大姆指餐廳 (已結業)

本來響樓上稻香等緊位，等了10分鐘，一來太多人在等(前兩次0黎未夠2點鐘都冇今日咁多人)，二來餓到不得了，於是落0黎食個快餐算數。想食牛扒飯又想食糖水，咁0岩午餐有黑椒腸仔牛扒飯，可配熱飲/糖水/湯。我要了腐竹雞蛋糖水，再另叫一碟油菜。先說說叫油菜一事，見餐牌上'鮑汁生菜'$12，見不貴就要叫這個，但見到可選蠔油，怕落錯了所以先事通知侍應...我：走蠔油丫唔該。佢：唔...即係全走喇﹖我：下~唔係鮑汁咩﹖(指住餐牌)佢：鮑汁加8蚊啵我：(12蚊+8蚊...20蚊一碟菜就唔抵喇)咁唔要鮑汁喇，全走喇。最後佢落單寫生菜$6...頭上起哂問號(唔係$12蚊﹖)再看餐牌先明白，粉麵飯or餐可以+6蚊有碟油菜=.=”””佢誤會了我+6蚊要碟菜，不過冇理由丫，如果6蚊跟餐油菜配鮑汁要多8蚊，14碟啵...咪比淨叫一碟鮑汁油菜更貴﹖﹗(冒汗)糖水先來，比想像中大碗，腐竹很多，有一隻蛋，甜度剛好，用原價$13食一碗也覺ok。牛扒飯要等5分鐘左右才多，賣相不錯，有一堆配菜，唯獨是飯硬了點，其他也不過不失。

星期五同老公諗起這餐廳, 裝修後第一次食晚餐, 價錢當然貴左啦, 排類set平均都要$80-$90. 不過有一個二人set dinner就$118, 這個算是經濟的.我地散叫, 老公叫了鰻魚牛排飯+凍檸茶($45), 我叫了鰻魚拉面+凍檸茶($32). 兩個都ok喎, 雖然價錢加了但用料算好, 米是日本珍珠米, 拉面亦夠彈牙, 鰻魚同牛排亦好味, 比我地預想中好好多喎.最後見它有西式甜品如心太軟, 疏乎里, 芝士餅等, 價錢大約$30. 喜愛甜品的我當然不會錯過, 叫了一客心太軟($28), 賣相幾得, 焗得幾香, 雖然切開不算多朱古力漿流出, 但整體算中上, 連老公都話好食, 他話這裡可能請了西式廚師呢. 見其他枱 好多都叫了心太軟, 可能在屯門區比較難食到此甜品. 那晚餐出乎我們預期的好!

昨晚同朋友仔去食野, 叫左個鮮茄滑蛋班球煲食，點知食食下食到條橡根！！！搞到成口橡膠味！當堂無哂胃口！無諗過呢間野格調都幾高檔但食物質素咁差！

昨晚同朋友仔去食野, 叫左個鮮茄滑蛋班球煲食，點知食食下食到條橡根！！！搞到成口橡膠味！當堂無哂胃口！無諗過呢間野格調都幾高檔但食物質素咁差！

侍應問佢咩都唔知，出菜又慢，早餐都可以要人等幾個字，加上食物名不符實，餐牌上分開三文治類，另外就分開什麼熱狗、豬排包、碎蛋吞拿魚包，咁就而為係用類似熱狗包的出現，點知原來係碎蛋吞拿魚文治，用方包夾，咁你就歸入三文治類la，價錢仲要勁唔抵，而且有d騙人成份，但最冇天理係佢竟然有人等位入lai食，根本冇可能，奉勸各位不要幫襯這間店，去食大x 樂好過~

今晚同朋友去呢間野吃飯!!d侍應態度嚴重惡劣!!簡直係受罪呀!!坐低點完野食,無幾耐,個侍應返轉頭想再confirm多次張單驚落漏單,梗係可以啦.之後另一個侍應送飯來,有個飯叫了2個但來了3個,同他說來多左個,他很不滿的說怎會,之後攞起張單說明明寫住3個,我地話落單個位寫錯了,我地己經覆了2次單,可以找落單的人問,他不滿的說是但,取消一個吧!!之後另一個侍應落餐飲,仲惡劣!!除了態度差,仲很不耐煩咁,實在看不過眼,叫了個主任來,話d侍應態度很差,我地來幫襯,倒翻轉要受氣,看面色,好似叫野食要低聲下氣求人咁!!他說明白,就什麼都沒說!!我問他經理在不在,他說己下班.呢間野d服務完全不行!!我地以後都不會再幫襯!!

諗起呢間野裝修完, 星期日晚同媽子去試下由於門口冇餐牌, 入左去之後先知原來貴左咁多, 例如日本野轉套餐(只係加碗飯, 麵豉湯同餐茶), 就要收多25 蚊!!!味道就當然同價錢唔成正比啦!望下隔離臺食緊碟唔知咩意粉, 冇料既,張臺仲要搖搖下...服務又差, 走埋去4 人卡位比人叫返轉頭,但轉頭又有兩個人坐落去先衰格喎,班waiter 又生手, 好似岩岩返工咁

最近裝修後重開, 與之前完全不同, 變成了高檔茶餐廳, 內裡變得很Modern, 可能要配合番屯門市廣場轉走高檔路線吧, 另一方面, 就是可以順勢加價了.在此食lunch, 普通set lunch平均要$40, 較特別的就$50-$60, 包湯及餐茶, 真係貴了很多. 食物就變得精緻了, 份量不多, 走高檔西餐廳那種份量, 味道就幾好, 但客人不算多(是食lunch高峰期), 故在屯門區收得那樣貴, 是不是可行就不得而知了, 但肯定不會常來.如此看來, 晚餐一定都很貴的了.

D 籐椅令人坐得好唔舒服，太矮了，客人享用食物時就像要"趴" 在枱邊吃! 除此之外，d 籐椅同張枱一d 都唔夾! 建議老闆換換d 椅!

為左修理戒指,夜晚同大人去吉吉島走走順便晚飯,本來打算去小巴黎但超多人,近近地去隔離大拇指算數。前舖人多,坐係後面部份,籐製坐椅唔太好坐,尤其我呢d重量級人馬更加,不過呢邊勝在人少比較清靜。大人單叫薑炒飯,以日式小砂鍋+小木架上菜,外型就幾可愛。雖然煲仔細細,原來都可以裝到幾多飯,不過成煲真係只有薑炒飯,別無其他!!大人話勝在少油。自己叫晚餐A:放棄什麼蛋沙律頭盤改為羅宋湯,湯杰如飲茄膏,從未飲過如此質感羅宋湯,湯味偏酸但唔多見有蔬菜,ok啦。白汁煙肉雞絲長通粉白雪雪一兜送上,視覺上完全引唔起食慾。長通粉過淋,一般港式茶餐廳弊病,唔鐘意呢種口感!白汁味道ok,只係自己撈唔勻,變成又咸又淡,雞肉、煙肉份量偏少,幸好近來胃口不佳,無大影響。熱奶茶好濃,幸好唔澀!晨早飲呢杯茶應該比較合適;呢度砂糖包份量比一般糖包小,應該半茶匙左右,適合只落半包/包半糖食客,呢個設計唔錯。服務方面,介乎茶餐廳/餐廳之間,我以茶餐廳服務質素角度去睇,就覺得合符水準lu; thumbs up?? no way!!

10-2-2007同男友食個Tea，法蘭西多士配圓肉紅棗水：中西合壁，味道有點怪，但都不錯．雞腿沙律配凍茶多奶：生果沙律會好一些，okey喇．

同個朋友一齊去大興邨剪頭髮，整呀整，剪完已經１０點２。我倆仲未食飯，於是乎拿拿臨搭輕鐵去市中心食飯喇＞＜～去到市中心１０點半，間間食店都收哂咁濟，記得大拇指２４小時，咁就入去幫襯了。美式雜扒鐵板餐\＄６０羅宋湯﹑蒜蓉包﹑豬牛扒雞翼腸仔薯蓉（各一件）﹑凍Ｏ茶＆甜品侍應話因為太夜廚房冇哂鐵板，只可以用普通碟上。上菜０個陣見到鐵板餐\冇鐵板好似怪怪咁＞＜牛柳天婦羅蝦配天使麵晚餐\＄５０有牛柳２小塊＋天婦羅蝦１隻＋天使麵＋雜菜一堆﹑特式飲品＆甜品味道大致上都不過不失喇，份量方面扒餐\少左ｄ，天使麵餐\都豐富，麵用左好多蕃茄醬０黎炒，唔錯。如果早少少去到，我想去大家樂打邊爐多ｄ＞ｗ＜

平時都會去大姆指食野, 貪佢開到幾夜, d 野食又ok...但早排去就真係好令人失望....見到墊檯張紙, 有一味叫"照燒一口牛肉", 圖片好靚, 十足日式鐵板燒牛柳咁, 姑且叫黎試下..殊不知d 牛肉送到黎, 我地仲以為送錯檯, d 牛肉有青椒, 紅椒, d 肉地勁似中式牛柳, 問下waiter 係咪送錯, 佢話呢個就係照燒一口牛肉...咁咪錯一舊囉, 一食就知係中式牛柳...實在係太貨不對辦, 就要求換過啦~~點知再送黎既係一式一樣既牛柳, 只係冇左d 好似"中式牛柳"既汁, 轉做係齋炸牛柳, 再加d 蒜茸咁...以$32得o個幾舊牛肉粒(約八粒), 就真係好唔抵同好唔好食囉~~勸大家都係唔好試呢個"小食"...但平心而論, 大姆指其他既野食都ok 既, 我都會再去既~~

因為附近冇乜ya食呢間最就腳所以成日幫襯其實無乜好食快餐都係普通個d除左個葡汁豬排好好味不過唔好成日有另外呢度食扒餐都超抵~~連湯及凍飲卅蚊有找d ya食都出得好快so是醫肚的好地方其他就唔好要求咁多了~

同媽咪去中原買完冷氣機，行到好攰，要搵地方黎坐下。大家都唔肚餓，淨係口渴，所以叫左碗九州雜菜拉麵＄３０黎食，加＄９我要杯椰香珍珠。其實３０碗拉麵響呢度食係唔抵食，無奈未到下午茶時段，冇其他小食可選＞＜碗野得ｄ雜菜﹑半隻雞蛋﹑３塊叉燒﹑１舊饅魚。最後我地２母女夾走哂ｄ叉燒（肉又乾但好多肥膏）同饅魚（本身唔食）＝冇啖好食媽咪話碗拉麵唔好食，味千好食ｄ（我心想：咁又係，價錢差唔多＝＝）反而椰香珍珠出奇咁好飲﹗衰在超細杯！我地等到位既時候有個男侍應先同我地講要輪籌等位，因為佢\冇早講關係我地唔理佢\，照坐﹗見人人都係自己搵位架啦，佢\地安排失當呀真係！