 又 裝 修 過，但 今 次 好 似 集 中 針 對 座 位，差 不 多 全 部 改 晒 卡 位 重 要 每 個 卡 位 再 加 多 一 個，例 如 兩 個 變 三 個，四 個 變 五 個。逼 左 好 多 好 多 坐 落 各 自 叫 左 兩 個 飯：泰 式 菠 蘿 炒 飯 及 紅 酒 燴 牛 尾 飯，全 跟 飲 品 或 甜 品，而 我 要 甜 品：西 米 露，牛 尾 飯 再 跟 多 個 湯，愛 人 要 中 湯。個 菠 蘿 飯 好 大 個，好 入 味，呢 個 價 錢 係 值 既 愛 人 果 個 就 好 普 通，都 有 D 酒 味，不 過 要 好 留 意。而 飯 可 以 多 點 點 就 更 好，因 為 我 地 都 係「飯 桶」黎 反 而 中 湯 好 似 係 用「濃

屋企裝修呀冇住家菜食叫外賣個時六點幾仲有下午茶賣買完佢叫我轉頭返我問佢要幾耐佢話十分鐘我直接係度等又真係十分鐘內不錯不錯香草汁蜆肉天使麵返到家都仲好熱份量眼睇落好似唔多不過實食唔晒d料係晒個底度望落好似咩都冇有ok多蜆同未炒到焦糖化既洋蔥蜆冇沙幾彈牙唔韌天使麵軟硬適中不過香草汁好咸我唔受得太咸食到咁上下勁想飲水熱檸茶擺左好耐先飲都冇澀到service幾好但野食麻麻唔應該成四十蚊

昨晚探完病便同朋友們去找野食...第一次去這間餐廳...5個人坐3個人的枱...很迫...我叫左個照燒雞扒拼青口飯...熱辣辣...好食...最特別就是那杯爆爆珠青檸梳打...爆爆珠的口感好特別...不同珍珠的口感...

１０／ＯＣＴ　今日係籌款義賣日，大家總共分３批人輪流放ＬＵＮＣＨ　派左食第２輪～個肚幾乎餓到扁咁滯～張９折優惠劵今日大派用場喇！３時多一行５人來個開心午餐１）北菇滑雞飯大佬至雞食雞，雞是蒸滑雞，但一Ｄ都唔滑有幾條小唐菜同切片冬菇２）凍菠蘿利賨納要＋＄５蚊，菠蘿斷估都係罐頭貨色３）滑蛋叉燒飯豉油用碗仔分開上友人話Ｄ蛋幾滑，叉燒一般４）可樂＋冰底５）野菌海鮮炆伊麵開頭見到有幾多海鮮料，以為應該ＯＫ點知ＬＡＭ少話勁乾同無味食剩１／３放棄６）凍檸茶７）焗煎蛋肉醬意粉意粉係粗身既，煎蛋煎得唔錯友人話加埋辣椒仔先覺得好食８）凍奶茶走甜估唔到友人同我都飲走甜既野飲，識貨！９）薑蔥雞球炒麵其實唔想食雞球，但又想食炒麵，所以先叫薑片切到菱形狀，而蔥係大切雞球炸過，好過大佬個滑雞先炒麵幾脆身唔硬１０）凍檸茶走甜見到除左糖包外，竟然有代糖驚喜～茶餐廳少有＊格局比茶餐廳型，但比小妹覺得太凍冷既感覺而岩岩真係坐正風口位，所以都唔知Ｄ野係吹凍還是唔熱？多謝晒一餐免費午餐，繼續努力籌款

早前等shuttle bus 回家前在這裡吃了一個下午茶餐, 當天很想吃沙律, 所以點了吉列魚柳沙律, 吉列魚柳炸得不錯, 魚柳沒什麼腥味和雪味, 港式沙律普通了一點, 薯仔紅蘿蔔居多, 凍奶茶麻麻, 有少少苦澀味。隔了幾天的週末晚上, 我們都不想揸車出元朗搵食, 所以坐屋苑shuttle bus 前往大姆指吃消夜, 老公鍾情她們的黑椒雞扒腸仔飯, 雞扒好入味, 黑椒汁很醒胃,老公三趴兩撥整碟碟頭飯吃過清光, 可憐我的還未到。我就邊吃油菜腩汁生菜邊等, 可能當晚好想食蔬菜, 所以覺得特別好味, 腩汁有點肉味,味道好過用蠔油。我的香菇班塊炒麵很快亦上桌, 冬菇入味, 班塊亦很好吃, 唯一不夠好的是炒麵不夠脆。凍檸茶味道正常, 志在解口渴。在屯門市廣場一帶的茶餐廳來說, 大姆指算係幾好味的了, 有機會再來幫襯。

平時去茶餐廳見到餐牌就有排想，除了有特別墅食吸引先會快些想到，自家制喎，就試下你手勢，自家制漢堡扒煙肉意粉，個扒味道幾好，但帶有根，尼樣就要改改，意粉尚算彈牙，送甜品，木瓜雪耳，料充足，不太甜，可以再去幫襯。

2009-01-23。晏 晝 飯。我 都 幾 鍾 意 黎 呢 間 食 野，D 奶 茶 過 得 去（去 少 呢 類 地 方 D 好 茶 咁 掂，通 常 都 求 求 其 其）。叫 左 一 個 午 餐── 蘭 花 鮮 魷 蜆 肉 炒 麵，一 個 炒 麵 類── 豉 油 皇 豬 扒 炒 麵。兩 個 味 道 都 有 點 濃，但 係 應 該 既，絕 對 可 以 接 受。色 對 小 人 來 講 並 唔 係 咁 重 要，口 味 才 是 第 一 位。份 量 以 午 餐 來 講 剛 好，細 細 碟。可 能 因 為 係 市 中 心，所 以 價 錢 都 唔 平。

今次只談心太軟, 正價$30, 如跟餐轉就$15, 幾抵. 個心太軟須時製作, 上枱時剛做起, 熱辣辣, size算大個, 有些生果伴碟, 只是沒有雪糕, 稍為失色. 一切下去, 真是好多朱古力漿流出, 好流心下, 朱古力略苦不太甜, 加上夠熱, 所以好好味, 好滿意. 屯門區好難搵到有心太軟供應的餐廳, 所以大家不妨一試.

果日中午因為工作關系,我出左市中心做野…..我一直都覺得市中心並沒有什麽好食…所以行來行去都唔知食咩好…..然後突然見到尼間(大拇指),裝修幾OK…所以就入去試下啦…..我叫左一個照燒雞拉面同凍檸茶………..賣相不錯….地照燒汁好好味啊,地雞扒幾新鮮啊…肉質不錯….裏面的裝修比人的感覺幾舒服….幾適合得一個人食野的時候…….不錯的選擇……