大姆指餐廳 (已結業)

自己不太肚餓, 只陪老公食晚餐, 叫了一份肉眼扒餐($70), 湯及包Ok一般, 主菜的肉眼扒好大件, 配黑椒汁, 仲有配菜及飯跟, 所以都好大碟, 肉眼扒叫了6成熟, 老公話好食, 好淋, 不錯, 最後甜品轉了紅豆雪糕新地(我食的), 另加$11, 有2球雪糕, 配有一些紅豆蓉及cream, 好味道.今餐幾滿意, 服務就一般啦!

今晚玩完gym, 同個朋友黎鋸反個扒補充體力. 點知真係賴哂野!!!!!2個人叫2份西冷扒, 等左25mins 只係黎杯野飲...我地搵waiter 吹吹..因為好肚餓再5mins 後, 只黎左一份, 份量很少. 也很難吃,算! 食左先...太餓再追埋朋友個份, 當黎既時候...已經係等左9個字, 最後5成熟既牛扒....變左3成...為免份甜品不翼而飛, 又追...黎既係2杯溶左1半既朱古力雪糕...又算又食埋d waiter 點追佢都冇咩反應...當你一次兩次三次去追既時候..第4次, 佢會問你..你叫左d咩...所謂既立即幫你入廚房追, 都係援兵之計, d waiter 叫佢幫你收左d 野會唔理你, 當再叫佢反黎執既時候, 會發脾氣甘掉d 鐵板, 呢d 我都看在眼內.擺到明人手嚴重不足, 埋單既時候, 見到貼左memo 請人, 無論廚房/waiter/洗碗/樓面都要請人72蚊一份, 比大家樂更差更貴,更難食...總之冇下次!!!! 完全不知所謂!!!!

尋晚見好耐冇去大姆指就同老婆去食下，點知"乃"晒野!!!!!忌廉煙肉三文魚天使麵 - 求其一"PAT"碎到爛既煙三文魚放響天使麵上面， 老婆話成碟野完全冇味。美式漢堡雜扒飯 - 一隻炸到乾晒雞翼 + 一串幼過我手指尾既雞串 + 一件好又梅又多筋既漢堡扒 + 一隻蛋凍奶茶 - D冰超大舊又勁多，完全冇茶味，飲完d冰都未溶晒，見到D冰多到位置去到 離杯口 2cm 左右，我相信未飲之前成杯冰係滿晒既。兩個人食左$109，收咁既價錢，俾d咁差質數既野人食，點搞呀，冇下次喇!!!!!!美心 / 大家樂 / 大快活 - 求其一間都好過佢~

早兩日去食個lunch叫左個雞比蛋飯ok啦~~但係就等左好耐先有得食我趕時間返工嗎!!!!激死人啦~~~以後想再去必定要夠時間先好~~~但出品都萛ok

２００８／６／１２早餐去完樓上間銀行，最近食早餐的地方當然是這裡。西式早餐：先可以從火腿／雞肉腸／餐肉等等中選兩款，我就要了煎雙蛋（已經當兩款），不過來到那蛋黃已經是半生熟了，蛋白不夠滑不過邊邊位好脆口，還有一個軟身的餐包，如果烘熱過才上檯，就更好了，碟旁有兩塊爽甜西瓜，西式嘛，又似模似樣的。湯粉就選雜菌鮑魚絲通粉，湯是淡淡的，通粉好彈牙，材料是有幾種菇類加鮑魚絲有一少堆，不過條條絲就細過牙簽，兩者也是沒什麼味。餐飲是另一款不用加錢的熱圓肉蜜棗茶，上次喝柚子蜜不錯的喔，今次就淡很多了。

隔了一段時間後又來試它的晚餐. 價錢好似又加了小小!同老公叫了一碟乾炒牛意, 饅魚拉面, 油菜, 凍檸茶及甜品心太軟.牛意都算炒得幾好, 幾香, 饅魚拉面ok啦, 喲面都幾彈牙, 另外心太軟都叫合格, 雖然流漿的效果不太出色, 但在屯門區有此甜品供應已是好好的了. 總體的質素是不會令人太失望的.

大姆指在這裏已開了一段時間, 在茶記式裝修時吃過數次, 水準一般. 到現在鋪面由細變大, 再由大變回細後, 裝修亦現代化不少. 又再來試試.與友人艾菲兩個, 點了白酒蜆肉天使麵及芝士海鮮菠蘿炒飯. 白酒汁加了點香草, 好味. 蜆肉的份量也不少, 天使麵是估不到的 al dente, 嚇了一跳!! 至於海鮮菠蘿炒飯賣相更豐富, 芝士味恰到好處, 炒飯底好香好乾身, 真的有驚喜!!! 是我們好運嗎??服務則只是一般, 雖不是在我們身上, 但漏單上錯菜的情況不少, 怕且店方要多給培訓呢!

星期六同朋友來了這裏食下午茶,其實以前成日都嚟,但好耐沒有嚟過,這裏裝修左幾次,今次再嚟,感覺幾舒服,下午茶有很多選擇,我叫了瑞士雞亦加薯角,朋友叫了西多士,飲凍檸茶,份量都很大,真的是即刻整,很熱,兩雙雞亦加適量薯角,很好味及入味,朋友的西多士也很好味,裏面有花生醬,整體來說是很好的.這裏有廿多款的下午茶,有抄粉麵,有小食,選擇真的很多,價錢也算合理.我們在那裏傾計傾了兩個多小時,但也沒有俾人趕.

以前返工成日響度食~ 價錢... 市廣場算係差不多, 大大話話咩時段都食過, lunch 真係無次得, 選擇少做得求其, 難食未去到既, 不過呢個價錢比唔到呢個質素我囉~~~最常食tea time ~ 因為幾抵食and 好食~ 奶茶係一推~ 夜晚建議食炒飯類, 扒果d 好唔好食就真係見仁見智了~~特式飲品難飲係真既

沒去幾個月了, 今晚老公提議去食晚飯, 當然OK啦.他叫了牛排SET($79), 牛排都好大塊, 要了6成熟, 配紅酒汁, 他說比想像中好食, 牛排做得幾好, 好滿意.我叫了野菜鯖魚SET($89), 好日式款, 有2件鯖魚, 配上4大件日式炸豆腐及一些配菜, 好睇又好食, 選了鯖魚因是老公的介紹, 果然不錯, 好好味.最後另了叫一客心太軟($28), 可惜這個甜品就好一般了, 焗得過熟, 沒有朱古力漿流出, 好似食朱古力蛋糕, 不合格.整體都好滿意!

天氣冷很得，去完星展後也忍不住蛇去吃個早餐暖暖肚。應該是第一次來這裡吃早餐，很多款式所以一時間也不知道吃什麼，見到有沙爹牛肉，想起就流口水。於是要了沙爹牛肉通粉拼太陽蛋餐肉，餐飲是很少數跟餐而不用另加錢的柚子蜜。還以為餐肉蛋是另上，原來是跟通粉一大碗上哂，這也好的保證它們是熱辣辣出場。材料味道不用說喇，總之份量夠大，而且有一大堆烚椰菜，這樣立即要加分給它了。在餐廳內飲到的柚子蜜雖然是來貨，不過沖得好飲與否這才是一個關鍵，最緊要餐廳方面是否願意落足夠的柚子醬沖飲料。我飲到的這杯夠哂味道，不用另加錢，已經算係咁。食飽後身體頓時暖了不少，再要冒著寒風去銀行入數了。

裝修後轉高檔路線,一行三人都要等位,一睇餐牌,雖然未去到高級餐廳價錢,但由原本茶餐廳升到餐廳既價錢,都升幅不少.叫咗一個田螺什菌石碢飯,一個唔知乜野海鮮天使麵,一個再睇吓先.個飯嚟到揾混得兩粒田螺,同個侍應講,佢攞走咗好耐,返嚟加多咗兩粒咁大把.我個海鮮天使麵又係,得兩隻青口叫海鮮?又係等咗好耐,要摧先攞翻嚟,加咗兩隻蝦,我仲以為佢會攞翻起一隻青口嚟換添.最後嗰個醒目,唔叫野,出去搵咗第二間食.轉咗線路都唔一定掂,所以再冇下次!!!

地點就曬D朋友,食物OK,我最鍾意食佢地既焗飯.D侍應質素都OK.

裝修完之後好左好多...高貴左...食物比燉奶佬多,,,我食過一次咁大把...個時六點幾,仲未轉晚餐,我就嗌下午茶食...價錢唔算太過份,,,但係d waiter有少少懶散,問題唔係太大...味道都唔錯....野飲味道岩岩好...

有事經過這裡，見有點餓，便入來食返個下午茶。叫了餐肉煎蛋出前一丁及熱奶茶。餐肉煎蛋出前一丁- 餐肉相信應該作用三花牌，好明顯有一陣怪怪的味道，煎蛋用太陽蛋的煎法，賣相吸引；出煎一丁，不用說了吧。熱奶茶- 很久沒有飲過這樣差的奶茶了，雖然顏色幾夠、但又無茶味、只有淡淡的奶味，就像水落得過多、奶落少少、茶落一點點，飲了唔夠兩口，便沒有興趣再飲了。本來都唔打算寫的，但奶茶可以差到這樣，又實在難得！